عماد: (عنقها ودمعو عنيه)سمحليا على كلشي عافك انا كنت برهوش ومكنسواش عافك سمحليا اختي
ايمان: (غير سمعات ختي وهي تعنقو بحب )خويا
هداشي داز تحت انضار نجلاء لي واقفة فالبركون شدة إقبال وكطل منو على دراري شافت ايمان وعماد تصالحو وهي تبتاسم
نجلاء:احينا نحتاج حضن صادق لكي ننسا ما بدخلينا (نطقات بيها وهي تمسح دمعة من عنيها ) بنوتي حبيبة ديالي مابغتيش تنعسي المشيشة هاا نعسي باش تكبري دغية
فاختة: (حلات الباب )نجلاء
نجلاء: هاني خالتي فالباركو
فاختة: (جات عندها )ارى نشد ليك إقبال شوية نزلي تحركي فالجرد وجلسي مع البنات
نجلاء: غير خلني هنا اخالتي انا مرتاحة
فاختة: لا بنتي خرجي يدربك شوية البرد وبدلي الحيوط شوية (شدات من عندها اقبال )انا نقبل اقبال
نجلاء:فين اويس
فاختة: خليتو التحت مع اوس
نجلاء: حم اه وخا (مشات جمعات شعرها كعكة مهملة وهي تخرج نزلات لتحت لقات سعاد ودريس واميرة جلسين مع الجدة واوس ومريم ومصطفى تنهدات ومشات عندهم
نجلاء: سلام عليكم
دريس:اهلا بنتي نجلاء لباس عليك(سلم عليها )
اميرة:(وقفات وهي تعنقها )نجلاء صافا
نجلاء: اه صافا ختي على سلامتكم (دارت سلمات مع سعاد لي سلمات معها ناقص )خالتي لباس
سعاد:لباس الحمد لله
الجدة: جلسي بنتي
نجلاء: حم انا غنخرج لجردة عند البنات
مريم:اه بنتي سيري
اميرة:انا جاية معاك (غدين خارجين وهو يغوت اويس )
اويس:مامي 😭😭هااااا اااععع
اوس:حبيبي مالك
مريم:غير طلقو بغا يتبع نجلاء ههه
رجعات نجلاء هزاتو بين يديها ومشات
دريس:مسكينة هذا البنت تحملات مسؤلية وهي باقي صغيرة
الجدة:صدق لي قالو الخالة ام
سعاد: حم واش هي غتبقا عايشة معكم واش الاب ديلها مسولش فيها
الجدة: (خنزرات فيها )هي وحدة منا وغتبقا عايشة فدرنا بحال كيف كانت قبل موت اختها
سعاد :خالتي كيف مكان الحال راه بنت وبلاصتها هي دارهم اش غيقلو الناس عليها وهي ساكنة فدار فيها رجال غراب عليها
دريس: (خنزر فمرتو يلاه غيهدر قطعو اوس)😠
اوس:نجلاء بلاصتها جنبي مع ولادي فين خلتها ختها غتبقا عايشة وناس ادخلو سوق راسهم ولي حل فمو عليها انا نهرسو ليه 😠(قالها وهو كيغزز فسنانو )
مصطفى: (تنهد وهو ينوض وقف وهدر مع اوس)اوس وخا تجي معيا بغيتك فواحد الموضوع
مشا اوس تبع سي مصطفى طلع لمكتب ديالو
الجدة:(تبعات ليهم العين حتى مشاو وهي تشوف فسعاد)انتي غتجمعي فمك وتعونينا بسكاتك حسن ليك وداك الهدرة لي قالتي منعاودش نسمعها منك نجلاء هي بنتنا بحالها بحال هاجر وايمان واميرة واسراء وبتسام وإقبال هدو كلهم بنات هذا العائلة وغيعشو فيها وكلهم كيف كيف حتى واحدة مغتعتبرش برانية على هذا الدار باش نكنو واضحين وهدرة الناس والمجتمع لي كيشوف غير الناس ومقابلهم معندنا منديرو بيها زائد راك سمعتي اوس اش قال هو كيحتارمك فبلا متخليه يدور فيك شي دورة خايبة (شدات العكاز ديلها وهي تنوض )
