سهام: (عنيها حمرين وجها كيقطر بالعرق سافت فيه وجلسة تقلد فيه كتنفس)ااوف ااوف ممم اربييييييييييي اوس اععع(عضاتو فكتفو حتا ساح دم)
اوس:صبري حبيبة عافك (ناض وقف حل لباب وخرج لمراح تلف معرف ميدير
نجلاء: سمعات الغوات تاع ختها وهي تنوض جات كتجري كانت لبسة سروال توب وتيشورت تاعو فالشيبي شافت اوس كيدور فالمراح )اش كين شواقع مالها سهام
اوس:سهام كتوجع هي كتولد
نجلاء: (شافت فيه وهي تخرج عنيها )طبيب جري ندوها عند طبيب اوس
اوس:(تلف وغدي بغا يخرج)اه نجري عند طبيب
نجلاء: اجي نديو سهام بعدا 😠(دخلات عندها لقتها كتوجع مشات شدات فيها )سهام حبيبة لباس عليك صبري اختي صبري
سهام: (شدتها زيرات ليها على فخدها بيديها )نجلاء مممم ختي كنموت اربي
نجلاء:(غمضات عنيها بحر داك زيار لي زيرتها سهام سمعتها قالت غنموت وهي تعنقها)لا مغديش تموتي مغنخلكش اختي تخلني (وقفات نجلاء تسجعات وهي تجبد عبية من درسينغ لبستها لختها لي كانت لبسة سوميج ودارت ليها زيف)نوضي معيا انتي غتولدي بخير اه غنمشيو لطبيب وكلشي يولي بخير ياك ختي يلاه اجي
سهام: مقدرتش نتمشا مقدرتش ايي مي
اوس:(كان برى كيعيط لكنينك يوجدو ليه كلشي وعيط لطبيبة تاع سهام وجاي داخل لقا نجلاء لبستها ووقفتها )
اوس:سهام حبيبة انديك تولدي كلشي غيولي بخير كلشي غيدوز مزيان (تحنا هزها بين يديه وكيجري وسهام كتغوت ربي لي خلقها )
نجلاء: (هدرات مع الخدمة )ردي لبال ل أويس حتى رجعو (مشات كتجري لبسة غير بجمة وسندلة تاع صبع شعرها مطلوق لقات اوس حط سهام فللوطو وهي طلع حدها للور وشدات رسها فحجرها )حبيبة تنفسي
سهام: (تمخشاشت فصدر نجلاء) نجلاء حبيبة انا كنموت كنموت اربي كرشي كتشرگ اختي😭😭
نجلاء: (عنقها وكتبكي )مغيوقع ليك والو مغيسرى والو انتي غتولدي بخير انا معاك انا جنبك
اوس: (كيسمعها وهو يزيد يورك على الفيتاس)صبري عافك سهام ها حنا غنوصلو لسبيطار كلشي غيدوز مزيان
نجلاء: اه اه ختي غتولد لينا بنوتة زوينة ياك اختي وغتبراي ونديرو ليها سبوع شفتي كان كيعجبوك لبنات تقادي لهم شعرهم وكيعجبوك حويجات لبنات ربي عطها ليك غدي نمشيو تولديها وغتشوفيها غتكون زوينة
سهام: اه غتكون بنتي زوينة بحالك ممم انا غنسمها إقبال باش تكون مقبولة عند كلشي
نجلاء: اه اه ختي
سهام: (صوتها بدأ كيتقال )ممم عيت.
