سهام:كيفاش موقع والو واش باغي تسطيني علاش دربتي يدك علاش
اوس:كنت معصب ودربتها
سهام: (تفكرات فاش تعصب اخير مرة ودرب نجلاء سخفها وكان كيدرب فيدو وهي تحل عنيها)دربتي نجلاء تاني هاأ قستيها ياك ياك وعدتني مبقاش تقرب منها
اوس:اه دربتها ودربت ايدي بغتي تعرفي علاش حيت لقيت ختك جلسة ليا مع واحد زام**ل فالقهوة ودربت يدي فزاج باش نبرد الاعصاب باش منفوت شي دقة فختك
سهام: (سمعتو وهي تخرج مشات ل نجلاء لي كانت فالكوزينة كتوجد العشاء وصلات حدها وهي تشدها من يدها جرتها دورتها عندها وهي تعطيها بواحد تصرفيقة لخدها تاني لي باقي ماحمرش 😌دترو ليها الفغاجو )انا جبتك لهنا باش تقراي ماشي باش تمرمدي ليا راسي فالارض وتوسخي شرفك والى انتي مخيفاش على شرفك خافي على سمعت تاع اوس لي خلاك فدارو وهازك وجاي هو دار بوجهي وعطاك يدو وعونك باش تقراي وتوصلي وتكوني شي حاجة مهمة شوفي راسك اش لابسة انتي لابسة حسن من بزاف دالبنات وعيشة فاحسن ديور اوكتقراي فاحس ايكول يدخلو ليه غير ولاد شكون وشكون ولاكين انتي محمدتيش ربي ومهمك تقراي وتوصلي انتي بغتي طلعي فوق رسنا انا كنسايس معاك ونسمع بزاف دالهدرة ونشوف بزاف ديال التصروفات معجبنيش عام عام وانا كنقول هاهي غتبدل هاهي غتغير لا سهام صبري ليها هي كدير هذاشي حيت بقا فيها الحال حيت خليتها هي بغات غير تحسسك بلي هي كانت محتجاك وبغات تجربك واش تصبري ليها هاهي غدا غدي تنسى كلشي وترجع ولاكين انتي غير مزيدة فيه فين فين بغية توصلي واش تقتلني عاد تهناي هاأ تخلي اوس يبدأ يدابز مع زوام**ل لي كتمشي معهم هاأ واش بغتي دخليه الحبس بغتي يقتل شي حد باش تهناي هاا واش باقي مابغتي ديري عقلك واش مزال كتعقبني حيت خليتك (غوتات عليها)الى مزال كتعقبني حيت خليتك وتزوجت فهذا حقي ومعندكش الحق تعاقبني عليه انا ضيعت معاك طفولتي باش نكبرك هزيت مسؤلية كبر مني باش تكبري وتوصلي بيغيت نخلي لي ماتت على قبل تفتاخر بيك ولاكين انتي حلفة حتى حتى تخلي الناس يبقاو يقلو مزيان ملي ماتت ومشافت اش ولدات
نجلاء: (بقات غير كتشوف فختها كيفاش كتهدر وتخمم بينها وبين رسها)ياه هذاشي كل مخبي لداخل ديلها سهام كيف كتفكر فيا لهذا الدرجة هازة فقلبها من جيهتي واش ختي سهام هذي لي قدامي واش بصاح هي (باقي كتخمم حتى حسات بيها كتحركها)
سهام: دوي مالكي سكتة ولا فاش خاصك تهدري كياكل القط لسانك
نجلاء: (شافت فيها وهي تبتاسم بستهزاء)ملي انتي هازة فقلب هذاشي كلو وكتشوفي فيا بهذا النضرة علاش خلتني فدارك هاأ
سهام: باش نجعل منك بنادمة بحالك بحال الناس ولاكين انتي مبغياش انتي كل همك توسخي شرفك باش تنتاقمي من بابا ياك هذاشي لي بغتي ايوا سمعي نقولك راه غديعي غير راسك وعمرك تستافدي شي حاجة
