وصلو المطار لقاو الطيارة واجدة طلعو مسافة طريق كانو فبني ملال نزلو ولقاو للوطو كتسناهم طلعو ليها تاني وتوجهو لدوار نجلاء جلسة لور هي وفاختة شدين دراري متبعة مع طريق وكسترجع دكريتها هنا واش دوزات فيه وياما طلعات فهذا الطريق من الدخلية لدار اباها وهي كلها امال اباها يحن فيها ولاكين كترجع منها وهي محملة بخيبة امال بقات تشوف فالطريق غافلة على العنين لي متبعين معها من المريا هذا اوس لي تولى القيادة وجنبو الاب ديالو كيهدر معاه ولاكين اوس عينو فنجلاء ودماغو مشغول كيفاش غتكون ردت فعلها ملي تعرف بلي جايبها لبلاد يخطبها من الاب ديلها واش غتقبل تكون بلاصت الاخت ديلها هو عارف بلي من سابع المستحيلات تقبل نجلاء بهذاشي شاف فولدو لي مخشي فيها وتنهد
اوس:(بينو وبين راسو)هي مغديش توافق ولاكين انا غندير جهدي وكتر مغرجعش حتى نرجعها مرتي وام لولادي وخا نعرف ايوقع لي بغا يوقع انا غنتوزجها على قبل ولادي وعلى قبلها حتى هي
مصطفى:ها حنا وصلنا على سلامتنا
اوس:(شاف لباب تاع الفيرمة تحل وهو يدخل)على سلامتكم(وقف للوطو قدام الفيلا لي لداخل تاع الفيرمة لقا المرأة لي خدامة تما هي وبنتها ورجلها وقفو ستقبلهم نزلو وبداو كيرحبو بهم المراء غير بانت ليها نجلاء مشات عنقتها لصدرها وبدات تبكي)
فطومة:نجلاء بنتي البركة فراسك بنتي والله حتى بقات فيا سهام الله رحمها ويصبرك عليها
نجلاء: (بدلتها العناق)مامشا معاك باس خالتي فطومة كلنا ليها الله يرحمها يارب
فطومة:امين بنتي
نجلاء: كديرة الصحة اخالتي بخير
فطومة:ها حنا بنتي كنسلكو
نجلاء تقدمات سلمات مع بنات فطومة ورجلها وقفات معهم كتهدر معهم
اوس:(شاف فيها )نجلاء دخلي اويس من شمس غدرو
نجلاء: (شافت فيه وعتدرات من البنات)سمحوليا
مشات دخلات لدار لقات فاختة جلسة فالصالون هي ومصطفى كيرتاحو وشدين اقبال مشات جلسات معهم جا اوس حتى هو جلس وجات فطومة هي وبنتها جابو ليهم الماء يشربو وبداو يحطو ف اتاي والحلوة ومن بعد تبعو ليهم الغداأ والدسير كلاو حتى شبعو
مصطفى: الحمد لله شحال توحشت هذا المكلة تاع البلاد البنة تعها بوحدها
اوس:وي عندك الحق كتاكل بحلا مكلتي
فاختة: الماء تاع هنا لي زوين كيهضم (شافت فطومة )الله يعطيك صحة فطومة كلشي كان بنين
فطومة:بصاحتكم لالة فاختة راه طيبت كلشي على العواد طاجين نصبتو فوق الفاخر والخبز ديال انور
نجلاء: دكشي علاش بنين خالتي فطومة وخا نعيك معيا دري ليا الخبز بالشحمة والبصلة فالعشية وبغيتو ف انور
فطومة:اكيد ابنتي مرحبا
اوس:اشنهو هذا
فاختة: بيتزا بلدية😂
مصطفى: حتى انا دري بحسابي افطومة
اوس:ناري باقين المواعن تاع الغدا قدمكم وكتشهاو مزال
فاختة:غير صبر تشرب وتنوض تقلب على متحنجر
اويس:(طلع فوق حجر نجلاء) مامي دودو
نجلاء: عيتي حبيبي يلاه نديك تنعس
فاختة:(شافت فبنت فطومة )كريمة بنتي وصلي نجلاء لبيتها
كريمة:وخا الالة (مشات طلعات هي ونجلاء لفوق ورات ليها واحد لبيت زوين عندو باركو كيطل على جنانات وفيه مدربة كبيرة مفرشة بفراش فالگرونة وصباغة فالبيج فيها بريو كيبري)
