زواجي من صهري 💍مكتملة💍

الجزء 31 💍❤️

**بارت31**
ايوب :(تنهد ومركز على طريق وكيهد معها فنفس الوقت)علاش كدري فراسك هكا علاش كتعدبي راسك اختي على قبل
نجلاء:(مخلاتوش اكمل نطقات هي )على قبل بابا ولا براهيم ولا منعرف انا اش كيجني شوف عافك ايوب مفيا لي اهدر راسي كنحس بيه بدأ اسخن عافك خلني بغيت نسكت(هي كتوصل عندها واحد الوقت كتبغي غير تسكت متهدرش كتبغي طفاء حيت كدير اجتماع فالداخل تاع رسها وخصها تسد القاعة مكتبغيش شي حد اوشوش عليها تكات رسها لور وغمضات عنيها )
ايوب: (شاف فيها كيف مغمضة عنيها فهم بلي صافي مبغاتش مزال تهدر فهذا الموضوع وعدرها حيت صعيب ايوب عاش معها طوفلة تعها الصعيبة والخايبة حضر لكلشي وعرف علاش ختو وصلات هكا نطق بينو وبين راسو )نجلاء اختي انا عدرك اختي عند الاعدار لي اخليوك ديري ماكتر من هكا دكشي علاش غنخليك الى انتي كتلقاي رحتك هكا نخليك اختي تخرجي شحنات السلبين لي عندك لداخل فراسك انتي قوية بزاف اختي وعندك سجاعة كتجي مزال لهذا الدوار وتوقفي قدام بابا تشوفي فيه وتحملي اي حاجة جات من عندو فراسك كون انا بلاصتك غدي نهرب من صغري غنهرب ونخلي كلشي وريا هذاشي الى متلحيتش لشي طريق خايبة دكشي تاع الادمان مي انتي قوية وكنحسدك على هذا القوة لي عندك اختي ونتمنى من الله ميخيبكش ويعوضك كاع لي عشتي ياربي وقف مع اختي ورزقها حياة زوينة من هنا القدام يارب فرج همها ويسر امرها وصلح بالها يارب انت لقدر على كل شيئ
(وصل ايوب نجلاء لوجهة تعها نزلات وعنقها بحب جبد شي براكة خشها ليها فجيبها )
ايوب: تهلاي فراسك احبيبة وقراي مزيان الحد الجاي نتلاقو
نجلاء: ان شاء الله حتى انت تهلا فراسك خويا 😘يلاه نمشي ندخل
( مشا ايوب و نجلاء دخلات لدخلية والابتسامة فوجها غدية حتى نقزات عليها واحد دوبة عنقتها)
نجلاء: الله انعل زمل بوك الحلوف باغية تفلعصيني بشوية عليك
يسرى:توحشتك الخرية بزاف 😘
نجلاء: طليها الكلبة قودي علاش كتبوسي فيا (كتمسح وجها ههه)
يسرى:حيت كنحبك انا
نجلاء: هههه اعطيك حبوبة فوق تقبة لي فترمتك ومتلقاي كي تخراي الخرية نزيد نخصر الهدرة ولا نتحركو ندخلو 😏
يسرى:نتحركو اختيشي قبل متحولي ل نيبا
نجلاء: هههه يلاه اجي واش جبتي معاك الحلوة وزيت البلدية والزبدة مهم كاع ديك الماؤنة لي كتعطي ليك ماماك ملي تبغي تجي
يسرى:ههههه اه جبت كلشي ودرت بحسابك وماما كتسلم عليك
نجلاء: اسلم عليها الخير فراسك كيعجبني نشوف داكشي لي كتجبي كيبان فيه حب الام طريقة باش كتجمعو ليك اموك وكيفاش كتعطيك من اي حاجة كتبين حبها ليك
يسرى:(وقفات ودمعو عنيها بقات فيها نجلاء بزاف حيت يتيمة الام وفنفس الوقت فكرتها فدوك تفاصيل صغيرة لي فيهم بزاف تاع الحب يسرى كاع مكتردش لبال لهم وهاهي نجلاء فكرتها فهم نزاو دموعها )😭
نجلاء: (تمشات وهي دور بانت ليها يسرى واقف كتنخصص)مالك الخرية صافا شوية تحركي قدامي وانتي ديرا ليا الدراما تما
يسرى:(شافت فيها وهي تجري  مشات طلعات لبيت وحلات لبلاكار تعها جبدات منو ديك الساشية لي عطتها امها حلتها وبقات كتشوف قرعة تاع زيت العود قرعة تاع زبدة وقرعة تاع العسل وسبيرة فيها الحلوة والخبز اه حتى من الخبز دارتو ليها ومسمن وصابون شابان منسات امها والو اي حاجة جمعتها ليها تما وتفكرات فاش قالت ليها فاش بغات تجي هاكي ابنتي ليجيك جوع (ملاحضة انا عودات ليا واحد لبنت كانت عيشة فالدخلية قالت كيعطيوهم العشا بكري مع 7 وفليل كيجيهم جوع وكياكلو دكشي لي كيشريو معهم وقالت بلي الفطور فوقتو الغدا مع 12 والعشاء مع 7  يعني بين هذو الى جاك جوع قضي بدكشي لي عندك ) نهارت يسرى بالبكا وكتعنق فدكشي وتشم فيه
نجلاء: (كانت واقفة حيت تبعتها تشوف ملها غير شفتها كتبكي على دكشي عرفات اش كين حتى تنهدات نجلاء وهي تمشي نزلات لتحت ومشات جلسات فواحد بلاصة فيها كرسي جبدات تليفون تعها بقات تبقشش فيه وخلات يسرى تفش على قلبها حيت بطبع نجلاء مكتجملش تشوف الناس كيبكيو هذاشي كيفكرها فرسها وهي صغيرة دكشي علاش فاش تشوف شي حد كيبكي كتطلب منو اسكت
هكا كتعيش نجلاء عندها قوانين فرسها كتعامل بيهم وهذي هي الشخصية التانية لنجلاء من بعد الشخصية تاع نجلاء الصغيرة الضعيفة هاهي نجلاء المراهيقة لي متعرف اش تحت رسها  نحاولو نتعرفو عليها فالمرحلة الجاية