نجلاء: (بقات كتشوف فيه وتصنط ليه وربطات حيتها بهذاشي لي قال ليها لقات فعلا كلامو بصاح الحياة بحال البحر ونجلاء تعرضات لبزاف ديال العراقيل وقدرات تجوزهم ودبا قدمها العاصفة تاع اوس لي كل مرة تجيها من جيها وترفقها رعدة والبرق معهم )وي بصاح عمي الحياة تجاريب ومن تجاريب يتعلم الانسان واي حاجة جات فطريقنا خاصنا نجربو موجهوها ونتغلبو عليها باش نستمرو
مصطفى: تبارك الله عليك فراسك انتي ميخافش عليك الواحد حيت مشالله عليك واعية بزاف وكتباني بحلا مدوزة 70 عام خبرة فالحياة
نجلاء: عاجوز ف 17😊
مصطفى:هههه لا انتي عندك واحد الميزة زوينة لي جلس معاك كطلعي عندو بعقلك كتولي قدو وتحاوري معاه بحلا جلس مع شواحد قدو هذا الى كان كبير والى كان صغير كتنزلي عندو بعقلك تاني تعاملي معاه بعقلو وهذاشي لي عجبني فيك بنتي الله اكمل بعقلك
نجلاء:مرسي عمي (شافت فالساعة وهي تنطق)نمشيو الولاد ايكونو فاقو وكيبكيو
مصطفى: سعدات هذا الاود ربي عوضهم بيك
(ناضت نجلاء هي مصطفى توجهو لدار لقاو اوس كيراري ب أويس لي فاق خاصر مبغا يسكت حيت ملقاش نجلاء وفاختة كتراري ب إقبال )
اوس:(بانت ليه دخلات وهو ينطق)هاهي مامي جات حبيبي
اويس:(غير شفها وهو يمشي كيجري عندها وكيبكي)هئ هئ اااعااعع مامي 😭
نجلاء: (نزلات هزاتو عنقاتو لصدرها وهو حلف لسكت قالك علاش خلاتو )صافي حبيبي هاني جيت
اويس:هااااعععع 😭ننن
فاختة:تقلق حيت خلتيه
نجلاء: (عنقاتو لصدرها ومشات جلسات فوق الفوطوي وكتبوس فيه وطلبو)سمحلي حبيبي هاني جيت ومبقاش نخليك بوحدك شوف شنو جابت لحبيبي اويس(جبدات ليه واحد الكورة كيشعل فيها ضوء)شفتيها زوينة
اويس:(شاف فيها وفرح )ومومو
نجلاء: مممم حتى مومو جبت ليه (هزات واحد كورة رطبة بحال ديالت اويس وفيها صوت كيغني )هذي ديالت مومو
نجلاء جلسة تسكت ف اويس وتلعب معاه وتبوس فيه حيت بقا فيها الحال حيت خلاتو شوية وخرجات اوس كيشوف فيها كيف تعنق فولدو وتبوس فيه وكيفاش قدرات تسكتو وخرجات ومنستهم جابت ليهم معها الالعاب وفرحات اويس
فاختة حتى هي ومصطفى بقاو كيشفو داك الحب لي بينتهم بحال ام ولدها فعلا نجلاء عندها كاع صيفات تاع الام لي هي الحب والحنان والخوف على ولدها صدق لي قالو الام هي لي كتربي ماشي لي ولادات
فاختة:(شافت فنجلاء وهي تمد ليها إقبال لي كتبكي حتى هي )بنتي شدي ولادك مبغاو يسكتو لحد
نجلاء: (حطات اويس حدها وهي تشد إقبال عنقتها لصدرها )مال البخوشة تاعي مالها هاا درباتك جدة سلخاتك ياك
فاختة:وييه بقيت نعطيها لضهرها حتى دروني يدي وتقول واش بغات تسكت ولا تنعس
نجلاء: هههههه راه كتبغي توقف تمشى بيها عاد تنعس (وقفات نجلاء وهزات اقبال )نمشي نبدل حويجي ونعسها
(تبعو ليها العين حتى دخلات لبيت)
مصطفى: الله يرضي على هذا البنت كل نهار كتزيد تكبر فعني
فاختة: شفتي كيف حنينة على الولاد
اوس:(بقا غير كيسمع لهم وعقلو مع نجلاء وتصرفتها مع الولاد فرح بزاف حيت ولادو لقاو أم بحلها )😊
