زواجي من صهري 💍مكتملة💍

الجزء 39 💍❤️

**بارت 39**
وصلات للوطو قدام موبل عالي بزاف وقفات ونزلات منها نجلاء وسهام نجلاء هزات رسها كتشوف فداك الموبل والبنيات لي جنبو
سهام:(شافت فالكونسياج )ممكن طلع الحوايج لفوق
الرجل:اوكي مدام
سهام:(شافت فنجلاء لي كتشوف لفوق )نجلاء نطلعو
نجلاء: اه يلاه
(مشاو دخلو من باب تاع زاج بان ليهم واحد مكتب فيه واحد الرجل جلس فالاستقبال تحلف دخلين ل اوطيل مشاو دخلو لاسانسور وطلعو لطابق السادس تحل لاسنسور وخرجو منو تمشاو فواحد كنوار واسع حتى وصلو جنب باب خشبي منقوش لون تاعو اسود كيبان ستيلو زوين بحال باب تاع الحديد جرات سهام سوارت من سكها وحلات لباب باش ادخلو لباغطومو لي اقل ما يقال عليها هو فيلا في بنايا دخلو من لباب كين واحد بلاكار فالحيط تاع زاج حلاتو سهام جرات منو بنطوفات وحدة ليها وحدة لنجلاء حيدو سبابط تاع برى حطهم تما ودخلو كيبان ليك جوج صالونات واحد محلول على لاخور كل واحد والتصميم تاع لول كان  بالطلامت  بيج مع البيستاج ومستيلي   مع  خديات صغار ديرين بيه وطبالي وسندريات كلشي مصنوع من الخشب وزاج اما التاني فكان بتصميم عصري راقي فيه فوطويات بالگري و خديات سامپل فالاصفر و وحدين فيهم الورد عاطيين منضر زوين و جوج طابلات كيتوسطو المكان على شكل s وحداهم وحدين نفس الشكل و خوامي حتاهما فالگري والعلاقة ديالهم على شكل s هد الصالون فرشاتو سهام واوس وهوا لي ختار s
سهام: (شافت نجلاء غتجلس ومشات شدتها من يدها)هيه ماشي وقت الجلاس هذا اجي نوريك الدار
نجلاء: عافك عيت
سهام: لا تشوفي الدار وتعطني رأسك فدوقي
نجلاء: (شافت فيها)يلاه
جرتها سيهام وطلعو من وحد تلاتة درجات كان اسباص كبير فيه صالة مونجي كبيرة بزاج  عائلية و قدامها باب تاع الكوزينة اقل ما يقال عليها واعرة دخلي ليها تحشمي طيبي فيها العدس هههه كوزينة واسعة بزاف فيها تلاجة كبيرة بالگري وبلكرات بالگري دايرين بيها وشي وحدين بزاج كيبانو منهم مواعن  وبوطاجي مصنوع من افخم انواع الرخام  واغلب ديكورتها بزاج الاسود دكشي واو وفيها بالكون  كيطل على برى والبركون فيه الغرس زادو جمالية
سهام: هذي كوزينة دبا نديك تشوفي لباقي (جرتها خرجاتها من تما حلات واحد دوش لي كان كيتوسطو جاكوزي دائري كبير و البولات فالارض كيشعلو بالون الاصفر بحال الديكور تاعو وراتو ليها ودتها لواحد لاطيراس كيطل على برى فيه المحابق ها الورد الاشكال والانواع  وكين واحد القنت منبت فيه الگازو وجنبو كينة واحد الجلسة فيها جوج كراسة معلقين وكين واحد كبير بينهم وطبلا تاع زاج وصطهم والفوق واحد ريدو كيطوا ويتحل ديرين بيه ضل لديك الجلسة )
نجلاء: (طلقات من يد سهام وتوجهات لجنب داك الباركو شدات فالحديدات وكطل على البحر اه كيبان البحر وكيبان مسجد الحسن التاني وكتبان كازا من تما منضر واعر )هذاك هو جامع الحسن تاني
