زواجي من صهري 💍مكتملة💍

الجزء 153 💍❤️

فالتحت كلشي مجموعين ناشطين حيت باليل غيديرو العرس تاع فهد هوما دارو ليلة تاع الحناء الباح واليوم باليل العرس كلشي واقف على قدم وساق باش اديرو العرس التقليدي العصري هوما ديرين تقاليد على قبل الجدة حيت ميمكنش تسمح فيهم
عند هاجر لي خرجات تستقبل صحبتها كانت لبسة جابدور فالكحل مطروز بالكري خرجات وهي تلقا زياد تاني شافت فيه وهي تحدر عنيها وكتهدر فتليفون مع صحبتها
زياد:(شافها بتاسم ومشا وقف ليها فالطريق نطق)سميتي زياد وانتي
هاجر: وي الحب هاني جاية واحد دقيقة (قطعات تليفون وهي تشوف ف زياد)عفوا
زياد:(كيشوف فيها وكلمت الحب كتردد فودنو نطق وهو مزير على يدو)متعرفناش قالت نتعارفو انا زياد😠(قالها بزاف حيت عند بالو هاجر كتهدر مع حبيبها)
هاجر: سوطني حسن 😠
(وقفة كتخنزر فزياد حتى فيقها صوت فهد لي خرج من القاعة بانت ليه واقفة هي وصاحبو)
فهد:هاجر(دارت شافت فيه وحتى زياد شاف فيه تقدم فهد عندهم شاف ف ختو ونطق)هاجر فين غدية
زياد:هذي هي ختك هاجر
فهد:(شاف فيه وضحك )ههههه كضحك عليا ياك تلقيتها من قبل
زياد:فين
فهد:بالامارة دخل فيك اوس بدماغ عقلتي
زياد: (عاد تفكر فين كان شفها كان وجها مؤلوف ليه نطق)هههه وانت قالتها دخل فيا داك ثور تاع خوك بالدماغ ودر ليا القبلة فين جات
هاجر: غزا فيك حيت انت لي قربتي من مرتو😠
فهد:هاجر😠
زياد: لا غير خليها تهدر انا فاش قربت ليها مكانش فراسي مرتو على كل تشرفت بمعرفتك انيسة هاجر
(هاجر شافت فيه وهي تمشي عطاتهم بضهر)
فهد:هاجر فين غدية
هاجر:غنجيب صحبتي سلمى جات كتسنا فبرى
فهد:اه مزيان (مشات هاجر ودا فهد ونطق)زياد متديش عليا هي صغيرة معرفاش اش كتقول
زياد: (كان متبع العين الهاجر حتى خرجات نطق)عادي اجي كاع مقلتيش ليا هاجر تيتيزة هكا
فهد:(جمع ايدو عطها ليه لوجهو زعزعو)باغي نقتل موك
زياد: الله انعل زمل بوكم واش انا معلياش الله فيما تعجبني شي بنت اخرج ليا واحد منكم مرة خوك مرة انت (جمع ايدو كان بغا ادرب فهد شوية حبس)والله ازمل كون ما ليلة عرسك ومحتاج الوجه تحضر بيه حتى نخصرو ليك
فهد:(شاف فيه كيف معصب بتاسم وهو ينطق)عاود اشنو قالتي ازمل
زياد: نخصر ليك لافيشور.
