زواجي من صهري 💍مكتملة💍

الجزء 36 💍❤️

**بارت 36
نجلاء: اواه بصاح غتستقري هنا شوفي الى بغتي رأيي من الاحسن ليك ترجعي ل أمريكا حيت تما فيه المجتمع داخل سوق راسو ماشي بحال هنا اناس كيدخلو فمالا يعنيهم وراك شفتي اخير مرة كيف صيفطوك محطمة ومقهورة على قبل الولاد والله نصيحتي بعدي منهم اختي قبل ميقتلو كلشي زوين فالداخل تاعك ويغيروك ويخليو قلبك اقصاح
سهام: انا ماسوقيش فالمجتمع ومرجعتش على قبلو انا رجعت على قبل اختي وغنستقر هنا على قبلها
نجلاء: لا اسهام بلا مضحي بمستقبل على قبلي يكفي طفولتك لي ضاعت فتربيتي سيري اختي عيشي حياتك متربطيهاش بيا متخلنيش نحس بلي انا عقبة فطريق حياتك اختي
سهام: (قربات ليها وحطات يدها على فمها)ششش متقوليش هكا انتي فرحتي ماشي عقبة فطرقي فراسك هذاشي كنديرو على قبلي حيت كنرتاح معاك ورحتي غتكون فجنبك
نجلاء: (بقات كتشوف فيها شحال وعاد نطقات )اه مزيان ايوا مرحبا بيك فالبلاد تاني مي راه نولي نشوفك غير من السبت والحد حتى سبت والحد جاي حيت انا ساكنة فسكن الداخلي😊
سهام :(بدات تعرق وتنشف)نجلاء انا قصدي حنا غنسكنو فكازا
نجلاء: اه هي مغنبقاوش نتشاوفو كي اخير اسبوع خاص شال عاد نتشاوفو
سهام: لا غدي نتشوفو ديما(شافت فنجلاء وهي تكمل هدرتها)انتي اتعشي معنا فكازا وراه خدينا ليك انتقال واوس سجلك فليسي تما ونهار الحد غنمشيو
نجلاء:(كتبتاسم بسخرية )اه واشنو اخور درتو من غير شواري اجيو ياك ما قررتو حياتي ومستقبالي كيف نعيشو ههههه نجلاء المكلخة علاش كتسولي (دربات على رسها بخفة)ما انتي كلك جاية لهذا لدنيا غير حيت الناس كيقررو الاول عتيقة قررات متخلاش عليا وتولدني وخا عارفة رسها غتموت هههه وتاني الجدة لي قررات نعيش مع براهيم وخا مابغنيش فحياتو حيت هو فالاصل قرر منتولدش غير عتيقة شدات معاه ضد واشنو اخور اه توريا قررات صغري كيف غتعيشو ودبا ها سهام ورجلها جاو كيقررو كيف غنعيش من هنا لقدام وفين نقرأ وفين نسكن 😊
سهام: (بقات مصدومة فيها كيفاش عرفات هذاشي سهام وايوب معودوش ليها الحقيقة ديالت كيفاش تولدات وكيف ماتت امهم)نجلاء شكون قال ليك هذاشي
نجلاء: (ببتسامة ديلتها لي كتخبي بركان نشيط لداخل تعها )ماشي مهم مهم عرفت
سهام: واش عمي العربي هو لي عود ليك
نجلاء: لا هو عمرو مهدر معيا فشي حاجة لي تجرحني فاش كنت نتجرح مي دبا مبقيتش
سهام: نجلاء حبيبة شكون قالك هذاشي
نجلاء: (شافت فيها وهي تهز واحد الحاجب ونزلات لاخور)كنضن ماشي هذاشي علاش كنهدرو حنا كنهدرو على انتقالي وكاع دكشي لي قررتو انتي ورجلك ودرتوه بلا خباري
سهام: (حدرات رسها)انا بغيت نديرها ليك مفجاأة
نجلاء: اه كنهنيك فجئتني نيت وبزاف 😒