دازت ديك اليلة على الابطال وصباح صباح يوم جديد لي غتمشي فيه نجلاء لبلاد معرفاتش اش كيستنها تما فاقت على غوات اقبال لي فيقات اويس
نجلاء: (هزاتها لقتها خرات فحويجها وهي تشوف ف اويس )بيبي اجي ندوشو لمومو نغسلو ليه كاكا
اويس:(فرح ومشا كيجري تبعهم )😁
دخلاتهم نجلاء لدوش غير حيدات ل إقبال حويجها بغات تدوش ليها ناض أويس حتى هو قالك بغا يدوش شدات إقبال فحجرها وحيدات الحوايج ل أويس وطلعاتو البنيو فيه ماء دافي وصابون هي شدات اقبال كتغسل ليها واويس كيرشها بالماء ويضحك فرحان سرد نجلاء حويجها وشعرها
نجلاء: هههه اويس شوف شنو درتي ل ختك كل شوية تقفزها بالماء
اويس:ههههه
عند اوس لي فاق ودخل دوش لبس سروال كيطمة فالبلومرين وتيشورت فالكري خرج يشوف واش الكل فاقو يوجدو ريسوهم حيت غيمشيو لقا فاختة فالكوزينة كتوجد الفطور
اوس:صباح الخير الوليدة(مشا باس ليها رسها)
فاخنة:صباحووو ولدي كيف صبحتي
اوس:بخير الحمد لله احم نجلاء باقي مافقت هي ممولفاش تنعس حتى هذا الوقت
فاختة:(شدات ضحكة بزز )حم هي فايقة وجلسات فالبيت حيت فاش فقت لقيت الماء طايب محطوط اتكون وجدات بيبرونة ل إقبال
اوس:اه نمشي نشوفها
فاختة: (بغات تشد فيه )اش غتشوف
اوس:نشوف ولادي ونصبح عليهم(بتسم ليها وهو يمشي دخل لبيت كيف ديما بلا ميدق بلا والو دخل ملقاهمش تما وسمع صوت اويس جاي من دوش كيضحك ولباب محلول مشا اوس وقف قدام الباب كيشوف فنجلاء لي لبسة بيجامة فالبيج مرسوم فيها ارنب فالكرش بالقهوي وسروال تها بالبيج وفيه رسومات تاع ارانيب صغار بالقهوي شعرها مجموع الفوق كعكة مهملة وكلها كتقدر بالماء لدرجة تيشورت لاصق عليها وكانت كضحك وتحفرو دوك تقابي دزين فخدودها بقا كيشوف فداك المنضر شحال زوين حتى فيقو صوت اويس لي عيط ليه
اويس:(كيلعب ويسرد فنجلاء حتى هز عينو بان ليه اوس )بابييي😍
نجلاء: (دارت شافت فيه لقاتو واقف كيشوف فهمد وهي تنطق)فكرني مرة جايا نسد لباب بساروت 😠
اوس:اولا جيت نشوف ولادي تانيا اش باليك نديرو هدنة ليوم حيت فقت ومرالي طالع بزاف وناشط ومبغيتش يطيح ليا (جلس قفازي جنبها وبدأ كيلعب مع اويس ويغسل ليه ومرة مرة يخطف شوفة فنجلاء غير بنص عين شداتو ضحكة فاش بانت ليه متوترا وقف وهو يحيد تيشورت تاعو حيت لاح عليه اويس الماء)
نجلاء:(شافت فيه وهي تنزل رسها وشدات ف إقبال بزز شوية ومتملص ليها هزات شبوان تعها درتو ليها وبغات تسربي تشلل ليها باش تخرج من تما )ناري كتزلق
اوس:(شاف فيها كيف توترات ويديها كيتفتفو مد يدو وشد إقبال) عندكي طلقيها
نجلاء: حم انا نشلل ليها (شللات ليها شعرها وهي تدوز ليها صابون واوس شدها وعنيه على نجلاء لي مهزاتش عنيها فيه شلالات نجلاء ل إقبال ومشات جابت فوطة لوتها فيها يلاه بغات تخرج تلقات فاختة قدام لباب حشمات منها حيت لقاتها مع اوس فالدوش واوس عريان من الفوق)حم خالتي
