شدها من يدها وجرها معاه دها المكتب تاعو دخل وهو يدفعها قدامو
نجلاء:😒 (كتحك فيدها حيت درها بزيار)
اوس:اش كدري هنا واش هذا لبس لبسة هاأ عاجبك رسك شاط عليك لحمك معرياه لزو**امل اتمنضرو فيه (كيغوت )
نجلاء: (شافت فيه عصبها نطقات بهدوء)انا خدمة هنا وهذا لبس سميتو زي العمل لي داروري منو خاص لبسو باش نخدم وهذاشي علاش لبستو انا لبستو باش نخدم اسي العلامي ماشي باش شي حد يتمنضر فالحمي ولا عجبني راسي
اوس:(شاف فيها كيفاش كتهدر ركز شوفة فالبطاقة لي لصقة فوق جيب تاع قميجة مكتوب فيها خدمة الغرف تفكر بلي هي كتخدم فالغرف يعني كتجمع البيوتا وطوليطات لخماج مرضاش نسيبتو تخدم هذاشي وهو لباس عليه قريب ليها وهو ينطق)لاش ها علاش انجلاء شنو خاصك اشنو ناقصك حتى خدمتي هنا كتجمعي فالخماج ديال الناس ياك سهام كتعطيك فلوس واش ناقصك شي حاجة جي عندي ديك الساعة انا نعطيك
نجلاء: (شافت فيه واحد شوفة كدبح نطقات )خصنا الهنا اسي اوس خصني رحت لبال وملقيتهاش انا كنخدم هنا باش نعيا باش ملي نجي نطيح نعس منفيقش كنهلك راسي باش نعيا باش ملي نحط راسي فالمخدة نعس بالعيا مبقاش نفكر فبزاف ديال الحوايج لي كيدروني والى بغتي تعطني شي حاجة عطني غير بتيساع
اوس:(شاف فيها تفكر فاش فهمها غلاط ودربها قرب ليها شدها من فكها ونطق )لسانك مبري منك 😠متخلي الواحد.يكون زوين معاك ديرة كيف الحمار كتمشي غير بالعصى
نجلاء: (دفعات ليه يدو )بعد.يدك مني مبقاش تحطها عليا وفرقني عليك كيف فرقتك انا 😠
اوس: (شفها كيف معصبة وهو يتنهد حاول يتهدن باش يفهم اشنو لي خلها تخدم )علاش خدمة هنا وعلاش فاش شفتك داك النهار وشكيت فيك علاش ماقلتي ليا بلي انتي خدمة هنا علاش ا نجلاء كدري هكا علاش خلتني نشك فيك علاش ما قلتيش انكي كتخدمي هنا
نجلاء: (بتسمات وهي تنطق)حيت مكتهمنيش انا كنبرر لناس لي كيهموني وانت مكتهمنيش ومكيهمني اش كتفكر فيا ولا اش كضن فيا انا كنشرح لبنادم لي كيهمني امرو وكنعزو فاش انشفو غلط فيا كنشرح ليه كنصحح ليه اما شواحد مكنعرفوش انا كنخليه افكر فيا كيف بغا هو حر فضنو
اوس:(شاف فيها اش كتقول وهو يزير على يدو ونطق)الى مكنهمك انا انتي راه كتهمني وبزاف ومبغيش نشوفك هنا كترسي وتجمعي مورا الناس ولا نبغي نشوف شواحد كيشوف فيك شي شوفة خايبة ولا يقرب ليك دكشي علاش غتمشي تحيدي ديك الشوهة وتلبسي حوايجك وتبعني لباركينك كنتسناك تما
نجلاء: لا ماغنمشيش معاك انا بغيت نخدم هنا
اوس:(بتاسم بسخرية ونطق)مممم انا جريت عليك من الخدمة من للوطيل تاعي يلاه سيري لبسي حوايجك ويلاه لدار
نجلاء: (شافت فيه عصبها وبقا فيها الحال فنفس الوقت حيت غيجري عليها من الخدمة وهي خصها تخلص ليكول تاع اللغات نطقات بعفوية)لا مغتجريش عليا حيت انا خصني نخدم خصني لفلوس
اوس:(جابت ليه ضحك حبسها بزز )ممم شحال خصك وعلاش بغتهم
نجلاء: كنضن ماشي س
اوس:تكمليها نتفاهم معاك (كانت بغات تقول ماشي سوقك ههه)
نجلاء: (بقات طلع فيه وتهبط فيه شوية وهي تنطق)شوف انا خدمة هنا وبوراقي وانت معندكش الحق تجري عليا حيت انا كنخدم عند سي بناني
اوس:مممم انا شريت هذا الاطيل من عند سيك بناني ومعجباتنيش خدمتك وجريت عليك ودبا يلاه شطورة لدار