سهام: نجلاء حبيبة شوفي راه هذاشي درتو باش نبقاو مع بعضنا ياك هكا كنتي بغتي
نجلاء: هههه هانتي قالتيها كانت كانت فزمان اختي دبا مبقيتش دبا دكشي لي بغيت ماشي هو دكشي لي كانت بغيتو
كان فعل ماض ناقص(كتهدر بهدوء كون شي حد اخور بلصتها كون كيغوت ويتشتش مي هي عندها اسلوب خاص وحتى حد ميفرض عليها حتى حاجة والجميل فيها هي كتحكم فرسها لواحد الحد ميطيح على البال)
سهام: (شدات فيديها وبدات تبكي)اختي انا غلاط حيت مسولتكش قبل انا قالت غتفرحي ملي تعرفي غنعيشو مع بعضنا
نجلاء: اه فرحت مي ماشي تفرضي عليا فين نعيش دبا انتما حطيتوني قدام الامر الواقع جيتو نقلتوني لبلاصة اخرى وسجلتوني فليسي وعاد جاية حگى راه غنعيشو مع بعض وها اش درنا وهذاشي كل جمعتيه فكلمة سمتها مفجاأة
سهام: (تنهدات عارفة بلي بصاح نجلاء عندها الحق هي من حقها تقرر اش بغات شدتها من يدها وهي تهدر)حبيبة سمحليا انا متشورتش معاك واصلا نيتي كانت صافية كنت بغيت نفجأك مفرسيش بلي مغديش اعجبك الحال
نجلاء: صافي متعتدريش اختي مهم قول رجلك اعود اسيفط داك الملف تاعي وانا غنرجع راسي الهنا 😊 دبا ماكين حتى مشكل حلينا كلشي
سهام: اه وخا غنقولها ليه وغدي نقول ليه ابيع الدار لي تما ويحول كلشي لبني ملال مهم نعيش معاك ماشي مهم فين مهم غير نكنو جنب بعض
نجلاء: (كتشوف فيها هذي ربطتها من يديها ورجليها بهذاشي لي دارت )علاش علاش اختي عافك مدريش هكا عافك متجبرنيش على شي حاجة
سهام: انا مجبرتك اختي على حتى حاجة انتي مبغتيش كازا حتى اتا مبغيتهاش انا غنعيش فالبلاصة لي انتي باغية وانتي مرتاحة فيها
نجلاء: اختي حياتك راه مبقاتش تاعك باش تربطيها بيا اختي انتي راه عندك رجلك ودارك سيري اختي عند رجلك عافك وخلني انا بغيت نبقا هنا
سهام: لا انا غنبقا هنا معاك وخا صعيبة حيت اوس ايحول الخدمة تاني لي كلفاتو شهر باش ارسي فيها هانية(شافت فنجلاء وهي تجبد.تليفونها)انعيط ليه نعلمو
نجلاء: (حبستها)خرا خربتو ديال بصاح متقولي ليه والو شوفي انا غنمشي معاك نجرب والى معجبنيش الحال غرجع فحالي وانتي مغتبعنيش 😒
سهام: (بتسمات بريضاء)اوكي نجربو حيت حتى اوس بغا اجرب وانتي بغتي تجربي فخليوني نجرب معكم(كتقصد اوس بغا اجرب العيش فالمغرب)
نجلاء :وخا تهدري بلا متجبديش هذا اوس فالهدرة غير الى بغتي زعمة
سهام: مممم كتغيري منو
نجلاء: (شافت فيها وهي تصغر عنيها)وعلاش انغار منو متلا فين كنعرفو ولا شفتو باش نغار منو وعلاش غنغار
سهام: اه بصاح كاع متلقيتوش بزاف اجي علاش مكتبغيش تشوفيه ولا تجلسي معنا فاش كنا كنجيو كنحسك كتهربي منو
نجلاء: (تفكرات نهار درباتو بالحجر وتفكارت رسها كانت كتهرب منو بتسمات على غبئها )ههه😊لا والو غير معديش مع رجال لي مكنعرفهم ولا مع رجال بصفة عامة انا كنتعامل مع جوج رجال الاول عمي العربي وتاني ايوب ورشيد خويا هذو هوما لي كنتعمل معهم الباقي معنديش معاه
