زواجي من صهري 💍مكتملة💍

الجزء 2 💍❤️

**بارت2**
**زواحي من صهري**
عتيقة: الله ايهديك اخالتي طباء راه غير كيهدرو وراه ماشي اول ولادة ليا باش نعس على ضهري ونتسنا شهري اوصل
سعدية:(قربات جنبها جلسات وهزات طبگ درت فيه لقمح وكتنقي فيه )ابنتي راه عرفنا ماشي اول مرة ولاكين راه هذا المرأة ماشي بحال دوك جوجات لي فاتو هذي راه عندك كيس وراه قالو ليك خاصك تحيدي تيلاد قبل وانتي مبغتيش ودبا طلبو منك الرحة حتى وتولدي ولاكين رسك قاصح ابنتي
عتيقة: (حطات ايدها على كرشها كتلمس فيها )كيفاش بغاو مني نقتل قطعة مني نقتل روح عطها ليا الله باش نعيش انا شوف اخالتي عرفتي هذاشي لي فكرشي كنحس بيه كتر مكنت نحس بسهام وايوب من نهار عرفت راسي حاملة حسيت بواحد الفرحة بواحد الراحة وفاش طلبو مني نحيدو حسيت بحلا غيخدو روحي انا منفرطش فيه اخالتي والى حياتي تمن باش اعيش انا مستعدة نموت الف مرة فسبيل اعيش هذاشي لي فكرشي (باقي مكملتهاش سمعات واحد الغوتة)
:عتيييييييييييقة
دارت هي و سعدية شافو شكون شكون من غيرو سي براهيم لعاشق الولهان لمتيم ب عتيقة اقبل اي حاجة إلا اسمع حبيبتو عتيقة غتموت
عتيقة:براهيم
براهيم: عمرك تعوديها كتسمعي عمرك تعاودي تقولي ضحي براسك على قبل دكشي لي فكرشك الى درت ليك خطرك وخليتو ليك فكرشك فمبقاش تفكرني فيه وتقولي بلي غتموتي بسبابو كتسمعي (كيغوت ربي لي خلقو)
سعدية:ولدي تهدن مالك كتغوت
براهيم: اش غنتهدن الوليدة واش مسمعتيهاش اش كتقول (شاف فعتيقة لي جلسة مسرحة رجليها ويكتبكي ويديها على كرشها وهو ازيد)وزيدون اش دها لشي شقا ياك قالت ليها تريح رسها مبقاش تنوض ياك طبيب قالها تنعس على ضهرها ندمت على نهار طوعتها ووافقت ليها تخلي دكشي فكرشها هي قالت بلي غتعطي الرحة لرس....
عتيقة:هذا ولدي ولا بنتي ماشي دكشي كتسمع (شدات فرسها حتى وقفات شفت فبراهيم) بركة ابراهيم براكة من هذا الكسيط هذا جنين وروح وولدك ولا بنتك كتسمع ماشي دكشي مسميتوش دكشي هو روحي وانا مستعدة نعطيه روحي غير اعيش
براهيم: (تعصب وهو يقرب منها شاف فيها وهو ينطق )نهار لي عرفت بلي بسباب هذا الكرش تقدري تفقدي حياتك طلبت منك تخلاي عليها حتى دري عملية وديك ساعة ولدي عشرة ولا عشرين وانتي رسك قاسح ودرنا ليك خطرك رهنت بحياتك ولاكين انتي فالمقابيل قالتي مغيوقع والو وبلي غتعطي الرحة لرسك ودبا نستي دكشي وكدري لي فرسك إيوا سمعي اش غنقولك والله وتوقع ليك شي حاجة بسباب هذا قسحية الرس ولا بسباب هذا شي حتى نتبرى منو حيلتي كاملة وانا حالف بحلوفي اتوقع ليك شي حاجة مأنا بات هذاشي مهو ولدي
سعدية: براااااهيم نعل شيطان
براهيم: (شاف فعتيقة لي مصدومة وزاد عاطيها بضهر )انا نعل شيطان الوليدة ولاكين كنتك هي لي كتحضرو بنتنا ودبا يا دير عقلها يا قسم بالرب الجليل وتوقع شي حاجة ليها بسباب هذا تهور تعها حتى انا مبري من دكشي وعمري نشوف فيه حتى شوفة وهانتي شاهدة على كلامي وربي شاهد (لاح ليهم هذا الهدرة لي بحال سم كافيلة تقتل عتيقة بلا ميتسنا تيلاد اقالها وزاد فحالو وتبعو دري صغير لي فعمرو خمس سنين كيجري وراه )