سهام: اه هو هذاك كيبان زوين ياك
نجلاء: اه زوين
سهام: شي نهار نمشيو ليه دبا اجي نكملو الدار
نجلاء: علاه باقي مكملنهاش
سهام: لا (جرتها دخلو ومشاو نزلو مع واحد دروج فنزلة تاعو مغروسين النبتات هههه هذي سهام مبلية بالغرس نزلو  لتحت  بارطمة عبارة عن دوبليكس يعني كتكون من جوج طبقات  لتحت كين بيسين وواحد لصال تاع السبور فيها جميع الالات تاع الرياضة ولي طابي فالالوان وكين بيوت تاع الصياف وكين واحد الصالون تاني تما ومكتب اوس (صورة في تعليق) طلعات نجلاء وسهام تاني
نجلاء: وخا نريح راه عيت
سهام: باقي جوج بلايص مكتشفناهم
نجلاء: اشنو باقي
سهام: (جرتها دخلتها لبيت النعاس تعها هي واوس بيت كبير يتوسطه سرير (صورة ) كين حمام ودرسينغ دكشي واوو )هذا بيتنا كيف جاك
نجلاء:زوين(كتهدر برود اه كون نجلاء لقديمة كانت غتحمس وغيبهرها هذاشي مي هذا نجلاء جديدة متبهرها حتى حاجة ومتسوقش لهذاشي وكلشي كيجيها عادي بحلا كبرة وصط هذاشي ) اش باقي مشفتوش🙍
سهام: هههه باقي المفجاأ اجي معيا (جرتها خرجو من تما وحلات واحد لباب اخور )اووبا ها حنا 😍
نجلاء: (دخلات لبيت شكلو طفولي مفرش بالغوز بيبي والموف بارد ومسبوغ بالبيض وفيه بريون بالغوز كيبري والموف سرير واسع وفوق داك سرير كين دباديب واحد حمر واحد غوز واحد بيض وفالقنت كين مكتب فيه بيسي وكتوبا وجنبو واحد كوفوز بالغوز والبض فقو مريا بيضة وفيه كاع لي كيخص لبنات اكسيسورات مكياج ومشطة وروايح وجيهة الخرى كين مريو لاصق فالحيط وجنبو واحد لباب تاع زاج مشات نجلاء حلاتو وبان ليها دوش تما فيه الجاكوزي بالزاج وفيه لاساش ولافابو وبلكار فيه ادوات الحمام و الفواطي خرجات منو وهي تبان ليها واحد باربي كبيرة محطوطة ديكور فوق كوفوزة جنب السرير مشات هزتها كتشوف فيها وتفكرات صغرها ياما تمنات تكون عندها وهاهي دبا بين يديها ولاكين فات الفوت حطتها وهي دور عند سهام لي منسات والو وبغات توفر ليها كاع دكشي لس كانت كتمنا وترجع نجلاء القديمة)😒منستي والو
سهام: لا منسيت والو كيبان ليا كلشي هو هذاك
نجلاء: لا نسيتي بزاف اختي
سهام: (كتشوف فالبيت بشك)اشنو نسيت
نجلاء: (كتحسب فصبعنها )نستي لوراكس تاع لبيبي ونستي البييبرونة وسكاتة ونستي الخروق مبانت ليا بكية تاع ليكوش اه ونستي داك الكرسي فين كياكلو دراري صغار ومعلق وطبسيل تاع بلاستيك باش منهرسهم و باش تولي تحطني فالكورسي  وتوكلني اه ونستي معلقتيش ليا دوك النجوم لي فيهم مسيقى هاديئة فوق راسي باش ملي نفيق اخدمو ونرجع نعس منصدعكش ونستي مشرتيش ليا ديك الخرشاشة تاع لبيبي صغار ورياچة 😒
سهام:😂😂 وامي كرشي واش معجباتكش البيت
نجلاء: كضحكي سهام انا راه كبرت على هذاشي مبقاش تعملني بحلا باقي بيبي كنرضع
