زواجي من صهري 💍مكتملة💍

الجزء 43 💍❤️

**بارت 43**
مشات سهام صلات وجلسات هي  وحب قلبها فالصالون هو جلس فسداري وهي مجبدة  حداه وحطى رسها على حجرو
اوس:كسولة باقي غتنعسي
سهام: ماعرفت مالي هذا الايام غير كنحط راسي كيجني نعاس وكنحس براسي بغيت غير نعس منوضش (بدأ فيها الحمل)
اوس:مممم هذا بسباب البخوش لي فكرشك هو لي معگزك هكا
سهام:(حطات يديها على كرشها بحب )اوس انا فرحانة بزاف واحدة الفرحة متوصف  شفتي اوس رجعنا لبلادنا والفرحة بدات ترجع لينا
اوس:وي المغرب فال خير علينا
سهام: مبقاش نرجعو لبرى ياك
اوس:محدك مبغتيش ترجعي انا غنبقا معاك حبي (الله امسخكم عطوني غير وراق تاعكم وفلوسكم نمشي فبلاصتكم 😒)
وصل الغدأ ناض اوس جد دكشي وداه حطو فالكوزينة
سهام: ممم ريحة كتشهي اشنو طلبتي لينا
اوس:جيبت الحوت وسلاطا وبيتزا
سهام: مممم 😍 اجي ناكلو
اوس:حم فيقي خوتك تغدا
سهام: ناري نسيتها غير شفت المكلة نسيت جوجو نمشي نفيقها (مشات دخلات لبيت عند نجلاء بدات دوز ليها على رسها بحب )نجلاء حبيبة فيقي
نجلاء: سهام خلني نعس عافك كنحس براسي مهدودة بغيت غير نعس
سهام:😔حتى انا فحالك مي يلاه ناكلو ونعسو
نجلاء: گهمني مسمن لي كليت سري انتي كولي حتى نفيق وناكل
(عيات معها سهام مبغاتش تنوض ليها خرجات سهام لقات اوس حط الغدأ ووجد طباسل داير بحساب نجلاء هههه)
سهام: (جرات كرسي جلسات فيه )نجلاء مبغاتش تنوض قالت كتحس برسها مهدودة وبغات غير تنعس وقع ليها بحالي(هي كتهدر بعفوية اوس خرج عينو )
اوس:(جلس فكرسي كيفكر مع راسو)ناري عندك تكون حتى هي حاملة 😮 مصيبة هذي (هاز عينو شاف فسهام ) مالها ياك ما مريضة
سهام: لا حرارتها طبيعية غير بغات تنعس
اوس:ياربي سلامة(قالها بشوية)
سهام: نعم
اوس :والو كولي حبيبة (ان بعض الضن اتم اسي اوس )
كلاو وجمعو مواعن دارتهم سهام فالماشين تاعهم اتغسلو
ومشاو دربوها بنعسة حتى هوما كيديرو ليبيتيز 😌 خليونا منهم
ادن العصر وفاق اوس وسهام لي دوشو وصلاو مع بعضهم
اوس:سهام نخرجو ومنها نمشيو نتقضاو لختك متلبس وتبدا ديك شوهة😒
سهام:اوس عافك ياك قالتي مغديش دخل شوف غير خليها راه والله حتى تبدل وتولي تلبس حوايج محترمين اوس راه كلشي بالقناعة ماشي بزز
اوس:(كيشوف فيها ومطلع حاجب ومنزل لاخور)فراسك كون عرفت هكا ديرة كون جيت من شحال هذا ديتها تعيش معنا وشوف لقناعة ولا بزز
سهام: اوس شوف نجلاء راه بزز باش قنعتها تجي معيا وعيت معها حتى تنزلات وقالت تجرب تشوف كيفاش ديرة العيشة معنا وراه الى زيرتي معها من اول نهار هي غدي تبغي تمشي ترجع لبلاد
اوس:عمرها ترجع من ليوم ماشي لي بغات هي لي غتكون مهم غنعيط لعمي براهيم اعطني سولطة فيدي وديك ساعة غدي نروديها حتى ترجع نجلاء لي كنتي تعاودي ليا عليها😌
سهام: (بقات غير كتشوف مع من وحلات محلتها لرجلها لي زعمة مول لعقل محلتها لختها تنهدات )اوس زعمة هدرنا فهذاشي من قبل والى انت باغي تسلط على البنت انا نردها منين جبتها من دبا تمشي تعيش فسكن الداخلي حسن ليها
اوس:(شفها تقلقات وهو يقرب عندها شد يديها بحب وكدير ليها غسل الدماغ 😒)حبيبة واش شفتني كيف كنتعامل مع هاجر اختي فاش تغلط هاأ
سهام: اه شفتك مسكينة ولات ترعد منك
