زواجي من صهري 💍مكتملة💍

الجزء 48 💍❤️

**بارت 48**
بعد مرور ثلات ايام على اخير مشكلة دارتها نجلاء اليوم جديد احدات جديدة طبعا لا تخلو من مشاكل المشاكيسة نجلاء لي فاقت خاصرة محملاتش رسها جاتها الحالة تاني غير الله احفظ ناضت دخلات لدوش توضات ولبسات حويجها لي عبارة على سروال دجين باهت واسع ومعاه قبية حمرة مكتوبة فيها بالبيض ولبسة كونفريسة فالحمر وهازة محفضة كحلة خرجات من لبيت لقات سهام جلسة كتشرب فالحليب حيت تقيات ودرتها كرشها
نجلاء:صباحوو اخي هاني مشيت(خرجات خلات سهام كتهدر بوحدها)
نجلاء: حطيت الفطور اجي تفطري (شفتها مشات)مشات المسطية جاتها الحالة تاني هههه
(سهام بدات تعرف ختها وتفهم تصروفتها )
عند نجلاء لي نزلات فلاسنسور خشية يديها فجيبها وحدرات رسها وكتمشا بزربة وفنفس الوقت دخل واحد شخص خاشي وجهو فتليفون كيبقشش فيه دخلو فبعدهم وطاح تليفون من يد شخص ونجلاء رجعات لور كانت غطيح غير شدها غمضات عنيها وحلاتهم فيه وهي مغوبشة
الشخص:(شدها من خصرهاشاف فعنيها وهو ينطق )مشالله تبارك الله على عيون شحال زوينين ااح قلبي غيطيح اتشتت بحال تليفون تاعي 😍
نجلاء: (شافت فيه وعاد عقدات غبشتها ديال بصاح)😠
الشخص:مي قلبي فراسك كل التعابير جييت مع وجهك اييي(غوت وطلقها ونزل شد حجرو هههه اه نجلاء طلعات معه بركبتها لحجرو خلاتو ينزل يشدو بيديه ويبقا يتلوا ودازت من حداه بكل هدوء تقول مدارت والو ههههه مشات ركبات مع شيفور ودارت لكيت فودنها وغمضات عنيها ورسها متكي لور
عند شخص لي بدأ كيعرج حتى وصل لاسانسور ودخل ليه وبدأ ابرد فدقة لي كلا
الشخص:مي زوتني بنت الهم دكشي لي مدارتش بعنيها كملاتو بركبتها اييي (تحلا سانسور وخرج)فين رقم لي قال عليه اهو هاهو (شد حجرو كيعرج ومشا صونا فالباب حلات ليه سهام)
سهام: فهد مالك 😱
فهد:دربتني لمستقبلي اختي خرجات عليا
سهام: (شدات فيه دخلاتو وهو يجلس فسداري)شكون هذي لي درباتك اخويا
فهد:(عقلتو عليه خو اوس هههه)واحد القنبولة ياختي منعاود ليك دربات قلبي بعنيها خلاتو ايدأ ادق الجرس ويدرب ف 90 وزادتني دربات مستقبلي وولادي بركبتها خلاتني كنتلوى
سهام: (تفرشخات بضحك )ههههههه شكون هذي
فهد:(كيبتاسم وعينو فيهم قلوبا)ياختي واحد البقوصة واحد القوقة واحد القرطاس ولا قبولة عندها شي عنين كيدوبو تقباتني بشوفتها وواحد تخنزيرة ياختي كدبح وخلي عليك وجها لي مدوي كيف القمرة وياختي على عنين فالگري تعكس فهم لون تاع تيشورت تاعي ولاو كيبريو وامي واقيلة هذيك جنية وطرباتني عوجاتني موحال واش انس بخرني اختي وقراي عليا شوية القرآن
سهام: (غير وصفها عرفات شكون مولات الفعلة شدات كرشها كتفرشخ بضحك )😂😂😂😂😂😂 ومي كرشي
فهد:ضحكي اختي ضحكي ملي تشبعي ضحك نوضي بخري خوك وفسخيه راه تشير 😒
سهام: قتلتني الموصبة بالضحك قولي فين درباتك هذي واشنو درتي ليها
فهد:فالتحت ومدرت ليها والو غير تغرلت فعنيها وهي تعطني  علايش ندور ومشات فحلها وخلتني كنتلوا واحد قلبي مسكين خليتو لتحت طايح مقدرتش نهزو اما عقلي تبعها ياختي
سهام: مممم وخطيبتك الموصيبة
فهد:تفو اول مرة نكره راسي حيت تسرعت وخطبت معندي زهر اختي 🙍 غير خطبت وبدأ تيتيز كيبان فطريقي
سهام:(شافت فيه وهي تنطقات)ممم الى قالت ليك ديك تيتيزة سميتها نجلاء وهي ختي
فهد:منتيقكش اختي حيت هذيك مكتشبه ليك فوالو.
