زواجي من صهري 💍مكتملة💍

الجزء 63 💍❤️

(اوس مفهم والو فهذا المصبة وحتى نتما كنضن مافهمتو والو انا نفهمكم نجلاء فاش شرا ليها ايوب تليفون هي ستغلاتي وبدات تقرا فيه وفاش كانت كتعصب وتدرب فيديها وتجرح رسها ودكشي مشات دخلات لجوجل وهي تبدا تبحت فيه حتى لقات علم النفس وخلات كتقرا فدكشي غير من تليفون ودخلات لكروبات فالفيس قرات علم نفس وباقي كتقرا فيه وداك دواء لي كتشرب هي لي خرجاتو لرسها حيت قرات على العراض لي عندها وعرفات اشمن دواء اولمها وباش تاخد هذا الدواء مشات عند طبيب نفسي فبني ملال وعاودات ليه الاعراض لي كيعالجهم داك دواء لي بغات هي وفيعلا طبيب خرجو ليها وعطها الورقة وبدات تشريه بديك الورقة حيت دروري تكون عند ورقة باش ابيعوه ليك وهو دواء خطير بزاف ونجلاء كتشرب فيه فاش توصل لواحد مبقاش تقدر تحكم فرسها كتشربوه كيرخيها ومكيخليهاش جهد لي تنوض بيه حيت الى ناضت تقدر تسب فكاريتة
نتمنى تكون وصلات الفكرة ههههه
خرجات نجلاء واوس توجهو لدار واوس غير مرقبها وسكت حيت قضات ليه الحجرات وصلو دار حل وهي دخل لقات العقروشة جلسة هي وسهام)
نجلاء:سلام
سهام: وعليكم سلام
الجدة:(خنزرات فيها )😒
اوس:سلام عليكم
الجدة وسهام :وعليكم سلام
الجدة :فين مشيتي ملي جيت مجلستي معيا كيف الناس اجي راه توحشتك
اوس:هاني الميمة(مشا تكى جنها وحط راسو على فخدها ) راه غير شي مشاكيل لي شغلوني
الجدة :(بدات كدوز ليه على شعرو )بحلاش هذا المشاكل
اوس:(خنزر فنجلاء لي واقفة كتشرب فالماء)والو الميمة غير الخدمة
الجدة: رخف على راسك حتى حاجة متستاهل
سهام: (شافت فنجلاء )نجلاء نسخ ليك تغداي
نجلاء: لا تغديت عند خولة غنمشي لبيتي(مشات دخلات لبيتها لاحت شكرتها وهي تكى فالسرير كتشوف فسقف جات فعنيها ديك لقطة ديالت اوس وجداه كيفاش وسد ركبتها وهي كدوز على راسو بحنية هزات يدها وحطتها على رسها كدوز عليه )اشمن احساس كيحسو دبا علاش مكنحس بحتى حاجة انا هاني كندوز على شعري بلطف وحنية ولاكين جاني عادي
دخلات عليها سهام لقتها متكية
سهام:حبيبة كيف دوزتي نهارك
نجلاء: مممم عادي (سيفطي الاستادة لسبيطار وخلتي طبيب كيعاود تفكير فتخصص تاعو وعادي من الفوق ايوا باز اختي)
سهام: مم مزيان (كدور فعنيها بغات تهدر مقدراتش)
نجلاء: (كتشوف فسقف)قول اش عندك
سهام: هاأ
نجلاء: بغتي تقولي شي حاجة قوليها دغية
سهام: نجلاء حبيبة بغيت منك تبدلي حوايجك وتجي تجلسي معنا حشومة الميمة جات عندنا اجي جلسي معنا حتى نتعشاو
نجلاء: من نيتك سهام كطلبي مني نخرج نجلس مع الناس الكبار لي مكتعجبهم حتى حاجة زعمة نجي نعطيهم صواب غير خلني اختي جلسة هنا راه هذاشي خاطني مكنعرف ليه
سهام :نجلاء عافك اختي اجي غير جلسي معنا راه حشومة
نجلاء: وخا هاني نبدل ونجي
سهام: (شافت فيها )حم نجلاء بغيتك ت ت
نجلاء: ت ت ت اشنو 😒
سهام: تلبسي شي حاجة مستورة فالدار
نجلاء: (شافت فختها )علاه انا معرية مفراسيش كنتعرا عليكم هنا ياك كلبس كي زوفري اش بغتو مزال
