تنهدات نجلاء وهي تمسح عنيها لي عامرين بدموع وهي حيدات داك الفلاشة من لبيسي وجمعاتو وهي تجلس كتخمم وتفكر فهدرت ختها تفكرات اوس فاش قال ليها راه هذاشي كان طلب سهام
نجلاء: انا ضلمتو هو غير كينفد اخير طلب لمرتو اووف اش هذا لقدر وهذا الالعاب لي كيلعب معيا (دارت شافت ف اويس وإقبال وهي تنهد هزات داك لبيسي سداتو وخرجات غدية تديه لبيت اوس وهي تلقا مع سعاد
سعاد:المتشريدة لقيتي وطنك تمكنتي خلاص
نجلاء: (شافت فيها وهي طلعها وتهبطها )فراسك انتي كتنبشي فيا والى وريتك وجهي يا إما تباتي فالكنينك يا فالقبر يا تلوحي حويجك وتخرجي لزنقة دكشي علاش غدي نوفر عليك هذاشي كامل ونصحك تقاي شري حسن ليك(تمشات بغات دوز شوية رجعات وهي تشوف فسعاد) كنضن شفتي كيف دربت دراري قوتهم ضعف دالقوة تاعي وكيف مشيت لكوميسرية وهانية متسوقتش سولي ولدك وبنتك ايعودو ليك كيف فلقت واحد قدام الكوميسير يعني انا مقطعة الوراق ومكيهمني حتى حد ولي توشاني نوريه الويل دكشي علاش امدام سعاد غنقولك فوتي سحتي حيت لعبي ماشي هو لعبك انتي كتلعبي بالهدرة وخشيان المعاني وانا كلعب العاب اخرى لي صحتك ماشي قدهم (دازت وخلتها واقفة كتشوف اول مرة نجلاء تهدر معها بهذا البرود لي كيخلع مشات سعاد لبيتها وهي مصدومة اما نجلاء دخلات لبيت اوس حطات لبيسي حلاتو بغات تمسح صورتها وهي طلع ليها صورة سهام بقات كتشوف فيها شحال
نجلاء: اختي عمري رفضت ليك طلب ولاكين هذا المرة صعيب دكشي علاش غنقولك خليها الزمان والوقت نشوفو اش يوقع (سدات لبيسي وخرجات مشات نزلات لتحت جلسات مع البنات كيضحكو وهي غير جلسة وصطهم مرفوعة داز داك النهار وصل ليل ومبانش اوس كلشي طلع ينعس اوس مبانش ليه اتار نجلاء طلعات دراري نعستهم وجلسات كدور معرفاتش علاش جها هذا الاحساس غريب اول مرة متشوفش اوس هذا المدة كاملة
نجلاء: هو فين مشا مرجعش لدار مموالفاش ليه اتعطل برى (بقات كدور فالبيت وتشوف فساعة وصلات جوج دليل مبانش وهي تمشي تنعس)
عند اوس لي مشا لفيرمة فاس بات تما هو بعيد على نجلاء بغا يرتاح شوية ويخليها ترتب افكارها حتى هي
اوس:اتكون شافت ريسالة تاع ختها معرفت اشنهي ردت فعلها (تفكر فاش كان ديما يتسنا نجلاء تلقا ريسالة تاع سهام حتى عيا واحد نهار خلاتو نجلاء فالبيت مع دراري وناض قلب عليها حتى لقها وهو يخبيها عندو)انا كنت بغيتها تبغيني وتقبل زوجنا بلا ميجبرها حد ولاكين فاش سمعت كلمها مقدرتش نخليها تفكر بلي هي كتخون ختها (تنهد وهو يجبد تليفون كيدوز صورها ويتفكر اول مرة شفها فاش كانت صغيرة كيفاش لفتات نتباهو بتاسم)كون كان لي يقول ليا بلي انا غنتزوجك ديك ساعة كون ضحكت عليه (تفكرها وهي كتجبد المعزة من ودنها وفاش كانت كتبكي وهزها كيمسح ليها دموعها بقا غير يضحك محس براسو امتى غفى
صباح جديد يوم جديد يوم عرفة ناض اوس بكري مشا دوش ولبس حوايجو عبارة على تيشورت بيض وسروال دجين نزل وركب للوطو تاعو وتوجه لفيلا فين كان الكل فايقين لبسين احلا ما عندهم اليوم الكل صايم فالدار ومنهم اوس حتى هو صايم دخل لقا لبنات مجموعين وكيحنيو وحتى الام تاعو ومريم حناو يديهم ورجليهم
