زواجي من صهري 💍مكتملة💍

الجزء 141 💍❤️

فالقصر عند زينب كانت واقفة فالبيت كتشوف فقبال لي كترضع فسكاتة وكتبتاسم بشر
زينب:شفتي خالتك الغبية كيف ساهلة تاقت دغية ماشي بحال موك لي مكتخليش ليا الفرصة نقرب ليه (كتشوف فقبال لي كتشوف فيها وهي تنطق)كنكرهكم بزاف وكرهتكم حيت طلعتو تشبهو لخالتكم اتريكة الناقصة(سمعات لباب تحل وهي دور بانت ليها ايمان وهي تنطق)ايمان جيتي انا دزت من هنا سمعت صوت اقبال كتبكي
ايمان: (خنزرات فيها وهي تمشي هزتها اقبال )اه خويا اوس سيفطني نزلها لخالتي هي واويس
زينب:اه اويس باقي مفاقش
ايمان: صافي تقدري تنزلي انتي لتحت عند العيلات وكنضن بيتك لتحت اش طلعك هنا
زينب:كنت فصطح كنشم الهوى
ايمان: اودي راه الهوى تحبس هذا الايمات غير قضي بهذاشي لي كنتنفسو حتى تفرتك جقلة وكل يمشي لدارو يتنفس فيها ونتنفسو حتى حنا الهوى
زينب: (شافت فيها وهي تنطق)اه هي حتى انتي غتمشي عند اباك
ايمان: ههه لا انا ساكنة فدار خالي وقريب نمشي مع راجلي ل امريكا😏
زينب: (خنزرات فيها وهي تخرج ومعصبة )البرهوشة تاع الخلا انتي لي باقي متزوجتيش (كانت غدية وكتبرگم حتى نزلات فدروج وحسات بيد جرتها تخشاو تحت دروج)اش كين شكون انت
سعاد: هذي انا سكتي
زينب:طاتي سعاد
سعاد: اش درتي فدكشي
زينب:طلعات وشفتنا وهي خرجات كتبكي اكيد تيقات
سعاد: شوفي خاصكي دري الخطة تانية اصلا اوس مبعد على البرهوشة ستغلي هذا الوضع
زينب:كيفاش
سعاد: هوما مكينعسوش مع بعض هو فبيتو بحدو وديك العربية مع دراري
زينب:اه مزيان واشنو مطلوب مني
سعاد: تخلي اوس يغلط
زينب:كيفاش تسطيتي انتي لا
سعاد: ياك بغاه يتزوجك
زينب:اه ولاكين ماشي نفرط فشرفي
سعاد: معندك حتى حل من غير هذا اوس كيبغي البرهوشة وبزاف وميشوف فيك حتى شوفة انتي الى بغتيه خاصك تخليه يغلط معاك وديك ساعة غدي اتجبر يتزوجك بزز منو حيت خالتي مغتقبلش بنت بنت ختها تفضح
زينب:(كتبتاسم بشر )اه مي ياك هو مغيشوف جيهتي اشنو ندير
سعاد: اوس رجل وغريزتو هي لي حكماه وهو صبر شحال والبرهوشة خلاتو محروم غير اشوف شوية د الاتارة مغيتحكمش فراسو دخلي عندو باليل وانتي مقدة الحالة وغريه وغريزتو هي غدير كلشي
زينب:اه وخا(جلسين كيهدرو ويتافقو وغافلين على لي سمعهم هذي الجدة لي ناضت بغات توضا والدوش قريب لدروج وصلات تما سمعاتهم اش قالو وهي تستغفر ودخلات لدوش توضات ومشات صلات ضحى وجلسات كتقلب على اوس ونجلاء بعنيها
عند اوس ونجلاء وقف اوس للوطو قدام لباب
نجلاء:(شافت فيه وهي تنطق)انا
اوس:نزلي (تحنا حل ليها لباب وبقا كيشوف لقدام نزلات نجلاء وهو يكسيري خرج )
نجلاء: (تبعات ليه العين حتى خرج وهي تنهد ومشات دخلات لفيلا بانت ليها ايمان هازة اقبال مشات عندها شدتها من عندها )بنوتي مامي حبيبة ديالي
ايمان:(شافت فيها وهي تنطق)نجلاء اش واقع اش طرى علاش خرجتي كتجري وعلاش تبعك اوس