اوس:ماشي ترعد هي كتحتارم شوفي سهام البنت الى مربيتهاش من صغر راه تكبر توحل معها مغتبقاش دير بحسابك وشوفي نجلاء اختك ومنبغيش نسمع عليها شي حاجة خايبة بغيت نشوف خالت ولدي حبيبة كيف وصفتها ليا مرتي ديك نجلاء ضريفة المأدبة
سهام: اوس صبر عليها غير تنضج شوية ودير عقلها سايس معها دبا ونديوها على قد عقلها حتى نرجعوها كيف كانت
اوس:مممم اجي فاش كنتي قدها واش كنتي هكا وكتلبسي هكا
سهام: لا كنت مبهدلة ههههه كلبس سايات وزيف ودكشي مفضفض كون شفتني كاع متزوج بيا 😂🙆
اوس:(سها فضحكتها )ههههه راه شفتك بالبيجمة الحمرة وسندلة زرقة وتزوجتك ابب😍
سهام: ههههه اجي واش عقلتي على نجلاء كيف كانت
اوس:اه عقلت عليها كانت صغيرة وزوينة شعرها رطب وعنيها الكبار وعقلت فاش كتجر المعزة من ودنيها 😂
سهام: وي كانت زوينة بزاف وبريئة 😍
اوس:  ودبا غرجعها بريئة تاني
سهام: (درباتو لكتفو)بعد منها ولا نرجع عيشورية كيف كنت
اوس:ههههه ملي غترجعي عشورية صافي مندخلش فنجلاء
سهام: فيا جوع
اوس:(جرها من خصرها )ممم حتى انا فيا جوع ديال شي حاجة
سهام: (كتلعب ليه فلكول تاع تيشورت)انا مخصنيش نبقا ندير بزاف حيت انا دبا حاملة
اوس:😒😒يعني
سهام: يعني غتصبر معنا حتى تفوت هذا 3 شهور الى بغتي زعمة
اوس:منصبرش معاك حتى تفوت 9 شهور 😌
سهام: ههههههه حتى هذا نضر
اوس:(خشا وجهو فعنقها)ناكلك لموك نوريك نصبر ممم
سهام: مصارني كيزغرطو
اوس: اتي كلتي داك المسمن وزدتيه نص فالغدا بوحدط وكتقولي فيك جوع كاع كاع مقالتها اختك لي كلات مسمن من صباح
سهام: ناري تفكرت نجلاء مكلاتش معرفت واش فاقت (خرجات مشات عند نجلاء لقتها مزال مجبدة ولاكين هذا المرة حلات عنيها جلسات سهام جنبها كدوز ليها على رسها)نجلاء حبيبة فقتي
نجلاء: حلمت بيك
سهام: اش حلمتي احبيبة
نجلاء: عطتني قلب سكر بيض ودورتي عليه سلسلة تاعك وقالتي ليا دياك خوديه
سهام: ههههه مزيان ملي عطيتك شي حاجة حلوة
نجلاء: (مجبدة وعنيها محلولين وكتهدر بهدوء)كنحس براسي مدگدگة بزاف
سهام: نوضي دوشي غترتاحي ويلاه نخرجو ندورو اوس ايخرجنا
نجلاء:(غير سمعات سميتو وهي ترفض) لا مابغيتش نخرج
سهام: علاش حبيبة
نجلاء: مجاتنيش على الگانة
سهام: اه وخا حتى غدا ونخرجو
نجلاء: غير خرجو الى بغيتو انتما وغدا راه غنكون قارية الى بغيتو تخليوني نمشي نقرا
سهام: (عرفات بلي بقا فيها الحال على صباح)اه غدا غتمشي وغنوصلك نشوف فين غتقراي
نجلاء: اوكي
سهام: يلاه تاكلي شي حاجة
نجلاء: نو مفياش
سهام: مكلتي والو من صبح
نجلاء: (تفكرات هدرت اوس وفاش عيرها )لا كليت حتى تگهمت (وقفات )نمشي ندوش ونبدل هذا الحوايج(هي باقية بحوايج برى)
خلتها سهام وخرجات مشات تاكل ههههه الحلوفة نجلاء دخلات دوشات وخرجات نشفات رسها وهي تلبس واحد سروال كيطمة وتيشورت كتبان بحال شي دري ههههه خرجات بان ليها اوس وسهام جلسين كيديرو كسكروط توجهات حداهم بلا متهدر بلا والو وقفات وهي تهز واحد قرعة تاع زاج فيها الماء گرگرتها كلها وهي تحطها بانت ليها واحد سلة فوق ديك طبلة فيها دسير هزات تفاحة وهي تخرج توجهات لاطيراس ومشات جلسات فداك الكورسي كتزعلل برسها ودارت ليكيت فودنها وكتغزز سنانها فالتفاحة