سهام: واش لبسة قبية حمرة وسروال دجين هازة محفظة كحلة وشعرها قصير من لور وطويل من القدام ومخلط بين القهوي والكحل
فهد:اه اه اختي هذيك لي فرشخاتني
سهام: هههه ايوا راه ختي وسميتها نجلاء وعبرات عليك باش تعلم مرى اخرى تحتارم لبنات
فهد:(كيشوف فيها )وييه اختي تعلمت وبزاف ناري واش بصاح هذيك هي نجلاء ختك لي كنتي تعاودي عليها
سهام:وي هي هذيك
فهد:اختي كاع معوديش ليا بلي هي قوية وكدرب بنادم تخليه كيتلوى وتزيد بحلا مكين والو😳
سهام:راك انت درتي ليها علاش اما كاع متقرب ليك ولا تهدر معاك ولا تشوف فيك حتى مي فاش تحك نحسها توريك بسها ههههه.
فهد:لهلا اوصلنا لشي باس كتر من هكا كانت غنفقد مستقبلي واولادي غير حن الله
سهام: باسل مكتحشمش نوض نحط الفطور مزيان ملي جتي تفطر معيا
فهد:(ناض تبعها وهو مزال كيعرج المسخوطة تاع نجلاء عطاتو بكل جهدها المنطقة الحساسة )نعاونك ختي تحطي (بداو كيحطو فطور)
سهام: قولي اش كيعاودو موالين الدار
فهد:لباس عليهم راه مزال غيهجمو عليكم كيتسناون غير عائلة خطيب بتسام ادوزو واحد العراضة وغيهجمو عليكم
سهام: اه مرحبا بيهم غتجي ميمة معهم
فهد:وي جاية وهي لولة غتسبقهم ههههه كان الله في عونكي ياختي هههه
سهام: ههههه وييه اخويا خصوصا فاش تلقى هي ونجلاء مشيت فيها كفتة كاع متفكيت معهم هي واوس عساك تزيد الميمة
فهد:كيفاش علاه مالهم
سهام: (تنهدات وجلسات تعاود ل فهد على مشاكل اوس ونجلاء طبعا بلا مدكر ماضي تاع نجلاء)....... هي دبا فشكل وكدير هذاشي ضد واوس شد معها ضد
فهد:(شد فيدها وكيهدر معها)مادريش فبالك راه اوس غير حيت عتبرها منو ومن عائلتو دكشي علاش كيتصرف معها هكا وراك كتعرفيه كون شي وحدة متهمو كاع ميعبرها وخا تمشا عريانة
سهام: عارفة هذاشي مي خاصو اتفهم
فهد:وي خاصو اتفهم مي راه عندو عقلية الميمة فهذا الامور اصلا بانت ليا نجلاء لبسة عادية وديرة طقطيعة عادية فشعرها اي بنت ديرها زعمة مديراش شي حاجة خايبة
سهام: ايوا اوس قالك لا خاصها تغير فنهار واحد وتلبس كيف بغا ودير زيف ومعرفت اش بغا فيها مزال
فهد:مريض هذا باغي اعقد درية
سهام: فهد ممكن طلب
فهد:اختي نتي امري ماشي طلبي
سهام: انت خويا وانت متفتح بغيتك دير نجلاء اختك وتقرب منها وتعرف عليها وحاول تنصحها عافك انت كتفهم لبنات وغتعرف كيف تواصل مع نجلاء
فهد:كتقولي عندي خبرة فالبنات بشكل غير مباشر 😒
سهام: (درباتو لكتفو)تفو عليك كون جدي ولو لمرة وحدة فحاتك ازمر
فهد:هههه وخا اختي اصلا بغيت نتعرف عليها وغنكون صديق ليها واخ كوني هانية
سهام: شكرا فهد بزاف(سهام وفهد اصدقاء من قبل متزج ب اوس وعلاقتهم بقات هي هي كيعتبرو ريوسهم اخوة )
فهد:العفووو ممم سمعت بلي غنولي عم😍
سهام: اه غتولي عم واخيرا
فهد:مبروك عليك
نخليهم انمم ويفطرو نمشيو نطلو على نجلاء اش كتعمل هههه وصلات قدام ليسي وقفات للوطو وهي تنزل منها خشية يديها فجيب تاع القبية وحدرة رسها وغدية في امان الله.....