فهد:الاولة ازمل
زياد: عجباتني ختك وناوي لحلال
فهد:(شاف فيه شحال ونطق )واش باغي تنسا بيها نجلاء
زياد: لا نجلاء نسيتها ملي شفت حب اوس ليها وملي زدت شفت ولدها قتنعت بلي هي ديالتهم ومكتنتاميش ليا انا تلاقيت هاجر من قبل (عاود ليه كلشي )هذاشي لي واقع وانت صاحبي وانا غنجي من لباب كيف ديما
فهد:(شاف فيه)غمرتي بروحك ازغبي وطلعتي لبيت اوس كون اسيق ليك الخبار كون انت دبا فخبر كان
زياد: فهد انا راه رجل وكرمتي هي لي حكمتني مرضيتش وكنت بغيت اجويبا الاسئلتي وطلعت فراسي بلي غلط ولاكين انا متجاوز حدودي وفاش حصلت على الاجوبة نزلت ودبا انا حطيت ليك الكرة فملعبك وطلب منك اختك وانتمنى تيق فيا
فهد:(عنقو عناق رجولي ونطق)فراسك لي كيعجبني فيك هو انت ولد الاصل فيما تبغي شي بنت كتقصد ولي امرها انت من قبل كان فيك تفلى فنجلاء ولاكين قصدتني وحتى دبا قصدتني ف هاجر وانا غندير جهدي تكون ليك
زياد: (فرح )وانا مغديش نحشم بيك
فهد؛بقا لينا البركان شكون اقنعو
زياد: هذاك الى مبغاش اتقتانع ندير فيه ايدي ونخنقو هذا المرة 😠
فهد:غير الى قدتي عليه خنقو ههههه(جر زياد دخلو ونطق)اجعل الله خير
داز داك النهار وصل اليل الكل مجموعين فالقاعة والشعبي مطلوق دخلات العروسة والعريس كانت لبسة تكشيطا فالبيج منبت بالعقيق ومعها اكسيسورات فالدهبي تاج فوق رسها شد فيد فهد لي لبس كستار اسود توجهو جيهت العمارية وهزو اميرة كيدورو بيها فالعمرية
فالطبلة كانت العائلة مجموعين وكين اوس جلس جنب نجلاء شد اويس لبس كستار اسود مع قميجة بيضة كيبان بگوص وجنبو نجلاء لبسة قفطان فالشيبي منبت بالعقيق دير بحال لاغوب مجموع من الفوق ومطلوق من لتحت وشعرها جمعاتو مشيطة وديرة مكياج خفيف بزز باش خلها اوس لي طر اجلس جنبها غير من الغيرة سلات دوارة تاع العمارية نزلو اميرة مشات هي وفهد جلسو فالبرزة فلبيض دير بيها الورد طلق شعبي وناضو البنات كيشطحو )
نجلاء: نمشي نشطح
اوس:(شدها جلسها وهمس ليها فودنها)مبقاش فيك الدم والوجع ريحي الارض
نجلاء: ياي على مسموم بحلا غنشطح بكنازتك 😒
اوس:ماشي مرتي لي تلوز لناس ريحي حتى نكون انا وياك وشطحي ليا
نجلاء: حلم بيها شطيح لي بقا ليا معاك
اوس:ممم ماشي حلم ابب مزال كنتسالك شطيح وحوايج اخرى 😉مزال نتفاهمو على داك تبرهيش لي درتي ليا قبيلة
نجلاء: (بدات تلف فالهدرة)حم اميرة جات زوينة وزوينة طكشيطة لي لبسة والبرزة زوين العرس ياك
اوس:وي زوين العرس والعروسة والعريس وضياف وحتى انتي زوينة مي حقي مزال ناخدو والله لا تفكيت
نجلاء: (ولات حمرة بحال ماطيشة شافت جيهت فاختة لي شدة اقبال ناضت وهي تنطق)توحشت بنتي نمشي جنبها(هربات من اوس ومن هدرتو حيت حشمها وخلعها فنفس الوق)
اوس: ارى متهربي الشنولة (بقاو جلسين كيشربو فاتاي والحلويات المغربية والناشط العروسة والعريس غدين داخلين خارجين كيبدلو فالبسات كلشي ناشط من غير براهيم لي جلس مع دريس ومصطفى كيشوف فنجلاء ويتحسر على طفولتها لي ضيع وعلى كبرها حتى هو هو حرمها من طفولة وحرمها من العرس مشفهاش عروسة بقا غير كيشوف حتى سلا العرس لبست اميرة الغوب وجات دخلة هي وفهد على اقاع اغنية على بالي حبيبي ل اليسا وصلو البرزة خداو صور مع العائلة ومع صحاب من ضيمن هذا صحاب زياد لي العرس كامل وهو مراقب هاجر لي كتشطح ومرة مرة كتبادلو نضرة وضغية تهرسها مكتكملهاش فيه بينة غير كتخطفها منو قطعو العرسان الكيك وهوما فرحانين طفا ضو وسكتات الموسيقى وكلشي تدهشر وكيسولو اش واقع اش طاري
