خرجات وخلات الاستادة بغات تاكل جنبها بالفقصة تعصبات وبدات تسب وتغوت بكل جهدها حتى طاحت بالاعصاب هههههه
جات الاسعاف هزات الاستادة لي سخفات 😱
فالدار عند اوس لي كان مجمع هو وجداه وسهام حتى سونا لي تلي وهو ينوض جاوب عليه
اوس:الو وي اش كين
المساعيد تاعو :مسيو اوس بغيت غير نطمنك على دوك دراري راه ولاو شوية وغيخرجو من الكنينيك
اوس:(تنهد )اووف الحمد لله اش قال طبيب
المساعد:كلاو شي دواء لعب ليهم على دماغ وشربو كمية كتيرة تاع الدواء الاسهال
اوس:(كيدوز يدو على راسو )واش غير دبا ولاو شوية
مساعد:وي مسيو وراه غيخرجو
اوس:( سلا المكلمة وهو يتنهد )ياربي اش هذا المصيبة مترتاح حتى تقتل شي حد ولا تقتلني بالغدايد (البارح فاش اوس حدد المكان تاع نجلاء عيط على المساعد تاعو وطلب منو يدخل ايشوف اش زبلات مصيبتو ههههه حيت عارفها مامشاتش تحضر الحفلة لله فسبيل الله وعارف ديك الابتسامة لي كانت على وجها فاش خرجات ورها شي مصيبة وفيعلا صدقات شكوك تاعو فمحلها نجلاء رونات دنيا واوس صلح من ورها دا ولا كليميني لوبيطال اتعالجو ههههه)وخا انجلاء غير بيا ولا بيك غدي نربيك حتى تولي فيما تسمعي بسميتي تقفقفي (باقي كيهدر مع راسو صونا ليه تليفون مرة اخرى غير شاف الرقم وهو يخرج عينو)😳😳الو
المدير:مسيو اوس ممكن تجي دبا
اوس:(بلا ميسول عارف اش كين )اش دارت واش عورات شي حد ولا قتلاتو
المدير:لا هي عصبات الاستادة حتى طاحت وراه دينها لسبيطار والانيسة هنا معيا خاصك تجي دروري نشفو شي حل
اوس:هاني جاي (مسح على راسو )لا هدي ماشي طبعية يا غتقتلني يا غنقتلها (هز تلي وصيفط مساج وهو يخرج تواجه ليسي لقا الميصبة جلسة مرتاحة مع رسها والابتسامة على وجها كيف ديما 😂 كديرها قد رسها وتجلس تصنط لعضمها بحلا مدارت والو شاف فيها وتنهد هدر مع لمدير حلو المشكل وهو يهدر معها)قدامي😠
نجلاء: (شافت فيه وهي تنوض بكل هدوء تمشات قدامو حتى وصلو لبرى )باقي ليا واحد المدة غنقرها مزال عاد نخرج
اوس:قول باقي ليك شي استاد مسيفطيه ل 36 ولا شي تلميد مسيفطيه الانعاش تحركي قدامي قبل مندير فيك يدي 😠
نجلاء:(شافت فيه وهي تركب )😕
اوس:(ركب وبدأ اهلهل عليها )واش مكتعرفيش تجلسي بلا مديري شي منتف واش مدوزيش غير نهار نهار واحد بلا مشاكيل ملي جيتي وانا كنجري وراك واش الجد ولديك عندك شي عقل ولا متكسابيه واش ساخية بروحك ولا اشنو واش بغتي تخرجي غيا شيب زرق ولا بغتي نفوت فجدك شي دقة نعوجك هاأ
نجلاء: مالي اش درت تاني
اوس:(ورك على لفران حتى تسمعات كجججججط وهو يشدها من شعرها)كتسولي اش درتي لموك ها دوك البراهش لي وكلتهم دواء وخليتهم وراك يمتو وديك الاستادة لي سيفطي لسبيطار ومزال كتسولي اش درتي تشهيت شي نهار نهار واحد دوزيه بلا متعطبي شواحد واش لموك قلبك قاسح لهذا درجة هاأ