نجلاء: فراسك انت احقر واحد شفتو فهذا الدنيا مريض بشي حاجة سميتها نكد عيش نجلاء واش اسي اوس صعيب عليك دير راسك مشفتنيش وتفوتني عليك دبا تاع الله اش باغي عندي اش باغي من نهار شفتني محملتنيش ومخلتي ماقلتي ليا وميكت عليك وكنتفداك ولاكين انت مابغيش تفوتني عليك واش شواحد سلطك عليا من صغري وانت منكد عشتي من صغري وانت كتجي فطريقي تحرمني من كاع الحوايج لي كنبغي انت قبل جتي خدتي ختي مني وخلاتني بوحدي وفاش تعودت نعيش على داك الاساس جات جابتني عندها وفاش جات عندي قالت يلاه نجلاء جربي العيشة مع ختك عودي لي فات ولاكين مدرتش فبالي بلي غلقا بحالك معها فحيتها فراسك سي العلامي كون عرفتك من قبل والله لا جيت عندكم ولا دخلت لدارك ولا لحياتك 😬😠 وغير تهنا انا غنخلي ليك هذا الخدمة تاعك وياريت فيني نخلي حتى دارك نخرج منها ولاكين مبقا قدما فات قريب نخرج منها ونخليها ليك (كملات هدرتها وغدية بغات تخرج ولاكين شافت يد تاع اوس تحطات على لباب )شباغي دبا لاش سدتي لباب حل عليا نخرج
اوس:ماشي بهذا سهولة غتخرجي من داري ومن حياتي مغتخرجيش حتى نبغي انا اوكي ودبا غتسمعني مزيان اش غنقول حيت مبقاش غنعاود هدرتي اول حاجة علاش انتي خدمة هنا ولاش بغية الفلوس هذي غتجاوبي عليها حيت الى مهدرتيش انا غنعرف بطرقتي تاني حاجة غتمشي تخرجي من هنا وغتديها فقريتك وداك الحمار لي كتلقايه اخير مرة تشوفيه حيت لقاك معاه هذا المرة ندبحك انتي وياه اخير حاجة تعاودي تهزي صوتك عليا وانتي كتهدري سنانك نستفهم ليك قدامك تحسبهم دبا جاوبي (كيهدر وكيغزز فسنانو ومكاليها مع لباب واقف قدمها بحال الحيط)
نجلاء: اول حاجة انا كنخدم هنا باش نقرا كنخلص باش نقرا تاني حاجة دارك غنخرج منها وهذاك لي قالتي غدبحني انا وياه هو لي غيخرجني منها غير حتى تولد ختي بخير انا غنتزوج بيه وغنخرج من دارك عمرك تشوفني ولا تسمع صوتي باش متحتاج تستف ليا سناني قدامك(هدرات معه بنفس هدرتو بنفس الهدوء ونضرة التحدي فعنيها)
اوس:(شاف فعنيها وهو ينطق)هذاك الشماتة هو لي مغتزوجيش بيه كتسمعي
نجلاء: دبا انت اش باغي ياك انا غندير شرع الله وهذاك لي كتقول عليه شماتة هو خطبني
اوس:من من خطبك وامتى عرفتي هو اكبر شماتة حيت كون بغاك لحلال كون جا من لباب ويهدر مع داركم ماشي يديك القهوي اجلسك فيهم
نجلاء: هو غيجي يخطبني انا لي حبستو حتى تولد ختي وغيجي يتزوج بيا
اوس:ممم من هنا لتما يحن الله يلاه دبا بعدي عليه حتى اوصل داك الوقت لي قالتي مم اشمن اكول كتخلصي واشنو كتقراي ياك السوايع كتخلصهم ليك سهام
نجلاء: (عصبها محملاتش تبقا تناقش معاه)كنقرا اللغات وانا محتاجة هذا الخدمة باش نخلص لمدرسة
اوس:(شاف فيها كيفاش كتهدر)علاش ماقلتيهاش انا غندخلك ليهم مكنتيش تحتاجي تخدمي
نجلاء: لا الله يكتر خيرك براك غير دارك لي كتمن عليا وليسي والماكلة بلا منزيد ليكول تاع للغات تبدأ تمنها عليا حتى هي
اوس:(شاف فيها )قالت ليك لسانك مبري منك وهو لي كيخليك تجبيها فعضامك يلاه دبا دار حيت عيت من هذا الوال (بعد ليها على لباب وهي تخرج معصبة وخبطات لباب بتاسم وبدأ كيهدر مع راسو )اكبر غبية هي هذا البنت خدمة فخدمت غرف ف اوطيلها ههههه مي طموحة ومكافحة ومشاغبة فنفس الوقت ( هههه اه اوس شرا فندق ودارو بسمها خاص غير نجلاء توقع على الوراق تنهد اوس وهاز تليفون سونا المساعد تاعو طلب )الو شوف نجلاء الراضي بغيتك تقلب ليا على اشمن إكول تاع اللغات كتقرا وبغيتك تخلص لهم عام كامل
المساعد:اوكي مسيو اوس (خرج اوس تلقها لبسة حويجها وهي معصبة خرج وتبعاتو طلعو للوطو
مشاو لدار نجلاء طريق كاملة وهي سلكتة حتى هرس اوس داك سكات