بقا كيدور فعنيه كيقلب عليها
فاختة:(كانت جلسة فوق واحد الفوطوي والحنة فرجليها ويديها شافت اوس دخل وكيقلب بعنيه)ولدي كتقلب على نجلاء
اوس:اه الوليدة بصحة فينهي
فاختة:رها فالكوزينة كتفطر دراري
اوس :اه شكرا (مشا الكوزينة لقا نجلاء لبسة قفطان خفيف فشيبي وحطة اويس واقبال قدمها فكرسا تعاهم شدة بيبرونة ل إقبال واويس كتوكلو فرماجة والخبز شاف فيهم وبتاسم
اوس:صباح الخير وليداتي
نجلاء: (دارت شافت فيه وهي تنزل رسها وكتهدر بوحدها )عاد طفات عليك شمعة وبانو ليك وليداتك فين كنتي ليل كامل
اوس:(قرب عندهم باس اويس واقبال وهو يبوس نجلاء فرسها)لباس عليكم
(نجلاء حلت فيه فمها وخشات ل اقبال رضعة فمها حتى شرڨت عاد افاقت لقتها كتكحب )
نجلاء: بسم الله عليك بنتي بسم الله اووف
اوس: (تحنا هز اقبال )شو بيبي خلاص (دار شاف في نجلاء) مالك سهاية شوية ومتقتلي لبنت
نجلاء:اه سهيت شويا احم(كتهرب عنيها منو هو صدمها طريقة باش بسها وتفكرات هدرت ختها)
اوس : عطيني الولاد توحشتهم نوكلهم و نلعب معاهم انتي سيري ديري الحنة مع لبنات
نجلاء:لا لا مبغيتش نديرها انا معنديش معاها غير خليني
(تحنا اوس هز اويس مع اقبال وغادي )
اوس : نجلاء هدرت معاك سيري دري الحناء وجلسي مع لبنات فوجي شوية (نجلاء مبغاتش تمشي جلسة كتشوف فيه او مستغربة منو حتى فيقها اوس )يلا نوضي واش تباتي تما
(ناضت نجلاء وتمشات معاه حتى وصلو لصالون نطق اوس)
اوس :الوليدة ديريو معكم ل مرتي لحناء
فخيتة:راه قالتها ليها وهي مبغاتش
نجلاء: اه انا منقدرش نديرها حيت دراري كيبغيو لي يهزهم
اوس:انا غنتكلف بالولاد وغنشدهم حتى تكرم ليك الحناء يلاه سيري تحني
فاخيتة: اجي بنتي حديا باش تبداي (مشات نجلاء جلسات قدام نقاشة و ساكت و حطت يديها و بدات لنقاشة تنقش ليها حتى كملو وجلسو كامل رجال العائلة و نساء يهدرو حتى بدات اقبال تبكي ناضت نجلاء )
نجلاء: نمشي نحيد الحناء ونهزها (غدية لبيتها تغسل وتبعها اوس ب إقبال لي كتبكي )
نجلاء: (دخلات لدوش غسلات وهي تخرج لقات اوس كيراري ب اقبال مشات هزتها من عندو)مالك حبيبة ديالي هأ
اوس:مدرتوش ليها الحناء حتى هي وتفگعات ليكم ياك بنتي
نجلاء: هأ هذيك الحناء غيها دوليو انخلط لبنتي حناء زوينة ونديرها ليها اتكون بحال سهام عزيز عليها الحناء بزاف (بقات كتهدر بطلاقة مع اوس
اوس(عجبو الحال كيشوف فيها كتهدر معاه ونطق)وانتي كتعجبك
نجلاء: لا ماشي بزاف انا اخير مرة درتها كان العرس تاع سهام من ديك ساعة مبقيت حنيت ولا لبست قفطان ولا جتى حاجة تاع لبنات
اوس:(شاف فيها مشات جلسات فوق سرير وهو يقرب جلس جنبها ومد يدو شد يدها كيشوف فنقشة لي دارت )جاتك زوينة بزاف حيت اول مرة تعاودي دريها جات معاك
نجلاء: (شافت فعنيه وهي تنتر يدها غير بشوية من يدو )درتها غير حيت خالتي كانت طلبتني شحال وفاش جتي بغتي تشد لولاد مبقات ليا سبة ودرتها
اوس:مممم مزيان مهم درتيها بصحتك
نجلاء: (دورات وجها كتشوف ف إقبال لي بدات تنعس وهي تبقا دوز ليها على شعرها)كان فيها نعاس
اوس:شعرها كيشبه ل شعرك فاش كنتي صغيرة
نجلاء: (دارت شافت فيه وهي تنطق)مالك شفتني فاش كنت صغيرة
