زواجي من صهري 💍مكتملة💍

الجزء 110 💍❤️

اوس :(شد نجلاء بيد من خصرها وبيد من وجها كيشوف فيها نيفها سايح وجبهتها حمرة لبلاصة لي خبط ليها مع الحيط تنهم وهو يعنقها لصدرو ونزل يد لخرى هزها بين يديه كيف ريشة توجه بيها لدار سونا حلات ليه امو وهو يدخل)😠
فاختة:(شافت فنجلاء وشافت ف اوس لي عاقد غباشتو ووجهو حمر)اوس مال البينت ملها نجلاء شكون دار فيها هذا الحالة😱
اوس:😠 (غدي بنجلاء لبيتها وفاختة تبعاه من لور حطها فوق سرير وقا ليها رسها فالمخدة ودار غادي اخرج شداتو امو)
فاختة؛مالها هدر مالك ساكت شكون دار فيها هكا
اوس:(زير على يدو ونطق )انا
فاختة:(شافت فيه وهي تهز يدها حتى سماء وعطاتو لوجهو )هكا ربيتك من ايمتى كتهز يدك على شي بنت هاأ من امتى الحيوان شوف كيف ردتي لبنت بحالك ميأمنوش الناس على شي حد حيت انت ماشي قد الامانة فراسك كنت غالطة فاش قالت نزوجها ليك باش نطمن عليها ساعة خيبتي ضني فيك بزاف مكنتش عارف بلي ولدي شماتة كيستقوى على بنت ضعيفة
اوس:(ناري القرودة كيلعبو ليه فوق الراس فاش سمع من الام ديالو بلي هو شماتة زير على يدو وهو يخشيها فالحيط)شماتة اه شماتة حيت جبتها ليك غير مدروبة شماتة ملي مدفنتش دين أمها لتحت هي وداك الزم*ل
فاختة:(شافت فيه كيغوت ويدرب فيدو مع الحيط خافت عليه مشا شداتو من كتفو)اش كتخربق وشكون لي كتهدر عليه نجلاء مشات تشوف صحبتها
اوس:(وقف ودار شاف فيها )هذاشي لي قالت ليك هي كدبات عليك ونزلات عند داك الحمار ولقيتهم واقفين فالشاريع و(سكت ف اخير للحضة وتفكر زياد وهو شد نجلاء كان بغا يبوسها زير على يدو وغمض عينو متقبلهاش داز على الام ديالو ومشا جاب علبة الاسعافات الاواية وجاب بنيو فيه ماء دافي وفوطة صغيرة رجع لقا فاختة جلسة جنب نجلاء كتحاول تفيقها جلس حتى هو وهز فوطة سردها وعصرها وبدأ كينقي ليها وجها ويكمد ليها الدربات لي فيه)
فاختة:علاش هذاشي علاش اقدر تكون غير وقفات مع داك الدري بالغلاط وانت جتي دربتها
اوس:الوليدة الله ارحم ليك الولدين لما سكتي
فاختة:مغديش نسكت كتسمع انت دربتي البنت شوف كيف رديتها وسخفانة وكطلب مني نسكت مغديش نسكت انا غنعيط على اباك دبا يجي يدينا من هنا (وقفات وهي تهز تليفون )
اوس:(كيدير بوماطا ل نجلاء فوجها )نجلاء وولادي مغيمشيو حتى بلاصة
فاختة:كتحداني ايوا انا غدي نديها معيا من هنا غنعيط على اباك يجي وغنقوليه يرجعها لعند الاب ديلها وانت ربي ولادك بوحدك 😠
اوس:(دوا لنجلاء وجها وهو ينوض ونطق)نجلاء غتولي مرتي وبلاصتها حديا مع ولادي
فاختة:(شداتو من يدو )باش تبقا دبز فيها هي لي مغتكونش ليك انا غنزوجها ل عماد حسن ليها
اوس:غير لبغتي ندفنهم بجوجهم حيين(عطها بضهر )نجلاء بلاصتها جنبي وجنب ولادي دخليها لرسك وانا مدربتهاش غير هكاك انا دربتها حيت دارت علاش وحمدي الله جات غير بالدرب ملي مقتلتهاش فديك اللحضة راه لباس ودبا ملي تفيق سوليها اش دارت هذاشي الى عندها الوجه باش تهدر (خر ومشا لبيتو دخل وسد لباب وبقا كيدور فالبيت وديك اللقطة تاع زياد ونجلاء مبغاتش تحيد ليه من قدام عنيه كلما تفكرها كيجمع يدو يخبطها مع الحيط )