(كلشي كيتسائل اش طاري اميرة كتقلب على فهد لي مبقاش جنبها )
اميرة:فهد فينك
اويس:بابي بوع
اوس:هاني حبيبي
الجدة:اش وقع شي حد ارد ضوء (اوس كيقلب فتليفونو بغا اشعلو حتى سمع صوت حنين هز راسو بان ليه ضو درب فيها شدة ميكرو كتغني وعنيها مغمضين سرح فيها )
نجلاء:وشحال من واحد الدنيا داتو بدلاتو يا ونساتو بعداتو ع الحباب وملي جا يعوض كاع لي فاتو خلاتو فحياتو تايه ماليه جواب(هي كتغني وفهد رجع عند اميرة هو ويها تافقو طلبات منو اعونها وهو لي عطا الامرة باش اتقطع ضو رجع كيشوف فيها وكبتاسم ودموع فعنيه حيت تفكر فاش قالت ليه عوني ندير مفاجئة لبابا بغيت نصالحو )
فهد:(كيمسح فدموعو )😭
اميرة: (حتى هي كتر منو تخشات فيه كتسنط لداك صوت الحنين )😭
نجلاء:(نزلات من لبلاصة فين كانت كتغني ومشات عند براهيم وضو تبعها وصلات عندو وهي تنطق)بويا وشحال محتاجة ليك ونحط الرأس عليك (شدات ايدو بستها وحطات رسها فحضنو وكملات ودموع فعنيها) شكون ضهري فدنيا غيرك ربي اخليك ولهلا يحرمني دعاك ولا الفرحة لي معاك(بستو فراسو براهيم مسكين معرف باش تبلا بقا غير كيدمع وهو مكوانسي من صدمة مبقاش قدر اهز ايدو كيسمع غير لصوتها ويحس بقبلتها مرة فيدو مرة فراسو ) انت بويا وانا بنت لي طمعة غير فرضاك(تشعل ضوء كامل تاع القاعة وهي شدات فيد براهيم وكملات غنها شافت ايوب جا عندها حوط كتفها كبكي وقف جنبها وامال ورشيد ) وفين غدي بينا فين اه اليام وفين وتفرقنا بعض ما كنا مجموعين وشحال من واحد دنيا داتو بدلاتو نساتو بعداتو على الحباب..........(بداو العائلة انوضو عندها كلهم جاو وقفو جنبها من ضمنهم الجدة لي شدات عكزها ومشات عندها وكلهم دموع فعنيهم )
ملي قراب الناس ليك ايوليو غراب عليك عاد تفهم قمت لي ضيعتو من يديك سدينا كاع لبواب حلوة اللمة والحباب فرطنا فالمحنة غاب الفرحة غاب وفين قولي لينا فين اه اليام وفين(شافت اوس لي مزال جلس بلاصتو باين مصدوم كان شاد اويس مدات يدها ليه زعمة اجي وهو معطلهاش ناض تقدم عندها شد فيدها وكيشوف فيها نجلاء كملات اخير كلمة ) خلينا نرجعو كيف كنا وكنا مجموعين
نجلاء ؛(دارت عند براهيم وهي تهدر معاه )هذا الغنية عندها معاني بزاف وانا ختريتها لداك المقطع تاع بويا شحال محتاجة ليك بغيت نقولك وخا كبرت وخا نشرف ويطيحو سناني انا غنبقا محتاجة ليك بزاف فحياتي ا باااااااباا سمحليا على اي حاجة خايبة صدرات مني انا اي حاجة درتها من قبل كنت نديرها باش نحسك معيا كنت كنفرح وخا دربني وخا تسبني مهم كتهدر معيا وتقيصني
براهيم ؛(جرها عنقها لصدرو وبدأ اشهق بالبكى وكيطلب منها سماحة)بنتي سمحليا عافك كبيدة ديالي سمحليا بزاف الله احفضك لما سمحليا
نجلاء: (تخشات فحضنو ودمو فعنيها نطقات )انا عمري حقدت عليك باش نسمحك ابابا الله اسامح اما انا مسامحك دنيا واخيرة
الكل ؛😭😭😭😭😭😭
اوس:(قرب عندها بسها فرسها مفتاخر بيها بدا كيسكتها حيت كتبكي بحال شي بنية صغير )شش نجلاء