اوس:هههه اه شفتك كنتي تجري المعزة من ودنها تكون فعمرك ديك تلات سنين فاش ماتت جداك جينا عندكم انا والوليد وشفتك كنتي صغيرة بزاف
نجلاء: (جلسة كتشوف فيه كيعاود ليها كيفاش جرات المعزة من ودنها جتها ضحكة)هههههههه كاع معقلتش انا
اوس:راه كنتي صغيرة(سها فضحتها)
نجلاء: انا عقلت مرة وحدة تلقيتك من قبل كانت (سكتات ف اخير للحضة مكملاتش كانت غتقول ليه فاش دربتك بحجرة شافت فيه )
اوس:امتى
نجلاء: حم بغيت نسول واش عمرك تلقتني من غير ديك الساعة
اوس:(شاف فيها وصغر عينو وهو ينطق)مممم كنت تاني مرة نتلقاك (قرب عندها وهي حالة عينيها فيه)فاش دخلت لقيتك جلسة فصالون تاع داري ومبغتيش تهدري معيا
نجلاء: اه حم صافي اقبال نعسات(نضات وهي تقول مزيان ملي معقلش بلي دربتو هههه)
اوس: (كدور باغي يعرف واش شافت ريسالة تاع ختها ومقدرش اسول ناض وقف )حم نمشي نتكا بيما يأدن العصر
نجلاء: (شافت فيه )انا نزل نشوف اويس (خرجو اوس مشا لبيتو تكا ونجلاء نزلات لتحت لقات اويس مع هاجر جلسات معهم حتى قرب ادن العصر صلاو وناضو يوجدو الفطور حيت كلشي صايم
وجدو الفطور تجمعو عليه كاملين دارو على طبلة المغربية المتنوعة بين الحلو المالح فطرو وجمعو المواعن جلسة فالجردة
مصطفى:تقبل الله صيامكم شحال زيوين تجمع العائلة هكا انا اسعد رجل فالدنيا كنشوف ولادي كبرو وشفت حفايدي وعيلات ولادي(شاف ف نجلاء واميرة )ولاد خويا وختي ديرين بيا عمري نسا هذا العيد
جاد:اه عمو زوين العيد فالمغرب كون عرفت هكا داير عمري نفوتو
فاختة:ايوا راه ديما خالتي كطلبكم تجيو تعيدو امكم لي مكتبغيش
جاد:صراحة اول مرة نجرب هذا الاجواء شفت لبنات ديرين الحناء وسمانة قبل وانتما توجدو العيد وصيام والافطار مع بعض
اوس:باقي مشفتي والو غدا وتشوف
اسراء؛واش غدا غدي نعاودو نحنيو ونصمو
الكل:ههههههه
فهد:لا غدا غدي نفيقو نمشيو نصليو صلاة العيد وندبحو ونديرو المشاوي
اميرة:ياي كيعجبني شوا
الكل:هههههه
(كلشي كيضحك وناشط الا انسانة واحدة بينتهم كتشوف هذا الاجواء الغريبة صحيح هي عاشت فالمغرب ماشي بحال هذو لي عيشين برى المغرب ولاكين حتى هي جها هذاشي غريب مسكينة عمرها دوزات شي عيد زوين وعقلات عليه عمرها حنات بحال لبنات ولا لبسات حوايج جداد بصاح خوها كيشري ليها هو والعربي ولاكين توريا كتهز ليها دكشي بقات غير تشوف حتى حسات بدموعها غيخرجو ناضت ستأدنات منهم وطلعات لبيتها
❌❌❌وا البنات راكم فهمتني غلط انا مقلتش غنوقف زواجي من صهري لا بالعكس غنكملها وغنبقا نحط ديما كيف موالفة انا قلت ليكم زعما من بين دوك القصص عزلو معايا أشنو تبغيو نحط اللول زائد واش نخلي حتا نكمل زواجي من صهري عاد نبداهم ولا نحطهم قبل ما نكمل زواجي من صهري يعني نحطهم فدقة كيف دايرة دابة كنحط زواجي من صهري وفنفس الوقت كنحط عذراء بالمزاد
أنت تقرأ
زواجي من صهري 💍مكتملة💍
Romance💎مكتملة💎 ❌حصرية على الواتباد ❌ ها واحد سلام عليكم حبيباتي بلسان الكاتبة: جبت ليكم بقصة جديدة بلا منقول عليها قمبولة💣 الموسم حيت انتما لي غتحكمو فالاخر واش قصة ناجحة ولا غير خربشة 😏 مممم قسوة الاب وفقدان الام 😢حب الاخوة👭👫 حنان الجدة👱 زوجة ا...