نجلاء: شكرا ختي
كريمة:(ميكات فيها وهي تخرج وكتهدر مع رسها )عطاتك ليام ابنت براهيم السراحة وليت نخدمك
اوس:(كان متبع ليهم العين حتى طلعو وهو ينوض مشا شد إقبال من عند الام ديالو)ارى إقبال نطلعها تنعس حتى هي
فاختة:(مدات ليها اقبال) غير خليها معيا نعسها خلي نجلاء ترتاح يلاه تكفا مع اويس
اوس:ارها ليا نعسها معيا 😍بخوشة تاعي توحشتها (شدها من عند فاختة وهو يجمعها بيد وحدة كيف الكمشة طلعها لسماء)ناري مبغاتش تكبر
فاحتة:ناري غيگرط البنت من ضهرها هزها مقد
اوس:متخافيش عليها راه مناديهاش هذي راه روحي
مصطفى:باقي صغيرة كيف تزادت
فاختة:راه عاد كملات شهر وراه مشرباتش حليب الام لي غيگعدها هي مسكينة كتشرب حليب فرمسيان
اوس:(شاف فبنتو وهو يغنقها لصدرو بحب)حبيبة ديالتي دبا تكبر ان شاء الله وتولي صحيحة ياك بابي (هزها وغادي طالع تلقا مع كريمة لي بغات تاكلو بعنيها بدات تبعكك قدامو وتعوج بتسمات وهي تنطق)
كريمة: الله يصلح مسيو اوس
اوس:امين يارب (مشا خلاها ودخل لبيتو لي حدى البيت فين كانت نجلاء حط إقبال فوق سرير دور ليها المخاد ومشا دوش ولبس سروال كيطمة كحل وتيشورت بيض ورجع تكا حدى اقبال كيدوز يدو على شعرها بحب ويبوس فيها
داز النهار كلشي دوزو فالنعاس حتى العشية فات العصر فاق اوس على صوت بكا تاع اقبال ناض هزها كيراري بيها مبغاتش تسكت ليه دار ليها سكاتة فمها وغادي بيها عند نجلاء حل لباب ودخل وهو يلقا نجلاء ناعسة معنقة اويس لي مخشي فيها حتى هو وحد يدو على عنقها كيبانو بريئين بزاف مشا جلس جنبهم وكيشوف فهم شاف ف إقبال لي سكتات وكترضع فسكاتة )
اوس:شوف شحال زوينين بريئين نفس الوجه نفس البراءة ونفس النعسة (اويس ونجلاء كينعسو وعنيهم شبه محلولين شاف اوس واحد خصة شعر طاحت على وجه نجلاء مد يدو هزها بشوية ردها لور وبقا شحال كيتمعن فيهم حتى فضحاتو إقبال لي غوتات وهو ينوض وقف هزها وشاف فنجلاء لي حلات عنيها )
نجلاء: (حلات عنيها وبدات تحك فهم باش توضاح ليها الرئية بان ليها اوس واقف كيشوف فيها وهي تقفز ناضت وقفات)اش كين اش اش واقع اش كدير هنا
اوس: حم انا جبت ليك اقبال كتبكي مبغاتش تسكت
نجلاء: (مشات شدات من عندو اقبال وهي تنطق) تقدر تخرج ومرة اخرى دق لباب سي العلامي مبقاش دخل عليا بحال هكا كل شوية 😠
اوس:(بقا كيشوف فيها شحال وتنهد)حم وجدي راسك نزلي دري الكوطي راه غنمشيو لداركم (خرج وخلاها)
نجلاء: (حلات عنيها على وسعهم وديك داركم كتردد فودنيها )صافي وصلات الوقت الحاسم خاصني نمشي نعتب ديك العتبة لي حلفت عليها عمري نعتبها (سكتات اقبال وحطتها جنب اويس ومشات توضات وصلاة ولبسات حويجها سروال دجين كحل وتيشورت كحل وفقهم جاكيط تاع دجين باهت مهم كحلاتها نيت غير تقات الله شوية ودارت داك جاكيط هرسات بيها لون شوية ههههه لبسات كنفريسة كحلة ولبسات إقبال صلوبيط فالكري واويس لبساتو شورط فالبيج مع تيشورت بلومرين هزات اقبال وشدات فيد اويس نزلاتهم لتحت لقات اوس حتى هو عاد نزل جا هز اويس )
