**بارت 20**
**زواجي من صهري**
سهام سندات اوس معنويا وكتسجعو وهذاشي كيزيد احفزو ويزيد اخدم بجهد وجتهاد حتى وصل وهو باقي فعمر 28 سنة قدر ادير سميتو فعالم الاعمال ويتشهر ماشي شريكة بيترول لي عندو فرصيد تاعو اوس العلامي كيمتلك سلسلة فنادق داخل وخارج المغرب هذي حرفت بوه لغلبوه ههههه تبع حرفت بوه حتى هي حيت فيها فلوس الحاصول اوس ولا خانز فلوس الله اعطينا خنزو يارب
في امريكا فمدينة نيورك بضبط داخل واحد لفيلا اقل ما يقال عليها هو انها قصر فدوش بلون الابيض ووديكورات بالزاج كانت جاسة لالسة سميج دونوي حمر وفوقو بنوار مشبك وشعرها الاسود لي حد كتفها مطلوق شدة تاست تاع الحمل بين يديها ودموع شلال من عنيها شافت لباب تحل وهي تهز عنيها فيه وزادت فالدموع هو شفها هكاك قرب عندها كان جاي كيقطر بالعرق لبس حيت كان كيدير سبور لبس سروال كيطمة زرق وتيشوت اسود مزير عليه بغا اتفرگع قرب عندها وهو يعنقها لصدرو
سهام:(طلقات لعنان لدموعاها وتعلاو شهقتها فالدوش)مكين والو اوس مكين والو عوتاني خرج سلبي اوس انا مغنكونش ام انا اوس فقدت الامل عيت عيت من هذا الاحباط لي كنحس بيه كل اخير تاع شهر هئ هئ هئ
اوس:(عنقها لصدرو )ششش حبيبة متقوليش هكا دبا اجيب الله متقنطيش
سهام: لا انا قنط اوس صافي فقدت الامل واه 7 سنين ومزال مكين والو وكاع الطبا قالو معندي حتى مشكل وحتى انت معندك والو ومخليت عشبة ولا وصفة مدرتهاش 😭
اوس:كل تأخير فيها خير معرفتي ربي اش مخبي لينا متبقايش تقولي هكا راه انتي لي كتبقاي ردة لبال الحمل وهكا غتهربقي فالهرمونات تاعك سهام نخلي دكشي خلينا نعيشو حيتنا انا وياك
سهام: اش غنخل اشمن حياة كتهدر عليها ومفيهاش الاولاد
اوس:سهام هذي ماشي هدرتك هذي هدرت الناس انتي تقدري تعشي حياتك بلا اولاد وتفرحي وتنشطي عطى الله ميدار فالحياة من غير انكي تبقاي مركزة مع الحمل الاول دشهر تبقاي تشربي فوصفات ومتبع كروبات تاع وصفات الحمل وفالاخر تاع شهر تبداي تحسبي وتسناي امتى غدري تاست وملي دريه دوزي ويخرج ليك سلبي دوزي دوك الايام فالاكتئاب من بعد تنوضي تاني تعاودي من جديد واش مشفتيش راسك بلي دوزتي هذا 4 سنين الاخيرة غير هكا لدرجة بعدت على المغرب وعلى كلشي وهانتي غدية وتبعدي عليا
سهام: اوس انا راه امرأة وبغيت نولد محدي صغيرة راه عندي فترة محددة خاصني نولد فيها ماشي بحال انت وقتما ولدتي هانية اوس انا بغيت الولاد بغيت ايكون عندي بيبي
اوس:سهام راه فعمرك 25 عام وباقي الوقت قدامك علاش بغية ديعي شبابك فتخمام فالاولاد عشي حياتك ونساي هذا الموضوع وقتما جبهم الله مرحبا الى مجبهمش هانية يكفي نعيشو فرحانين
سهام: (وقفات وكتشوف فيه )اوس انا عيت عيت بالوحدانية تقهرت اوس مابقيتش قدا نبقا بوحدي انت كتمشي الخدمة وانا كنبقا بوحدي ومخي كيدرو فيه غير افكار تاع الحمل
اوس:(وقف كيشوف فيها)سمحليا حبيبة هملتك مأخرا ولاكين راه ماشي لخاطري الخدمة كتيرة وحتى فاش كنجي كتبقاي تهدري غير على الاولاد والحمل مليت حتى انا من هذا الموضوع
سهام: اوس انا (قبل متكمل قرب عندها شد يديها بين يديه)
اوس:حبيبة انتي بغتي تخدمي وتشغلي راسك