نجلاء: من ديما مكنبررش لحد ولاكين معليش نبررو ليك اختي ابس نسيت امدام العلامي لي خيفة على سمعة تاع سي العلامي من قبل عام تهمتني انتي ورجلك نفس الاتهام وسبحان الله مع نفس سيد قبل نزلت من للوطو تاعو ودبا لقاني معاه فالقهوة وعرفتي مزيان ملي مشيت عندو لتما وتلقيتو حيت بسبابو اليوم شفت اختي على حقيقتها اليوم سهام بانت على حقيقتها وخرجات لي فقلبها (شافت فسهام لي كتشوف فيها وهي تهدر بهدوء)هذاك سيد فهد لي سيفطو هو ناوي المعقول معيا مشيت تلاقيتو بغيت نتعرف عليه بغيت نبدأ حياتي معاه بغيت نكون بنادمة لي قالتي عليها ولاكين مكتابش (سكتات شوية وهي تنهد وهزات يدها كتحك جيهت قلبها) شكرا على ليسي لي عمري حلمت بيها شكرا على الحوايج وعلى دار لي عيشتني فيها وعلى شيفور وعلى الفلوس وعلى كلشي وشكر خاص على هذا الهدرة لي قالتي ليا (قربات عند ختها وهي تشد رسها بستها فيه ونطقات )متخافيش ختي ومتهزيش الهم لرجلك لندخلو لحبس وسمحليا على طفولتك لي ضيعتي وعلى رجعتك من امريكا على قبلي سمحي هذا النحس المنحوس الى قدرتي وها انا غنجمع ما تبقا من كرامتي وغنخرج من دارك ومن حياتك اختي (نزلات دمعة حارة على خدها اه اليوم بكا قلب نجلاء لي كينزف حسات بدمعة نزلات من عنيها وهي تشدها بصبعها وبتسمات)شكرا حيت علمتني نبكي مرة اخرى شكرا حيت اليوم ورتني حقيقتي وفهمتني بلي باباك عندو الحق (دازت غدية حسات بيد سهام شدتها )
سهام: (تحطمات مع كل كلمة كتقولها نجلاء كتحس بيها خلات قلبها بحال الموس ياه شحال صعيب ضن سوء فين كيوصل )نجلاء اختي 😭 سمحليا عافك متمشيش عاقبني كما بغتي غير متمشيش
نجلاء: (دارت شافت فيها)لا اسهام معندي علاش نعقبك انا كمل الدور ديالي فهذا الدار اختي انتي فاش كنتي مقنوطة وحدنية جرتي جبتني عندك على قبلك كيف قالتي ودبا راكي ديرة ولادك وعند راجلك وحياتك غدية بيخير ولاكين مرة مرة كنبان انا كندير ليك شي حاجة لي تنكد عليك عشتك ولاكين متخافيش هاني خرجة منها خليت على خير ابنت براهيم (نترات يدها من يد ختها خلات سهام طيحة الارض على ركبيها كتبكي بحرقة نجلاء دازت دربات ف اوس لي جاي خارج من لبيت مدوش تفو عليه شعل العافية ومشا كيدوش مهم دخلات نجلاء لبيتها واوس مشا لكوزينة لقا سهام كتبكي بحرقة غير شافتو وهي تنوض عندو)
سهام: اوس حبسها عافك شدها هي غتمشي عافك اوس متخليهاش عافك شدها حتى تهدن انا جرحتها انا حمارة (بدات تصرفق فرسها وتنتف شعرها )اععااعععع انا مكنسواش انا جرحتها بزاف اوس عافك متخليهاش عرفتي الى خرجات من هنا نقتل راسي انا انانية انانية مكنسواش معرفت اش وقع ليا حتى وليت هكا انا جرحتها اوس متخليهاش تمشي (بقات تغوت وتدرب فرسها)