سهام: (قربات ليها عنقتها من لور)حبي وخا تكبري حتى تعياي تشدي عكاز ويكيحو سنانك وتقوس ضهرك غتبقاي بنسبة ليا اختي صغيرة لي كنبغيها وغنشوفك ديما صغيرة قدامي كيف شفتك اول مرة فاش دخلتي لدار كنتي بيبي صغير وزوينة وعنيك غزالين كيشفو شي شوفات كينومو لواحد ويخدع لهم 😍
نجلاء: باركة من الغزل ودكشي واش وخا نعس راه عيت
سهام: ناكلو ونعسي
نجلاء: مفياش بغيت غير نحط راسي
سهام: (يلاه غتهدر سمعات تليفونها صونا حوبات )الووو اهلا كيفاش وامتي .....اه ان شاء الله الله اوصلك على خير......اه وصلنا عاد دبا (قطعات وشافت فنجلاء )هذا اوس قال بلي هو ف امريكا خرجات ليه شي خدمة وخاصو اقدها تما وقال غيرجع غدا
نجلاء: اه مزيان خلني نعس دبا (مشات نجلاء تلاحت فوق داك سرير بحويجها وغمضات عنيها)
سهام: نجلاء نوضي دوشي وبدلي حويجك باش ترتاحي فالنعاسة
نجلاء: ممم حتى شوية بغيت غير نغمض عنيني ومن بعد نوض
سهام: (مشات ليها نوضتها )لا نوضي بدلي غير حويجك
نجلاء :اووف سهام وا عافك (شافت فسهام وهي تنوض كتهدر وكتحيد فسروال)اوف زيدي ديري فعلي لبسي كولي اجي سيري يلاه شوفي عيت من هذاشي والله هانا نحيد نلبس نخمد تهدري معيا نوض نخرج فحالي 😒
سهام:😢سمحليا حبيبة راه بغيتك غير ترتاحي
نجلاء: سهام عافك راه مكنحملش شواحد ايبقا اعملني هكا انا مرتاحة مرتاحة غير متبقايش تزيدي فيه ودريني محوار اهتمامك اختي شوفي سيري انتي بدلي ودوشي ونعسي ترتاحي راه حتى انتي كينة وجسدك كيحس وغيكون تهلك سيري رتاحي وانا خلني مرتاحة وبزاف(كتهدر وهي لبسة غير كرسون ودوني بيض )
سهام:😮😮 اويلي مالك تسيفتي وكتهدري بزاف
نجلاء: (تنهدات وهي دور شافت فيها)واش جبتني نعيش معاك وجيت معاك فعملني كيف كنتي تعاملني فالدار براهيم متخلنيش نحس راسي غريبة عليك خلني نتصرف على رحتي ونحس راسي عيشة مع اختي ماشي مع شي وحدة برانية
سهام: (فهمات بلي هي خلات نجلاء تحس بلي هي غريبة فهذا الدار دكشي علاش سكتات)اه اختي انتي فدارك وخودي راحتك
نجلاء: هي الى حبستي من قوت القوانين وتخلني نخمد ونعس بحوايج برى بلا داك البريستيج ديال الناس لي لباس عليهم ديال لبس بيجمة تاع النعاس باش تنعس 😒
سهام: ههههه وخا اختي (جرات ليها سروال خفيف من لبلاكار واحد.تيشورت )هاكي لبسي المكرسنة كاع مكتحشمي
نجلاء: خلتي ليا لعقل باش نحشم (شدات دكشي لبساتو جها مع فرمة تعها سروال مخلط فيه البيض وزرق وتيشورت بيض خفيف ومشات تكات فوق سرير)بون وي سوسو متفيقنيش حتى نفيق مابغيتش ناكل ولا نشرب 😊
سهام:بغيت غير نعرف كيف كديري ليها دغية كضحكي
نجلاء:🙋😴
شافت فيها سهام وهي تنهد حيدات لجلابة وجرات واحد.سروال من بلاكار تاع نجلاء لبساتو ولفوق كانت لبسة دوني وهي تجبد جنب نجلاء وعنقتها بحب وبدات كدوز ليها على شعرها )
سهام: حتى انا بغا نعس معاك توحشت نعسو هكا
نجلاء: (غمضات عنيها )...
نعسو بجوجات نعسة تاع اهل الكهف
اصبحنا واصبح الملك ولله الحمد