زواجي من صهري 💍مكتملة💍

الجزء 116 💍❤️

العربي:علاش عدبتي رسك بنتي
نجلاء: مكين لا عداب لا والو (شافت فيه وهي تقول)بالمناسبة كين عندي واحد الكريدي فالحانوت اليوم جيت نخلسو
العربي :مممم بشحال باش غتخلصيني حيت تمن تاع مونضا ديك الساعة ماشي هو ديال دبا المونضا راه تزادت فتمن 😌
نجلاء: هههههه شوف شحال تحسب ليا وصوب معيا عمي راني باقي مخدمتش
العربي:الى بغتي تخلصني عطيني رزقي كل معندكش دبا حتى يكون عندك
مصطفى: اشمن كريدي هذا لي على بنتي.
العربي:هذا كريدي ديال الصغر كانت فيما دوز مدرسة تترگني تشرب مونضا وفالرجعة ترگني تاني كنت اندير سيزي بسبابها
نجلاء: ياك عمي ماشي انت لي كتعرض عليا
العربي:ايوا ملي عرفتيها كنعرض عليك وقدمت ليك دكشي ضيافة علاش بغية تخلصني
نجلاء: (مشات عندو باست ليه راسو)الله يحفضك ليا عمي
اوس:(بقا غير كيشوف فيها هدي تبدلات ولات نجلاء اخرى قدامو غير لي كيعرف هذا نجلاء كتهدر وضحك وتقشب بقا ساهي فيها شحال )حم يلاه نمشيو
نجلاء: بسلامة عمي حتى ندوز وقول لخالتي دير ليا الرفيسة لي كتعجبني 😍
العربي:مرحبا بنتي (شفها حلات لباب وهو يمشي باس اويس فراسو ومدات ليه فاختة اقبال بسها حتى هي وهو يحط ليهم شي بركة هذا هو العربي وخا هو على قد الحال مكيتخلاش على صيفة تاع الجود والكرم لي فيه
نجلاء: (طلعات فاللوطو وشدات اويس)تهلا عمي 👋😊
فاختة:(شافت فنجلاء فرحانة بزاف الاول مرة تشوفها ناشطة بحال هكا)بنتي باينة هذا الرجل كتعزيه بزاف
نجلاء: اه عمي العربي هو بابا وكتر وعزيز عليا بزاف هو ومرتو
اوس:(شاف فيها من المريا وسمع ديك بابا )حم قولي بحال باباك
نجلاء: لا هو كتر (محساتش امتى نطقات بيها حيت اوس بغا يشبه ليها العربي براهيم نطقات بدون شعور ولا قلبها لي نطق)
مصطفى: حتى العربي انسان ضريف بزاف وطيب وعزيز عليه افرح الناس الله يحفض ليه صحتو
نجلاء: امين يارب
اوس:(بينو وبين راسو )ياك ما هذا هو الاب الحقيقي تعها😳ولاكين هي قالت بلي بنت براهيم وعمي قال ماشي بنتو ودبا هذا الرجل كيف تعمل معها وحتى هي كيف كتعزو ياك ما هو لي ولدها(بقا اوس اخمم تاني حتى وصلو قدام الدار تاع براهيم وقف ونزلو نزلات نجلاء كتشوف فالباب وكتشوف فالجردة شافت البلاصة فين كان براهيم على شوية ويدوز عليها باللوطو تفكرات فاش دربها تفكرات توريا فاش دربتها حتى هي هنا شحال من مرة تقدمو دخلو لجردة بقات كتشوف فيها وتفكر فاش كانت تلعب فيها هي وختها وخوها تفكرات دجاج لي كان تيسرح فيها مبقاش بان ليه الاتر شافت مصطفى دق فالباب وهي توقف كتشوف فيه وكتسنا تشوف شكون غيحل حلات ليهم امال لي غوتات بسميتها وعنقتها
امال:نجلاء ختي (تلاحت عليها كتبوس فيها وتعنقها طلقتها وهي تشد اويس كتبوس فيه نجلاء تقدمات وهي دخل غدية مرفوعة كيبان ليها غير رسها وهي صغيرة وغدية وكتكبر ودكريات المرى لي عاشت هنا كيدوزو بحال شي شريط فلم قدام عنيها خلات الكل برى ودخلات
امال: (سلمات على الكل وهي دخلهم وبدات تعيط)ماما بابا عمي مصطفى وخالتي وخويا اوس جاو
