صباح جديد يوم جديد فاقت نجلاء كيف ديما قضات روتينها صباحي وهي تلبس حويجها عبارة على سروال دجين كحل وتيشورت بيض مع قميجة كروات زرقين وهي تمشط شعرها قداتو رشات من بروفاتها الخفيف ولبسات سبرديلة بيضة وهزات محفظة تعها خرجات بلا فطور واصلا سهام واوس نعسو حيت بقاو ليل كامل وهوما سهرانين كيهدرو على نجلاء ومشكيلها ههههه نزلات لقات شيفور كيستنها طلعات ركبات لقدام وتوجه بيها ليسي لقات خولة حتى هي وصلات
خولة:الحب جيتي ناري وتشوفي اش وقع
نجلاء: اش وقع
خولة:فضيحة ياختي وقعات داكشي ديال لبارح تنشر فالكروب تاع ليسي وكلشي كيهدر على مروان وجامعتو
نجلاء: (مستغرباتش حيت فاش شافت دراري ولبنات كيصورو فهم عرفات بلي غينشرو دكشي باش ينتقمو من مروان وجماعتو)ممم وشنو اخور
خولة :متفجئتي اختي
نجلاء: هههه وعلاش نتفاجئ اصلا دكشي باين غير من لبارح وفراسك ديك الكليكا مغتجيش اليوم حيت تلقيهم ناعسين يإما فسبيطار يإما جنب طواليت دخلين خارجين
خولة:الله على هدوء وراحة فليسي ليوم
نجلاء: سلينا من تربية تاع ولاد لفشوش اش بالك نديرو عقلنا فهذا ليام لي جين ونديرو شي حاجة مفيدة
خولة:وي اكيد مشات
نجلاء: اكي
خولة:اش نديرو
نجلاء: كندوز فطريق كيبان ليا واحد ليكول تاع للغات وبغيت ندخل نتعلمهم اش بان ليك
خولة:ها حنا كنقراو الانجليزية والفرونسي فليسي علاش ندخلو نتعلمهم
نجلاء: نتعلمو كلشي ماشي غير هدو انا بغيت نقرا سبليونية والالمانية ومكرهتش نتعلم الكوري حتى هو وبان ليا واحد معهد ديال الرقص وبغيت ندخل ليه حتى هو نجرب
خولة:وخا دبا نمشيو نشوفو
(دخلو لبنات قراو نص نهار وخرجو مشاو سولو فداك ليكول تاع للغات مي غالين )
نجلاء: ببف غالين بزاف
خولة:اتي اشمن غالين راه صهرك مرفح اختيشي انا غنهدر مع بابا يدخلني وحتى انتي هدرة مع ختك فراسك تحمست نتعلم اللغات 😊
نجلاء: لا قصة 50 الف فشهر منقدرش نطلبها من سهام زائد هي كتعطيني وانا كاره راسي حيت كناخد من عندها عرفتي اشنو بغيت نعول على راسي بغيت نخدم
خولة:لا متقوليهاش نسيبت اوس لعلامي بغات تخدم كضحكي عليا شوفي ختك جابتك تعيشي معها وهي لي مسؤلة عليك طلبي منها فلوس وهي فاش غتعرفك لاش بغتهم غدي تعطيهم ليك وهي فرحانة
نجلاء: (كرمتها متسمحش ليها )لا غنخدم دبا خصني نقلب على شي خدمة قررت ودوك فلوس غنخلص بيهم الكول
خولة:اوكي دبا نعاونك نقلبو ليك على شي خدمة ولاكين اش غديري مع صهرك وختك
نجلاء: غنقول ليهم كنزيد سوايع اضافية 😉
خولة:ميقد عليك غير لي خلقك قنعتيني ياختي
نجلاء: يلاه نخليك دبا نمشي نرجع قبل ميجي شيفور (رجعات نجلاء هي وخولة ليسي لقاو شيفور كيستناهم طلعات ركبات معه من بعد مودعات خولة توجهات نجلاء لدار)
