زواجي من صهري 💍مكتملة💍

الجزء 100 💍❤️

دفع اوس نجلاء درب ضهرها مع الحيط وخرج وهو صاعر مشا لبيتو دخل وهو يخبط لباب حتى كان اتقلع من بلاصتو  وقف كيتفكر اش دار بينو وبين الام ديالو  فاش طلعات نجلاء لبيت هي والولاد اوس كان غادي لبيتو حتى هو يبدل حويجو وقفاتو فاختة
فلاش باك
فاختة:اوس ولدي ممكن نهدر معاك
اوس:(شاف فيها )نعم الوليدة
فاختة:(مشات شدات فيدو وداتو لبيتها دخلاتو وسدات لباب وهي تنطق)اوس انا بغيت نهدر معاك على قبل نجلاء
اوس:ملها نجلاء
فاختة:(تنهدات وهي تغمض عنيها تفكرات هدرت العيلات تاع العائلة واش كيقلو فاش اوس حوط كتف نجلاء فاش بغاو يتصورو وفاش سولو   على وضعهم وكيفاش غيدير اوس من بعد موت مرتو كيف غيربي دراري  نقزات  سعاد قالت لهم بلي اوس ونجلاء غيربيهم مع بعض وهوما سولو كيفاش قالت لهم راه غيسكنو مع بعض والعيلات بداو يهدرو وفاختة تعصبات وناضت تبعات اوس زيرات على يديها بجوج ونطقات) اوس خاصك دير معها شرع
اوس:اشمن شرع وعلاش كتهدري
فاختة: اوس خاصك تزوج ب نجلاء
اوس:(غوت بسميتها )الوليدة اش كتخربقي اش هذا الهدرة سيرة تقولي واش تسطيتي ولا مالك😠
فاختة: اوس انا كنهدر معاك بالمعقول كتسمع خاصك تزوج نجلاء الى بغيتو تعيشو مع بعض
اوس:(درب يدو مع الحيط )اش كتروني الوليدة واش باغية ترطقي ليا شي عرق فالراس ولا اش نوية ديري مرتي مكملاش حتى 20 يوم باش ماتت وانتي جاية تقولي ليا نتزوج بختها لي هي قد ختي صغيرة وامانة عندي
فاختة: انا ماقلتش ليك تزوجو دبا ولا تزوجو بصاح انا قالت ليك غير دير معها شرع الى بغيتو تعيشو مع بعض ودير باش تسكت الناس الى هدرو (كتغوت )انت معرغتيش اش كانو عيلات تاع عائلتك يقولو لتحت عساك الناس تاع برى انا منبغيش نسمع عليكم شي هدرة خايبة دبا غتزوجها الى بغتي تعيش معاك ودير شرع الله انا مديماش ليك انا مشيت معكم شهر شهرين طال زمان ولا قصار غرجع لدار لرجلي وانت غتعيش مع بنت ناس بلا حتى شي قنون وترهنها معاك انت مبغتيش تخلي اباك ازوجها لواحد فدراري ايوا نوض تزوجها وهنينا من هدرة تاع الناس
اوس:(تعصب )انا مكيهمونيش الناس وهدرتهم وراني هدرت من قبل
فاختة: الى مكيهموك حنا راه كيهمنا والى مابغتيش تفكر فينا وفديك البنت لي غيبداو الناس يقدفو فيها بالهدر فكر لولادك لي غيبقتو يسمعو بلي باهم وخالتهم عايشين مع بعض بلا حتى شي قانون (كملات وهي تخرج خلاتو  بوحدو كيشوف تما فين تعصب ومشا عند نجلاء ولسوء حض نجلاء كانت لبسة سلسلة كتشبه لتاع مرتو وخوى عليها كاع الاعصاب لي فيه)
العودة الى الحاضر
جلس اوس فوق سرير وهو يزير على سلسة وكيهدر معها
اوس:حتى وحدة متجي بلاصتك ا سهام انا مغديش نخلي حتى شي بنت المراة كيفما بغات تكون تاخد بلاصتك لا فقلبي ولا فحياتي ولا حياة ولدنا عمر شي بنت المرة غتجي بلاصتك (ناض وقف وحط سنسلة فوق الكوفوز حتى يقاد ليها القفل حيت فاش نترها ل نجلاء خسرو ليها حيد حوايجو ومشا دخل تحت الرشاشة طلق عليه الماء وغمض عينو كيتفكر هدرت امو شوية جات صورت نجلاء بين عنيه وهي عريانة غمضهم وزير على قبضة ايدو ودرب الحيط )ششت بنت القحبة عارفة الدراري كيدخلو عندها وهي تعرى وخلات لباب محلول غير صبري القحبة انا مزال غنربيك نوريك تقحبين ونوريك تقربي لشي حوايج ماشي دياولك (دوش ومشا البلاكار يجبد فوطة ينشف راسو يلاه مد يدو وهي تبان ليه  سنسلة لي عاطاتو سهام مد يدو هزها وكيخمم هو عاد حطها فبرى فوق الكوفوز شكون دخلها لهنا  جبد فوطة لوها على نصو وخرج وهو يلقا سنسلة لخرى فوق الكوفوزة هزها  فيدو كيشوف فهم كيتشابهو جمعهم وولاو قلب دوك جوج نصوصا تجمعو ولاو قلب غمض عينو وجلس فوق سرير )