سمعها براهيم وخرج من البيت كان لبس فوقية فالكري وكيبان مهموم
براهيم: (تقدم سلم على مصطفى) مرحبا مرجبا بصحبي
مصطفى: اهلا العود لباس عليك ترحب بيك الجنة يارب
توريا :(جات سلمات على فاختة)مرحبا خوتي مرحبا بيك (شافت اقبال وهي تشدها بغات تبوسها)هذي العزرية بنت سهام مشالله
اقبال:اغغغ اانن ااعاااع (غوتات ربي لي خلقها)
براهيم: (شدها من عند توريا )ارها لجدو اشوفها بنتي حبيبتي
وقفو كيسلمو وهوما غافلين على نجلاء لي كدور فالدار قنت بقنت وهي مرفوع وصلات جنب البير وهي تحط يديها على الصور تاعو زيرات عليه وغمضات عنيها وكتفكر فاش كانت توريا تدليها لبير حولات طل عليه قربات وهي تحل عنيها بان ليها ضلام وهي تنقز رجعات لور بزربة بحلا قرصتها شي حاجة منو حسات بضهرها تخبط فشي حد وهي دور لقات اوس واقف ورها
نجلاء: ضلام (قلتها بصوت خافيت وعنيها محلولين على وسعهم ودموع ديزين منهم)
اوس:نجلاء (حط يدو على كتفها )مالك علاش كتبكي
نجلاء: (فيقها بصوتو وهي تنزل رسها مسحات دموعها )حم غير تفكرت دكرياتي مع ختي هنا(شافت فيه وهي تنطق)اش كدير هنا علاش تبعتني
اوس:جيت نعيط ليك دخلي كاع مسلمتيش على باباك
نجلاء: (زيرات على يدها ونطقات)اه مسلمتش عليه انمشي دبا نسلم على سي براهيم(تقدمات ومشات دخلات لبيت فين كانو مجموعين شافت فبراهيم لي شد اقبال كيراري بيها وتوريا جنب فاختة كتهدر معها تقدمات نجلاء دازت على توريا ومشات وقفات على براهيم لي هز عينو شاف فيها يلاه غينزلهم نزلات نجلاء عندو وهي تعنقو وهمسات ليه حدى ودنو)سي براهيم لباس عليك صحة بخير هز يدك وديرها على ضهري غير بالعاني قدام صاحبك ورجل بنتك وعدوزة بنتك مهم النحس المنحوس رجع يشوف كيف عيشين بلا بيه واشنو تغير فحياتكم واش تزاد عليكم ساعة بان ليا نقص بزاف ديال الحويج نقصو
براهيم: (هز يدو وهو يشدها من درعها زير عليها وهو ينطق)غدي تجلسي وتسكتي صوتك ميطلعش قدامي وخليني نحتارم هذا الناس لي معاك وملوحكش لبرى قدامهم
نجلاء: متقدرش سي براهيم حيت كرامتك وهيبتك غطيح الارض (بعدات عليه وهي تشد يدو بستها بحب وشافت فيه وهي ترجع خطوة للور ودارت شافت فتوريا )
توريا؛😨(مفرسهاش بلي كينة نجلاء شافت فيها كيف كتشوف فيها وهي تصرط ريقها وناضت وقفات مشات عنقتها وكتحاول متبينش قدام فاختة )بنتي نجلاء لباس عليك على سلامتك
نجلاء: الله يسلمك مدام الراضي انا لباس نسولو عليك انتي واش لباس
توريا:لباس بنتي لباس
نجلاء:(جلسات جنب فاختة وعنيها على براهيم لي غير كيهز عينو فيها كيلقها كتشوف فيه كيتوتر وكينزلهم وحتى توريا وترتهم نجلاء بشوفتها كيتسناو غير امتى تفضحهم )فين رشيد
امال:مشا عند جدة
نجلاء: ممم نصوني عليه اجي توحشتو
اوس:(شاف فيها وهو ينطق)وايوب فين
براهيم: مشا الخدمة راك عارف صيف هذا والسياح كيكنو
اوس:اه مزيان
براهيم: (شاف فتوريا) توريا فين اتاي
توريا: (وقفات )انا نوجدو
فاختة:لا اختي غير جلسي راه عاد درنا الگوطي
براهيم: خليها اختي تعمر كويس دتاي