فاختة:(شافت فيها حويجها يردين وهي تمد يدها شدات من عندها إقبال) اريها بنتي لبسها وانتي بدلي حوايجك
نجلاء:حم وخا خالتي (شافت فيها وبغات تخرج تمشي تهز حويجها وتمشي لدوش لي على برى وقفها صوت اويس )
اويس: مامي هئ هئ هذا (كيشير ليها زعمة مدرتيش ليا شبان بحال إقبال)
نجلاء: (رجعات على وعدها وصعدها دوش ليه درت ليه شبان وصابون)نوض من تما اجي نشلل ليك
اويس:نننن
اوس:(بقا كيشوف فيها وف اويس)ولدي لراكة عليك من الماء نوض راه مزال تبعنا طريق
نجلاء: (تفكرات بلي اليوم غترجع تشوف براهيم ودوار زيرات على يدها)اويس حبيبي يلاه شلل دبا حتى مرة اخرى ونخليك تبقا فالماء بزاف
اويس: مامي دير هذا هنا(قالها دري شبان حتى انتي ودوشي)
نجلاء: وخا غنديرو يلاه نسالي ليك دبا ونديرو حتى انا
اويس: نننن لا دير 😭
اوس:(شاف فيه وهو ينوض خرج حيت عرف اويس موالف يدوش مع نجلاء )انا نخرج سربي دوشي ولبسي الولاد ويلاه تفطرو راه غيمشي الحال(مشا هز واحد الفوطة نشف بيها صدرو وشعرو وهو يخرج لقا فاختة لبسات إقبال حوجتها مشا ليها كيبوس فيها)كبدة ديال بابا شوية ومطلقك مامي هأ
فاختة:(شافت فيه وهي تنطق)بسيف انت دخلتي تعرتي على البنت حتى ودرتي ليها القبلة وتوترات اما ديما كدوش ليها عمرها طيحتها
اوس:حم سردني اويس وحيدت تيشورت قولي الوليد فاق
فاختة:اه راه لبس واجد حليتو كيشرب القهوة فبرر
اوس:نمشي نشوفو (ناض خرج عند الاب ديالو)
فاختة: (تبعات ليه العين حتى خرج وهي تنهد وهدرات مع إقبال)شفتي باباك باغي يعرض عضلاتو على البنت هههههه هو باغي يزعمها عليه مي هيهات تم هيهات مع نجلاء متمشيش هذا الحركات شوية ومتمشي ابنتي ضحية فعايل باباك هههههه (شافت ف اقبال )انتوما لي غتجمعهم وغتقربهم لبعض انا امالي فيكم ابنتي انتي وخوك
بقات تهدر مع اقبال وتلعب معها حتى خرجات نجلاء لبسة بينوار وهزات اويس لي لبسات ليه بينوار تاعو حنيكاتهم حمرين بالتدواش
فاختة:بصحة وليداتي
نجلاء: الله يعطيك صحة خالتي (حطات اويس ومشات جبدات حوايجو عبارة على شورط دجين رطب وتيشورت بيض وسندالة تاع سماطي فالكحل لبستهم ل اويس ورشات ليه من ريحتو وهي تنشف شعرها وجبدات سروال دجين زرق لبساتو ولبسات معه قميجة خفيفة فالگرونة على حساب صهد لبسات سندالة صماطي بلا فالكرونة شعرها جمعاتو كعكة مهملة باش مصهدها جات كيوت خرجات هي واويس وفاختة واقبال لقاو اوس حتى هو لبس سروال دجين وتيشورت بيض مع كنفريسة بيضة ومصطفى لبس حتى هو واجد جلسو فطرو وفطرو دراري جمعات نجلاء المواعن دارتهم فالمكينة تاعهم تغسلو وردتهم لبلاصتهم وخرجو ركبو فللوطو تات اوس مشاو المطار
أنت تقرأ
زواجي من صهري 💍مكتملة💍
Romance💎مكتملة💎 ❌حصرية على الواتباد ❌ ها واحد سلام عليكم حبيباتي بلسان الكاتبة: جبت ليكم بقصة جديدة بلا منقول عليها قمبولة💣 الموسم حيت انتما لي غتحكمو فالاخر واش قصة ناجحة ولا غير خربشة 😏 مممم قسوة الاب وفقدان الام 😢حب الاخوة👭👫 حنان الجدة👱 زوجة ا...