نجلاء: (كتشوف فيه كيفاش شدها من شعرها وكيدي فيها ويجيب فيها وهي دوي بهدوء)وي قاسح وبزاف ولاكين راه عمري جبدت شي حد ولا قربت ليه بالعكس كنتهرب من بنادم قدما قدرت ولاكين هو لي كيجبدني ومنهم انت اسي العلامي عاطيك شبر ديال تيساع وانت مبغتيش تخلني فحالي فراسك على قبل هذاشي مابغيتش نجي مع سهام على قبل نبعد على كلشي كنت فالسكن الداخلي بيخير كنقراء ونخرج ندور ونرجع ناكل ونعس ولاكين جات اختي قالت ليك اجي تعيشي معيا وانا جيت باش نعيش نعيش فسلام وهدوء ولاكين مكتخلونيش
اوس:(شاف فيها كيفاش كتهدر بكل هدوء وهو يطلقها من شعرها )شكون لي مخلاكش تعشي فهدوء هاأ انا لي كنقول ليك سيري فرشخي عباد الله وسممي هذا وعوري هذا واش هذا هو الهدوء والسلام لي بغتي تعشي فيه
نجلاء: مكنجبد حد هوما لي بداو
اوس:اه بداو ولاكين انتي كتكملي يإما بسبيطار ياإما بالكميسرية دبا لنفريض دوك دراري ضلموك وانتي عطيتهم الدواء وخلتي حالتهم حالة وديك لبنت هي لي جبداتك وانتي هرستيها ولخرى لي فلقتي حتى هي جبداتك والاستادة اش دارت ليك
نجلاء: (بهدوء )حتى هي جبدتني وحدرتها قبل وهي اصلا معصبة غير رسها وكتقلب تريح فالدار وتخلص وانا عونتها شوية(لا بزاف هذي)
اوس:(بغا ينتف راسو)لا انتي خاصك تعالجي (قلب دورة كان غادي لدار وهو يقلب توجه لواحد العيادة تاع طبيب نفساني نزل وهو يهدر معها كانت جلسة فهدوء متبع طريق )نزلي
نجلاء: فين غنمشيو
اوس:(مشا شدها من يدها بحال شي درية صغيرة معلوم اشدها حيت خايف تدير شي موصبة تاني )اجي غتعرفي فين
دخلها اوس وطلعو فالدرج لطابق التاني نجلاء غير تبعاتو تشوف فين غادي بيها مع وصلو بان ليها عيادة طبيبي هشام طب نفسي
نجلاء: (شافت اوس غادي ليها وهي درب برسها ورسمات بتسامة استهزاء على فمها )😏
دخل اوس توجه لاستقبال
اوس:بنجوغ انا اوس العلامي خديت موعد عند دكتور
المساعدة:وي مسيو اوس تفضل الطبيب كيتسناك
اوس:(شاف فنجلاء )اجي معيا
نجلاء: هاني جاي اصهري 😌(دخلات نجلاء هي واوس رحب بهم طبيب جلسات نجلاء متبع معهم اوس كيهدر مع طبيب )
اوس:كنضن المساعد تاعي علمك قبل علاش جاي مهم (شاف فنجلاء)هاهي المريضة وغتبع معاك
طبيب:مرحبا مسيو (شاف فنجلاء )مرحبا انيسة ا
نجلاء: (شافت فيهم )نجلاء
دكتور :متشرفين نجلاء (شاف ف اوس )مسيو اوس وخا تخلني مع انيسة نجلاء
اوس:لا ميمكنش غير هدر قدامي (اوس خايف على طبيب منها )
طبيب :مسيو اوس مامكنش نعالج مريضة قدام شي حد من اهلها خاص تكون بوحدها باش تلقا رحتها وتبوح
نجلاء: ههههه دبا نخليكم تافقو مع بعض شكون يخرج وشكون يجلس (بغات تنوض وهو يخنزر فيها اوس)
اوس:جلسي لارض
طبيب: مسيو اوس ممكن تخلينا بوحدنا
اوس:اوكي (ناض خرج وخلا نجلاء مع طبيب )
طبيب: انسة نجلاء وخا تعرفني براسك عتبرني صديق وهدري معيا
نجلاء: (تكات رسها لور جلسة بكل هدوء ورزانة كتشوف قدمها )نحن صديق من لا صديق له
طبيب :عفوا