اوس:تقدري تمشي تكملي تعليم تاعك فاليكول وتديها فقريتك هذا العام عندك الباك وعندك متحان يعني عام حاسم ومخاصكش تفلاي فيه ولا تشغلي بشي حاجة اخرى خلي تركيزك على القرية
نجلاء: (دارت كتشوف فيه هو سايق وكيشوف القدام وكيهدر معها نطقات)علاش كدير هكا علاش خلصتي ليكول و
اوس:حيت انا كنبغي سهام وسهام كتبغيك واكيد سهام فاش غتعرف هذاشي غدير نفس شي لي درت دكشي علاش درتو ووفرت على مرتي شحال هي دبا حاملة وصحتها على قد الحال وبغيتها تديها غير فصحتها ومتهز الهم لشي حد اخور دكشي علاش كندير هكا ومن الاحسن حتى انتي دري لي قالت ليك عليه ومتخليهاش تشطن من جيهتك براكة عليها غير العيا تاع الحمل والخلعة تاعو حاولي تخليها تنعم بالقليل من الهدوء وترتاح فهذا الحملة بلا متخلي داكشي لي وقع معها ديك الخطرة يتعاود
نجلاء: (بقات كتسمع ليه حتى سلا وهي تنطق)حتى انا غندير لي بغتي على قبل اختي انا صبرت على قبلها وغدي نزيد نصبر ومغديش نقلقها مني ولا نقلق رحتها
اوس:(شاف فيها ونطق )انا مفرقتكش معها فصغرك انا غير بغيتها وتزوجتها وكانت ديك الساعة باقي مهاز راسي باقي موصلتش كنت مزال ف بداية الطريق دكشي علاش قررت نستقرو قبرى ونهار درت دكشي لي بغيت رجعنا وراه سهام عمرها نساتك فديك سبع سنين كنفيق على سيرتك ونعس عليها انتي نهار تبغي شي حد غتفهمي قصدي
نجلاء: حتى انا محسبتك على والو انا نطقت فللحضة غصب وداكشي من حقكم وختي من حقها تزوج وتعيش فين بغات وكيف بغات كيف حتى انا من حقي نتزوج لي بغيت ونعيش فين بغيت (قالتها وشافت فيه بتحدي)
اوس:انتي مكتبغيش زياد وممقتنعاش بيه انتي بغتي تزوجي بيه ضد انتي باغية تزوجي بيه غير باش تخرج من دار عندنا زائد انتي باقي صغيرة ومراهقة ومعرفاش مصلاحتك وزواج راه ماشي لعبة انجلاء
نجلاء: (شافت فيه )انا باغية نتزوج بيه باش نكون اسرة وباش نيت نخرج من عندك
اوس: (وقف وقرب عندها تحنا حل ليها لباب ونطق)نهار تكبري وتنضجي ديك ساعة انا غنزوجك ونوصلك لدارك دبا سيري تلعبي😌
نجلاء خنزرات فيه وهي تنزل مشات طلعات وهي كتهدر مع رسها
نجلاء: لعبت حتى فصغري بقا لجد ولديا غير لعب وانا كبيرة قالك نضج انا نضجت حتى بقا شوية ونولي بحال الرماد وقالك نزوجك ونوصلك لدارك باينة غيوصلني لقبر ادفني غير بالغدايد اععع (عضات يدها )
اوس:(نزل تبعها كيشوف فيها كيفاش كتمشا بزربة )هههه برهوشة باقي لصقة فالارض قالت لك تزوج ودير دار درتي حتى عقلك بقا غير الدار والرجل ابووف
الحاصول الله يكون معيا كيف ندير نجمع هذا العافية مع الماء صعيبة بزاف والله مممم اجيو نديرو شي تنقيزة سانك سانك تاني
بعد مرور عد شهور فالدار عند اوس فاقو مع لفجر على الغوات كاسر الدنيا اوس ناض طافج كان لبس غير شورط قصير حد الركبة وفقو عريان
ناض كيشوف فسهام كتلوى حداه بالوجع وتغوت ربي لي خلقها
اوس:سهام حبيبة مالك
شهام:اااعاااعع اوس غنولد انا كنموت اوس امييييييييييي كرشي
اوس:(قرب عندها جلس قدمها وشدها من يديها )حبيبة تنفسي شوفي دري شهيق زفير تنفسي
سهام: (عنيها حمرين وجها كيقطر بالعرق سافت فيه وجلسة تقلد فيه كتنفس)ااوف ااوف ممم اربييييييييييي اوس اععع(عضاتو فكتفو حتا ساح دم)
أنت تقرأ
زواجي من صهري 💍مكتملة💍
Roman d'amour💎مكتملة💎 ❌حصرية على الواتباد ❌ ها واحد سلام عليكم حبيباتي بلسان الكاتبة: جبت ليكم بقصة جديدة بلا منقول عليها قمبولة💣 الموسم حيت انتما لي غتحكمو فالاخر واش قصة ناجحة ولا غير خربشة 😏 مممم قسوة الاب وفقدان الام 😢حب الاخوة👭👫 حنان الجدة👱 زوجة ا...