اوس: (هز ولدو)ولدي فقتي حبيبي (شاف فطومة (خالتي فطومة فين الوليد والوليدة
فطومة:راهم فالجردة حطيت ليهم الگوطي راه جيت نعيط ليكم
اوس:اه وخا (شاف فنجلاء يلاه غقولها يلاه لقها سبقاتو ههه تنهد وتبعها لقا الاب ديالو والام ديالو جلسو الكوطي محطوط قدمهم الخبز بالشحمة والبصلة طايب ف انور وكين المخمار والزيت بالدية وزبدة حتى هي بلدية واملو والعسل الحور والمربى تاع اليمون كتصيبو فطومة والبيض البلدي مسلوق وزيتون مشرمل اشكال وانواع دكشي كلو بيو ديال الدار والحليب تاع البقرة طايب وقهوة واتاي بالنعناع
جلسو كلاو مزيان وناضو خرجو فاختة لبسات جلابة فالكرونة مع شال تعها ومصطفى لبس فوقية زرقة نص كوم اوس بقا بحوايج لي كان لبس فالدار ههههه ركبو فللوطو وطرگو الحانوت عند العربي باش يتقضاو معهم شي حاجة لداري نجلاء غير شافت العربي وهي تحط اويس ونزلات مشات عندو وهي تعنقو بدون سابق انضار
نجلاء: عمي العربي توحشتك بزاف بزاف
العربي:(كان نايض بدخل الحنوت يعطي ل اوس اش بغا مردش لباب للوطو وشكون فيها حتى حس بيدين عنقوه معرف باش تبلا سمع صوتها وهو يعنقها لصدور وكيبوسها فرسها ودموع فعينو)بنتي نجلاء هذي انتي ابنتي
نجلاء: اه انا هذي عمي
العربي: (عنقها كتر وهو يبعدها عليه وشد وجها بين يديه بسها فرسها)وغبورات هذي ابنتي توحشتك بزاف قول كديرة بخير
نجلاء: نقلو بخير عمي:(شدات يدو بستها بحب وباست ليه راسو )وانت كداير
العربي:ملي عودت شفتك ابنتي انا كتر من بخير نهار كبير هذا ملي رجعتي وشفتك
نجلاء: الله يكبر بيك عمي كديرة خالتي لباس عليها
العربي:لباس عليها بنتي وخا عيات شوية الحمد لله غتفرح الى عرفاتك جيتي
نجلاء: هههه دبا ندوز نشوفها ان شاء الله
العربي: (شاف فيها وهو يتنهد وقال بزز)البركة فراسك بنتي من جيهت ختك
نجلاء: مامشا معاك باس عمي
اوس:(كان واقف كيشوف فهم فالاول تعصب من نجلاء فاش عنقات العربي شوية فاش سمعو كيهدر معها ويقول بنتي وهي كيف تعملات معاه بحال الاب ديلها تهدن وبقا واقف كيشوف عرف بلي نجلاء كتعز هذا الرجل بحال الاب ديلها
العربي:(عاد هز عينو فاللوطو بان ليه مصطفى وهو يمشي عندو )سي مصطفى لباس عليك على سلامتك
مصطفى :الله يسلمك سي العربي كراك لباس
العربي:لباس الله يبارك فيك (شاف فاختة لي جلسة لور)مدام العلامي لباس عليك
فاختة: لباس سي العربي اسول فيك الخير
العربي: الله يصلح الوليدات يارب ويجعلهم درية صالحة ويرحم القبر ومخلا
الكل:امين يارب
نجلاء: (مشات هزات واحد الكيس من الكوفر تاع اللوطو وجات عندو لقاتو كيبيع ل اوس سكر والحليب ودانون شافت فيه وهي تبتاسم)عمي هذا ليك
العربي:علاش عدبتي رسك بنتي
أنت تقرأ
زواجي من صهري 💍مكتملة💍
Romance💎مكتملة💎 ❌حصرية على الواتباد ❌ ها واحد سلام عليكم حبيباتي بلسان الكاتبة: جبت ليكم بقصة جديدة بلا منقول عليها قمبولة💣 الموسم حيت انتما لي غتحكمو فالاخر واش قصة ناجحة ولا غير خربشة 😏 مممم قسوة الاب وفقدان الام 😢حب الاخوة👭👫 حنان الجدة👱 زوجة ا...
