زواجي من صهري 💍مكتملة💍

الجزء 117 💍❤️

مشا اوس وعائلتو ومعهم نجلاء لفيرمة وصلو نزلو ونجلاء بقات بنفس البيجمة هزات إقبال لي ناعسة واوس هز أويس وطلعهم لبيت فاختة ومصطفى مشاو لبيتهم ينعسو
اوس:(مد اويس بغا يحطو وهو يشد فيه وبدأ اغوت وكيقول زاجاة )بسم الله عليك ولدي بسم الله عليك.
اويس: (كان كيحلم بالدجاج تابعو وناض كيغوت)مامي زاجة ديل لي عم 😭
نجلاء: (قربات عندو كدوز ليه على راسو )شش متخافش حبيبي
اويس كان مخلوع بزاف وشاد فاوس اما نجلاء فتحنات عندو كتر وبدات كتبوس فيه ودوز على شعرو نسات راسها كيفاش محنية وان البيجامة لكول ديابها محلول بزاف كيبين كلشي الا تحنات
غافلة على الاعين تاع اوس لي شوية ويتخشاو وسط البيجامة وهو كيشوف صدرها الابيض والبارز ومشقوق بطريقة متيرة خلاه ينسا راسو ويتبع شهوتو كان كيقرب ليها وكيستنشق ريحة عطرها لي جدباتو كتر يلاه بغا يبوسها وهي تفيقو من سهوتو غوتة تاع اويس
اويس : اععععععع خوخو خوو تما
دارو بجوج بزربة ( كانت حشرة طالعة فالحيط)
نجلاء:ناري رتيلة رتيلة اعاعععع (وقفات فوق المدربة وهزة اويس معها وكتنقز وتغوت)قتلها قتلها ناري
اوس:(شاف فيها كيف تخلعات من رتيلة جابت ليه ضحك لا هي لا اويس لي مخشي فيها وكيقول خوخو )ههههههههههه امي مع من انا رتيلة خلعاتك لي شافك كطيري ودري شي فعال ميضنش فيك كتخافي من حشرة صغيرة
نجلاء:(شافت فيه وهي طلبو بعنيها)ناري قتلها عافك ولا خرجها راه غتقرص الدراري ويقدر تكون مسمومة عافك خرجها
اوس:وخا متخافيش (مشا هاز ديك الرتيلة الكحلة كبيرة لاحها من سرجم وسدو وهو يرجع لقا نجلاء جلسات كتسترجع انفسها ركز شوفة فصدرها لي كيطلع ويهبط زاد كمل عليه لي خاصو حس بسروالو كيتزير من لتحت وهو يدور دغية عطها بضهر وزير على يدو )حم الى بكا اويس فاليل عيطي ليا نديه عندي (مشا خرج من البيت بزربة ونزل مشا خرج من دار وتوجه جنب الواد وهو كيسب فراسو حيت شاف فيها بشهوة وينعل الشيطان)
اوس:استغفر الله اعوذ بالله من شيطان الرجيم لا غير شيطان هذا وسواس من شيطان هي محركات فيا والو هي خت سهام انا غير شيطان لي وسوس ليا عمري نعاود نشوف فيها ديك الشوفة (بقا ايدور تما شحال حتى تهد ورجع لدار بان ليه ضوء تاع بيت نجلاء طافي عرف بلي نعسو مشا توجه لبيتو ونعس وهو كيستغفر لدنب ديالو صباح الصباح فاق اوس كله حيوية ونشاط لبس كيطمة كحلة وسبرديلة بيضة مخطط بالكحل خرج مشا كيجري ويشم الهوئ لي كيرد النفس فبنادم رجع لدار لقا نجلاء والاب ديالو وفاختة جلسين كيفطرو )
اوس:صباح الخير عليكم
الكل:صباح الخير
فاختة:جلس تفطر
اوس:انمشي ندوش ونرجع فيا نيت الجوع (شاف فنجلاء)واش نعسو دراري
نجلاء: اه خليتهم ناعسين
اوس:قصدي بليل واش اويس مبقاش خاف
نجلاء: كان تيهتر شوية قريت عليه قرآن ونعس
فاختة:مالو
اوس:غير البارح كان يشوف دجاج باليل تخلع
مصطفى: مسكين ممولفش اشفهم (شاف ف اوس ونطق)يلاه سير دوش واجي تفطر راه ايجي براهيم وعائلتو يتغداو هنا وراك عارف(لمح ليه وشاف فنجلاء)
اوس:(شاف فنجلاء لي زيرات على يدها ونطق)اه واخا الوليدة اش درتي
فاختة:(شافت فنجلاء وهي تنطق)مدرت والو مقدرتش (هو قاليها تفتحها بالموضوع)
نجلاء: (شفتهم كيهدرو بالالغاز وهي تفهم رسها وناضت)نمشي نطل على دراري واش فاقو
تبعو ليها العين حتى غبرات وهو ينطق مصطفى
مصطفى: راه براهيم غيتكلف هو الاب ديلها وغيقنعها
فاختة:نتمنى تقتانع
فطرو وناضو مشاو يوجدو راسهم لمواجهة نجلاء ههههه لي فيقات دراري دوشات ليهم ولبساتهم حوجاتهم وفطراتهم نزلاتهم لتحت وحطات إقبال فالوركس ديلها واويس كيلعب جنبهم جلسات هي وفاختة نجلاء كانت لبسة فراشية (فصورة) وشعرها مطلوق على رحتو
فاختة:(مكتقدرش طول فيها شوفة وكتبغي تهدر الهدرة مبغاتش تخرج ليها زيرات على يدها )بنتي رتحتي شوية