اوس:(شد راسو بيدو جلس كيشوف فدوك سنسلات كون صاب تشق الارض وتبلعو ولا يفكر بلي ضلم نجلاء ودربها وعيرها بلا حتى سبب زير على دوك سنسلات وناض جمع ايدو وخبطها مع الحيط وبدأ ادرب فالحيط حتى بدأ ادم ينزل من يدو)علاش علاش ايدي سبقاني علاش كنضلمها ونفهمها غلاط انا ديما ايدي سبقاني كندربها على شي حاجة هي معندها دنب فيها اش ولتي ا اوس من امتى كتحكم على الناس بلا متعرف عمري حكمت على شي حد ديما كنسولو ونفهم منو علاش كنجي حتى عندها ونفقد اعصابي ويطير ليا عقل ونبدأ نتصرف بلا عقل علاش علاش (بقا كيدرب فالحيط ويأنبو ضميرو شوية بدا يبرر لراسو)هي لي غلاطة اول حاجة تعرات وخلات لباب محلول تاني حاجة فاش دخلت عندها منطقاتش مقالتش بلي سنسلة ديلتها وداك درب تستاهل كتر حيت عارفة داك زمل تاع عماد كيدخل عندها وهي خلات لباب محلول 😠😠😠😠😠
عند نجلاء لي جلسات على ركبيها كتبكي بحرقة وهدرت اوس كتردد فودنيها ندات يدها قاصت عنقها لقات فيه دم
نجلاء :انا مبغيتش ناخد بلاصت اختي عمري فكرت ناخد بلاصتها انا غير كنربي ولدها واويس كان كيقول ليا ماما قبل متموت هو غير باقي صغير ماعرفش يقول طاتي وكيقول مامي هو فاش يكبر ويعرف انا غنقول ليه بلي انا خالتو انا نزلت لتحت ولبس قفطان وشديت دكشي من عند الناس غير على قبل إقبال ماشي باش ناخد بلاصت اختي 😭
امال:(خرجات من دوش لقات نجلاء جلسة كتبكي)اختي مالك
نجلاء: (شافت فيها وهي تمد.يدها ليها زعمة اجي عنقني هي تحطمات مقدراتش تنوض على رجليها ومحتاجة شي حد جنبها )اختي
امال: (جرات عندها جلسات على ركبيها وعنقتها كتبكي معها)مالك اختي علاش كتبكي
نجلاء: (معرفات اش تقول ليها )انا عيت اختي عيت بزاف قلبي كيتقطع من لداخل كون غير مت بلاصتها كون غير مشيت انا وهي بقات 😭
امال:(اسحاب ليها تفكرات سهام بدات تبكي معها)هئ هئ حتى انا كون غير مت بلاصت ختي سهام
بقاو يبكيو حتى فشو على قلوبهم وهي تبعدها نجلاء عليها
نجلاء: نوض لبس عليا شش متبكيش اختي الميمة قالت بلي دموعنا كيحرقو سهام مبقاوش نبكيو عليها (مسهات دموعها وقفات عطات بضهر ل امال)
امال:(شافت دم نازل من عنقها نطقات)ختي مالك فعنقك
نجلاء: (قاصتو وهي تفكر اوس فاش نتر ليها سنسلة تنهدات وهي تقو)جرحت راسي بغيت نحيد.داك الكولي تاع دهب ومعرفتش كيفاش وجرحني راكي كتعرفني معنديش مع هذاشي تاع مجوهرات وروينة ومكنعرفش  نحيدهم
امال:هههه ديك ساعة ستناي نخرج نعونك (شافت فيها وهي تنطق)حم فين سنسلة تاعك عمرك حيدتيها من عنقك
نجلاء: نسيتها فكازا خلني نمشي لبس عليا باش نزلو جلسو مع ايوب شوية
امال:بلاتي نعقم ليك ديك جرحة بعدا
نجلاء: حتى ندوش ونخرج نعقمها (دخلات نجلاء وطلقات عليها الماء برد تخشات تحتو لعلا وعسى يبرد لعافية لي شاعلة فقلبها هدرت اوس كتردد فودنها نطقات)اش درت ليك باش اديتك انا هربت من براهيم باش نرتاح جيت عندك ولتي تسممني كتر من براهيم علاش كضلموني علاش واحد نكرني وتاني تهمني بلي بغيت ناخد بلاصت مرتو 😭 (بقات تبكي حتى حسات بعنيها نشفو وهي دوش وخرجات نشفات رسها ولبسات حويجها هذا المرة لبسات قفطان جوهرة بالقهوي والبيض وفيه الدهبي وهي طلق شعرها  خبات بيه جرحة لي عقمات ليها امال ودارت ليها فاصمة عليها لبسات بلغة وهي تخرج نزلات هي وختها لتحت عند العيلات
الجدة:نجلاء بنتي اجي جنبي(تقدمات نجلاء جلسات جنب الجدة وكتشوف فالعيلات لي كيطلعوها ويهبطوها مافهمات والو هي خلاتهم فرحانين ورجعات لقتهم مقلوبين )
نطقات الاخت تاع الجدة ):قالت ليك اختي راه خاصك تزوجي اوس حيت راجل وخاصو المراة لي تقيم بيه وبولادو
الجدة:ختي فطومة اوس عاد ماتت مرتو مكملاش حتى 20 يوم وياك تجبدي هذا الموضوع قدامو
(نقزات بنت خت الجدة عندها بنتها كبار)
خديجة:واش فيها اخالتي اوس راه رجل وعندو ولاد صغار خاص لي اربيهم
نجلاء: (كتشوف فهم كيفاش كيهدرو وكيفاش كيداكرو بغاو يجيبو مرة تكون بلاصت ختها لي باقي منشف قبرها وقفات وهي تنطق)ولاد اختي انا غنربيهم انا غنتكلف بيهم مغنخليهم يحتاجو لحتى وحدة فحياتهم اما بنسبة ل اوس الى بغيتو تزوجوه زوجوه حتى 10 ولاكين حتارمو غير اختي حتى ينشف قبرها (كملات هدرتها وهي تمشي خرجات لجردة وخلاتهم كيشوفو فيها )