نجلاء كانت جاية دخلة في امان الله بهدوء ورزانة وكيف ديما ديرة ليكيت فودنيها كتمزك حلات لباب مع دخلة تفجأة بلي جلسة فالصالا
نجلاء:(حيدات لكيت من ودنها وقدات شعرها وتوجهات جيهت العجوز لي جلسة كتشوف فيها بشك شدة تسبيح فيدها )سلام
رضية:(شافت فيها وهي تنوض)شكون انتي وعلاش دخلة لدار حفيدي
نجلاء: حم انا (يلاه اتهدر بانت ليها سهام خرجات من لكوزينة )
سهام:نجلاء (كتهدر وهي متوترة )حم الميمة هذي نجلاء نجلاء (مقدراتش تنطق مزال)
نجلاء: (شافت فختها صغرات عنيها فيها وكتسنها تكمل مي شفاها كتفتف فالهدرة وهي تشوف فرضية ونطقات)انا كنجي مرة مرة ندير الميناج هنا امدام😊
سهام: (تصدمات من كلمها)اش كتقولي انتي اش هذا الكدوب نجلاء
رضية:دبا ممكن نعرف اش واقع هنا دبا شكون هذا لبنت حيت الى فعلا هي كدير ميناج هنا فمن الاحسن تمشي فحالها ومتعاودش ترجع لهذا الدار 😬
نجلاء: (يلاه غتنطق صبقتها سهام لي جات وقفات جنبها)
سهام: الميمة هذي اختي نجلاء
رضية: (خرجات عنيها على وسعهم)كيفاش اختك واش هذي هي نجلاء الضريفة الزوينة لي قالتي عليها انا مابان ليا فيها شي ضرفة ولا شي تربية غير من حلتها اش هذا الحالة ديرة فرسها اش هذا لباس اش هذا الشعر وانتي ساكتة ليها😬
نجلاء: (شافت فسهام لي حدرة رسها مقدراتش تجاوب )هذا سميتو لوك ولباسي سميتو لاموض أ أ (بغات تعيط ليها وهي تسكت وشافت فيها ) والله معرفت باش نعيط ليك واش الميمة ولا أ جدة ولا مي رضية ولا خالتي حرت بزاف حيت من تفاصيل وجهك باينة مغتعجبك حتى كلمة من هدو خصوصا الى جاو مني دبا الى بغيت نحترم سنك ونعيط ليك ممكن تقولي ليا الى سمحتي باش نعيط ليك 😕
الجدة:(خرجات عنيها على وسعهم من صدمة)اش هذا قلت الادب
سهام: (كتقرص نجلاء)😱
نجلاء:ماشي قلت ادب غير بغيت نتشاور معاك باش نعرف باش نعيط ليك زعمة صواب ودكشي احترام للناس الكبار
رضية: حترمتي حتى راسك باقي غير تحتارمي الناس الكبار دبا غنقولك سيري تعلمي غير كيف تحتارمي راسك وانتي ديرة شوهة فراسك غدية كيف هدوك لي ميتسماوش
نجلاء:(شافت فيها كيفاش كتهدر معها وهي معصبة وكتقلل منها رسمات نجلاء نفس الابتسامة المعهودة فوجها هذاشي كيعني بلي الجدة مشات فيها كفتة ) اه وخا دبا نفكر فهذا الموضوع ونتعلم نحتارم راسي اناس الكبار (كتعيط ليها ناس الكبار هههه )
رضية :(دارت لسهام لي حدرة رسها مسكينة جات بين نارين وحدة اختها كتخشا ليها الهدرة قدمها ومقدراتش دافع عليها من تانية لي هي جدات رجلها وكتحترمها وزائد رضية طبعها فشكل نجلاء مكتعرفهاش )اش هذا قلت الادب لي فختك وقلت ترابي فين تربات هذي 😤
سهام: الميمة انا هي
نجلاء: (شافت ختها كيف كتفتف وهي تجاوب)فالزريبة اناس الكبار
