ودعو الجدة ودريس لخرجو مع مصطفى باش يوصلهم وخرين جلسو كلهم مجمعين من دون نجلاء لي طلعات فحلها البيت فاش ودعات الجدة
اوس :(جلس كيشوف فالكل ناشطين كيهدرو وعقلو مع نجلاء ومقابل مع درج كيستنها تنزل حتى عيا وهو ينوض هز ولدو وغادي طلع ولاكين وقفاتو امو لي تبعاتو )...
فاختة:اوس
اوس: نعم الوليدة
فاختة:حم بغيت نعرف اش قررتي
اوس:فاش راه هدرت معاك وقالت قراري
فاختة:وحتى انا هدرت معاك وقالت رأيي وانا مابقيتش غنتحرك معاك لحتى قنت حتى دير بهدرتي والى مامشيتش معك انا ف نجلاء حتي هي مغديش تمشي راك شفتي خوها فاش سمعك قالتي غترجعو كيف كانت ردت فعل ديالو وهو راه سكت حيت دخلت وقالت بلي غنمشي معكم ودبا انا مغديش نمشي حتى دير حل
اوس:(يلاه غيهدر خلاتو ومشات شاف فيها وتنهد)صبر صبر ياربي مع هذا الناس (مشا طلع لبيت نجلاء دق فالباب ولاو عواد دق مسمعهاش هدرات حل لباب بانت ليه غير إقبال لي نعسة سمع الماء فدوش عرفها تما )
اويس:بابي مامي 😢(بغا نجلاء)
اوس:اه هاهي حبيبي فدوش غدوش وتخرج عندك (جلس كيهدر مع اويس حتى سمع دقان فالباب)شكون
ايوب:(دخل عندو)اوس صافا فين نجلاء
اوس:حم هي فالدوش جبت ليها اويس حيت يغها وملقيتهاش كستنها تخرج
ايوب:(شد اويس كيبوس فيه ويلعب معاه)مممم البطال تاعي ناكلك انا
اويس:ههههه نننن دي عم ل مومو (زعمة كل مومو )
(باقي كيلعبو دخلات امال ورشيد والبنات حتى هوما )
هاجر :فين نجلاء
اوس:فدوش ملكم هاجمين
ايمان:بغينا نجلسو مع نجلاء حيت اخير نهار ليها هنا
اوس:حم انا اجلت مغديش نمشيو حتى غدا منها نجلاء تجلس مع خوتها شوية
ايوب:احسن حاجة درتي حيت حتى حنا غدا غنتحركو نرجعو
اوس:علاش زيدو شي يامات هنا ولا يلاه لكازا دوزو معنا شي ايام انا كنت بغيت نخلي دراري يخرجهم فهد يدرو فاس ومن بعد غنسيفط ليكم طيارة تجيو الكازا
ايوب:لا راه خاصنا نرجعو راك عارف الوضع تاع الوليد خاصنا نكنو جنبو فهذا الوقت هو محتاجنا
اوس:اه حتى انا غير لقا فرصة غنجي نشوفو
ايمان:خويا اوس ملي جلسين حتى غدا اش بان ليكم نخرجو اليوم مجموعين وندورو فاس كاملة
هاجر:اه فكرة زوينة منها نخرجو امال دور ورشيد ومنها ندوزو نهار مع نجلاء 😊
اوس:(شاف فيهم وهو ينطق)وخا يلاه وجدو ريوسكم انا نمشي نقول لوليدة ترد بالها ل إقبال
البنات:ياي (فرحو ناض اوس وايوب خرجو ومعهم رشيد مشا عند الام تاعو هدر معها ترد البال ل إقبال حيت باقي صغيرة مبغاش يخرجها
عند البنات كل وحدة مشات لبيتها توجد رسها بقات غير امال واويس فبيت نجلاء كيستنوها تخرج من دوش حتى بانت ليهم خارجة وتعب بين عليها
نجلاء: سمعت الهدرة بزاف هنا شكون كان