اوس:كنحاول نكون زوين معها ولاكين هي كتخرجني على طوعي كتخلني نترعد بالعصاب علاش علاش خلات زم*ل يقرب منها بحال هكاك علاش خلاتو يحط يديه عليها علاش 😠😠😠اااعااااعاااع(ناري سيد تسطى )حمدي الله سخفتي قبل من قتل زم*ل بوك (زيد على يديه بجوج وهو يتفكر اش قالت ليه وجلس فوق سرير كيخمم فديك الهدرة )هي قالت بلي بنتهم من صلبهم كيفاش هذا القضية وعلاش عمي براهيم قال بلي امو لي تبنتها
عند فاختة لي جلسة جنب نجلاء واويس جنبها جلس حتى هو يشوف فنجلاء
اويس:مامي ديدي😢احح(كيقيس فوجها)
فاختة:(شافت فيه وهي تنهد)اه حبيبي ديدي هداك وبسبابي حيت معرفتش نربي اباباك فصغرو ولاين حتى دبا راه باقي الحال غدي نربيه نوريه (هزات تليفون وهي تعيط على رجلها سمعاتو جوبها)الو مصطفى لباس
مصطفى:مدام العلامي واش راكي
فاختة:غتقطع فطيارة دبا وتجي عندي بغيتك
مصطفى: توحشتني ولا كيفاش
فاختة:ماشي وقت هذا الهدرة اجي عندي ندير حل لهذا البنت مع ولدك
مصطفى: مالهم
فاختة:ولدك تحرق ليه شي فزيبل فالراس وبدأ اخبط فالبنت دبا غتجي دبا دير شي حل انا بغيت نهزهم ونرجع ولادك قال مغتحركش من هنا
مصطفى: هاني جاي نشوف
(قطعات عليه فاختة وهي تجلس جنب نجلاء كدوز ليها على رسها وكتسنها تفيق)
فاختة: معرفت اش درتي حتى دربك اوس عمرو هز يدو على شي وحدة واليوم هزها عليك ومعرفتش السبب ولاكين مهما كان السبب معندوش لحق يدربك هكا كان عليه يهدر معاك بالخطر ولاكين بنتي انا معاك وعمري نسمح لشي حد يحط يدو عليك نجلاء فراسك من نهار شفتك دخلتي ليا الخاطري بزاف كانتي ساكتة ومهدنة وداخلة سوق راسك وفاش تشوفي شي حاجة خايبة كتصلحيها ههههه يا بيدك يا بفعايلك فراسك انا فاخورة بيك من نهار سلختي دوك الدراري وعونتي الرجل لي كان محتاج وفاش عونتي ايمان ورجعتيها لطريق الصحيحة وحتى من خالتي غيرتي تفكيرها وفاش شفتك كيف وقفتي جنب ختك وسندتيها فاش كانت محتجاك وفاش ماتت فالوقت لي ولدي ضعاف وزاد مع الطريق انتي قويتي رسك وهزتي دراري حضنتهم نجلاء هذا الامور كلها كديرهم مرأة لي قادة بنت الاصل وديالت الزمان انا وخا نعيا نمدح فيك منوفيكش حقك (سلات وهي تنهد وشافت ف اويس لي كيبوس فنجلاء ويدوز حتى هو يدو على رسها)حبيبي مامي زوينة
اويس:وينة مامي ماااح
نجلاء: (حلات عنيها على ديك البوسة البريئة الدافية شافت فيه كيف كيبوس فيها بتمات ليه وهي تشدو عنقاتو)حبيبي 😭
فاختة: (شافت فيها وهي تقرب ليها كتعنق فيها وتبوسها فرسها )بنتي نجلاء سمحليا بنتي بزاف انا والله حتى حشمانة منك اوس عمرو مكان هكا عمرو محط ايدو على شي مرأة ولا انا كنت نضن هكا سمحليا بنتي حيت موفقتش معك ضدو ولاكين كنوعدك غير يجي اباه يتفهم معاه
