زواجي من صهري 💍مكتملة💍

الجزء 6 💍❤️

**بارت6**
**زواجي من صهري**
ايوب:هههههه وييه لعبو معها ونوبتك انتي تهزي ولدها
سهام: هههههه علام هذا نجلاء
سهاااام وا سهام
سهام: يلاه ندخلو نتغداو راه الميمة كتعيط
دخلو دراري غسلات لهم سهام يديهم ايوب ولا فعمرو 8 سنين وسهام فعمرها 13 سهام لعبات دور الام فحيتها وخا كينة الجدة حتى سهام تحملات مسؤلية خوتها بحال امهم وخا كتقرى كيقبلهم وتطيب لهم وتدوش لهم وتلعب معهم كتحاول متخليهمش احسو بنقص صدقة لي قالو الاخت الكبرى أم
السعدية:افين كنتو راه برد الغدا
نجلاء: كنا لعبو مع جاجة ميمة
سهام: هههههه اتي سكتي حتى نرد سفل باش نقد نضحك
السعدية: اش كتقولي اديك البخوشة
ايوب:قالت ليك كنا لعبو مع دجاجة
نجلاء: اه حنا زريو وجاجة تزري وايو اكول اااعااع وسهام تكول حطو واعااع هههه وينة جاجة تعرف تلعب(كتمتل كاع دكشي لي وقع وسهام وايوب كيمتو بضحك حيت هي عند بلها دجاجة كتلعب معهم مفرسهاش بلي دجاجة بغات ولدها لي شاد ايوب )
السعدية: كفاش كتلعبو مع دجاجة تاني
سهام:ههههه هذي قالت ليك بغات الفلوس تبوسو  وايوب مشا هزو جابو ليها دجاجة تبعتنا بغات ولدها نقبات ايوب فراسو حتى كيسيح بدم انا تهلكت بجري وزيدها هازة هذا الدبدوبة لي كظحك عجبها الحال عند بالها دجاجة كتلعب معنا هههه
السعدية: ههههههه هذي شي نهار افلعصها شي حيوان داك نهار نطحها حولي قالت ليك بغات تركب فيه ودبا بغات دجاج ههههه شي نهار تقولك بغات تردع البقرة
ايوب:شفتي غير هذيك وداك نهار فاش قمشاتني مشة بسبابها قالت ليك بغات بيسبيس الصغير تهزو وانا مشيت غامرت براسي حتى تقمشت ودبا نقبتني دجاجة ياربي ميركلني شي حمار بسبابها
نجلاء: اه وينة ديك بيسبيسة تاعي صغيرة
ايوب:ايه غير لي ولد شي حاجة دخلي معاه انتي بنص بسبيس تاعك الكتاكيت توعك قنية تاعك العجل تاعك وطلبي مني انا نمشي نجيبو ليك تبوسي حتى نكلها فعضامي وضحكي انتي
سهام: ههههههه والله حتى علام هذا نجلاء
السعدية:(باقت كتشوف فهم كفاش فرحانين مع بعضهم وكيبغيو بعضهم وهي تنهد وكتهدر مع رسها عتيقة ولادك انا الفت بينهم خليتهم ابغيو بعضياتهم ويحنو على بعض ويخلقو سعادة من ابساط الحوايج انا مقدرتش نخلي براهيم احن على نجلاء ولاكين ايوب وسهام عمرو ليها حيتها وكيفرحوها شافت فدراري وهي تنطق) دزو تجلسو نتغداو
جلسو ديرن على طبلة كياكلو من طاجين سهام جلسات نجلاء حدها وكتغمس ليها الخبز وتحط ليها فطبسيل ابرد ونجلاء كتهز بيدها تاكل وتمسح بفوطة حدها ايه نعم اس نجلاء نقية بزاف مكتوسخش حلتها هكا علمتها سهام
نجلاء :شبعت بغيت نيني
سهام: هاكي لحيمة احبيبة
نجلاء: (شدتها من عندها وهي تخشيها لايوب فمو )عطي ايوب حيمة انا لا
ايوب:اه كتعلفي فيا باش مرة اخرى تسيفطني لشي حرب مع شي حيوان اختي لعبي بشي حاجة اخرى من غير ولاد الحيونات
نجلاء: بابا ايزيب لي مونكا لعب بيها (قالتها براءة شي لي خلا الكل اسكت ويحبسو مكلة )
الجدة: دبا نمشي نشريها لبنتي من سوق ان شاء الله