بقات سهام تجدب ودرب فرسها شدها اوس عنقها
اوس:ششش تهدني مغنخليهاش تمشي غير سكتي انتي
سهام: (بعداتو عليها وهي تنطق)دبا اوس سير وقفها انا مهدنة انا بخير غير وقف نجلاء متخليهاش تمشي حيت الى مشات ديك الساعة مغيكون الخير
اوس:وخا (مشا عند نجلاء وهو معصب دخل القها كتجمع شي حوايج فواحد صاكدو )فين غدية
نجلاء: ماشي شغلك (حدرات رسها كتجمع فدكشي )
اوس:(تعصب مكيحملش فاش كتقول ليه ماشي سوقك شدها من يدها زير عليها ونطق)اخير مرة نعاود نسمع كتقولي ماشي سوقي كتسمع
نجلاء :(نترات يدها من يدو)كون هاني مبقاش تسمع صوتي اصلا باش تسمع ماشي سوقك انا غنخرج نهنيكم مني
اوس:(شاف فيها وهو يدوي بهدوء)معندك فين تمشي حطي دكشي وشدي الارض
نجلاء: غنمشي وانت مغدخلش فيا
اوس:انا هدرت مغنعاودش هدرتي رجعي دكشي وخرجي شوفي ختك راه عقلها يخرج بالبكا
نجلاء: ماشي شغلي لي بغا يبكي يبكي لي بغا يتفرگع يتفرگع انا غنخرج ندرق كمارتي من عندكم باش ترتاحو مني (سدات صاكدو تعها وبغات تخرج)
اوس:( شدها من يدها وجرها عندو قبل متخرج وزير ليها على يدها)هدرتي متعاودش جوج مرات قالتها ولا لا (شاف فيها وهو ينطق)فين غدية هاأ فين غتمشي فين عندك كاع اش هذا الغباء فيك بغية تخلي كلشي قرايتك و ترجعي عند البهايم
نجلاء: غنمشي نقرأ ونخدم على راسي انا غنهز راسي مامحتاجة لحد
اوس:علاه فاش كتقراي بعدا واشمن نيفو عندك
نجلاء: (كتشوف فيه)معندي حتى نيفو ولاكين غنديرو لراسي براسي غنشد لباك وغنكمل وانت غير هني راسك
اوس:هههه (ضحك ضحكة استهزاء)لباك وشكون قالك عندك شي باك(شاف فيها كيفاش مخرجة عنيها كتشوف فيه بشك)نستي بلي مع اغنا اغنياء العالم بتليفون مني دوسي تاع قرايتك كامل ومعدلاتك كاملين يمشيو مع الهوى كلشي يتبخر ومغتدي لا حق لا باطل
نجلاء: اش كتقصد
اوس:كنقصد تشدي الارض وتخرجي تهدري مع ختك كأنو شئ لم يكن ومتخلنيش نتصرف انا نبهتك من قبل مرتي تبكي بسبابك تلقايني قدامك
نجلاء: (بقات كتشوف فيه وهي معصبة)كنكرهك اسي العلامي كنكرهك
اوس:(ضحك بستهزاء)انا لي ميت عليك حتى انا راه محملكش ومنشمك انا صبر ليك وقابل بيك هنا غير على قبل سهام اما وحدة بحال كاع ميشرفني تربطني بيها شي صيلة ولا نهدر معها اصلا (تحرك بغا يخرج وهو يوقف قالها)متنسايش اش قالت الى معندك حتى مشكل تخصري كلشي وتعاودي من زيرو هاهو الباب خرجي منو
أنت تقرأ
زواجي من صهري 💍مكتملة💍
Romance💎مكتملة💎 ❌حصرية على الواتباد ❌ ها واحد سلام عليكم حبيباتي بلسان الكاتبة: جبت ليكم بقصة جديدة بلا منقول عليها قمبولة💣 الموسم حيت انتما لي غتحكمو فالاخر واش قصة ناجحة ولا غير خربشة 😏 مممم قسوة الاب وفقدان الام 😢حب الاخوة👭👫 حنان الجدة👱 زوجة ا...