نجلاء: (ناضت جلسات ومسحات دموعها وهي تبوس فاختة فرسها )معندك علاش طلبي سماحة اخالتي انا عمري محملت فعال حد لي عائلتو هو لي غلط معيا انتي معندك علاش تحشمي وطلبي سماح خالتي
فاختة:(شافت فيها وهي تنطق)اش وقع حتى دربك وشكون كان معاك ابنتي انتي قالتي ليا مشتي تشوفي صحبتك
نجلاء: (نزلات رسها وصرطات ريقها وهي تنطق)فالحقيقة خالتي صحبتي لي جات هو كان زياد لي جا وحشمت نقولك ولا تفهمي غلاط
فاختة:(جرتها عنقتها لصدرها)عمري غنفهمك غلاط ابنتي انا كنتيق فيك بزاف ودبا غتعودي ليا اش وقع بضبط وتقولي ليا شكون هذا زياد باش نعرف كيف نتسرف انا
لنجلاء: (بعدات عليها وهي تنطق)زياد صحب فهد هو تلقاني عام هذا وهذاشي فخبار فهد زياد بغا يتزوج بيا وقالها ل فهد. وفهد قالها لبابا وسهام الله يرحمها و(زيرات على يدها ونطقات سميت اوس بزز)واوس بابا وافق ولاكين اوس رفض وانا وزياد تفقنا نتزوجو ولاكين من بعد ختي حملات وكانت عيانة وانا طلبت منو يصبر معيا حتى تولد ختي هو صبر معيا درنا ملي تولد ختي غنتزوجو ونمشي انا وياه نعيشو برى ف امريكا ونقرا تما ولاكين القدر قال كلمتو ختي ماتت وخلات فعنقي امانة وزياد جا هذا الصباح كان معصب حيت ملي ماتت ختي وانا قلبت عليه ومكنهدرش معاه وفاش صونا عليا كان لتحت كدبت عليك ونزلت عندو باش نسالي كلشي
فاختة:(كتشوف فيها)كيفاش
نجلاء: انا نزلت عندو طلبت منو ينساني ويمشي يشوف شي وحدة اخرى لي تستحقو هو بقا فيه الحال وكان كيقنعني باش منتفرقوش وقال نتزوجو ونسكنو جنب اوس ونكون جنب ولاد ختي وانا مابغيتش وكنت بغيت حيت منقدرش نخلي ولاد ختي منقدرش انا خليتو حط عليا يديه كنت كنجر فيه باش يحيدهم من وجهي انا غير حيت غلط معاه بزاف وجرجرتو معيا عام وهو راه رجل واكيد غيتجرح كان كيهدر وشد وجهي بين يديه وانا كنحاول نحيدهم جا اوس ودربو وهو يجرني معاه ودربني وعيرني (تفكرات اش قال اوس وهي تزير على يديها)معرفت اش قالك عليا خالتي انا عمري بررت لشي حد ولاكين انتي حيت تقتي فيا وبغتي تسمعي مني قالت ليك اش واقع انا عمري نخلي شي ولد المرأة اقيسني ولا نتقبلها زياد جاني فوقت لي كنت حشمانة منو بزاف حيت هو صبر معيا وتسناني بزاف وفاش قالت ليه نتفارقو وقالت السبب هو حاول يوفر ليا كاع وسائل باش نكون جنب ولاد ختي ويتزوجني
فاختة:(عنقتها بحب حيت زادت نجلاء كبرات فعنيها كتر وكتر )بنتي واش كتبغي زياد واش باغية تزوجي بيه
نجلاء: (بعدات منها وشافت فيها)لا خالتي منقدرش
فاختة:واش على قبل الولاد متهزي ليهم الهم انا نديرهم فعني الى بغتي زياد وكتبغيه من قلبك انا نزوجك ليه(يلاه غتجوبها نجلاء تفرع عليهم لباب بان شي اوس وهو معصب هههه كان جاي يشوف نجلاء مع وصل قدام الباب سمع امو كتقول ليها نزوجك بزياد وهو يفرع عليهم لباب وقف بحال عزرايل)
فاختة:مالك على هذا الدخلة واش ناوي دير شي سكتة قلبية لولادك كل شوية تخبط لباب