نجلاء: اه اخالتي الحمد لله خالتي بغيت نمشي نشوف عمي العربي ومرتو واش (قبل متكملها نطقات فاختة)
فاختة: ماشي دبا ابنتي راه باباك جاي عندنا هو ومرتو وخوتك حشومة تخليهم
نجلاء: (زيرات على يدها )وخا اخالتي (باقي كيهدرو شافو اوس نزل لبس كيطمة زرقة وتيشورت بيض يلاه وصل عندهم بان ليه مصطفى وبراهيم وتوريا ورشيد وامال دخلو مشا سلم معهم وتقدمو سلمو على فاختة ونجلاء لي جات باست يد براهيم وهو نترها ليها بزربة جلسو وحطو اتاي والحلاوي اشكال وانواع
نجلاء كتشوف فهم كيتناقشو ومرة مرة كيتغامزو بينتهم مفهمات والو وهي تنطق)
نجلاء: حم انا غنطلع اقبال تنعس
مصطفى:خليك بنتي اباك بغا يهدر معاك
نجلاء: (دارت شافت فبراهيم بستغراب )حم اه هاني فاش بغاني بابا (قالتها بستهزاء)
مصطفى: (شاف فيها وفبراهيم) سيري معاه ل صالون لاخور
نجلاء: (شافت الاب ديلها وقف وهي تسبقو وعقلها كيخيط ويفصل مفهمات والو دخلات لصالون ودخل براهيم رد لباب وهو توقف كتشوف فيه شحال وهي تنطق)نعم سي براهيم فاش بغتي تهدر معيا انا كنسمعك
براهيم: (هاز عينو فيها شاف فيها ونزلهم دغية)حم جلسي
نجلاء: (جلسات كتسنا يفرگع الرمانة )معلوم نجلسو حيت قالها سي براهيم (جلسات نجلاء وكتشوف فيه براهيم معرف كفاش يبدأ معها الهدرة حيت اول مرة غجلس معها باش يقولها شي حاجة سكت شداتو اللقوة هذا نجلاء عندها الهيبة وخا هكا شافت فيه وهي تنهد ونطقات)خير سي براهيم ولا معندك فاش تهدر معيا وغير حشمتي من صحبك وجبتني لهنا زعمة راه غتناقش مع بنتك
براهيم:(هاز راسو شاف فيها وهو ينطق بزعاف)لي دار علاش احشم هو لي حشم انا الحمد لله كلشي كيعرفني ومدرتش علاش
نجلاء: (قطعاتو )بصاح فراسك انا اكتر وحدة كنعرفك ابراهيم (فاش كتقول براهيم كتغمض عنيها)وراك درتي بزاف علاش تحشم غير انت معندك الوجه باش تحشم قالتي لناس انك غير مربيني
براهيم: (شاف فيها ونطق)انا مكدبتش عليهم هوما سولوني عليك وانا قالت ليهم الوليدة لي جابتك تربيك وهذاشي راه بصاح هي لي جابتك لداري اما انا كاع مبغيتكش فيها ودكشي علاش جيت ليوم نقولك اوس غيدير فيك الخير وغيتزوجك باش تكون عندك دار ديالك متبقايش كيف شي متشريدة وانا قبلت
نجلاء: (تصدمات صدمة عمرها شفت فحلها)اشنو قالتي سي براهيم مسمعتك مزيان
براهيم: كيف سمعتي ليوم ولا غداغيجيو العدول باش يكتب عليك
نجلاء: (ودنيها كيسفور والعفية بدات تشعل فيها من لداخل وقفات و نطقات برود )الى انت قبلتي انا مقبلاش
براهيم: (شاف فيها بغات تخرج مشا شدها من يدها ونطق)انتي غتوقعي على العقد وماشي مهم واش قبلتي ولا مقبلتي
نجلاء: باشمن صيفة كتهدر معيا وكتأمرني سي براهيم هاأ ياك انت غريب عليا وانا غريبة عليك وغير اموك لي جابتني عندكم فراسك كون كنت بنتنا شي صيلة وتجي تهدر معيا وتخيرني بين سخط والرضى كيف كيديرو الولدين ههههه كنت غندير بحساب سخط ونقبل مي دبا لا انا مقبلاش ومغديش نتزوج بيه(هدرات برود وهدوء عكس العافية لي شعلة فيها)
براهيم: (شدها من شعرها)غتقبلي هي غتقبلي انتي غتزوجي بيه كتسمعي
نجلاء: مقبلاش هي مقبلاش كتسمع مغديش نتزوج بيه (دفعات ليه يدو )ويدك بعدها مني
براهيم: (دربها لوجها دورها وهو ينطق)غتزوجيه الكلبة ولا انتي عاجبك الحال تسكني مع رجل غريب هو راه معجبوش وغتزوجي بيه
نجلاء: (شافت فيه وهي تخرج ومشات لفين كان اوس والاب ديالو وفاختة وتوريا جلسين وهي تشوف فبراهيم ) هاني غنقولها قدامهم انا مامزوجاش بيه وبلا متعي راسك انت وياهم ودبا سلينا وسدينا(كتهدر وهي معصبة وكتشوف فبراهيم اما اوس بقا غير كيشوف فيها جلس اشوف اخيرتها وحتى من مصطفى وفاختة وتوريا جلسو كيشفو فيهم هوما مدخلوش حيت بغاو براهيم اقنعها وهو امالهم )
براهيم: (جا عندها وهو يوقف قدمها ونطق تحت سنانو )غتزوجيه هي غتزوجي بيه