سهام: لا مابغيتش حيت مكنركز وانت كتحطني فالشريكة فبوسط زوين وانا مكنخدمش مزيان حيت مكنركز فالخدمة وانت كتعاود وريا وانا عارفة مابغيتش الخدمة
اوس:(كيشوف فيها بشك)واشنو بغتي
سهام: بغيت نرجع المغرب اوس بغيت نرجعو نستاقرو فالمغرب وبغيت نخرج ختي من داك الدوار انا وعدتها وموفيتش بالوعد ديالي دكشي علاش ربي كيعاقبني وحرمني من الحمل حيت عطاني اختي ووعدتها نكون ام ليها ونحميها ولاكين خلفت بوعدي تزوجت وجيت لهنا عشت حياتي ونسيت وعدي لختي
اوس:سهام ياك انتي كتسيفطي ليها فلوس وتشري ليها لي خصها وهي كتقرا دبا وكتهدري معها وكتمشي تشوفيها
سهام: هذاشي كل نغيعوضها الحب والحنان هي محتاجهم بزاف نجلاء محتاجة الاهتمام المعنوي ماشي المادي اوس خاصني نرجع نصحح غلاطي معها هي عاشت 7 سنين من عمرها ربي لي عالم كيف دوزاتهم وخا كتقول هي لباس انا متقتش بكلمها ولاكين كندير راسي مقتانعة باش منرجعش انا وحدة انانية وبزاف اختي اعلم الله كيف عايشة مع ديك اللفعة تاع توريا وصابرة وانا عايشة حياتي هنا كنسيفط ليها جوج فرانك ونقنع راسي بلي كنتهلا فيها
اوس:سهام متقوليش هكاك ياك نجلاء عيشة مع باباك وايوب مغيفرطوش فيها (ملاحضة سهام معوداتش ل اوس على كيف كيعامل ابها نجلاء هي مبغاتش تخلي اباها انزل من عين رجلها )
سهام: وخا عيشة معهم نجلاء خصها لي افهمها خصها مرأة فحياتها تفهمها راه كينين بزاف حوايج لبنت متقدرش تعاودهم ل خوها ولا اباها دكشي علاش انا غرجع المغرب اوس انا بغيت نرجع عند اختي عافك
اوس:(بقا كيشوف فيها كيفاش كطلبو وعارف بلي هي كتعيش فالوحدانية وصعيب عليها هذاشي والى بقات هنا اتمرض رسها بالوسواس تاع الحمل يكفي انها جات معاه لغربة وصبرات معاه حتى كون مستقبالو دبا حان الوقت باش اصبر معها حتى هي ويتنازل على قبلها وخا مكيعجبوش المغرب مي ايصبر على قبل حبيبتو جرها من خصرها وبسها فرسها بوسة حنينة )وخا حبيبة ميكون غير خطرك
سهام: (شافت فيه بحب وعنيها كيلمعو)اوس غنرجعو لبلدنا ياك انمشيو نستاقرو فالمغرب
اوس:ممممم اه غنرجعو نجربو الجو تاع المغرب والى ماعجبناش لحال نرجعو لهنا عوتاني
سهام: غيعجبك الحال اكيد غير هو خصنا نعيشو فشي مدينة لي غتعجبك
اوس:مممم كتعجبني كزابلانكا حيت كتبان بحال شي دولة صغيرة وفيها كلشي اش بان ليك
سهام: لي بغتي احبيبي مهم غير نرجعو المغرب لبلدنا ونحسو بلي حنا ماشي غراب وملي نخرجو نبداو نسمعو الدرجة المغربية توحشت نهدر بيها توحشت نكون شعبية
اوس:هههههه كتحاولي تحببيني فالموغرب ياك
سهام: راه المغرب زوين وانت كتبغيه راه غير ولفتي هنا دكشي علاش كيسحاب ليك مكيعجبك المغرب
اوس:مممم كنضن يلاه اجي نلعبو شي ماطش وندوشو باش نمشي نبدأ نوجد الاجرئات تاع صفر
سهام: كفاش اجرائات راه غير نجمعو حويجنا ونمشيو
اوس:اهاأ والخدمة نخليها راه خصني نقاد المسائل هنا ونحول الخدمة المغرب ونبقا نسير شركات من تما ونقلب على الدار فالمغرب ولا باغية تعيشي فاوطيل
سهام: اه نسيت راه تحمست نرجع ويسحابلي دغية نجمعو حويحنا ونمشيو
اوس:هذي كون بغينا غير ندوزو العطلة تما دبا حبيبة بغات تستقر ليا فالمغرب
سهام: دبا من هذاشي امتى غنسافرو
اوس:على الاقل شي شهر
سهام: ممم وخا
