نجلاء: (بدات تبكي وحطات يديها على وجها بحال شي بنية صغيرة)هئ هئ هئ انا مكنتش بغيت نوصل لهذاشي انا تعصبت من ديك زينب حيت جات عندك وهي عريانة بغات تبات معاك وهي قبل مشات كتقيس فيك وقالت الميمة بلي حنا مكنعسوش فبيت واحد وعصباتني وبغيت نربيها شوية والله معطيت والو لخالتي سعاد هي لي مشات عندها دوقتها زينب وانا هئ هئ هئ معرفتش هذاشي غيوقع كاع منعطيهم ريبي ونيصكافي كنت عطيتهم غير دواء ادير ليهم سريسرة براكة وندير لهم الحكة صافي ونطيح ديك العوجة على فمها 😭
اوس:(جابت ليه الضحك حيت غطات وجها وكتبكي وتگر بكاع لي درتو هههه بالخوف لي زرع فيها هو باغي يخلعها باش مبقاش تعاود)ايوا اش ندير ليك انتي زرعتي ودوزي حصدي راه كلشي كيتسنا لتحت
نجلاء: (حيدات يديها من على وجها ومشات عندو شدات فيدو وكتبكي )هئ هئ اوس انت مغديرش دكشي لي طلبو منك ياك اوس انت مغديش تفضحني قدامهم انا منقدرش ندير دكشي انت اوس مغديش تغتصبني ياك حيت سهام خلاتني عندك امانة هئ هئ هئ عافك مديرش دكشي لي قالو ليك والله عمر شي حد قاصني ولا قرب ليا انا باقي بنت اوس كنحلف ليك بالله مغلط ولا (قبل متكملها حط اوس صبعو على فمها سكتها )
اوس:(شاف فيها كيف كتحلف وهو يمد صبعو سد ليها فمها وجرها لصدرو ونطق)حبيبة متحتاجيش تحلفي ليا انا تايق فيك كتر من راسي وعارفك نقية وطاهرة ششش تهدني متخافيش
نجلاء: (دورات يديها على ضهرو )انا خايفة اوس مبغيتش ندير دكشي هئ هئ هئ لي طلبات منك الميمة
اوس:ششش مالي انا تسطيت نديرو انا تايق فيك بزاف وعارفك اش كتسواي (بعدها عليه مسح ليها دموعها وهو يشد فيدها وجرها معاه)
نجلاء: فين غتديني
اوس:سكتي وتبعيني (جرها حتى وصل لتحت قدام كلشي وقف كيشوف فيهم ونطق )كنضن كتسناو شي حاجة لي اصلا ماشي من حقكم مرتي وشرفها شرفي ومرتي انقى من تلج الابيض وانا تايق فمرتي وبزاف وكنضن الدخلة كتكون مرة وحدة فالحياة ماشي جوج مرات ولي باغي دم راه ديال الحولي باقي منشفش من البلاصة فين دبحنا وراه البركاصات تاع زبل عامرين بدم امشي ابدأ الحس فيه حتى يخرج ليه من ودنيه ولي سمعتو قال مجرد حرف اسيئ بيه لمرتي غدي يلقاني قدامو نقلب عليكم الدنيا نجلااااااء مرتي وشرفي ومرت اوس العلامي وشرفو خط احمر ولي نسمعو حل فمو بشي حاجة ميلوم غير راسو والى جيتو عندنا باش تستقبلو الميمة الميمة رها وصلات بخير وسلامة وهي وصط درها تقدرو تفضلو الله يعرضكم لسلامة (خنزر فالعيلات وهوما ينزلو رسهم مصطفى شاف فولدو وبتسم فتخر بيه حيت دار قيمة لمرتو قدام كلشي وحتى فاختة لي كانت جلسة على اعصبها خايفة على نجلاء من تقاليد ديال زمر تنفسات صعداء ومريم البنات حتى هوما رتاحو وفهد حتى هو رتاح كان غيطلع اتبع اوس شدو غير مصطفى لي كان متأكد بلي اوس مغديش يأدي نجلاء )
فاختة:(مشات شدات نجلاء لي كتبكي عنقتها لصدرها)ششش حبيبة متبكيش
بنت خت الجدة:اوس اش هذاشي كتجري علينا من دار خالتي
الجدة:لا ماشي داري دار اوس ومصطفى داري راه مسدودة من شحال هذا
اوس:(شاف فجداه لي جوبتها وهو تبان ليه زينب جاية كتحك بحلا فيها جربة نطق)مجريتش عليكم خالتي قبل حتى بديتو تخشيو نيفكم فاموري شخصية عاد انطقت
خت الجدة:ايوا ولدي حنا سمعنا غير مرة عمك هي لي هدرات
اوس:مرت عمي هدرات مي ديك مرت عمي واش بانت ليكم طبيعية الى بغتي تعرفي حقيقة زواجي انا ومرتي سولي حفيدتك المصونة (شاف فزينب لي كرمات بلصتها وكمل)هي جات البارح لبيتي وشافت كلشي على عنيها والغريب انها جات معرية ومقدة الحال سولوها اش كانت بغات توصل ليه وكنضن هذي سيرة فين تلهاو هذا العام دوزو بيها البرد وشمسو بيها فدروبة
الاب تاع زينب:(ناض وقف مشا عند زينب جمع معها بواحد تصرفيقة )الحمارة هذاشي لي ربيتك عليه