امال:كان خويا اوس وايوب ورشيد وايمان وهاجر واسراء مهم راه مشاو يوجدو رسهم وقالك خويا اوس وجدي راسك ولبسي اويس معاك
نجلاء: علاش فين غيمشيو البنات
امال:حنا غنخرجو مجموعين
نجلاء: حنا راه غدين لكازا
امال:خويا اوس اجل حتى غدا ودبا غدي نخرجو مع بعض
نجلاء: ها اه مزيان يلاه لبسي حويجك وسيري معهم انا مفياش لي اخرج زائد اقبال صغيرة متقدش على برى وصهد
امال: اقبال غدي يخليها خويا اوس ل خالتي قال نديو معنا غير اويس حيت مغديش يسكت
نجلاء: غير لبسي اختي وسيري معهم انا مغديش نمشي عيت (كتقولها وهي جلسة بتعب واويس جلس على حجرها كيبوس فيها ويعنق فيها)
امال:ولاكين حنا بغينا نمشيو معاك انا بغيت ندوز معاك هذا النهار لخر لينا هنا عافك ختي يلاه
نجلاء: (تنهدات بتعب وهي تنوض بزز منها )اه وخا (مشات جرات حوايج اويس عبارة على تيشورت بيض وشورط تاع دجين رطب عطاتهم ل امال )هاكي لبسي اويس عافك
امال:(شداتهم من عندها)مالك ختي واش مريضة
نجلاء: لا غير العيا تاع صهير (جبدات سروال دجين كحل وقميجة خفيفة فالبيض لبستها ومشطات شعرها خلاتو على رحتو ولبسات بلغينة بيضة امال لبسات سروال دجين باهت وتيشورت فالغوز )
نجلاء :(هزات واحد صاك تاع دراري صغار في بيبرونة تاع اويس حيت باقي كيشربها وفيه الكوش والماء تاعو واحد تيشورت وشورط ليوسخ حويجو ههههه نجلاء لي عمرها هزات ساك وهي خارجة هاهي ولات تهزو وديال دراري صغار من الفوق 😂سخرية القدر مشات طلات على اقبال لقتها مزال نعسة بستها فرسها )
فاختة:(دخلات لقاتهم وجدين)بنتي وجدتو يلاه نزلو راه كلشي كيستناكم لتحت
نجلاء: اه خالتي عافك ردي البال مع اقبال وراه الحليب تاعها وجدتو و
فاختة:(قطعتها)ابنتي راني كبرت تلات ديال الدراري وكنعرف فهذاشي انتي غير سيري خرجي وفوجي مع راسك ومتهزيش الهم ل اقبال هي فعيني وملي تفيق غنوكلها وغنبدل ليها وندوش ليها ونعسها بحلا انتي كينة 😊
نجلاء:😊شكرا خالتي
(نزلات نجلاء لتحت لقات الكل وجدين لبسين شافت حتى اوس معهم لبس الكحل كيف ديما منهار ماتت مرتو وهو مكحلها ههههه )
فهد:واخيرا شرفات جلالة الاميرة نجولا 😍
ايمان:شفتو قبل كنا حنا لي نعطلكم دبا نجلاء لي ولات تعطلنا
اميرة:هي راه لبسات رسها واويس وجدات ليه اش غيخصو ونزلات كاع متعطلاتش 😒بحالكم
فهد:(جر اميرة عنقها بجنب)تم القصف بنجاح
الكل :ههههههه
جاد:واش مشينا (جر ايمان من يدها )
اسراء:(مشات مع عماد)يلاه عماد
هاجر:(خنزرات فيها وهي تنطق)صبر نجي معكم حيت مغديش نركب مع حتى واحد من العشاق ابداو يتعنبو قدامي(هي كتقصد ايمان وجاد وفهد واميرة )
فهد:(جر رشيد)انا غنركب معيا خاي رشيد
جاد:انا منركبش معيا حد.ممنوع 😌