نجلاء: (شافت فيها وهي تنطق)فين اويس
ايمان:راه عند خالتي كتوكلو قولي مالك
نجلاء: (شدات فيد ايمان وهي تجرها معها دتها لبيت ايمان وحطات اقبال وبدات تعاود ل ايمان اش واقع معها )هذاشي لي وقع
ايمان: (نطقات )نجلاء واش كتبغيه
نجلاء: (دارت شافت فيها)شكون
ايمان: اوس
نجلاء: اشمن حب حتى انتي راه قالت ليك اش واقع
ايمان: قالتي ليا بلي كان كيفقصك حيت كيضحك مع زينب ولقتيه معها فالبيت وهو عريان من صدرو ونتي تعصبني وبقا فيك الحال خرجتي كتبكي هذاشي كل راه سميتو الغيرة والغيرة كتكون فاش يكون الحب
نجلاء: لا ماشي حب انا غير مبغيتش اجيب شي وحدة وتبعدو على الولاد
ايمان: اوس ولادو هوما عنيه مغيبعدش عليهم وانتي عارفة هذاشي كتر مني نجلاء حبيبة الحب راه ماشي عيب وانتي راه كتبغي راجلك حلالك ماشي عيب تعتارفي بلي غرتي عليه فاش شفتي شي وحدة قربات ليه فراسك هكا كان يوقع ليا فاش كان جاد يضحك معاك كرهتك بزاف وكنت نغوت عليك حيت انا كنبغي جاد وفاش شفتو كيضحك معاك وقريب ليك حسيت بالخطر وشحال بكيت بحالك كيف بكتي وهربتي حتى انا كنت فحالك هذا هو الحب كتبغي من قلبك ولي بغتيه كتبغيه ليك بوحدك مكتبغيش تشوفي شي وحدة شافت فيه حتى شوفة والى قاستو خلاص ديك ساعة غتسيفي تجبدي ليها مصرنها حيت شافت فحبيبك فرجلك
نجلاء: هذا هو المشكيل منقدرش نسميه حبيبي ورجلي وهو كان رجل ختي وحبيبها (بدات تبكي )انا معنديش الحق نبغيه وخا نبغيه معنديش الحق نعتبرو ديالي حيت ديال ختي
ايمان: (عنقتها وهي تنطق)اش هذا الافكار عندك واش هذي هي نجلاء لي علماتني نكون راسي واش انتي لي كتعلمي الواحد اتيق فراسو سمعني اوس رجلك دبا والحي اولى من الميت وربي كتبكم لبعض وكون ماكتبكم لبعض كاع متموت سهام كاع ميسر زواجكم كون تزوجتي بداك زياد قبل متموت سهام ولاكين ربي زوجكم فسماء ياك قالتي فهد جا يعاونك تزوجي ب زياد قبل وانتي رفضتي عرفتي علاش حيت انتي ديالت اوس ماشي ديالت زياد
نجلاء: (كتسمع ليها وكتربط الاحدات فرسها عنقات ايمان وهي تنطق)منقدرش اختي
ايمان: عطي الوقت لراسك وفكري مزيان ونهار تحسي بلي بصاح كتبغي اوس عطي فرصة لهذا الحب ينمو اوس راه كيبغيك وبزاف وبينة العمى حتى انتي عطيه فرصة وديك الخامجة انا نتكلف بيها
نجلاء: (مسحات عنيها )اش غدري ليها نعاونك سحال هذا مخمجت شي واحد
ايمان:😨لا اختي غير جلسي انتي رتاحي راه عارفك تصيفطيها القبر انا نتعمل معها بانوتة ماشي بخشونة فحالك
نجلاء: هههه ولا والله قولي شنو بغيت نعاونك باش نبرد شوية نوريها تقرب من شي راجل مزوج
ايمان: مممم قربي عندي (هدرات ل نجلاء فودنها )
نجلاء: اجي انتي (حتى هي هدرات ليها فودنها)
ايمان: لا لا اختي اناري بغتيها تموت
نجلاء: متموتش غير دري لي قالت ليك
ايمان: وخا