نجلاء: سهام ختي حلي عنيك
سهام: انا غنعس عيت (كملتها وشدها واحد لوجع وهي تغوت ربي لي خلقها)اااعاااعاااعاعععع
نجلاء:😭(بقات فيها ختها بدات تبكي معها )
وصل اوس قدام لكنينك لقاهم وجدو ليه البياص جاو كيجريو بيه نزل وهو عريان من نصو هز سهام حطها فالبياص ونجلاء نزلات جات شدات فيدها غدين جنبها
سهام: مدات يدها ونطقات )نجلاء
نجلاء: (شدات فيدها )هاني معاك اختي هاني معاك حبيبتي
سهام: ولادي ولادي امانة عندك اختي ولادي تهلاي فهم بغيتك تكوني ليهم أم واخت وخالة وكلشي كوني لهم كلشي اختي
نجلاء: لا انتي مغيوقع ليك والو انتي غترجعي عندهم هوما محتاجينك انتي وانا محتاجك كتر منهم مغيوقع ليك والو
سهام: (لعرق كيقطر منها ودم غدي من تحتها زيرات فيد نجلاء) وعدني اختي الموت الحيا هذي وعدني عافك😭
نجلاء: (شافت فعنيها وهي تغمض عنيها ونطقات) كنوعدك اختي كنواعدك غنربيهم وغنكون هذاشي لي قالتي انا غنكون أمهم وخالتهم واختهم وغدي نربيهم ولاكين معاك اختي معك انا وياك غنكبرهم انتي مغيوقع ليك والو والو والو(طلقات من يد ختها وقفات كتقول ديك والو والو ودموع غدين من عنيها جلسات على ركبيها وكتفرك فيديها وكتقول)انتي ختي وعدتني عمرك تخلني انتي مغديش تخلني نخصر ماما مرة اخرى انا خصرت ماما وخصر جدة مغديش نخصرك حتى انتي عافك ختي متخلنيش انا محتاجة ليك بزاف انا محتاجة ليك
عند اوس لي غادي مع سهام غدخل لبلوك وهي شدات فيدو وكتشوف فيه
سهام: اوس
اوس:شش متقولي والو متعبيش راسك وفري طاقتك احبيبة انتي غتولي بخير انتي قوية وغدخلي تولدي وترجعي ليا كيف ولدتي أويس ورجعتي ليا حبيبة انا محاتجك ولادنا محتاجينك ونجلاء حتى هي محتاجك
سهام: (زيرات ليه على يدو وكتنفس بشوية نطقات )اوس انت ديما كتواعدني وكتكون عند وعدك ليا بغيتك تواعدني عافك هئ هئ وعدني اوس الى وقعات ليا شي حاجة
اوس:(حط صبعو على فمها)شش مغيوقع والو
سهام :اوس غير وعدني الى وقعات ليا شي حاجة نجلاء أمانة فرقبتك هي وولادنا وعدني اوس
اوس:متقوليش هكا انتي غترجعي لينا ونجلاء انتي غتزوجيها بيدك وغتحضري عرسها وعرس أويس وبنتنا وغنولدو وحدين اخرين
سهام: اوس وعدني اوس دبا انا بغيت نسمعها منك اوس عافك نجلاء وولادي امانة فرقبتك وبغيت منك الى وقعات ليا شي حاجة متربطش هذاشي بنتي وتحملها دنب عافك اوس
اوس:كنواعد كنواعد حبيبة انا عمري نربط شي بشي انتي غترجعي ليا متقولي والو عافك
سهام: وعدني اوس(مدات يدها حيدات سلسة لي فعنقها وجمعتها حطتها فيد اوس وكتهدر بصوت تقيل )اوس نجلاء بابا
اوس:(شد من عندها سلسلة ونطق)كنوعدك نجلاء غنديرها فعني هي وولدنا عافك غير سكتي وفري طاقتك متجهديش راسك
سهام: (بدات كتسخف كتحاول تهدر )بابا هو هو ....
