اوس:شدا من نص تاع الكصبة معرفت اينة جيهة تختار قالك يزوجوها هذي ديالت زواج وخا نجلاء انا غنربيك نوريك هذا تقحبين لي فيك😠(خرج داز على مو لي مشت ترد.اقبال خيت تهزات فاش سمعات تهراس تاع تليفون هههه مشا خرج ونزل لجرد توجه عند لبلاصة فين كانت نجلاء ودراري نطق
اوس:نجلاء
الكل دارو شافو فيه
نجلاء: نعم
اوس:(تفكر هدرت اباه نزوجوها ب عماد ولا جاد شاف فهم جلسين جنبها زير على يدو وتفكر هدرت زياد شاف فيها بان ليه الحزن فعنيها تفكر بلي هي عاد خصرات ختها وباقي حزينة عليها حاول يتهدن وميتهورش نطق)اش كدري هنا او اقبال لمن خليتها
نجلاء: (ستغربات من هدرتو نطقات بهدوء)انا خليتها ل خالتي فاختة هي غتنعسها واويس هاهو معيا
اوس:(شاف ف عماد لي جنبها وهو نطق)نوضي شوفيها راه كتبكي مبغاتش تسكت لحتى واحد
نجلاء: (وقفات وهزات معها اويس هي اصلا ممرتحاش ل نضرات عماد وهدرتو تعناب كيف كتسميه وكتقلب كيف دير تنوض واوس عونها)اه نمشي نشوفها
(تبع ليها اوس العين حتى دخلات من لباب الزوجاجي الكبير وهو يدور بغا يمشي وقفو صوت ختو)
هاجر:خويا اوس
اوس:(دار شاف فيها)نعم
هاجر:حنا كاملين غنخرجو فالعشية واش تخرج معنا تبدل الجو (هي بغاتو يخرج ينسا الهم شوية )
اوس:شكون نتوما
هاجر:انا واسراء وجاد اميرة ايمان وبتسام ورجلها وعماد
عماد:(نقز)ونجلاء😍
اوس:(دار شاف ف عماد كيفاش كيلمعو عنيه زير على يدو ونطق)لا غير خرجو نتوما انا مغديش (شاف ف عماد) وحتى نجلاء مغدياش
عماد:علاش راه حنا بغينا نخرجو على قبل نجلاء تبدل الجو
اوس:نجلاء معندها فين تمشي وانا راه هدرت وهدرتي متعاودش
جاد:خويا اوس ش فيها الى خرجات البنت معنا وتفوج شوية
اوس:فيها ا جاد نسيتي اخير مرة خرجتو منين جبتكم واش وقع دبا فتو عليكم نجلاء لي بغا يخرج يخرج لي بغا يدخل يدخل (مشا خلاهم )
عند فاختة لي فاش دخلات نجلاء خرجات وهي تمشي لبيتها لقات مصطفى جلس وشاد وجهو بين يديه
فاختة:مالك اش واقع
مصطفى: امور غدية وكتعقد اوس من كترت معاش ف امريكا نسا التقليد ونسا بلي هنا المغرب وبلد اسلامي
فاختة:مالو اوس
مصطفى: (تنهد)ولدك قالك غيمشي هو وخت مرتو وولادو يعيشو فكازا انا قترحت عليه نزوجو نجلاء بواحد من دراري وتجلس معنا هنا وتربي الولاد وهو قالك لا
فاختة:(كتشوف فيه )شكون هذا دراري لي غتزوج واحد فهم ل نجلاء
مصطفى: عماد ولا جاد
فاختة: علاش متقولش اوس هو براسو يتزوج بيها ويربيو الولاد بجوجهم
مصطفى: (وقف شاف فيها وهو ينطق)وياك ا فاختة وياك تقوليها مرة اخرى الى يغتي تخصريه قولي ليه يتزوج ومرتو عاد ماتت
فاختة:(شافت فيه وهي تنطق)انا مغديش نقول دبا شوف اوس قال ليا نجي نعيش معهم ف كازا انا غنمشي معاه نبقا معهم شوية ومن بعد نقنعو بزواج من نجلاء اش بان ليك
مصطفى: تنهد )فاختة نجلاء باقي صغيرة باقي مشافت ولا تشافت حشومة ندفنوها فالحياة هي صغيرة على اوس انا قالت واحد.فدراري قراب ليها غيتفاهمو اما اوس راكي شفتيه قبل كيف كان راه سهام غير عندها الخطر وصبر اما كاع مطول معاه هو معصب غير بوحدو ونجلاء عقلها صغير مغديش اتفاهمو