مصطفى: لا بلاش عاد شربناه جلسو نشفكم شوية ونوضو وجدو لينا شي عشا ايكون فاعل تارك راه نويين نتعشاو عندكم ليلة
براهيم: مرحبا النهار كبير هذا
نجلاء: (وقفات وهي تخرج لبر بقات واقفة شحال كتشوف فكل بلاصة وكتفكر كل لحضة عاشتها خايبة ولا زوينة حتى فيقها من سهوتها صوت مصطفى )
مصطفى : (حط يدو على كتفها )بنتي نجلاء هحنا غنمشيو انا وبراهيم واوس حدا الواد نتمشاو شوية ونبدلو الجو
نجلاء : اتديو معاكم اويس
اوس : اه شحال مبقا خرج غنديه معايا
نجلاء : وخا اراه ليا لبسو شي حاجة على البرد عاد ديه
اويس : (مشا عندها وهو كيتشعبط فيها ويلعب ليها بوجهها )
مشات نجلاء دغيا لبساتو جكيطا ديالو وخرجاتو عطاتو لاوس
اويس : (كيجر فيها تمشي معاهم ) مامي مسيو
نجلاء : لا احبيبة انا غنبقا سي نتا وري لبابا دجاجة
اويس : زجازة تو تو
دخلات نجلاء لدار وخلات اويس غادي مع باباه كيوريه لحيوانات فرحان وكيلعب بيدو وطلعات لبيتها وخا هد الدار عاشت فيها المعاناة كان هد البيت المكان الوحيد لي كتوجه ليه حيت كانت كتبات فيه هي وختها وكيعيشو وقت زوينة بقات شحال كتفكر اللحضات الزوينة فيه هي وسهام وتوجهات لبلاكار جبدات بيجامة طويلة فالصفر بارد جاية مع فورمتها وزيف لواتو على شعرها ونزلات عندهم لكوزينة
فاخيتة : واتاتك البيجامة ابنتي
توريا :( تتحاول تبين انه تهيا فرحانة بجية نجلاء )
نجلاء : ( مشات كتقاد مع توريا شلايد لي غيحطو )
توريا : لا ابنتي غير خليهم يلاه جيتي من السفر منمحنكش
فاخيتة : لا غير خليها تعاونك شوية هي كتعرف لشلايد صراحة انا جيت لهنا تفتحات ليا الشهية ومكرهتش تصوبي ليا بحال ديك لي كديري لينا
نجلا ء : واخا اخالتي
بقاو كيهضرو ومرة مرة نجلاء كضحك معاهم باش متعيقش
اما الرجال فكانو كيتمشاو حدا لواد واويس كيجري فرحان عجباتو الطبيعة
مصطفى : ايوا اصاحبي حنا جينا ليوم باش نفاتحوك بواحد الموضوع كيخص نجلاء
براهيم : (غير سمع نجلاء عقد حواجبو ) الله يسمعنا خبار الخير
مصطفى ؛ مكاين غير الخير حنا جينا بغينا نخطبو بنتك نجلاء لولدنا اوس
براهيم :(تصدم ) كيفاش
اوس : لي بغينا نقولو اسي براهيم بلي ولادي متعلقين بزاف بنجلاء وهي كتربيهم مزيان وهي مدام غتسكن معايا باش تربي لولاد حيت سهام خلاتهم لينا امانة وراك عارف مجاتش تسكن معايا بلا زواج نتا كتعرف هدرت ناس هدشي علاش بغيت نتزوج بيها باش ميبقا تا اشكال
براهيم : ( بقا كيفكر كيفاش اويس كيقول نجلاء مامي وعزيزة عليه ) ايوا اش غنقولك ليل هدا يلاه نتعشاو ويصبح ويفتح
مصطفى : اه ومنها نيت نفاتحو نجلاء بالموضوع حيت معارفة والو
مشاو لدار وحطات ليهم توريا ونجلاء لعشا وكان كلشي كياكل فجو عادي من غير مرة مرة كتضور لهضرة بين لكبار حتى كملو لعشا
مصطفى : ايوا يلاه نخليوكم دابة نتلاقاو غدا انشاء الله
براهيم : مالكم على هد الزربة خليكم باتو معانا
مصطفى : لا غير خلينا نمشيو لفيرمة توحشتها يلاه نخليوكم على خير
تسالمو مع كلشي وخرجو ركبو فاللوطو نيشان للفيرمة