**بارت 8**
**زواجي من صهري**
بغات تحقق داك الحلم تنجح وتحل على حضن دافي من الاب تعها مسكينة ابسط حقوقها ولا حلم بنسبة ليها فعلا جتهدات نجلاء كتسرح وتدي معها ادوتها تبدأ تحفض وتعلم تكتب الحروف وتحسن خطها وايوب كيعونها كيراجع معها حتى نجحات جات هي الاولة فالقسم فرحات فاش قالت ليها الاستاذة الاستاذة:برافو نجلاء جيتي انتي الاولة وراكي نجحتي
نجلاء:شكرا معلمتي😍(فاش كنتفكر بلي كنت كنقول شكرا معلمتي فالتحضري😳 كموت بضحك عطب تقني نرجعو القصة ) ( ترسمات ابتسامة فوجها ولمعو عنيها واخيرا وصلات لدكشي لي بغات بقات كتحسب فالوقت كتسنا امتى تخرج تجري لدار عند الاب تعها متسوقاتش لمونادة ولا الكيكة والبيمو لي كياكلو دراري ولا الاناشيد لي كينشدو عقلها كيتخايل غير للحضة ليه تمد ناتجة لاب تعها وتقول ليه نجحة وهو اعنقها ويفرح ليها سلاو الحفلة خرجات نجلاء كتجري متسناتش ايوب لي كيجي معها من المدرسة ايوب كيقراأ فالسادس وسهام فالسيزيام
نجلاء: (لبسة قفطان تاع توب عادي خيطاتو ليها سيهام بالرندة حيت كتعرف ليها وديرة كرينات فشعرها لي واصل ليها حد الكتف كتجري وكيلعب وعنيها كيلمعو دازت قدام سي العربي لي كان جلس قدام الحانوت وشيرات ليه يبدها وهي كتجري )عمي انا نجحت بسلامة حتى نرجع نبوس ليك ايدك
العربي:تبارك الله عليك ابنتي المسطية مي علاش كتجري بشوية عليك لطيحي وا نجلاء
نجلاء: حتى من بعد من بعد عمي دبا مامسلياش انا (كتجري والناتيجة فيدها مكرهاتش دير جناح توصل لدار دغية وصلات قدام لباب وهي توقف كتلهت وكتقطر بالعرق )اووف عيت بزاف اووف
براهيم :(جاي خارج غدي لسوق وامال تبعاتو كتبكي )وا توريا اشدي لبنت راه مشا عليا الحال
توريا:امال حبيبة اجي حتى يرجع بابا
امال:(كتهرنن بغات تمشي معاه)ااااعااااع مشي بابا
براهيم:سير ابنتي رجعي انا غنجيب ليك شي حاجة زوينة
امال:بيت دانون بيمو كلاط
براهيم: وخا دبا نجيبهم لبنتي
توريا: وانا اش غتجيب ليا ازماني(هزات امال فيدها وقربات لبراهيم كتلعب ليه فالكول تاع القميجة)
براهيم: لي بغات حبيبتي نجيبها ليها
توريا:بغيتك سالم غانم يكفيني 😍(طقوس تاع الكوبرى لتنويم لفريسة )
براهيم:(قرب باس امال فوجها وباس توريا لفمها وهو يخرج)يلاه نمشي راه سي عبد سلام كيتسناني (خرج براهيم تلقا مع نجلاء قدام لباب كانت وقفة كتفرج فالرمنسية وحب الاب لبنتو غير شافتو خرج وهي تبتاسم
نجلاء: (مدات ناتيجة)بابا نجحت جبت 9 (داز عليها براهيم كيف العجاجة مشا حل لبيكوب طلع ليها نجلاء تبعاتو بجري)بابا شوف انا نجحت بابا
تحرك براهيم متسوقش ليها مي نجلاء مستسلماتش
نجلاء: بابا غير مسمعنيش وزربان اه هو زربان سمعتو قالها لخالتي هو كيتسناه شي رجل دكشي علاش مشافش ناتيجة انتسناه فاش ارجع نوريها ليه 😍غيفرح
توريا:اش كتبركمي تما انتي
نجلاء: والو اخالتي
توريا :اخوي ليك الدراس (شافت فيها وهي تخرج عنيها)فين المول تاع الحلوة لي ديتي والكاس والمعلقة هاأ 😠
نجلاء:(عضات على لسنها هي مسكينة من الفرحة نسات المواعن )انا نستهم فمدرسة اخالتي
توريا: كفاش نسيتيهم الكلبة (شدتها كتقرص فيها )ليوم نستي المواعن غدا تنساي الفشلوق فشي قنت الحمارة انا نوريك
نجلاء: ايي عافك اخالتي انا نمشي نجيبهم هئ هئ هئ
