زواجي من صهري 💍مكتملة💍

الجزء 126 💍❤️

فهد: نجلاء متلعبيهاش عليا مفهماش انتي فرسك فاش بغيت نهدر و نتي ر كتتهربي مني
نجلاء: (كتحاول تهرب منو )هه كفاش غنعرف فاش بغتي نهدرو واش انا دخلة لمخك ههه يلاه تتغدا انا عارفك كتعجبك ماكلتي
فهد: متبدليش الهدرة انتي كيفاش ترمي رسك هذا رمية علاش قبلتي تتزوجي باوس كيفاش عطاتك راسك دري هذا شي في فراس ياك انا قالت ليك قبل عام بلي غنعاونك تعيشي حياتك و قتلك غنعاونك تزوجي بزياد و هو راه مزال يستنا فيك
(هيا كانت غتجاوبو سمعو صوت الغضب الصاطع عيط بسميت فهد دارو عندو بجوجهم )
(اوس جا سمع الهدرة فالكوزينة دخل بغا يعرف شكون لي جا دخل سمع هدرة فهد لنجلاء)
اوس:😠 فههههددد (دار فهد شاف موراه حتى وصلاتو كروشي لوجهو رداتو للور نجلاء غوتات ورجعات للور كتشوف ف اوس كيسب ف فهد)شماتة جاي المرتي تقوللها نزوجك او تهدرلها على راجل اخور فقلب داري 😠
فهد:ماشي انا لي شماتة انتا لي حطيت عينك على درية صغيرة قد ختك وانا مغديش نخليها تكمل تخصر حياتها معاك وتكرفص معاك
اوس:(اوس هز يدو بغا يزيد يضربو وقفت نجلاء بينو و بين فهد وشدات فيد اوس) مرتي بيني و بينها نقتلها نضربها نحبها شغلي هذاك مدخلش رسك
فهد:هذي الهدرة قولها نهار الي ميكونش كاين الي يوقف في وجهك دبا نجلاء عندها سند ديالها او منسمحش تخسرلها حياتها وترجع ل دواء مرة اخرى وترجع كيف كانت بسبابك
اوس : انا سند ديالها وانا لي غنكون وقف معها ديما متحتاج حتى واحد فيكم
فهد :لالا را(مكملش هدرتو حيت نجلاء سكتتهم )
نجلاء:صااافي اش هذاشي دراري صغار و مداروهاش و نتوما ناس بعقلكم كيجلسو و يهدرو ماشي يدابزو دربو بيناتهم (و دارت عند فهد) فهد انتا خويا وانا مسيتش خيرك لقيت جنبي فالوقت الي اقرب الاقربين ملقتهم و انا تزوجت على قبال دراري و نتا عارف هذاشي وعارف بلي منسمحش فيهم وخا يوقع لي يوقع (او دارت عند اوس) و نتا انا متزوجة بيك على قبال الولاد حيت هما أمانة في رقبتي يعني متنساش هذا شي
اوس : انتي مرتي عجبك ولا معجبش فهمتي (و دار شاف في فهد)و نتا اجي للمكتب نهدرو و نتفاهمو (ومشا اوس و تبعو فهد من وراه اما نجلاء جلسات فوق كورسي و حطت راسها بين يديها)
دخل فهد على اوس الي كان جلس في كرسي ورى المكتب كيتسنا فيه شاف فيه فهد ومشا جلس مقابلو
اوس :دبا نهدرو براحتنا اش قالك مخك فاش جلس تقول المرتي هذاك زام*ل تع زياد كيستنا فيها شفتني ديوث ولا اش ولا معمرلك العين
فهد :حشا مقلتش بلي انتا ديوث انا قلتلها علاش تخصر حياتها او هيا باقي صغيرة عادي هدرتي
اوس (ساط الهوا ): تخسر حياتها كي تزوجت بيا تخسرت ياك
فهد : علاه كذبت انتا وياه كنتو ضلو تدابزو ودرب فيها لدرجة دوا بسيف باش حيدتولها على دكشي انا منخليهاش عندك وخا نعرف يوقع لي بغا يوقع ( ناض فهد مقلق خارج حتى حبسو صوت اوس)
اوس : انا منقدرش نعيش بلا بيها حيت كنبغيها (فهد جمد في بلاصتو او دار شاف فيه زعمة واش من نيتك)
فهد : كتبغيها بين ليلا او نهار بغتيها و نتا لي كنتي تموت على سهام ضحكتني والله هه
اوس : أنا بصح كنت نبغي سهام مي مع نجلاء حسيت بحوايج عمري ما حسيتهم في حياتي و منقدرش منعيش بلا بيها عارف غيجيك ضحك ولاكين انا كنبغيها وكيفاش ولا امتى وقتاش حبيتها انا براسي معرفتش لي نقدر نقلو ليك ول كنعرف بلي نموت الى خلاتني
فهد : واش كتهدر بصح اوس:(حرك ليه راسو و ناض
فهد:( بدأ يضحك ومشا يجري تبعو اوي و عنقو ) فرحتني بزاف كنت كنقلب على لي يبغي نجلاء من قلبها ودبا طمنت حيت عارف انت الى بغتي شي واحد ديرو في عينيك مبروك عليك خويا
اوس:ههه الله يبارك فيك خويا😊
اوس :(بدلو العناق ) الله يبارك فيك خويا (شاف فخوه وهو ينطق)فهد ملي بدينا نهدرو و نتا تقول دوا ما تدواء و منخليش نجلاء ترجع ليه و منخليهاش ترجع كيف كانت اش كتقصد بهذاشي