فاختة:بالعكس نجلاء عقلها كيوزن بلاد على قدها الله يكمل عليها بعقلها ويحفظها هي راه بعقلها وصبارة وراك شفتي كيفاش قوات رسها وحضنات ولاد ختها فالوقت لي اوس لي بعقلو خلا كلشي وراه وزاد
مصطفى: وي كينة هذي
فاختة:ايوا يا الحاج المصطفى عوني نجمعهم فالحلال ويكنو وسرة وحدة
مصطفى: ههه كتقولي الحاج غير الى بغتي فيا مصلاحة مي هذا المرة غير عفني مغديش نتواجه مع اوس ونجبد ليه حس زواج
فاختة:(تكات حداه على جنبها وهي تنطق)ممم وشكون قالك تواجه مع اوس اوس انا غنتكلف ييه
مصطفى: ايوا كيفاش بغتني نعونك الى انتي غتقنعي اوس
فاختة: تقنع نجلاء وبراهيم
مصطفى: (تنهد وهو ينطق)براهيم عندي نقنعو ولاكين نجلاء لا منقدرش نجبرها على شي حاجة متبغيهاش
فاختة:صافي ملي غتقنع براهيم هو غيقنع نجلاء
(بقاو كيداكرو على مستقبال نجلاء لي كانت فبيتها نعسات الولاد حتى اويس حيت باقي مشبعش النعاس غير فيقاتو اقبال رداتو نجلاء نعس وغطاتو وهي تنوض كتقلب على تليفونها
نجلاء: فين مشا تليفوني (باقي كتقلب عليه تحل الباب دارت شافت فيه لقاتو اوس)
اوس:(كان نعصب جر تليفون تاع نجلاء المشخشخ من جيبو )كتقلبي على هذا
نجلاء: (بقات كتشوف فيه )شكون هرسو
اوس:(قرب عندها وهو يجمع معها بتصرفيق )😠
نجلاء: (شدات وجها )مالك تاني اش درت ليك
اوس:(شدها من شعرها جبدها عندو وهو كارز على سنانو قالها)شحال من خطرة قالت ليك بعدي من داك زامل تاعزياد مي انتي تقحبين ساكن فدمك
(نجلاء شافت فيه دموعها قراب ينزلو حبستهم غير بزز وكتجر فيدو تفك شعرها كمل اوس هدرتو )مال دين موك مكتفهميش ومبغاش تحيدي منك هذا تقحبين عماد من جيهة وزياد من جيهة
نجلاء: (بعداتو عليها وهي تنطق وعنيها حمرين حيت عصبها)ماشي سوقك فيا ندير لي بغيت مبقاش دخل فيا انا مابني وبين حتى شي صيلة لي تخليك دخل فيا لي كتجمع بنتنا راه ماتت
اوس:(عصباتو وهو يهز يدو عطها لوجه وشدها من فكها)حتى انا غنقول ليك لي كانت تشدني عليك باش معاود ليك ترابي ماتت الله يرحمها وخلاتك امانة عندي يعني غتمشاي بقوانيني ودري لي كنقول ليك وتفوتي عليك داك تقحبين حيت نعاود نشوفك مع شي زامل نعوق موك من شي ضلعة
نجلاء: (نزلات دمعتها وهي دفع ليه يدو ونطقات )متزيدش تحط يدك عليا انا هنا على قبل ولاد ختي حيت وعدتها نربيهم ونحميهم ونكون معهم ومكنفكر فحتى واحد لا زياد لا عماد انا درت بناقص من زواج ومن الرجال ومايجي منهم انا همي الوحيد هو نكبر ولاد ختي ومنخليهم احسو بنقص (شافت فيه وهي تنطق)وانت فوتني عليك الله ارحم ليك الولديني خلني نكون طبيعية على قبل ولاد ختي (هي كتقصد مترجعش كيف كانت)
اوس:(شاف فيها )مزيان ملي بدتي تفكري دبا غتفوتي عليك عماد فهذا اليومين لي غنزيدو هنا اخير مرة نشوفو عندك هنا فالبيت ولا نشوفك حداه وجمعي حويجك بعد غدا غنرجعو ل كازا اما داك زمل تاع زياد انا غنهدر معاه (كمل هدرتو وخرج خلها بغات تاكل جنبها بالاعصاب )
نجلاء: اكبر زمل شفتو على الكرة الارضية هو انت الكلب الحمار لاخور والله كون ما هذا دراري لا زدت معاك دقيقة الحيوان ولاكين غير بلاتي نرجع ل كازا ونوريك
(عند اوس لي مشا لبيتو دخل وسد لباب وهو يزير على يدو )