نجلاء: لا ايزيبها بابا بحال تاع فيدوس جاب ليها باباها مونكا كتغني(فردوس بنت جيران كتخرج معها الالعاب لبرى كتلعب بهم حيت الاب تعها خدام فالمدينة كيجيب ليها دكشي زوين من المدينة ونجلاء كتشري ليها جدتها غير مونيكات العادين من سوق حيت هو لي كيكون عندهم مرة فالاسبوع ومزال بعيد على الدوار كتركب فكارو ولا بيكوب باش تمشي ليه ونجلاء عندها امل باباها اجيب ليها لعبة لي كتغني(شحال صعيب تعلق امالك على شي حاجة وتسنها بزاف ومغتحققش هذا اول حلم لنجلاء هو باباها احيب ليها مونيكا كتغني (نفتح قوس ملاحضة شحال من واحد فينا كان عندو حلم فصغرو مي متحققش هو حلم بصيط معرفتش واش باقي عقلين على اول حلم لكم كين لي حلمات بلعبة شفتها عند صحبتها وكين لي بغات لبسة وكين لي بغات غير تقطع شعرها ههههه بحالي ههههههه)
داز شهر وتوفات الجدة حتى هي كانت بغات تسافر على قبل لعبة تجيبها ونجلاء ولاكين مكتابش تسنات ولدها ارجع من الخدمة تاعو باش اقابل سهام وايوب ويقابل الكسيبة والجدة تسافر مع نجلاء  وتشري ليها لعبة ولاكين مكتابش ماتت الجدة وخلات ورها نجلاء واحلمها وخلتها تواجه مع دنيا ومع صعوبات الحياة اليوم العزو تاع الجدة لي حدر فيه كاع الناس تاع الدوار كيعزيو براهيم  ويتأسفو لحال ولوليدات كيف غتكون من بعد فراق جدتهم ماشي غير الناس ددوار لي حضرو حضرات حتى بنت سعدية سميتها عزيزة هو ورجلها وعائلت رجلها وحضر شخص اخار لي هو  سي مصطفى صاحب براهيم تعرف عليه فاس كان كيقرى هو وياه فالجامعة تصاحبو ولا كيف الخوت من بعد سي مصطفى صافر لبرى اكمل قريتو وبراهيم تزوج بعتيقة ورجع لبلاد ا
نعرفكم على سي مصطفى العلامي من اغنياء البلاد عندو سلسة مطاعم وفنادق فالجميع انحاء المغرب وعندو شركات الهندسة المعمارية لباس عليه هذاشي دارو بجهدو وتعبو مصطفى عضو فالبرلمان جا لدوار تاع صاحبو شرى واحد الارض ودير فيها اكبر فرمة تاع اليمون وزيتون ودير حتى ابيرج هو مستقر فاس ومرة مرة كيجي ارتاح من ضجة تاع المدينة وكيفضل اجي ل امي نوارك حيت الجو تعها زوين نقي
دخل سي مصطفى لخيمة لي فيها الناس وغير شافوه ناضو جاين كيسلمو عليه حيت كيحترموه وعلاش لا ميحترموه راه هذا سي مصطفى رجل غريب على دورهم فاسي جاي لدورهم مرة مع صاحبو وعجباتو وفاش دار لباس منساش هذا الدوار خدمها بزاف ودار لولاد دوار فين اخدمو مهم كيخدم مصاليح الناس  سلمو ناس على سي مصطفى   عطاهم وقتو وشوية بدا كيقلب على صاحبو شوية بان ليه وقف على برى و مع اختو مشا جيهتم
مصطفى: براهيم لبركة فرسك اخويا لله ارحم الوليدة ويسكنها الجنة
براهيم: مامشا معك باس اصاحبي امي ماتت مشات وخلات ليا ولادي
مصطفى: صبر صبر اخويا هذي هي سنة الحياة كلنا ليها
(مشاو جلسو فالخزانة والقرآن مطلوق وناس جلسين وشي داخل شي خارج شي كيتصخر شي كيعزي ويمشي
فبلاصة قريبة لخزانة كانت نجلاء جلسة كتلعب مع واحد معيزة صغيرة هي مفهمة والو معرفاتش بلي سندها فالدنيا ماتت ومبقاش تعاود تشوفها متسوقاتش لناس لي دخلين خرجين هي مشات  كتلعب مع صحبتها معزة هههه جلسات  نجلاء فالارض كانت  لبسة سروال تاع توب وتريكو تاعو فالخضر مخططين بالكحل ولبسات بوط تاع ميكة وشعرها مطلوق مخبي ليها وجها وشدة فمعزة كتمسح ليها على ضهرها وتلعب معها
:هيه اش كديري هنا
نجلاء: (هزات عونتها لي بحال كيسلبو لي شافهم ويخليوه اتوه فيهم  شافت فدري طويل شوية واقف عليها مدرق ليها شمس جها غريب حيت لابس حوايج نقين سروال دجين وتشورت بيض مع كورة كحلة  سبرديلة بيضة وشعرو مرتب اول مرة تشوفو عوجات فمها وهي تنطق)قاتلي سهام مهدرش معك (هي قصدات متهدرش مع شواحد غريب مكتعرفوش)