سهام :ماشي دكشي لي قالت انا قصد تلبسي شي حاجة تاع البنات ومستورة
نجلاء: (شاف فيها )واش كنحشم بيك اختي
سهام: (جات جلسات جنبها وشدات وجها بين يديها)لا احبيبة والله مكتحشمي بيا انا غير مابغيتش الميمة تبقا تنهر فيك قدامي حيت كيبقا فيا الحال الى شفت شي حد كيقلل منك قدامي احبيبة وانا بغيتك تلبسي هكا باش متعطيهاش فرصة فين تهدر عافك حبيبة
نجلاء: (شافت صدق فعنين اختها وهي تنهد)وخا بب يلاه غير سيري انتي هاني جاية
سهام: اوكي كنتسناك
نجلاء: (تبعات لعين ل ختها حتى خرجات )بوووف ها لخرى تاني دخل ليا بين العضم واللحم لبسو باش الجدة تكون مرتاحة (وقفات مشات دوشات وهي توضا خرجات نشفات شعرها ولبسات بيجامة نازلة نص كوم جتها طوب وهي تلبس واحد العباية صلاة لي فتها وهي تحيد زيف والعباية وخرجات عند الناس لكبار كيف كتسميهم باش تعطيهم صواب ههههههه
اوس:(كان باقي متكي فحجر جداتو حتى بانت ليه خارجة لبسة بيجمة طويل تصدم فيها حيت كتبان بحلا هزتي وحدة وحطتي وحدة اخرى )😮
سهام: نجلاء اجي اختي
نجلاء: (مشات تقدامت جلسات جنبها ويلاه غتهز رجل تحطها على الخرى شافت فالجدة كتشوف فيها وهي تحطها وبقات دور فعنيها
راضية : (كتشوف فنجلاء طلعها وتهبطها )ايوا ابنتي سهام بنادم داير كيف لحمار الا منغزتيه ميفهم
سهام : (تحرجات ) كيفاش مفهمتش
راضية : بحال ختك باينة تدخلتي عندها وطلبتيها عاد تسترات شوية
سهام : احممم لا الميمة هيا بغات تلبس هكا
راضية : بغا توريني هاد النوع راه كاموني الا متحك ميعطي ريحة
سهام : (بغات تبدل الموضوع ) هههه جدا يكما فيك الجوع
راضية : ( كتهضر مع نجلاء) زيدي هنا قدامي
سهام :(شافت فيها بعينيها وهي كتطلبها تنوض ومدير والو ) نوضي تكلمي انجلاء
نجلاء : (شافت فختها وناضت )😒😒😒
راضية : اشنو دابة نقصك شي يد ولا رجل لي تسترتي كي بنات العائلات المربين علاش نتي ماشي بحال ختك سهام باينة مرت باك رخات ليك بزاف
نجلاء : (زيرات علا يديها فاش سمعات مرت باك وعينيها حمارو كتحاول تكتم غضبها )😠
راضية : ولاكين هذاشي ميعطيك الحق ديري فراسك هذا الحالة كملي من راسك علاش سهام كبرات حتى هي فنفس الدار ومع مرت الاب وهي ربات رسها برسها اش فيها الى خديتها قدوة ليك
نجلاء: (كتشوف فختها زعمة دخلي هدري ولا غنوض نقلب عليها هذاشي )😒
سهام: الميمة
الجدة :سهام انا عارفة بقا فيك الحال ابنتي ولاكين راه خصها تسمع خلا ودنيها باش تعلم تحتارم راه مبقا ليها والو وتزوج وتمشي تعيش مع عائلة وحدة اخرى اش بغيتهم يقلو عليكم واش بغتها تعلم لولدها الى هي ممربياش اش غتربي لولدها
نجلاء: (زيرات على يديها وهي توقف )فاقد الشيئ لا يعطيه انتي الشريفة غير هني بالك ووفري كلامك الله اخليك حيت انا كنشوف لبعيد وطوموحي ماشي نرضي عائلة ونربي ولاد ونأسس دار(يلاه غتحرك وقفها صوت الجدة)
الجدة:خرجو عليكم التليفونات والافلام وليتو متحشمو مترمشو اش بغاية ديري الى مربتيش ولاد وتزوجتي وتسترتي فدارك راه المرأة بلاصتها جنب رجلها هذاشي الى لقتي لي اقبل بيك ويسترك وانتي هكا