توريا: بلاتي نوري جد ولديك بعدا باش تعلمي متبقايش تنساي (الحاصول كلات نجلاء قتلة تاع العصى من عند مرت ابها )
نجلاء: هئ هئ اجي بابا نقول ليه دربتني
توريا: هذاشي الى سمعك بعدا
نجلاء: غنقولها ل سهام 😭(كتقولها بالبكى )
توريا: حربوش نطقي حرف وشوفي اش غندير فيك الى مكيناش سهام نوريك (قربات ليها وهي تنطق)تقولي شي حاجة نلوحك لبير نوريك
نجلاء: (تفكرات واحد النهار هزتها توريا ونزلتها لبير وشدتها غير بيد وحدة من ديك ساعة ولات تخاف مكتقولش حتى حاجة من دكشي لي كدير ليها حيت كتهددها تلوحها لبير)صافي مغديش نقول انا نمشي نجيب كاس ومعلقة وهذيك تاع كيكة من مدرسة
توريا:😈مزيان هكا نبغيك سري جبيهم وملي ترجعي طلقي النعاج اسرحو شوية
نجلاء: وخا انا ندير هذاشي لي قالتي (تحركات من حدها كتمسح فعنيها )
توريا: (كتهدر مع رسها)ايخ على تريكا كيف ديرة كنكرهك حيت بسبابك كنتفكر بلي رجلي عمرو نسا اموك اوجه النحس خرجتي ليا فسعدي كلما قالت صافي سيد باغني ونسا السحارة تاع موك كيتلقاك كيرجع واحد اخور الله ياخدك ويتبعك لموك نتهناو منك (نفتحو القوس نجلاء كتشبه لام تعها بزاف غير نجلاء عنيها كرين والام تعها عسلين براهيم مكيقدرش اشوف نجلاء كتفكرو فالنهار مات مرتو وحتى ملميحها كيفكروه فعتيقة صدق لي قالو لي ولد ماماتش نجلاء نسخة مصغرة عن عتيقة )
مشات نجلاء بوجه حزين رجعات المدرسة دازت على سي العربي تاني مي ملمحها تغيرو تقول ماشي هذي هي نجلاء لي يلاه دازت عليه كظحك وفرحانة
العربي: نجلاء بنتي فين غدية زربانة ومالك مقلقة
نجلاء: حتى رجع اعمي انا نسيت مواعن فمدرسة خاصني نجيبهم (كتهدر وكتمشا )
العربي :هاهو ايوب واقيلة جابهم
وقفات نجلاء شافت قدمها بان ليها ايوب هاز مواعن وهي تفرح مشات كتجري عندو وعنقاتو
ايوب:هههه مالك تاني ياك ما بغتي تصفتني ناكل دق تاني هاأ
نجلاء: لا انا نجحت ونسيت مواعن فمدرسة وخفت من مرت بابا تقلق
ايوب:متخافيش هاهوما جبتهم معيا عطتهم ليا المعلمة تاعك وقالت ليا بلي نجحتي وانتي لاولة
نجلاء: اه انا نجحت (كتقولها بأسى)
ايوب:انا عارفك غتنجحي حيت انتي مجتهدة واخت ايوب 😕
نجلاء: اه واخت سهام وامال هههه ايوب توحشت سهام
ايوب:دبا تجي راه سلات القرية شوفي هاكي حقك من الكيكة وموندا سفطتهم ليك معلمة لطيفة قالت مكلتيش (شدات نجلاء لمول شاف فيه طروفا تاع الكيكات كاع لي جاب شي كيكة قصموها وفيها لبيمو )
نجلاء: اجي ندوقو عمي العربي منهم
ايوب:يلاه (مشاو لحانوت عن العربي سلمو عليه )
لعربي :واخيرا جات نجلاء تسلم معيا هههه
نجلاء: سمحلي عمي كنت زربانة قبيلة
العربي: وشنو لي زربك
نجلاء :(بدلات الموضوع)هاك الكيكة اعمي دوقها راه سيبتها ليا خالتي سعاد بالبيضات تاع دجاجة تاعي
العربي: هذي خصها باش ندوزوها ممم اجي جلسة نحلو شي مونادة
نجلاء: ها قرعة تاعي باقي فيها شوية هههه
العربي: نحلو وحدة جديدة نحتفلو بالنجاح تاع نجلاء او لا ايوب
ايوب:ايه اعمي غير هو انا معندي باش نخلصها ليك
العربي:ههههه انت غير شرب شكون طلب منك تخلصها 😁(العربي كتبقا فيه نجلاء وكيحاول افرحها كلما تلقها حيت هو كان حاضر من نهار تولدات وشاف قسوة تاع سي براهيم عليها وعارف بلي مكيتعملش معها ولا كيقرب ليها دكشي علاش العربي كلما لقا الفرصة افرحها مكيبخلش بنت ايتيمة من جوج جوايه من طرف الام ومن طرف الاب وخا باقي فالحياة)
