زواجي من صهري 💍مكتملة💍

الجزء 55 💍❤️

**بارت 55
دازت يومين على نجلاء غير سكتة ومهدنة دوزتهم فدار حيت مقرياش السبت والحد
العشية تاع الاحد
كانت نجلاء جلسة فنفس المكان كيعجبها تشوف فالبحر وكترتاح فديك القنت فلاطيراس هذا الايام خلتها سهام على رحتها وحتى اوس خلها مكيهدرش معها لا بزوين لا بالخايب وكيبقا غير حضيها بنص عين وكيطلب السترة حيت عارف هذا الهدوء قبل العاصيفة هههههه ولات تخلعو غير بالهدوء تعها بسيف تخلعو😂سيد كتعطب ناس بلا مدير فيهم يديها هههههه
نجلاء: (جلسة بوحدها )شحال طويل النهار فهذا كازا ومميل ياربي سلامة  (هههه جلسات يومين بلا مدير حتى زبلة وجها الملال )اووف نوض نتصالحو مع اهل المكان ومنها نطلبهم نخرجو 😊(خرجات عند سهام لي جلسة مكتأبة مسكين بقات فيها ختها وعاد الوحم كمل ليها لي خصها )سوسو بب صافا
سهام:😨(تخلعات حيت يومين مهدرات نجلاء وهاهي دبا جات كتبتاسم ورها إن)صافا حبيبة اش واقع قصدي اش كين لا اش بغتي زعمة (تلفتها)
نجلاء: (جلسات حدها وهي تعنقها )ممم صافي يالبن
سهام: هاأ😮
نجلاء: زعما تصلحنا
سهام: انا متخصمتش معاك
نجلاء: ممم انا لي تخصم سمحليا على كلشي كيدير بيبي تاع خالتو(حطات يدها على كرش سهام)
سهام: مزيان اختي
نجلاء: كيعيك ياك 😐
سهام:شوية وصافي ولاكين عدابو راحة
نجلاء: باش كتحسي زعمة واش كتحسي بيه
سهام: اه كنحس بيه مالك مكتشوفنيش كنضل نتقيا
نجلاء: اه كنشوفك ايوا صبر سهام نخرجو
سهام: اه نخرجو فين بغتي (هي بغات دير ليها اي حاجة طلبتها منها غير ترضا وتكون على خطرها)
نجلاء: يلاه لبس حويجي
سهام: وخا نمشي نقولها ل اوس
نجلاء: (سمعات سميتو وهي تزيد)انا فبيتي(دخلات لبسات سروال دجين بيض ودوني بيض ودارت عليهم قميجة كروات بالحمر والكحل ولبسات كونفرسة كحل مخطط بالبيض قدات شعرها ورشات من عطرعها وخرجات جلسات فالفوطوي وشدات تلي كتبقشش فيه
سهام: (نزلات لتحت عند اوس كان فالمكتب تاعو خدام فشي وراق )بب باقي خدام
اوس:اه باقي مكتقضاش هذا الخدمة
سهام: ممم اوس بغيت نخرج مع نجلاء
اوس:وخا سيري لبسي حوايجك انا نجمع هذاشي ونمشيو
سهام: لا بغيت نمشي انا وياها
اوس:(شاف فيها وطلع حاجب ومنزل لاخور )لا غنمشي معاكم وبلا نيقاش (هو خايف على سهام وعلى الناس لي برى متايقش فنجلاء ههههه)
سهام: اوس
اوس:سهام هدرت نخرج معاكم ولا جلسو فدار
سهام: وخا يلاه سربي
طلعو بجوجهم لقاو نجلاء جلسة ودخلات سهام لبسات جلابة فالموف بارد مطروز بالبيض  مع طالون  بيض وشال تعها وهزات ساك بيض واوس لبس سروال دجين وتيشورت بيض مع سبرديلة بيضة وخرجو
سهام: جوجو يلاه(ناضت نجلاء وقفات وخشات تليفون فجيبها ههههه هذي مكتهز لا ساك لا والو كتخرج بحال زوفري كي خلتها توريا ههههه نزلو لتحت وهي تجي واحد لبنت صغيرة كتجري وعنقات نجلاء من رجليها نزلات عندها نجلاء)
نجلاء: شيماء لباس
شماء:لباس طاطي
نجلاء: فين ماماك
شيماء:كينة فدروج