ابتسام:انت اعنيبة حتى حد ميركب معاك اصلا
رجل بتسام :زيدي انتي قدامي لنوريك تعناب لي كتقولي عليه يلاه هههه
جاد:الله يعز الحكام
(كيهدرو ونجلاء وايوب واوس وامال ورشيد جلسين غير يشفو هدو مالهم مبقاو يحشمو )
اوس:(شاف ف ايوب)يلاه خويا وبلا متدي على هذا سبيطار دالحماق لعفووو (دار شاف فنجلاء)نجلاء يلاه جيبي معاك امال (خرج وتبعوه البنات وايوب ركب اوس لقادم وجنبو ايوب وركبات نجلاء وامال واويس لور تحركو واوس متبع مع نجلاء من لمريا تاع للوطو كيشوف ف اويس كيف كيبوس فيها ويلعب بشعرها ومرة يعنقها وحتى هي كدير ليه خاطرو بتاسم بحب شوية تفكر اش دار معها واش قال بقا فيه الحال خصوصا حيت باقي معتدر منها ملقاش الفرصة كلما مشا يهدر معها ملقاش الفرصة كلما مشا يهدا كيلقها مع شي حد )😍😍😍😍😍😍
اويس:مامي سو سو مومو باي باي مومو باي باي(هو بانت ليه واحد بنية صغيرة غدية فالشاريع وكيشير ليها)
نجلاء: فين مومو
اويس:مشا باح(كيمتل بيدو )
نجلاء: هههه الى هذيك لي كتمشا على رجليها مومو انت اش نقول عليك
اويس:😁مومو زوين
نجلاء: انت لي زوين ناكل انا
اويس:نن مامي لا هههه(كيضحك حيت كدير ليه هر بفمها هو عاجبو الحال)
ايوب:(بقا كيشوف فهم وبتاسم بحب )نجلاء
نجلاء: نعم خويا
ايوب:شكرا على طيبة قلبك والحنان لي فيه لي كتقدميه لولاد سهام
نجلاء: (فهماتو اش قصد هو شكرها حيت وخا لي داز عليها قلبها باقي حنين وبيض محقداتش )هذاشي تعلمتو منك خويا حتى انا كنت واحد النهار بحال اويس وكنتي كتغمرني بالحب والحنان انت وختي سهام (قالتها وهي دور وجها كتشوف فالسرجم )
اوس تبع ليها العين عرفها مجروحة مشاو دارو فاس مخلاو حتى قنت فيه حتى عياو و مشاو تغداو فواحد ريسطو مهم دوزو النهار كامل برى وصلات العشية ومشاو لواحد جردة الدراري شافو واحد المجمع وهوما يمشيو يشفو اش كاين تما
فهد:ديرين شي انشيطة تما ولا معرفت بان ليا الحلقة هههه
اميرة:عافك نمشي نشوفو
فهد:يلاه
البنات وجاد وايوب ومهم كلهم ناضو باغو يشوفو اش واقع باقت غير نجلاء جلسة لي كتبان مهلوكة غير كتقاوم
اويس:(شافهم غدين بدأ كيبكي )اااعااعاع
نجلاء: امال ختي عافك دي معاك اويس يشوف (قالتها بتعب )
امال:وخا (جات هزاتو ومشات )
اوس:(بقا جلس هو ونجلاء فواحد الكرسي تما كيشوف فيها شحال وهو يتنهد ونطق)
أنت تقرأ
زواجي من صهري 💍مكتملة💍
Romance💎مكتملة💎 ❌حصرية على الواتباد ❌ ها واحد سلام عليكم حبيباتي بلسان الكاتبة: جبت ليكم بقصة جديدة بلا منقول عليها قمبولة💣 الموسم حيت انتما لي غتحكمو فالاخر واش قصة ناجحة ولا غير خربشة 😏 مممم قسوة الاب وفقدان الام 😢حب الاخوة👭👫 حنان الجدة👱 زوجة ا...