زينب:(حسات بالخرية نزلات ليها )هئ هئ انا مدرت والو طاتي سعاد لي طلبات مني ندير دكشي
اوس:مزيان هاهي وراتكم طاتيها سعاد من اي طينة هي ودبا تقدرو تخرجو وتحلو مشاكلكم برى هذا الدار (شاف فنجلاء لي مخشية فصدر فاختة وهو يخرج خلا روينة وراه اب زينب كيسلخ فبنتو لي خرات والجدة كتعير فبنت ختها هي وختها دريس طلع لمرتو لفوق جاد خرج فحالو اميرة كتبكي حشمانة من فعايل امها عنقها فهد مصطفى وفاختة كيسكتو فنجلاء لي حشمانة حيت حطات اوس فهذا الموقف وحطات العائلة كلها فيه
مصطفى :(كيطبطب على كتف نجلاء)شش بنتي متبكيش سمحلينا على لي وقع
نجلاء: (كرهات رسها حيت هي سباب فهذاشي كامل وكيكلبو منها سماحة تاني ههههه)هئ هى سمحليا انتما اعمي
مصطفى: ششش علاش نسامحوك انتي لي سمحلينا حيت بسباب هبال مرت خويا تحطيتي فهذا الموقيف المحريج
(نجلاء يلاه بغات تهدر تقول لحقيقة حسات بشي حد جرها من حضن فاخيتة هذا اوس لي كان خارج بغا ابدل ساعة بخرى حتى تفكر الموصيبة تاعو لي خلى فالدار عرفها غتسرسب كلشي رجع وفيعلا لقها كتستاعد باش تقول اش دارت جرها من درعها وقفها)
اوس:اجي معيا لفوق
فاختة:اوس
اوس:الوليدة مدخليش عافك بيني وبين مرتي (جر نجلاء لفوق دخلها لبيت وهو يسد لباب ودار ليها )اش قالك مخك هأ علاش بغتي تعاودي ليهم اش زبلتي شفتيني من صباح وانا نغوت على ناس وندير ليك قيمة وانتي باغية دربي كشي فزيرو
نجلاء: هئ هئ انا غنقول لعمي كلشي حيت هو كيعتادر مني على شي حاجة مدرهاش😭
اوس:ياربي صبرك يارب واش عند ولديك شي عقل ولا متكسابيه هأ حتى انا حمار كنسولك(مسح على وجهو)كن عند جد ولديك العقل كاع متصرفي داك تصروف طايش من قبل دبا غتسمعني غدي تجمعي عليا خنونتك وتمشي تغسلي وجهك وتمشي فين تقابلي ولادك وفمك مسدود كتسمعني
نجلاء: (كتشوف فيه بعنيها المدمعين وكدرب برسها)😯
اوس:غتديها فوالدك وبس وغتبعدي على تبرهيش والخصايل الخاوين ولا قسما بالله حتى نعاود ليك ترابي من جديد برى
نجلاء: (شافت فيه وغدية بغات تخرج سمعاتو وقفها)😨
اوس:نسمعك نطقتي بشي حاجة نتفاهم معاك بطريقتي
نجلاء: منقول والو (مشات خرجات ومشات لبيت دراري لقاتهم باقين نعسين ودخلات غسلات وجها وخرجات تكمشات فوق سرير)
عند اوس لي دخل دوش وهو مكشكش خرج لبس حوايجو عبارة على سروال دجين زرق وتيشورت بيض مع اديداس بيض نزل لتحت لقا الكل مجموعين
اوس:الوليد انا غادي
فاختة:(وقفات عندو)فين غدي اولدي
مصطفى:اوس عندو جتماع فشريكات س للبيترول ف امريكا هو كان غيمشي غدا
الجدة:ايوا جلس حتى غدا اولدي علاش غادي من ليوم
اوس: خاصني نمشي الميمة حيت الى زدت شي دقيقة هنا غدي نتصرف شي تصروف لي نخصر بيه عمي وانا مبغيتش نخصرو اللهم ندرق كمارتي دبا
مصطفى: (عرفو معصب من سعاد نطق)احسن مدرتي ولدي الله يعرضك لسلامة
اوس:(عنق الاب ديالو )الوليد رد لبال لوالدي ومرتي حتى نرجع
مصطفى: متحتاج توصني على ولادي
اوس:الميمة الوليدة ردو ليهم لبال حتى انتوما وردوه ل نجلاء وعافك الميمة سعاد تبعد على مرتي حيت نسمع قربات ليها ولا خصرات ليها منضمنش راسي
الجدة:كون هاني اصلا غير تفيق هديك حسابي معها هو الخر
اوس:(قرب سلم على جداه ومو وهو يمشي دور يدو على كتف خوه جرو معاه لبرى ونطق)فهد خويا رد لبال لديك شنيولة حتى نرجع والى شفتيها بدات تزبالي تاني صوني عليا
أنت تقرأ
زواجي من صهري 💍مكتملة💍
Romance💎مكتملة💎 ❌حصرية على الواتباد ❌ ها واحد سلام عليكم حبيباتي بلسان الكاتبة: جبت ليكم بقصة جديدة بلا منقول عليها قمبولة💣 الموسم حيت انتما لي غتحكمو فالاخر واش قصة ناجحة ولا غير خربشة 😏 مممم قسوة الاب وفقدان الام 😢حب الاخوة👭👫 حنان الجدة👱 زوجة ا...