نجلاء: عمي ملي نقرأ ونكبر ونخدم نخلصك فهذا موناضا غير قيدها
ايوب:هههههه غيدير سيزي الى بقا كيتسناك تكبري وتخدمي
العربي: عندك ابنتي متخليش احطم ليك احلامك انتي غتكبري وغتخدمي وغتجبي خلاصة المونادا وغتعطيه ليا بضوبل قدام هذا بوراس
نجلاء: ههههه اه نخلصك بزاف دالفلوس ناري ناري نسيت انا خصني نمشي (گرگرات المونادا وهزات الكيكة حطتها لعربي فحجرو وهزات المول والكاس كتجري بحال الحمقة شوية رجعات تاني عندهم )بغيت ندي شوية تاع كيكة ل امال(هزات واحد طرف تاع كيكة وبدات تجري تاني)
لعربي:افين غدية تجري بشوية عليك
ايوب:مشات ههههه ديرة بحال المسطية فأي لحضة كتقلب
لعربي: ضريفة وحنينة وحميمقة وعفوية وزوينة الله احفضها ومربية سبحان لي خلقها
ايوب:اه حنينة شوف كفاش تفكرات امال ودات ليها كيكة وخا امال مسمومة مكتخليهاش تهز العب تعها كتبقا فيا اختي نجلاء اعمي بابا مكيهدرش معها ومكيتسوقش ليها كون ما سهام وانا وانت اعمي لي كتشري ليها الحوايج وكتوبا بابا كاع متسوقش ليها اقيدها فمدرسة معرفتش علاش مكيحملهاش هي مسكينة مدارت ليه والو
لعربي: (تنهد فعلا شي كيقطع القلب ولعربي عيا ميهدر مع براهيم ولاكين مبغاش احن )مديرش فبالك اولدي غيجي نهار لي احن اباك وراه هي عزيزة عليه غير كيمتل(كيكدب على ايوب)
ايوب:انا عارف بلي بابا بصاح مكيحملهاش اعمي بلا متكدب عليا كيف كنكدب على نجلاء
لعربي: اوووف شوف الى باباك مكيتسوقش ل نجلاء راه ناس كلهم عزيزة عليهم لي تلقتيه فدوار تقول ليه نجلاء اعود ليك شحال عزيزة عليه وحتى من المدرسة المعلمين وتلامد كلهم عزيزة عليهم وانت وسهام مكتخليو من جهدكم
ايوب:ولاكين نجلاء كيبقا فيها الحال حيت بابا مكيعملهاش كيف كيعملنا كون تشوف كفاش كتبقا تشوف فيه الى كيلعب مع امال فراسك اعمي كنكره امال فاش نشوف بابا كيعملها هكاك ونجلاء كتبقا تشوف من بعيد
لعربي: لا حولا ولا قوة الا بالله ولدي متقولش هكاك امال مدنبها والو متنساش راه باقي صغيرة ومعرفة والو
ايوب:اه عارف اعمي عمي انا نمشي نخليك دبا
مشا ايوب وخلا العربي كيشوف لبعيد كيتفكر كلام براهيم فالسبيطار وفاش جبتها السعدية اش قال
لعربي:(مع راسو )كون غير شديتها من عندهم وكبرتها عندي كون عرفت هكا كون قالت لخالتي تخليها عندي ياريت ارجع زمن لور لداك النهار كون هزيت هذا البنت تعيش مع ولادي ولا هذا القسوة لي كتعيش فيها
عند نجلاء لي مشات سرحات الغنم وناتيجة فيديها بقات تما حتى فات ضهر وهي ترجع لغنم لدار دخلتهم وغسلات يديها وجها لي ولا حمر بالشمس وبقات واقفة قدام لباب كتسنى ارجع اباها كتسمع صوت شي طموبيل كيبدأ قلبها اخبط وتوقف تسنا حتى دوز وتشوفها ماشي تاع الاب ديلها وترجع تجلس تاني حتى بانت ليها لبيكوب تاع الاب تعها وهي تنوض بالفرحة مشات كتجري قدامها
أنت تقرأ
زواجي من صهري 💍مكتملة💍
Storie d'amore💎مكتملة💎 ❌حصرية على الواتباد ❌ ها واحد سلام عليكم حبيباتي بلسان الكاتبة: جبت ليكم بقصة جديدة بلا منقول عليها قمبولة💣 الموسم حيت انتما لي غتحكمو فالاخر واش قصة ناجحة ولا غير خربشة 😏 مممم قسوة الاب وفقدان الام 😢حب الاخوة👭👫 حنان الجدة👱 زوجة ا...