فهد : احم اوس منقدرش نقولك حتى حاجة قالتلي لي وعدت نجلاء منقولهاش
اوس : خاصك تقولي اش كتعرف باش نعرف كيفاش نتعامل معها و انا نهار زواجنا عرفت بلي غلطت بزاف فحقها هيا كانت بنت براهيم ماشي لقيطة كيما كنت داير في بالي دكشي علاش بغيت نعرف و منزيد نغلط فيها كثر
فهد : واخا غنقولك مي انتا متقوللها والو حتى تعاود ليك هيا براسها
اوس : وخا كون هاني يلاه هدر غير نعرف
(بدا فهد يعود ليك كلش كاع لي عوداتو ليه نجلاء على حياتها كيفاش تربات او كيفاش كانت عايشا وكيفاش ولات تعصب وبدات تاخد الدواء عود ليه كيفاش قرات علم النفس غير من جوجل وعلاش كدرب الناس وعلاش كانت تسكت الى وصلات فيها العظم ودخل تنعس )
اوس ( كيسمع فهد وكيربط كاع الاحدات لي كان كيشوف فيها جات فبالو اول مرة لقها جلسة فصالون ومبغاتش تهدر تفكر فاش كتعصب وكدخل تنعس ليل ونهار عاد عرف اش وقع ناض وقف وهو يجر كاع لي كانت فوق البيرو): واش هذا البشار معندهمش قلب كيفاش قدرو يديرو هذا شي في صغيرة و هيا تحملات كلشي وسكتات كفاش وحتى انا حمار كتر منهم كنقدف فيها فالطالعة والنازلة وهي ديما كتسكت 😠😬
فهد :(ناض شدو من يدو او جبدو جلسو )تهدن صاحبي مالك واش بغتي تسمعك نجلاء و تنزل و تعرف بلي قالت لي كانت مخبياتو كل هذا سنين وصبرات عليه انا في دقيقه بهدلتها
اوس :اوف اوف كيفاش قدرو يكنو قاسحين هكا منين جابو هذا القسوة كلها كلما كنفكر في هذاشي و بلي كنت كنضلمها كنبغي ناكل راسي تفو كرهت راسي وكرهت اني حكمت عليها بلا منعرف وكرهت دوك الناس وكرهت نهار تزوجت سهام وفرقتها مع نجلاء انا مرديتش ليها البال مشفتهاش قبل علاش كون شفتها وعرفت الوضع ديلها كون ديتها معنا من صغرها علاش سهام خبات عليا علاش ياربي علاش
فهد : اوس صافي انسا هذاشي وكون راه فعل ماض ناقص داكشي فات نساه عوضها غير لي جاي و متبين والو لنجلاء باش متحسش بلي حنا شفقين عليها
اوس : عندك حق انا غنعوضها لي فات غنديرها فعني وغنحميها ونسيها كاع لي دازت منو خاصها غير تسمح ليا على لي فات وتقبل زوجنا بغيتها تعطني فرصة نبين ليها بلي اوس ماشي هو لي كانت تشوف مني
فهد:(شاف فيه وهو ينطق)احم على حساب معرفتي ل نجلاء صعيب تقبلك فحيتها كزوج هذي خاصك ليها صبر وبزاف ديال الصبر
اوس:علاش متقبلنيش
فهد:ممم اولا نجلاء كتكره شي حاجة سمتها زواج والرجال
اوس:اهأ وعلاش باغت تزوج بداك الز*مل
فهد:ههههه الغيرة ياخويا
اوس:جوب از*بي وبراكة من ضحك
فهد:هي لقات فيه الاهتمام فالوقت لي كانت محتاجة لي يهتم بيها زياد بان فحيتها فالاول فاش كنت فكازا كنت جنبها وفاش مشيت بقا داك الفرغ خاوي فحيتها وزياد جا كيهتم بيها وهي عجبها داك الاهتمام انا براسي سولتها واش كتبغيه قالت مكنبغيه مكنكهرو لمهم اني مرتاحة معاه نجلاء كتقلب على دكشي لي فاقدة فحيتها هي فقدات الحنان والعطف من عند الاب وفاش جا زياد بين ليها دكشي قبلات بيه (شاف ف اوس لي كيشوف فيه)بالمناسبة نجلاء اول نهار تلقات مع زياد فاش دربتيه انا لي قنعتها هي مبغاتش تلقاه ولا تخليه يقرب منها (بتسم فاش تفكر نهار شدها زياد من يدها )نجلاء عدوها شي حد يحط يدو عليها نجلاء مامنهاش جوج هي انسانة متربية ربات رسها برسها وحنينة وطيبة وشريرة الى تلقات واحد شرير هي كتعاملك على حساب تعامل ديالك الى جتيها وتعمقتي فيها وتعرفتي عليها كتلقا واحد الانسانة طيبة ودكية وحنينة ومسطية بعض المرات اما الى حكمتي عليها قبل كتوريك غير دكشي لي حكمتي عليها بيه يعني انت كتشوفني هكا وانا غنوري ليك غير هذا الجانب لي كتشوف مني (شاف ف اوس لي سها باين كيفكر نطق)نجلاء الى بغتي تعرف عليها خاصك تغير من راسك ماشي تغيرها هي