عتيقة شدات فقلبها  وفكرشها كتحاول تستوعب اش قال زمنها رجلها لي مخلا مدار على على قبلها براهيم لي تحدى العالم باش اتزوج بعتيقة بغها لحد لجنون براهيم ضريف لحنين هاهو كيتحلف على جنين باقي يلاه عندو سبع شهور فالكرش سخط عليه بحلا العمر بيدو لحب نسا براهيم بلي الاعمار بيد الله هو لي كيقتل وكيحي ولي وصلو اجالو كيودع
عتيقة: خالتي سمعتيه اش كيقول واش هذا تسطى(باقي كتهدر ترطقات واحد الرعدة وجات معها عاصفة )
سعدية: ابنتي راه غير من خفو عليك راه خرج ايبرد ويرجع تاني بحلا مكين والو سبحان الدي يسبح الرعد بحمده ولملائكة من خفيته (سمعات رعدة طرطقات لجو دغية تبدل)
عتيقة: (شافت جنبها) فين ايوب اخالتي لجو تبدل ياربي سلامة
سعدية: (شافت فيها وبدات كتجمع فالقمح )دخلي ابنتي انا نجمع هدا القمح ونشوف ايوب فين (زادت طرطقات رعدة وبدات شتا تصب)
عتيقة: لا اخالتي ولدي ايوب نمشي نشوف فين هو
سعدية: (شفتها غدية وهي تشدها )اوف لهلا اجمع هذاشي اجي غير ابنتي دخلي انا نمشي ندخل ايوب وندخل دوك لبهايم من شتا
عتيقة: وخا اخالتي عافك سيري جبي لي ولادي بغيت نشوفهم قدامي
سعدية: سهام فالمدرسة اتكون جية دبا انا ندخل ايوب(خرجات سعدية وخلات عتيقة واقفة شوية بدات شتا كتجهد شافت عتيقة داك القمح وهي تحنا كتجر فيه حتى دخلاتو لواحد سدة حسات بوجع فكرشها لتحت وضهرها ترطق ليها
عتيقة: اييي ياربي لحبيب اااي كرشي (بدا الوجع ازيد عليها وقلبها درها كلما تفكرات كلام رجلها شدات كرشها )اااح مي كرشي الله ابنتي ولا ولدي اش غيكون مصيرك من بعدي 😭
فبرى خرجات سعدية بانت ليها بنت تكون فعمرها 11 عام هازة محفضة فضهرها لبسة واحد منطو حمر وسبرديلة بيضة وديرة زيفة لرسها جاية وشد فيد خوها
سعدية: وا سهام اسربي يابنتي جري راه اتسردو وفين كان داك جحموم خرج بلا منشفو
سهام:راه عطاه ليا بابا كان معاه
سعدية: وفين اباك
سهام: راه خليتو حدا الحنوت تاع عمي العربي
سعدية: دخلي دخلو راه عليكم شتا نمشي ندخل لبهايم (مشات الحاجة دخل البقرة ودجاج والمعيز وحتى الخيل عندهم جوج دخلات دكشي يلاه جاية بغات دخل تلقات سهام جاية كتجري وجها صفر
سهام: ميمة سربي
سعدية: اولي مالك صفرة اش وقع
سهام: ماما طيحة كتغوت ودم نزل من تحتها سربي اميمة هئ هئ
سعدية: اللهم يسر ولا تعسر لطفك يا الله جري ابنتي عيط لباك
سهام: وخا انا نمشي (مشات سعدية دخلات لدار لقات عتيقة كيحة تحت سدة وشدات كرشها ودم فيضة من تحتها (دار تاعهم بحال شكل تاع الرياض هو بني قديم ولاكين زوينة مريحة )
سعدية: الله ابنتي مالك
عتيقة: خالتي عتقني اخالتي كنموت
سعدية: صبري ابنتي ها سهام اتعيط لبراهيم مغيوقع والو
عتيقة: خالتي عتقي عتقي التلاد ولديه اخالتي انا كنحس بروحي كتقطع اخالتي انا غنموت اخالتي ولادي امانة عندك وخصوصا هذا لي فكرشي تهلاي فيه تهلاي فيه اخالتي عافك(كتهدر وكلها عرقانة تقول هوما فصيف ماشي شهر واحد  وكتزير على يد سعدية مع كل كلمة بحلا كتأكد عليها دكشي لي قالت حيت حاسة بكبدتها غتعدب من بعدها)
سعدية: (دمعو عنيها )لا ابنتي مغيوقع ليك والو