اوس:هههههه فين كتعرفني سهام حتى وصاتك متهدريش معيا
نجلاء: (ميكات فيه وهي توقف وبغات تهز معيزة صغيرة معها كتسوط وكترابك معها باش تهزها مقداتش عليها هدرات مع المعزة )يلاه مشيو دار (بدات كتجر فالمعيزة من ودنيها حيت مقدراتش تهزها شي لي ضحك اوس )
المعزة:مااااع باااع (كتوجع مسكينة مي مع من مع نجلاء لي حلفة بحلوفها حتى دخلها بزز لدار )
اوس:ههههههه اناري راه اتقتليها (جلس قفازي قدمها وشد ليها يدها فك المعزة منها غير طلق المعزة وهي تهرب ونجلاء بدات تبكي خافت منو)
نجلاء: هئ هئ بعيت سهام بعيت معيزة تاعي هئ هئ😭 متهزنيس معاك متدنيس انت سفار هئ هئ
اوس:(شفها كيف خيفة قرب ليها كيمسح ليها عنيها وكيطمنها)لا احبيبة انا مغندير ليك والو متخافيش شوفي اجي نديك عند ماماك(هزها بين يدو وجبد كنينكس من جيبو كيمسح ليها وجها غدي بيها حتى سمع)
سهام: نجلاء مالك مالها وشكون انت اش درتي لختي(سهام لبسة بيجمة بسروال نازلة حد الركبة وديرة زيف على رسها وسندلة تاع ميكة وتقاشر زرقين  وعنيها حمرين حيت كانت كتبكي على موت جدتها مهم مبهدل ديال بصاح خنونة وحلتها حالة مي وخا هكاك زوينة وناس زمان كيقلو زين عزو مولنا وخا يكون وصط الدربلة هذي لي وقعات لسهام لي  ملمحها زوينين  بشرة سميمرة شوية وعنيها متوصطين وقهوين كتشبه لبها فالعنين ونيفها طويل مقاد فمها صغير منفوخ  كتغوت سهام وتخاصم ف اوس لي كيشوف فيها مفهمش مالها
اوس:ياك لباس لاش كتغوتي
سهام: نترات ليه نجلاء من يدو)هذي اختي وانت معرفت اش درتي ليها حتى بكتيها حبيبة نجلاء اش دار ليك
نجلاء: هو خلى معيزة تاعي تهرب ليا 😭
سهام: صافي احبيبة دبا نشدها ليك اجي ياك مدار ليك شي حاجة اخرى (كتقلب فيها بعنيها هي كتقصد ياك مغتصبها هههههه سهام كتوصيها جدتها على هذاشي حتى دارت فيها الوسواس)
اوس:عفوا اش كتقصدي ب ياك مدرت ليها شي حاجة واش انتي صافا شوية وحدة متخليفة
سهام: بزاف عليك الهمجي لاخور اش قربك لختي (تسيفات عليه )
اوس:سيري العيشورية متخلنيش ندير فيك ايدي
مصطفى: (خرج من الخيمة )اويس ولدي مشينا
اوس:(خنزر فسهام وزاد )يلاه ابابا نمشيو
سهام :ناري عيرت ولد عمي مصطفى
مصطفى:سهام بنتي اجي مالك وقفة تما مبغتيش تسلمي عليا واشكون ديك البخوشة لي معاك
سهام: (مشات عندو وعنيها فالارض باست ليه يدو )سلام عمي مصطفى لباس هذي نجلاء اختي
مصطفى: الله اصلح غزلة مشالله (مد ايدو جر 200 درهم عطها ونجلاء) هذي لكتكوتة شري ليها شي حاجة مفراسيش بلي كينة كون جبت ليها شي كادو
سهام: الله ارحم الولدين اعمي
براهيم :(خرج بانت ليه سهام شادة نجلاء وهو يكحل بالعما نطق)سهام سري لدار
سهام: وخا ابابا
مصطفى: كفاش قضية هذا البنت صغيرة كاع معودتي ليا عليها مقالتيش ليا مرتك خلات ليك شي بنت اخرى من غير ايوب وسهام
براهيم: هذيك ماشي بنتي غير ربتها الوليدة (الله امسخك اسي براهيم ماشي لهذا الدرجة )
مصطفى: اه فيها الاجر
تهلاو فيها والى خصتها شي حاجة قولها ليا
براهيم: لا متحتاج حتى حاجة مديرش فبالك(شاف جيهت اوس لي واقف متبع معهم ) واش اوس هذا
مصطفى: اه هو هذاك
براهيم (سلم معاه )اهلى ولدي لباس عليك كبرتي مشالله شفتك كنتي باقي صغير
اوس؛سلام عمي الله احفظك انا لباس
مصطفى: اوس كيقرى فامريكا دكشي علاش مكتشفوش فاش كنجيو هو مكيكونش معنا