زواجي من صهري 💍مكتملة💍

الجزء 17 💍❤️

**بارت 17*
**زواجي من صهري**
نجلاء لي فهذا المدة كاملة عاشت فالعدب مسكينة مي تعلمات تعيش بلا اختها علمتها الوقت بلي خصها تولف على حيتها لي هي فيها كتاكل العصى على اتفه الحوايج ومتشكيش حيت كتخافة تلاح فالبير هذي معاملة تاع مرت اباها ليها وعاد واحد الانانية تاع اختها امال لي رضعات سم والحقد والبغض من امها باغية كلشي ليها اي حاجة شفتها عند نجلاء تهزها ليها وتقول تعها نجلاء مسكينة كتبقى غير تشوف وتسكت متقدش تهدر امال كدربها وتسبق تشكي لمها وتوريا تزيدها ونجلاء تمشي تبكي على الحيونات فزريبة مرة تبكي على معزة مرة على دجاجة مرة على بقرى ومرة مع قنية فالوقت لي ملقاتش لمن تحكي كتحكي الحيونات ولا نقلو مكتقدرش تحكي همها لشي حد حيت كتخاف من مرت الاب شريرة لي كتهدد فيها تلوحها لبير بدات تهدر مع الحيونات حيت عرفتهم هوما مغيهدرو ولا غيعودو حتى حاجة من هدرتها هي مسكينة بغات غير تخوي قلبها الصغير لي عاش قسوة فالدنيا وهو باقي باريئ
ايوب كيقرأ فالكوليج وكتهلى فنجلاء مكينسهاش مسكين الى عطاه الاب تاعو فلوس كيشري ليه ويشري لختو وبعض المرات اسمح فمستلزماتو ويشري لختو حيت ابها مكيتسوقش ليها ايوب من صغرو وهو نعم الاخ لي كيساند اختو ويوقف جنبها ويمسح دمعتها كتبقا فيه وكيهدر مع الاب تاعو ولاكين براهيم قلبو قساح من جيهة بنتو وتقول واش بغا ارطاب ويتنزل هو ولف انو ايبقا كرها حيت بنادم لي ولف على شي حاجة كيمشي عليها وخا اعرف بلي دكشي غلاط مي اش غيدير مبلي كل وباش مبلي وسي براهيم مبلي بكره نجلاء بدون سبب حيت كون كان السبب حبو لمرتو هاهو عاود حياتو من جديد وكيتمعشق مع امرأة وحدى اخرى وحطها بلاصت عتيقة ووالد معها ولاد اخرين ونجلاء كدفع تمن ديالاش الله اعلم
جاية من المدرسة كيف عدتها كتجري وتقول مجرات خوفا من هتلير لي فالدار كيحسب ليها بالدقايق الى تعطلات دقيقة ادوز نهارها كحل
نجلاء :(لبسة سروال دجين زرق فيه وريدات بالغوز وتريكو غوز وسباط كحل وشعرها طويل مجموع كعكة مزيرة كيبانو ليك الحبوب خرجين من حدى ودنيها غير بالزيار مهم هذا البهدلة لي هي فيها راه توريا هي سباب فاش كتمشط نجلاء شعرها كتجمعو مكتزيروش وشعرها كيطلق وتوريا كتسلخها وكتشدها تزيرو ليها وتحلف عليها وتحلو حتى تقتلها ونجلاء كتصبر وتخليه)سلام عمي لباس
العربي:لباس ابنتي كتجري تاني دبا طحي على وجهك
نجلاء :زربانة اعمي زربانة
العربي:(شاف فيها وهو يتأسف لوضعها عارف بلي ماشي لخطرها كتجري)لا حولا ولا قوة الا بالله الله معاك ابنتي نجلاء
نجلاء وصلات قدام لباب تاع دار كلها كتقطر بالعرق وكتلهت حلات لباب وهي دخل تلقا ليها رشيد خوها صغير فعمرو عمين جاي كيجري عندها
نجلاء: (هزاتو كتبوس فيه )حبيبي خويا زوين توحشتك بزاف
رشيد:(يلاه كيتعلب الهدرة)نلاء مشيو معزة (نجلاء نمشيو عند المعزة )
نجلاء: هههه حتى انت كيعجبوك بحال وخا دبا ندي خويا اشوف معزة صغيرة لي يلاه تولدات صغيرة بحالك وزوينة وكتشرب حليب (كتهدر مع رشيد وتبوس فيه وتعنق فيه )
امال:حطي خويا انتي علاش هزتيه(قربات منها بغات تحيدو ليها)
نجلاء: (هربات رشيد )حتى انا خويا ماشي غير انتي لي خوك
امال:رشيد خويا انا حطيه وبعدي منو
رشيد: (مد ايدو قمش امال لوجها حيت جات تشدو من عند نجلاء بزز)خايبة انتي سيري
امال:(شدات وجها وبدات تغوت ربي لي خلقها )ااااعاععع هئ هئ هئ ماما واعاعااع
(نزلات توريا من صطح كتجري )
توريا:مالك اش وقع معك