دريس:(شد فيها)صبري الوليدة نوصلك لبيتك (خنزر ف مرتو لي جلسة عقدة حجبنها ومكمشة على فمها باين فيها سم)
سعاد:(شافت فهم مشاو وهي تهدر مع مريم)شوية يدخلوها تورت معنا
مريم:اش غتورت معاك علاه انتي داخلة معنا فالورت ومافراسيش
سعاد: (شافت فيها)انا راه كنت هذا العائلة وكين حق ولادي هنا
مريم:(بتسمات بستهزاء)هههه من قوة معشتي ف امريكا نسيتي راسك ومنين صبر نفكرك اولا بابا الله يرحمو ماشي هو بابات خويا دريس تانية هذاشي لي كتشوفي راه دارو خويا مصطفى ومرتو هوما لي تعبو فيه حتى داروه وماما عندها غير رياض وخلاه ليها بابا ممم والاب ديال خويا خلا غير دار صغيرة فحي شعبي يعني خويا دريس كيملك غير ديك دار بسميتو وهذاشي لي بغتي دخلي فيه تورتيه راه معندك فيه حتى شبر باش نكنو واضحين ونجلاء الى بغا خويا يورتها راه من حقها حيت كين حق ختها وولاد ختها هنا وانتي امرت خويا دخلي سوق راسك وفوتي عليك البنت راه لي فيها كافيها(ناضت خلتها بغات تاكل جنبها مرضاتش )
فبرى كانت نجلاء جلسة واويس فحجرها مرة مرة يعنقها ويبوسها مسكين هو ولفها وعزيزة عليه
ايمان:(شافت فيها كافش جلسة معهم غير بجسمها اما عقلها شارد مدات يدها حطتها على يد نجلاء) نجلاء حبيبة تبغي تخرجي معنا فالعشية تبدلي الجو
نجلاء: هاا لا منقدرش نخلي الولاد
هاجر:راه ماما والميمة وعمتي واوس يقابلهم
عماد:اه يلاه تخرجي شوية تفوجي وتحركي رجلك
جاد:نجلاء بليز يلاه معنا
نجلاء: اه وخا حتى العشية ونشوف
عند اوس لي دخل جلس قدام الاب ديالو كيتسناه يهدر
مصطفى: (تنهد وهو ينطق)اوس بغيت نهدر معك على قبل نجلاء
اوس:مال نجلاء
مصطفى: اوس نجلاء بنت وناس مكيرحموش سمعتي مرت عمك اش قالت انا بغيت نقتارح شي حاجة
اوس:(شاف ف الاب ديالو وهو ينطق)اماهي
مصطفى: حم انا كنفكر نزوج نجلاء ل عماد ولا جاد هكا حتى حد مغيحلش فمو عليها وغتسكن معنا هنا وتكون قريبة من ولاد ختها فنفس الوقت اش بان ليك
اوس:(زير على يدو ونطق)انا هدرت لتحت واقيلة مسمعتنيش نجلاء بلصتها جنبي وجنب ولادي وماسوق حتى واحد فيها وناس لي حل فمو عليها غنهرسو ليه
مصطفى: شحال قدك تهرس اولدي شوف سمع مني هي راه غتكبر وغيجي الوقت لي غتبغي تزوج فيه حتى هي واش غترهنها معك انت ولادك راه البنت من حقها تزوج وتاسس اسرة وانا فكرت ليها ولولادك فنفس الوقت هي غتزوج بولد من هذا العائلة وغتعيش مع ولادك وتكبرهم
اوس:(حس بهذا الهدرة عصباتو وهو ينوض مشا جيهت سرجم كيطل منو بانت ليه نجلاء جلسة مع دراري والبنات وهي شدة اويس فحجرها غمض عينو وتفكر هدرت سهام نجلاء امانة فرقبتك نطق)نجلاء امانة فرقبتي وهي غتعيش معيا ومع ولادي
مصطفى: بشمن صيفة
اوس:بصيفتها خت مرتي وخالت ولادي وامهم فنفس الوقت هي دارها هي داري فكازا وحنا تما فين غنعيشو انا وياها ولدي وناس والمجتمع يدخل سوق راسو