اوس:(كيبوس فيها فخدها وشدها من خصرها )توحشتك
سهام: حتى انا توحشتك بزاف عارفة راسي قصرت معاك سمح ليا
اوس:(عنقها)ششش متقوليش هكا سهام وعدني مبقاش تفكري فالولاد والحمل نسايهم وخلينا نعيشو كيف كنا فالاول حتى ارزقنا الله وبعدي على دويات والاعشاب ودكشي
سهام: اوس راه بغيت نبعد.مي عقلي كيبقا اصور ليا بلي غدية وكنكبر فالعمر وباقي معنديش ولاد وحتى الناس كيزيدو على مابيا بديك الهدرة تاعهم ومام(سكتات قبل متكملها)
اوس:ماما اش كتقول ليك الوليدة واش هي لي كتزرع ليك هذا الافكار فراسك هأ(تعصب)
سهام: لا ماشي هكاك لا هي غير كتقول مكرهتش امتى نشوف حفدي ونهزو بين يدي وانا بغيت نحقق ليها هذا الحلم هي عمرها قالت شي حاجة
اوس:مبقاش تسوقي لهدرت الناس وحتى حد مسقوش فينا هذاشي ديال الله ومبيدنا منديرو نهار ايغي ربي راه اعطينا والى معطناش الحمد لله على كل حال
سهام: (عنقاتو )اوس كنبغيك بزاف عمرك غتخلا ليا بسباب هذا المشكل ياك
اوس:لا عمري نتخلا عليك انتي راكي معرفاش اش كتعني ليا انتي راكي الهوى لي كنتنفس اسهام انا بلا بيك مكنسوى والو
(شحال من واحدة عندها تأخير الانجاب كتعاني فصمت ومعلم بيها غير الله هي مسكين متشوقة تكون ام وتحس بإحساس الامومة وتعمر دارها بولدها حيت البنون زينة الحياة الدنيا كيف مدكور (فالقرآن الكريم المال والبنون زينة الحياة الدنيا والباقيات الصاليحات خير عند ربك توبا وخير املا ) حتى وحدة مكرهاتش تكون ام وكين لي كدير لي فجهمها باش تكون ام لدرجة كتنسا بلي ربي هو لي كيرزق كين لي كيدخل فالشرك باش احصل على زينة الحياة الدنيا وكين لي كيهلك صحتو بالاعشاب والوصفات وكين لي كيهلك صحتو وجيبو عند الاطباء كين وكين وكين تاني المجتمع الله اهديه عقليتو خامجة كيشفو شي حد معندوش الاولاد وهو مسكين نفسيتو مأزمة من هذاشي وكيزيدو عليه بهدرتهم كيف سم علاش مولدتيش اش كتسنا ايوا غير ولد واحد براكة راه الدار بلا ولاد بحال الخيمة بلا اوتاد وكين واحد نوع تاني من المجتمع كيتبها بولادو قدام لي معندوش وكين نوع اخور كيبغي ادير فيها كينصح شوفي دري اختي هذا الوصفة راه دقة بطلة غتحملي ولا سيري عند هذا الفقيه ولا لهذا الوالي ولا سيري لهذا طبيب مشهور راه غتحملي وهذاشي كدخل في شرك حيت ربي هولي كيعطي وطبيب والاعشاب ودكشي غير سبب الصحيح هو ايقول بنادم سير عند هذا طبيب راه شحال من وحدة جاب ليها الله شفا على ايدو ولا غير اسكت الى شاف شي حد معندوش ادعي معاه فخاطرو وبلا ميجبد ليه حس الاولاد حسن نرجعو الموضوعنا )
فالمغرب ف البلاد عند لالهم نجلاء لي كبرات وزيانت كتر بداو معالم الانوتة كيبانو عليها دبا فعمرها 16 سنة كتقرا فسيزيام وجلسة فدار الدخلية
البنات بغيت نعلمكم بلي راه كاينين 2 قصص كيتطو فنفس الوقت مع هادي
سيد القلعة = خيالية
أحببت سفاحا = مافيا + سفالة
أنت تقرأ
زواجي من صهري 💍مكتملة💍
Roman d'amour💎مكتملة💎 ❌حصرية على الواتباد ❌ ها واحد سلام عليكم حبيباتي بلسان الكاتبة: جبت ليكم بقصة جديدة بلا منقول عليها قمبولة💣 الموسم حيت انتما لي غتحكمو فالاخر واش قصة ناجحة ولا غير خربشة 😏 مممم قسوة الاب وفقدان الام 😢حب الاخوة👭👫 حنان الجدة👱 زوجة ا...