امال: (كتشير ل نجلاء) دربتني نجلاء شوف اش دارت ليا قمشاتني فوجهي حيت بغيت نشد رشيد لعب معاه وهي تقمشني(ناري على بطل حطاتو على لبنت)
توريا :اويلي اش دارت ليك اليوم نقتلك الحمارة نوريك تمدي يدك لبنتي وتقسيها
نجلاء: (كانت مصدومة فامال اش كاتقول حتى شافت توريا جات ليها )خالتي والله مادربتها ولا قستها هي
امال: عند اماما كنا كلعبو انا ورشيد وهي جات هزاتو قالت ليه ميلعبش معيا وقالت بلي هو ماشي خويا خوها هي
توريا: (جرات رشيد حيداتو لنجلاء من يدها وهو يبدأ ابكي مسكين شدات نجلاء من السفنجة لي دارت ليها وبدات تعطيها مرة تقرصها مرة تصرفقها )انا نوريك تحطي يدك على ولادي شحال من مرة تبريت منك بعدي على ولادي وانتي كتقلبي عليا هاكي لموت
نجلاء: (كطاكي على رسها مسكينة)والله مدربتها ولا قالت هذاشي لي كتقول انا غير هزيت خويا لعب معاه
توريا: ولدي ماشي خوك كتسمعي حتى يكون باك معترف بيك بعدا عاد تسمي ولدي خوك (شفافت الارض بنجلاء وطلقتها وهي تشوف فيها واحد شوفة )انتي هنا غير حيت واعد اباك جداتك اخليك تعشي فهذا الدار فتكمشي ومبقاش طلبي كتر حيت انلوح موك لبرى ومكاين لي ايقول علاش كتسمعي النحس المنحوس دبا سري تسرحي النعاج ومتورينيش وجهك فالدار ليوم
نجلاء: (دخلات هدرت مرت ابها لقلبها كيف سم جمعات لوقفة وكتشوف فمرت اباها بنضرة كلها الم ياريت دربتها وشبعات فيها عصى وغير متقول هذا الهدرة لي كتجرح دربات نجلاء برسها)اه وخا انمشي نسرح (خرجات نجلاء خلات ورها خوها رشيد كيبكي عليها لي بريئ مكيعرف والو ومشاعيرو صدقين مكيعرفش شنهي الانانية والحقد )
توريا: اسكت حتى انت لنجمعها معاك نوريك تبكي عليها
رشيد: ماما خايبة امال خايبة 😠(مشا كيدرب فمو ههه)
توريا: ياك جحموم هذاشي لي كتعلمك بغات تقلبك علينا ايوا الى باقي خليتها تقرب ليك منتسماش انا توريا
امال:ماما شوف وجهي درني
توريا :اجي ابنتي ندير ليك تلج وبوماطا
دخل سي براهيم
براهيم:السلام عليكم
امال:(غير شفتو جات تبكي وتبوحط)بابا شوف اش دارت ليا نجلاء قمشاتني ودربتني
براهيم: (شاف وجه امال )هي دارت ليك هكا
(كيقولها بشك )
امال:اه هي دارت ليا هكا وقالت رشيد خوها
توريا:براهيم غتقولها تبعد.على ولادي ولا راه نحط فيها يدي منبقاش نراعي بلي هي يتيم ولا نراعي لسهام(الله امسخك ماشي وكلتي لبنت دكاشي لي كلا الطبل نهار العيد وكتقولي مكتبغيش تحطي يدك فيها)
براهيم: توريا الله ارحم ليك الولدين لما قلبي هذا الكاسيط تاني راه كيدرني راسي منها خلني نرتاح وهديك انا غنتفاهم معها
عند نجلاء لي سرحات الغنم قريب من الواد جلسة ومحفضة تعها على ضهرها ودموع فعنيها حسات بالحكرة وبالضلم هي كلات العصى ومدارتش علاش وخرجات تسرح بلا متاكل والو من صباح
نجلاء: سهام اختي عافك رجعي رجعي دني معاك من عندهم 😭(بقات تبكي حتى فشات على خطرها )
:سلام نجلاء
نجلاء: (مسحات دموعها )سلام خالتي لباس
المراءة:لباس ابنتي وانتي
نجلاء: لباس اخالتي
المرأة:(كانت كتصبن فالواد وطلعات لديك بلاصة تنشر فيها الحوايج ولقات نجلاء تما )شفتك سرحتي فوصط النهار مخيفاش
نجلاء: لا راه مكينيش الشفارة هنا حتى حد مغيصرق المعازة(المرأة قصدات مخيفاش زعمة اغتصبك شي حد مي نجلاء بريئة مكتعرف فهذاشي اسحاب ليها هدرات على شفارة وجوبات على قد نيتها)
المرأة: (شافت فيها وتأسف لوضع تعها )الله احميك ابنتي(دوزات على راس نجلاء وهي تمشي فحالها هذي كيديروها الناس لي عرفين بينهم وبين الله قالك اليتيم الى معندك متعطيه يكفي دوز يدك على راسو بحب )