غمضات عنيها ودخلوها لبلوك من بعد محبسو اوس لي كان شد فيدها حتى حبسوه وطلقو يديهم وبقا واقف متبع ليها لعين )
اوس:انتي غترجعي ليا احبيبة انا وياك وعدنا ريوسنا نبقاو مع بعض ياربي حميها ياربي رجعها سالمة غانمة يارب (مسح على راسو ودار بانت ليه نجلاء طايحة على ركبيها كتبكي مشا عندها لقها كتهتر )
نجلاء: (كتهدر بهسترية)انا منقدرش نخصرك اختي منقدرش نعيش بلا بيك انتي مغيوقع ليك والو اه والو هي غتنوض غتولد وتنوض مغيوقع والو والو
اوس:(نزل عندها وهو يعنقها )نجلاء شش مغيوقع والو
نجلاء: (غير حسات بيه عنقها وهي تعنقو)اوس هي غتولي بخير ياك ختي مغتعاودش تخلني مرة اخرى هي وعداتني نعيشو مع بعض اوس متخليهاش تمشي عافك
اوس:شششش سهام قوية هي غترجع لينا نوضي من الارض حنا ندعيو معها ترجع لينا (نزلات دمعة من عينو ومسحها دغية )
وقف نجلاء حطها فوق كرسي وبقا هو واقف كيمشي ويجي والممريضات حالين فيه فمهم حيت سيد سلو من الفوق وليزابدو ديالو كيبانو مطراسين والكرش كيف الفركة ريوك الممريطات سالو فهذا اللحضة ولاكين شكون تسوق ليهم اوس عقلو وقلبو دخلو البلوك مع مراتو حبيبتو بقا يمشي ويجي تما شي نص ساعة كيدعي وهو متوتر حتى فيقو صوني تليفون تاعو صونا وهو يجبدو من جيب تاع شورط
اوس:وي فهد
فهد:اوس اينة كنينك انتما
اوس:واش وصلتو
فهد:اه عاد نزلات طيارة
الجدة:(حداه فللوطو)سولو واش سهام ولدات
اوس:(سمعها وهو )لا باقي هي فالبلوك دبا فهد انا غنسيفط ليك العنوان تاع الكنينيك وجيب ليا معاك شي تيشورت
فهد:وخا خويا
(سيفط ليهم اوس لعنوان هو عيط ليهم فاش شد تلوجع سهام وجاو فالطيارة من فاس لكازا جات الجدة وفاختة وسي مصطفى ومريم وفهد
الجدة:اللهم يسير ولا تعسر اللهم لطفك يا الله
مريم:ماما رخفي على رسك غينزل ظغطك تاني
الجدة:(كتسبح ودعي مع سهام )
وصلو الكل لكنينيك مشات فاختة كتجري عنقات ولدها
فاختة: ولدي مغيوقع والو حبيبي سهام غترجع
اوس:ياربي امين دعيو معها الوليدة دعيو مع سهام الى مشات غنتبعها انا منقدرش على فرقها
الجدة: تبت اولدي ربي غيسر الامور ان شاء الله
مصطفى: الله يقومها بسلامة يارب
فهد:(شاف فنجلاء لي جلسة كتهزز برجليها مشا عندها جلس حدها وحط يدو على رسها)نجلاء
نجلاء: (غير سمعاتو وهي دور تلاحت فحضنو)فهد ختي ختي قالت نوعدها هي خدات مني واعد هي بغات تخلني افهد هي بغات تمشي بحال ماما انا نحس ا فهد انا نحس لي كنبغيهم كنخصرهم
فهد: (زير عليها)شش متقولي هكا سهام غتولي بخير هي دخلات تولد وراه ولدات من قبل بنفس طريقة مغديش يوقع ليها والو
أنت تقرأ
زواجي من صهري 💍مكتملة💍
Romance💎مكتملة💎 ❌حصرية على الواتباد ❌ ها واحد سلام عليكم حبيباتي بلسان الكاتبة: جبت ليكم بقصة جديدة بلا منقول عليها قمبولة💣 الموسم حيت انتما لي غتحكمو فالاخر واش قصة ناجحة ولا غير خربشة 😏 مممم قسوة الاب وفقدان الام 😢حب الاخوة👭👫 حنان الجدة👱 زوجة ا...