نجلاء: (بلا مدور عندها نطقات )هن لباس لكم وانتم لباس لهن هذا قول الله سبحانه على المرأة(كملتها وهي دور لجدة عطتها موعضة في الدين خلتها مصدومة ) فشكون انتي لي تجي وتقولي بلي رجل هو لي كيستر المرأة الى ربي صبقها هي قال عليها هن لباس لكم وعاد دكر الرجال وقال وانتم لباس لهن علاش كطيحو من قيمت المرأة وربي عطها قيمة ودار صوة قرأنية بسم النساء (شافت فيها وهي تنهد)تشرفت بيك مدام راضية وفرصة سعيدة (مشات دخلات لبيتها وسدات لباب خلات كلشي ورها مبلوكي كيتعجو فيها
سهام: (شافت فهم وهي تنوض)نمشي نشوفها
الجدة:😳😳
اوس:(تبع العين ل سهام حتى دخلات وهو يدور عند الجدة )الميمة مبقاش تقساي عليها هكا هي باقي صغيرة وطايشة
الجدة: انت لي صغير وطايش مشفتيها اش كتعرف هي راه كدير هذاشي بالعاني ملي عارفة ربي اش قال علاش كتعرى وتخرج بنات اخير زمان
اوس:(تنهد وعقلو مشغول فنجلاء كل مرة تصدمو يإما بتصروفتها ولا هدرتها ولا بسكتها باقي مبغاتش تفهم ليه كلما قال صافي راه عرفتها وحفضتها كتصدمو بلي باقي واحد الجانب فيا مكتشفتيه بينو وبين راسو)اش مخبية مزال انجلاء
عند سهام لي دخلات عند نجلاء
سهام:نجلاء حبيبة
نجلاء: سهام عافك مبقاش تحطني ف بحال هذا الموقف اليوم شديت راسي وحاولت نطلع لسينها باش نجوبها مرة جاية نخرج فيها نيشان والله لا عقلت على شي حد
سهام:نجلاء حشومة حترميها غير على قبل سنها
نجلاء: الاحترام اختي كيتكتاسب ماشي كيتعطى غير هكاك حترم راسك يحترمك بنادم انا حترمتها هي مبغاتش تحتارم رسها والى عودات حكات عليا راه منضمنش راسي
سهام: هانتي قالتها اختي حتارمي راسك باش احترموك الناس لبسي كيف البنات و(قبل متكمل)
نجلاء: اختي راه الناس مكيكسبوش الاحترام بالحوايج راه نقدر من غدا نمشي لبس نيقاب ولاكين نقدر ندير بزاف دالحوايج خايبين دبا اش بغيتو مني اشن بغيتو تصنعو مني اختي غير فهموني اش بغيتو وعلاش جبتني من لبلاد علاش واش باش تسارجيو فيا كتر ما انا مسرجية هاأ كنبعد وندير لما منين ايدوز انت ورجلك تعلقو على لباسي جداه معرفت اش بان ليها فيا من شوفتها لولة ليا بدات طلق فالقرطاس تجنبتها سكت انتي لا نجلاء اجي جلسي معنا حشومة لا نجلاء مدريش هذا نجلاء نوضي تكلمي اش بغتي اختي ندير ليكم كتر من هكا
سهام: نجلاء
نجلاء: نجلاء نجلاء نجلاء ااوف الحمد لله ملي باقي مفكرين بلي انا نجلاء ماشي آلة تحركو فيها كيف بغيتو تهدروها الوقت لي بغيتو وتسكتوها الوقت لي بغتو
سهام: حبيبة علاش كتفكري هكا علاش حنا غير
نجلاء: انتما شكون نتوما انتي ورجلك وعائلتو سهام انا راه نجلاء وانا هكا ديرة بغيتو تقباوني هكا مرحبا مبغيتوش راه هذاشي لي عطا الله انا راه مغنغيرش راسي على قبل نرضي الناس فبلا متحاولو معيا حيت غتعياو انا غتبدل فاش نبغي نتغير فقول لرجلك اوفر فلوسو ديال الطباء النفسانين ويفوتني عليه وحتى انتي حاولي تقبلي بلي ختك هكا ديرة وشكرا
(جرات ليزار تغطات )طفي ضو معاك
سهام: (تهندات وهي طفي ضو وخرجات)😢