نجلاء: كان عليك تكتبها فلافيتة وتعلقها فديك بلاصة فين علقتي داك سمية ديالت علم النفس العيادي
طبيب:(شاف فين كتشوف كانت معلقة واحد صورة ومكتوب فيها علم النفس العيادي )😊 ههه
نجلاء: (شافت فيدكشي وهي تنطق )علم النفس الاكلينيكي هو ذلك الفرع من علم النفس الذي يتعامل مع المعرفة السيكولوجية ومع الاعمال والتدريبات التي تستخدم في مساعدة العميل الذي يعاني من بعض الاضطرابات السلوكية او الفعلية للوصول الى تكيف افضل والى تعبير داتي افضل ويتضمن هذا الفراغ من العلم تدريبا وتمارين في عملية التشخيص وعملية العلاج وعملية الوقاية أو منع حدوث الاصابة
طبيب :😮😮(طرع فمو فيها صدماتو )
نجلاء: بغيت غير نعرف دكتور انت طبيب نفساني ولا أخيصائي
الدكتور:انا طبيب
نجلاء: ممم طبيب كتعالج بالدوية من بعد استماع المريض وتفهم مناش كيعاني واغلب الادوية باش كتعالجو المرضى ****** وكياخدو بالتدريج وملي ينقصو ينقصو بتدريج ويقدر يكون ادمان عند المريض
طبيب: باش عرفتي هذاشي كل
نجلاء: ماشي مهم دبا خلينا فالاهم ادكتور دبا ركز فيا مزيان وقولي واش كنبان ليك مريضة كيف سمتيني انت وسي العلامي
دكتور:لا كتباني طبيعية ومتقفة من لفوق
نجلاء: (كتشوف فيه وتهدر بهدوء )واشمن علاج غتخرج لوحدة طبيعية ادكتور شوف بيني وبين كون غير درتي شي جلسة ل اوس العلامي حيت هو كيبان ليا عندو اضطربات نفسية ومحتاج علاج نفسي ادكتور دبا انا غنمشي حيت مزال تبعني قريا ادكتور وسي العلامي فهمو بلي نجلاء طبيعية ومكتعاني من حتى حاجة والى هو بغا امرضني شغلو هذاك (ناضت خرجات خلات طبيب مصدوم فيها لقات اوس جلس وشد تليفون كيبقشش فيه ويستنها شافت فيه)حم سلينا وخا نمشيو
اوس:(شاف فيها بشك )تسناي هنا نرجع (مشا دخل عند طبيب اسولو اش كين )دكتور اش كين
طبيبة:(باقي مصدوم)واش الانيسة كتقراء علم النفس
اوس:كيفاش
طبيب :واش هي كدرس فالجامعة
اوس: اشمن جاميعة الله ايهديك هذيك راه عاد كتقرى فسيزيام
طبيب:😮😮 حم عود شنو
اوس:واش انت صافا شوية جبتها عندك تعلجها وكنضن هذاشي لي كتسولني كان عليك تعرفو منها انت ياك درتي ليها جلسة وشي ساعة وانا نستنا فيها
طبيب:انا لي محتاجة جلسة اسي العلامي ملي هذيك عاد كتقرى فالسيزيام وعارفة معنى النفس العيادي انا راه خاصني وعارف فالدويات والاعراض وكاع دكشي لي دوز نص فعمري كنقراه انا راه خصني نرجع لراوض على هذا القبل ونخلي لمهنة لموليها
اوس:اش كتقصد
طبيب:هذيك راه دمغها عامر بالقريا غير سجعوها وراه مكتعاني من حتى شي مشكل
أنت تقرأ
زواجي من صهري 💍مكتملة💍
Romance💎مكتملة💎 ❌حصرية على الواتباد ❌ ها واحد سلام عليكم حبيباتي بلسان الكاتبة: جبت ليكم بقصة جديدة بلا منقول عليها قمبولة💣 الموسم حيت انتما لي غتحكمو فالاخر واش قصة ناجحة ولا غير خربشة 😏 مممم قسوة الاب وفقدان الام 😢حب الاخوة👭👫 حنان الجدة👱 زوجة ا...