نجلاء: (بستها فهدها وهي تجر واحد 100 درهم من جيبها خبتها وعطاتها ليها فيديها وهمسات ليها فودنها)حبيبة طلعي عند ماماك وشري شي حاجة بهذي وسلمي على ماماك
شيماء:باي طاطي
نجلاء: (بتسمات ليها بحب)باي بب(مشات تبعات سهام واوس لي واقفين حدى للوطو كيتعجبو فيها حلات للوطو وهي تركب للور وتكات رسها فزاج)
سهام: نجلاء شكون ديك لبنت وفين كتعرفيها
نجلاء :هذيك شيماء
سهام:اه كاع مكنعرفها
نجلاء: مغتعرفيهاش حيت وخا دوزي عليها مغتسوقيش ليها باش تعرفيها
سهام: كيفاش
نجلاء: حم لا والو هذك شيماء الام تعها كدير الميناج فالموبل كتجي سبت والحد وشيماء كتجي معها حيت مكاين لي اقبلها
سهام: وفين عرفتي انتي هذاشي
نجلاء: (تفكرات واحد نهار بغات طلع لقات شيماء كتبكي حيت دربتها امها)
فلاش باك
نجلاء: (غدية داخلة حتى بانت ليها شيماء مكمشة وكتبكي تفكرات رسها فاش كانت قدها مشات جلسات حدها )مالك علاش كتبكي
شيماء:دربتني ماما
نجلاء: علاش
شيماء: بغيت نعونها وكبيت جافيل على حويجاتي وخصرتهم وهي دربني
نجلاء: (شافت فيها وهي تنهد)حبيبة هي درباتك حيت خصرتي حويجاتك
شيماء: انا بغيت نعونها
نجلاء: هي مافهماتك ولا مابغاتك تعونيها اجي اش كدير ماما يلاه نديك عندها
شيماء: هي كتمسح دروج
نجلاء: (شدات فيد شيماء طلعو جوج درجات تلقاو مع الام تاع شيماء جاية مخلوعة عليها
فوزية:شيماء بنتي
نجلاء: (شافت فيها باقي صغيرة)متخافيش اختي هي كانت غير لتحت
فوزية:شكرا اختي حيت طلعتاها طاح مني نص اسحابلي مشات
نجلاء: الله احفضها ليك
فوزية:امين اختي هي لي عندي فالدنيا وغير تبعد عليا كنبغي نتسطى
نجلاء: مبقاش دربيها هي باقي صغيرة ومعرفاش
فوزية: راه هي كدير علاش هذا دراري صغار كيخرحونا على طوعنا اختي مكنعقلوش امتى كندربهم
فوزية: راه هي كدير علاش هذا دراري صغار كيخرحونا على طوعنا اختي مكنعقلوش امتى كندربهم
نجلاء: درب عمرو كيربي هو غير كيشحن فالطاقة سلبية فالبنادم وفاش اكبر كيولي عدواني ربيها بالهدرة خليها دير لي بغات والى خصرو الحوايج اجيو حوايج اخرين مهم غير ميخصر لداخل تاع بنادم ويولي واحد اخور اختي
فوزية: بصاح اختي عندك الحق متعرفناش انا فوزية
نجلاء: متشرفين اختي انا نجلاء (جلسسات نجلاء هي وفوزية هدرو وتعرفات عليها فوزية مسكينة هي وحدة من ضحاية الحب كانت كتقرا وبغات توصل ولاكين تعرفات على واحد شماتة لعب عليها وحملها وخلها وفاش رجعات عند عائلتها جراو عليها وهي بدات تخدم على بنتها بدرعها بغات تدخل ليها طرف دالخبز بالحلال اترو فنجلاء ونجلاء بدات تعاون معاهم بشكل غير مباشير فيما تلاقا شيماء كتخشي فيها شوية فلوس وتقول شري بيهم باش متحرج فوزية هذي هي نجلاء الحنينة وخا ديك القسوة هي حنينة فالضعفاء )
العودة الى الحاضر
سهام: نجلاء فاش كتفكري
نجلاء :ضحية حب (كانت ساهية وهدرات بلا متشعر)
سهام: كفاش
نجلاء: هاأ والو