مصطفى: والى الاب ديلها مقبلش بهذاشي هو مغيقبلش بنتو تعيش مع رجل غريب عليها
اوس:هو براسو غريب عليها
مصطفى: كيفاش
اوس:(شاف فنجلاء ونطق)نسيتي اش قال شحال هذي هو غير متبنيها هي ماشي بنتو
مصطفى: وخا ماشي الاب البيوليجي تعها هو كيبقا باها لي مربيها
اوس:الوليد عافك براكة من هذا الموال هذا سيرة سدها عافك نجلاء معندها فين تمشي وجاد وعماد راه ميصلاحوش ليها هوما باقي مهزو حتى راسهم بقا ليهم غير يهزوها (كمل هدرتو وهو يخرج من عند الاب ديالو وسد الباب )
مصطفى: (شاف فيه وبتسم )لا حولا ولا قوة الا بالله وصافي
اوس نزل فدروج وصل جنب بيت نجلاء سمع امو كتغني لبنتو وهو يحل الباب ودخل عندهم
فاختة:ولدي اوس اجي تشوف هذا البخوشة حلفات لنعسات
اوس:(شاف فيها بحب وقرب جلس جنبهم )بخوشة صغيرة بزاف بحال الكمشة وكتعيي الناس كلهم كيرارير بيها ومكتنعس
فاختة:هي كتسكت غير فحضن نجلاء سبحان الله
اوس:(سمع سميتها وتنهد ونطق)الوليدة انا ونجلاء ودراري غنرجعو ل كازا ان شاء الله
فاختة: لا اولدي متمشي حتى بلاصة خليكم معنا انا ولفت الولاد
اوس:الخدمة تما وانا بغيت نستقر تما اش بان ليك نخطفك معهم وتخلي سي مصطفى يتوحشك شوية الى بغتي زعمة(هو كيلمح ليها باش تجي معاه على قبل نجلاء باش حتى حد ميحل فمو عليها)
فاختة:ههههه خطفوني معكم حيت هذا البخوشة خطفات قلبي منقدرش نفرقها (شفتها نعسات)هاهي نعسات نحطوها فبلصتها(حطتها وغطتها)
اوس:(شد يد مو بسها بحب وهو يحط راسو فحجرها)دبا نوبتي نرتاح عنقيني الوليدة كيف درتي ل إقبال حتى انا عيان وبغيت نعم بشوية الهدوء وسكينة بغيت نرتاح فحضنك اماما
فاختة:(حسات بيه قلبو مهموم دمعو عنيها وهي تمد يدها كدوز ليه على راسو بحب )الله يفرج همك اولدي ياربي يسر امورك ويفرج ضيقة صدرك يارب وصبرك على فراقها يارب
اوس:امين يارب (غمض عينو وهو يسمع صوت تليفون كيصوني ناض وقف هزو قبل متفيق اقبال خرج لباركو كيورك عليه يسكتو شاف سميت زياد وهو يدوز لخط ودارو فودنو
زياد:الو حبيبة صافا توحشتك بزاف بزاف بزاف امتى غترجعي مممم مقلقة مني حيت معيط ليك البارح سمحليا ابب مكنتش مسالي والله كنت خدام حتى اينة وقت نجلاء هدري مالكي ساكتة الو حبيبة كبيدة ديالي عمري وصافي نطقي عافك
اوس:(زير على يدو وعروقو تنفخو درب تليفون فالارض تشخشخ وهو يهز راسو بانت ليه جلسة وعماد جنبها كيهر معها ويضحك)
اوس:شي كيتعنب عليها فتليفون شي قدامي اش هذا الخرى تاني وهي شدة هنا وهنا نبهتها شحال من مرة
أنت تقرأ
زواجي من صهري 💍مكتملة💍
Romansa💎مكتملة💎 ❌حصرية على الواتباد ❌ ها واحد سلام عليكم حبيباتي بلسان الكاتبة: جبت ليكم بقصة جديدة بلا منقول عليها قمبولة💣 الموسم حيت انتما لي غتحكمو فالاخر واش قصة ناجحة ولا غير خربشة 😏 مممم قسوة الاب وفقدان الام 😢حب الاخوة👭👫 حنان الجدة👱 زوجة ا...