سهام: نجلاء اوس دريف راه غير متعرفتيش عليه هو حنين بزاف وقلبو كبير
نجلاء: (شافت فيها كيفاش عنيها كيلمعو وهي كتعاود عليه)اه وسمعت بلي تيتيز ومشهور 😊ردي لبال ايطيروه ليك
سهام: ههههه لا متخافيش هو ديالي ومكاين لي اطيرو ليا ههههه
نجلاء: مزيان الله اخليكم لبعض ممم ايوا عودي ليا على رسك
سهام: لا انتي لي عودي ليا كيفاش عرفتي ديك الهدرة
نجلاء: هي ديك الهدرة بصاح ياك كنت شاكة فيها دبا تأكدت
سهام: اختي بغيت نعرف اش عودو ليك وشكون عاود ليك
نجلاء: دكشي لي عودت ليك هو لي قالو بلي انا جيت لدنا بغلاط وانا سببت فموت ماما وسي براهيم مبري مني قبل منتولد وفاش تزديت تزديت وعمري 7 شهور وماتت ماما وبرهيم مبغاش اجيبني معاه لدار والميمة هي لي جبتني وبرهيم سكني معه بزز هذاشي لي عودو ليا
سهام: اه وشكون لي عودو ليك
نجلاء: ماشي مهم شكون نساي عافك(سكتات سهام وتكات رسها لور كتشوف لبعيد.ركزات مع واحد العائلة كتكون من زوج وزوجة ومعهم جوج ولا بنت وولد مفرشين فالكازو والرجل ناعس على ضهرو والمرة جنبو ودراري كيلعبو  اما نجلاء شردات ورجعات بيها الداكرة لور
فلاش باك
نجلاء: امال طلقي زمر
امال:لاأ مبغيتش
نجلاء: (حولات تهدن وتهدر بهدوء)امال ديك سلسلة عندها دكرى عندي وهي الحاجة الوحيدة لي باقي كتفرحني طلقيها لهنا  عافك وهزي لي بغتي
امال:(شدات زكير معها)لا عجبتني وبغيتها
نجلاء: امال اي حاجة كتعجبك كتهزيها مكنحيدهاش ليك هذي لا هذي جداتي لي شرتها ليا وانا وعدة سهام نحتافض بيها
امال: حتى انا جداتي لي شرتها يعني غنهزها
(باقين كيهدرو دخلات توريا )
توريا:اش هذا صداع
نجلاء: قول ليها تعطني سلسلة تاعي
امال:لا اماما منعطيهاش ليها هي جداتي لي شرتها ماشي ديلتها ديالت جدة
نجلاء: اه جدة هي جداك ولاكين سلسة ديالتي وتشرات ليا وغطلقيها دبا ولا بربي حتى ندير فيك ايدي
توريا: حربوش قيسيها وشوفي اش ندير فيك
نجلاء: غنقيسها ونفوتها لهيه انا صبرت على كلشي كديرو وتنزلت ليها على بزاف ولاكين هذا المرة لا
توريا: علايش تنزلتي
نجلاء: تنزلت على بابا هو الاول وتنزلت على حويجي وعلى اي حاجة ديلتي عجبتها كتاخدها وخدات بابا حتى هو
توريا: ههههه(ضحكات واحد ضحكة تاع سوخرية)ههههه باباك خداتو ليك ضحكتني فين عمرو كان باباك باش تاخدو ليك فراسك انتي مبري منك قبل متزادي فهذا الدنيا وبسبابك ماتت ماماك ....(عودات ليها كلشي مخلات حتى حاجة مقلتهاش ليها)
نجلاء:لا كدابة😭 (تصدمات حسات بدنيا كدور بيها وديك الهدرة كتردد فودنيها شدات ودنيها شحال حتى بانت ليها توريا حيدات ليها يديها من على ودنيها)