(سكتات نجلاء ومتبعة مع طريق كتشوف الناس غدين جاين اوس متبع معها كيشوفها فالمريا نجلاء علامة استفهام بنسبة الاوس كيقول عرفها وفهمها ولاكين دغية كتقلب تاني وكيلقا راسو فشل هههه عمرك تعرفها اسي اوس هذيك راه متعديدات شخصيات وكل ساعة تسيف وتولي وحدة اخرى )
وقفو قدام واحد ماروكومول
سهام: (فمزات اوس )نجلاء نديرو شوبينك
نجلاء: ممم وخا يلاه حتى انا بغيت نغير ستيل حيت بان ليا معجبكم 😊
سهام: 😮(مع رسها ناري ياك مكتقرا هذي افكرنا )
اوس:(حتى هو تصدم ولاكين شاف ابتسمتها تخلع من لي جاي )😮😮
نجلاء: مشينا
نزلو ودخلو ليه نجلاء بقات كتشوف اوس غدي شد فسهام وبالو مع نجلاء  ههههه فكرني غير فاش كنخرج ختي صغيرة ههههه  دخلو لواحد بلاصة خاصة بالحوايج تاع لبنات
سهام: حبيبة خطاري لي عجبك
نجلاء: ماشي هنا اختي خطاري غير انتي (خلتهم ومشات جلسات فواحد كلسي كتشوف فيهم)
سهام :(همسات ل اوس)اوس واقيلة نجلاء غدير خيمار
اوس:لا انا بان ليا بغات طيح ليا طونسيو فراسك خلعاتني بهذا الهدوء تعها
سهام: اوس حشومة عليك شوف هاهي جلسة مكتحرك موالو  وكضحك وبغات تقضا حوايج اشنو لي خلعك
اوس:هذا ضحك تعها وهذا جلسة مكتحرك لي خلعتني وديرة ليا ستريس كون غير دارت اش بغات دير دغية وتهنيني ولا تخلني موشوش هكا هذا راه سميتو الموت البطيئ😒
سهام: وخلاص اوس نسا عفاك (تقضات سهام اش بغات وهى تمشي عند نجلاء)يلاه تاخدي لي بغتي
نجلاء: سليتي انتي
سهام: اه سليت
نجلاء: يلاه (تمشات وتبعتها سهام واوس ههه سهام على نيتها تابعة اختها حتى دخلتهم لبلاصة تاع حوايج ديال الدراري )
سهام:😱نجلاء واش غتشري لرشيد شي حاجة من هنا
نجلاء: لا غنشري لراسي
سهام:😳😳😳😮
اوس:(شاف فيها وشاف فسهام لي مطرعة فمها قرب لسهام همس ليها فودنها )قالتها ليك هذي بغات طيح ليا طونسيو(شاف فيها كتعزل من حوايج دراري ههههه نجلاء بغات تغيرء من الاسوء الى الاسواء جدا )شوفها كتعزل دبا غدي تمشي تخرجيها من هنا محدي مكالمي ا سهام
سهام:😮😱هذي بغات تولي تلبس بحال دراري ياك
اوس:اه دكشي لي بان ليا
سهام: (مشات تقدمات عند نجلاء لي كتعزل فالحوايج )نجلاء
نجلاء: هذا يجي قدي ياك
سهام: (حيدات ليها دكشي من يدها )لا مغتشريش هذاشي ومغتلبسيش بحال هكا
نجلاء: علاش
سهام: هكاك انتي بنت شري حوايج تاع لبنات
نجلاء: راه عندي حوايج لبنات ومعجبوكم انتي ورجلك وبغتوني نغير ستيل وخا نغيرو نجربو تاع دراري
سهام: شدات رسها )صافي متغيري والو يلاه غير تقضاي لي بغتي بلا متغيري حتى حاجة
نجلاء: ورجلك لي قال ليا نغير شوهة والى معنديش باش  حتى يشري ليا شي حاجة
سهام: مغيقول والو غير يلاه(مشاو وشرات نجلاء لي بغات غير بالفن وغير بسياسة وحتى اوس مهدرش حيت شاف بلي اللهم تلبس بحال لبنات ولا تلبس حوايج دراري اودي ياودي قالك اربيها هاهي كتربي فيك انت ومرتك ومزال تربي ولادكم 😒 رجعو لدار محملين بالاكياس وجيبين معهم العشاء تعشاو ونعسو
يوم جديد
عند نجلاء فليسي واقفة هي وخولة ..

❌❌البنات حطيت ليكم قصة قصيرة 8 الاجزاء تدوزو بيها الليل 👙يوميات مولات الكيلوط👙 دوزو تقراو ها ورأيكم فيها