داز النهار ونجلاء وايمان كيخططو اش يديرو ل زينب والجدة مراقبة زينب وسعاد عنيها عليهم بغات تشوف اش بغاو يوصلو شفتهم حاضين الباب كيستناو اوس لي مرجعش النهار كامل حتى ليل عاد جاي دخل وكيبان معصب غير شفتو زينب يلاه غتنوض عندو سبقتها الميمة
الجدة:اوس ولدي اجي عندي
اوس:نعم الميمة
الجدة:اجي عندي بغيتك فبيتي (وقفات يلاه اتشد العكاز شدو اوس عطاه ليها وتمشا معها لبيتها دخلات وسدات الباب وجلسات واوس جلس معها )
اوس:اش كين الميمة اش بغتي
الجدة: (شافت فيه وهي تنطق)والو ولدي غير توحشتك بزاف وشحال هذا مجلسنا انا وياك وملعبتش ليك فشعرك وانت معوتي ليا اش واقع معاك كيف موالف ولا صافي تزوجتي ونستي الميمة ديالك هأ
اوس:(بتاسم وهو يتجبد فوق سرير وحط راسو على حجرها وهي كتلعب ليه فشعرو بحنان)لا الميمة منسيتك الحنينة ديالي راه غير شغل ومشاكيل الدنيا كترو دكشي علاش تلاهيت
الجدة:اشمن مشاكيل عندك انت اولدي حياتك غزالة مشالله ربي عطاك زينت الحياة الدنيا عطاك المال وعطاك وليدات كيف النوارات جوزهم ليك دكران وإناث وعطاك مرة غزالة وحنينة عوضك مرتك اشنهو المشكيل لي مقلق ولدي
اوس:(شاف فيها وهو يتنهد)اااه الولاد خاصك تربيهم تكبرهم والمرأة حتى هي خاصك تكبرها وتصبر معها على بزاف د الحوايج والمال خاصك تخدم ليه هدو بحد داتهم راه مشاكيل
الجدة: ايوا راه هذاشي لي كيعطي طعم الحياة العمل بحيد ونجاح وتعب باش تحس بنشوة الحياة وراه العمل عبادة اولدي اما بنسبة لصبر راه نيعمة من عند الله وصبر المرتك هي راه فوضع صعيب باقي صغيرة خصرات ختها لي هي كلشي فحيتها وتجبرات تزوج رجل ختها كون كنت كاع منخليكم
اوس:ياك الميمة علاش
الجدة:منخليكمش تجبروها على شي حاجة هي مبغتهاش
اوس:غلطنا ولاكين الميمة منقدرش نخليها ومنقدرش نعيش معها بلا زواج راكي عارفة المجتمع
الجدة:كان عليك تجيبها تعيش هنا معنا وصط بنتنا ومكين لي يهدر
اوس:وهذا هو المشكيل الميمة انا منقدرش نخليها فشي بلاصة بغيتها جنبي
الجدة:كتبغيها العفريت
اوس:هههههه كنعشقها الميمة بزاف هي روحي هي ولادي منقدرش نعيش بلا بيهم
الجدة:ههه الله يخليهم ليك قولي هي عارفة هذاشي
اوس:لا معرفاش ماقلتوش ليها بغيتها تحسو والحب افعال الميمة كيف علمتني ماشي اقوال
الجدة: طبعا غير هو راعي ليها شوية راه باقي صغيرة ومزوجة بشارف بوالدو
اوس:ياك الميمة دبا انا شارف ياك
الجدة:اوا اشنو 31عام
اوس:ناقص 30 عام تاع العقل ههههه كيف قالت نجلاء عقل اويس حسن من عقلي (بقا مجمع مع جداه كيضحكو حتى عيطو ليهم حيت بغاو يحطو العشا اوس بغا غير يطلع يبدل حويجو مخلاتوش الجدة جراتو جلس جنبها اتعشاو جلس كيضحك وكيشوف فنجلاء بنص عين كان جلسة كتوكل اويس وتاكل كيشوفها بغات تهز عنيها فيه كينزل عينو بحلا مكيشوفش فيها سلاو العشا وهي تنوض الجدة )
الجدة:هاز معاك اويس طلعو راه البنت عيات نهار كامل وهي تراري بيهم انا نطلع اقبال نعسوهم