رضية: كيفاش
نجلاء: كنقصد تربيت فزريبة مع البهايم فتقبلي اي حاجة جات مني راه انا كيف لبهيمة 🙍
رضية: مكدبتيش فهذي باينة بلي مربية فزريبة
نجلاء: وي بصاح مربية فزريبة (نجلاء فصغرها اغلب وقتها كتكون فزريبة يإما كتبكي تما ولا كتضحك وتلعب مع الحيونات هي مكدباتش😂)
سهام :نجلاء سكتي
رضية:لا غير خليها تهدر نشوف اشمن هدرة سوقية مخبية لداخل تعها جيل تاع الزفت طالع ميحترم داتو ولا لي كبر منو ولا لي رباوه على الاقل محترمتي الناس حترمي غير باك
نجلاء: (بقات ديك حترمي باك باك باك كتردد ليها فودنها غمضات عنيها وزيرات على يدها وفكها شي لي خلع سهام مدات يدها شدات فيد.نجلاء لي زيرات عليها نجلاء وركات على فكها مزيان وهي تحل عنيها شافت فالجدة واحد شوفة كتخلع حيت عنيها تحول لونهم دغية لجغمة دم ركزات شوفة فالجدة فترة من الوقت وهي دور شافت فختها نضرة عتاب ودارت عطاتهم بضهر وغدية خارجة تبعتها سهام لقدام لباب)...
سهام: نجلاء اختي فين غدية
نجلاء: (وقفات فاش سمعات صوتها لحنين وديك اختي وشعرات بصوتها بحلا غتبكي تنفسات نجلاء وهي ترسم ابتسامة فوجها ودارت عند سهام)😊غدية خارجة اختي
سهام: نجلاء انتي
نجلاء: (عرفتها خايفة عليها)حبيبة انا ممعصباش وفاش شفتني سديت ايدي وغمضت عني هذا مكيعنيش اني معصبة لا انا غير حاولت نكتم بزاف ديال الهدرة قاصحة على قلب ديك العقروشة كون خرجتها كون اليوم سيفطها تبات فالانعاش مهم انا غنخرج حيت الى بقيت هنا مزال غدي نرفع الظغط لدوك الناس الكبار ولا نزل ليهم السكر ولا نسبب ليها فشي جلطة دماغية ولا سكتة قلبية شفت صحتها غير على قد لحال دكشي علاش غنسكت ونخرج 😊
سهام: (جابت ليها ضحكة كتمتها غير بزز قربات ليها )اختي
نجلاء: انا عارفة بلي انتي كتحترميها حيت كتجي لرجلك وانا غدي ندير بحساب هذاشي وغنبعد على سحتها وخا اصلا كاع متوشيتها هي لي قلبات عليا مي هانية كلشي ايهون فسبيل ختي يلاه سيري انتي متقلقيش راسك والى سولاتك عليا وعلاش انا هكا تبراي مني ههههه قولها بلي انتي عاد عرفتني وميسحاب ليك انا هكا وقولها بلي جبتني باش تربيني وترديني لطريق هكا مغتقلقش منك باي ختي(هذا نجلاء كتوصل الهدرة لبنادم بطريق غير مباشيرة )
❌❌قصة جديدة حطيتها مطويلاش بزاف نقدر نكملها فيوماين ولا 3 ايام فنة وكمية الأحاسيس والمشاعر لي فيها ونقية سميتها "زوجوني منقبة"
أنت تقرأ
زواجي من صهري 💍مكتملة💍
Romance💎مكتملة💎 ❌حصرية على الواتباد ❌ ها واحد سلام عليكم حبيباتي بلسان الكاتبة: جبت ليكم بقصة جديدة بلا منقول عليها قمبولة💣 الموسم حيت انتما لي غتحكمو فالاخر واش قصة ناجحة ولا غير خربشة 😏 مممم قسوة الاب وفقدان الام 😢حب الاخوة👭👫 حنان الجدة👱 زوجة ا...