اوس:علاش علاش كنتعصب عليها علاش دربتها علاش مابغيتش نخلي بابا يزوجها علاش 😠(زير على يدو دربها مع الحيط )اووف سهام علاش مشتي وخلتني واحل فيها اش وقع ليا ياربي اش وقع علاش متحملتش فاش شفتها مع عماد وعلاش متحملتش نسمع هدرت الوليد (جلس كيخمم شوية نفض دوك الافكار ونطق)على قبل ولادي اه على قبلهم هوما مولفينها وانا مغديش نخلي حتى واحد يبعدها عليهم اويس وإقبال مولفينها وهي لي كتحن فهم دكشي علاش مغديش نخلي حتى شي زامل يقرب منها ويديها لولادي (اييه اسي اوس كلشي على قبل ولادك متفاكش على قبلهم راه كيقلو الوحد هو لي يموت على بلادو ولادو صافي هاني سكت)
فالتحت عند دراري
اسراء:علاش خويا اوس مخلاش نجلاء تخرج معنا
هاجر:راكي سمعتيه هو خايف تدرب شي حد بحال كيف دارت ديك الخطرة
جاد:نجلاء تغيرات بزاف ماشي كيف ديك الخطرة هو دبا غير سكتة ومهمومة
ايمان:(شاف فهم وهي تنوض )حم انا كنت بغيت نخرج معكم على قبل نجلاء ودبا ملي مبقاتش بغات تخرج صافي مديروش بحسابي حتى انا مغديش نخرج(وقفات ومشات فحلها)
جاد:(تبع ليها لعين حتى غبرات وهو ينوض تبعها بلا ميعيق دخل بانت ليه طالعة فدروج تبعها بزربة وصل عليها وهو يشدها من درعها وجرها معاه دخلها لبيتو وسد لباب بجهد )مالك😠
ايمان:(كتحك فيدها )مالي اش فيا علاش جرتني هكا واش تسطيتي
جاد:اه تسطيت دبا قولي مالك علاش تبدلتي هكا
ايمان: كيفاش تبدلت هكا اشنو مبدل فيا انا هي هي
جاد: لا انتي تبدلتي بزاف خصوصا معيا علاش كتقمعني كلما هدرت معاك وكتجنبي تجلسي فين كنت جلس
ايمان: (شافت فيه وهي تنطق برود)غير جاب ليك الله كنخلك انا كنتعامل معاك عادي ولد خالي(غدية بغات تخرج ولاكين شدها)
جاد: (شدها ردها قدامو )ماشي عادي انتي ماشي هكا كنتي تعاملي معيا من قبل كنتي تبعني تهدري معيا تنقلو غنخرجو كتنوضي تجري تلبسي حوايجك وتجري تسابقي تركبي معيا وفينما تشوفني جلس فشي قنت كتجي تجلسي جنبي ودبا تبدلتي
ايمان: (بتسمات بستهزاء)قول كنت ندل فراسي ونتبعك ونهدر معاك وانت تقمع فيا وتردني ضحكة قدام البنات ههه انت باغي مني نديرك محوار اهتمام نبقا نتبعك ونهدرك وخا متبغيش وانت تبقا تنخلني وتقمعني باش نتسما متبدلتش ياك اولد خالي ايوا سمح ليا انا ماشي هي ديك ايمان ديال شحال هذا لي كدل راسها وتلقا الاهمال والقمح وتنمر فالمقابل
جاد: انا مكنتش كنخلك ولا كنقمعك
ايمان: شنو كنتي كدير كون كان طالون عندو رجلين ويعرف يتمشا كون كيهرب فاش يشوفك جاية تلبسيه (قالت نفس الهدرة لي قالها شحال هذا)
جاد:كنت كنضحك معاك
ايمان:نو ماشي كضحك معيا كنتي كضحك عليا وضحك معاك الدراري والبنات دبا نسا كلشي ماشي مهم (مشات بغات تخرج وهو يحبسها)جاد بعد من طريقي
جاد: لا مغديش نبعد علاش تغيرتي هكا معيا علاش ولتي تفديني واش على قبل ديك الهدرة لي دازت عليها بزاف
أنت تقرأ
زواجي من صهري 💍مكتملة💍
Romansa💎مكتملة💎 ❌حصرية على الواتباد ❌ ها واحد سلام عليكم حبيباتي بلسان الكاتبة: جبت ليكم بقصة جديدة بلا منقول عليها قمبولة💣 الموسم حيت انتما لي غتحكمو فالاخر واش قصة ناجحة ولا غير خربشة 😏 مممم قسوة الاب وفقدان الام 😢حب الاخوة👭👫 حنان الجدة👱 زوجة ا...
