زواجي من صهري 💍مكتملة💍

الجزء 107 💍❤️

نجلاء:(حطات واحد ليد على صدرو كدفع فيه ) انتا راك تسطتي سير داويراسك ولي كتهدر عليهم شحال من مرة قتلك خوتي هدوك
اوس:( مخلاهاش تكمل حيت جاتها تصرفيقة ثلاثية ابعاد من عندو) و انا شحال من مرة قلتلك هما ماشي خاوتك اي واحد ديز ليك لزواج ماشي خوك ولاكين انتي كديري غير الي في راسك حيت والفتي تقحبين ولاكين متخافيش انا نحيدهم منك غدي نخليك تشوف حس راجل دوري وجهك
نجلاء:( ر حس بيدها غدي تهرس حيت كيهدر ويزير ليها على يدها )علاش انت شد فيا هذا شدة وملصقني معاك هكاك الي كيهدر على دين وعلى المحاريم وعلى شكون دايز ليا نعنقو وشكون لا دبا طلق مني وبعد عليا انت اخير واحد يهدر على دين حيت مكديرش بيه وباغي طبقو على الناس
اوس:( بقا كيشوف فيها كيف معصبة وكتنتر معاه وشفيفها كيتحركو وتفاصيل وجها كيف كتعبر بيهم وهي معصبة سها فيها نسا علاش شدها ولا اش كان قال ولا اش كتقول هي فيقو غير صوت الام ديالو لي كتعيط نجلاء وصوت خطوتها كيتسمع دليل بلي جايا عندهم طلق من نجلاء وهو كاره راسو حيت شاف فيها بشهوة دفعها بعدها عليه حيت حس بسخونية ) مزال مكملت معاك مزال غنتفاهمو 😠(خرج ومشا بزربة نزل لتحت وتلاح فالبيسين بحوايحو وهو يسب فراسو )
نجلاء:(مشات حلات لماء ونزلات وجها كتغسلو )نعم خالتي
فاختة:(جات عندها )بنتي صيبي البيبرونة ل إقبال مبغاتش تسكت ليا حيت فيها جوع
نجلاء:وخا خالتي انا نقدها (جبدات نجلاء الحليب والماء طيب كتقاد فالبيبرونة ل إقبال وهي عاطية بضهر ل فاختة)
فاختة:شفت اوس خرج زربان ومشا نزل لتحت
نجلاء: (سمعتها وتفكرات اش دار بنتهم وهي تنطق)خالتي قولي ل اوس مبقاش يدخل فيا عافك حيت عيت وجلسة هنا غير على قبل الولاد واوس خاصو يبعد عليا حيت منضمنش راسي شحال نصبر ليه
فاختة:(قربات عندها )مالو اوس اش دار ليك انا نتفاهم معاه
نجلاء: خالتي هو كيدخل فيا وفحياتي ومعندوش الحق ادير هذاشي
فاختة:(تنهدات )بنتي هو كيخاف عليك دكشي علاش كيدخل
نجلاء: خالتي عافك هدري معاه يعطني بتيساع هو راه مبقا ليه والو ويدخل ليا بين العضم واللحم مرة على الباسي مرة علاش هدرت مع خوتي وعلاش قربت من فهد علاش خرجت انا من قبل كنت نسكت على قبل ختي ودبا مبقاش نسكت ليه حيت عيت والى باقي جلسة معاه فغير على قبل ولاد ختي
فاختة:(قربات ليها وهي تشدها جلستها فكرسي وجلسات جنبها وهي تنطق)نجلاء بنتي فراسك اوس عمرو دخل فشي حد ولا علق عليه لا على لباسو لا على حياتو من غير ختو هاجر حيت كتهمو وكيعتبرها منو وكيف حتى انتي كيعتبرك منو وكتهميه دكشي علاش كيدخل فيك ويهدر معاك هو اوس عصبي مكيعرفش يوصل هدرتو بالخاطر ولاكين راه قلبو حنين وكوني اكيدة كون مكتهميه والله لا عبرك ولا تسوق ليك وخا يشوفك عريانة ودليل إيمان قبل متغيريها ههه شفتيها كيف كانت تلبس وتصرف وهي بنت عمتو ومكدخلش فيها حيت مكتهموش
نجلاء: (شافت فيها وهي تنوض وقفات )خالتي قوليه بلا ميهتم بيا ولا يشغل بالو معيا انا قادة براسي وعارفة حدودي وقوليه كل واحد يهتم بحياتو ويديها فسوقو انا وياه كيجمعونا غير الولاد وبس الى عندو شي حاجة كتخص دراري وبغا يهدر فيها مرحبا من غير دكشي فبلاش ميهدرنيش حسن
(كملات هدرتها ومشات حطات البيبرونة فالماء تبرد ل إقبال اما فاختة جلسات كتشوف فيها وتهدر بينها وبين رسها)
فاختة:كيفاش غتدير نقنعها تزوج بيه هي محملاتوش بمرة اكيد غدي تعيني بزاف باش تقتانع 😒🤦🏼‍♀️
نجلاء: (مدات ليها بيبرونة )هاكي خالتي رضعي اقبال انا نجمع المواعن ونوجد شي صوبا ل اويس غيفيق ابغي ياكل
فاختة:حم وخا ابنتي (هزات اقبال ومشات توكلها فبيتها نعستها وهي تنزل عند اوس لقاتو لتحت جلس جنب لبيسين وحوايجو سردين وكينهج )اوس
اوس:اش كاين تاني
فاختة:(قربات عندو وقفات عليه)اش درتي لبنت مالك معها
اوس:شكون البنت
فاختة:اوس راك عارف علمن كنهدر علاش كتزير فيها هي(قبل متكمل قطعها اوس)
اوس:هي غتكون مرتي وغتكون ام ولادي يعني خصها تربى باش تربي
فاختة:تربية ماشي بزيار والحكام هانت نفرتي لبنت منك كيف غدي ندير نقنعها دبا تزوج بيك وهي محملاكش 😠
اوس:(راسو بغا يتفرگع عليه )قنعيها كيف بغتي والى مبغاتش انا نتزوجها بطريقتي
فاختة:اشمن طريقة كتهدر عليها
اوس:ياك بغتي غير ورقة تبت زوجنا انا غنجيبها ليك
فاختة: لا لا تزوير هو لي بقا لينا
اوس:شكون قالك غنزور شي حاجة انا غندير عقد حقيقي وتوقعو نجلاء بلا متعرف وها حنا مزوجين وغدي ندير ليك منو نسخ ولي سمعتيه هدر علينا خشيه ليه فوجهو
فاختة:لا هذاشي هو لي منقبلش كتسمع زواج راه ماشي لعبة زواج راه فيه القبول وصداق وموافقة ولي الامر تاع البنت وشهود حنا راه مسلمين ونجلاء غتعرف بهذا زواج وغتقبل به انت غير فوتها عليك فهذا الوقت بلا متزيد تخليها تنفر منك كتر مهي نافرك(كملات وهي تخنزر فيه)نوض نشف راسك دبا يدربك البرد
اوس: غير خليني نبرد العافية لي شاعلة فيا 😒
فاختة:الله يهديك اولدي الله يهديك ويفرج همك
اوس:امين (شاف فيها بشك)علاش جتي تهدري معيا على نجلاء وطلبي مني نبعد عليا ومندخلش فيها
فاختة:هي طلبات مني نهدر معاك فوتها عليك اولدي الله يرضي عليك البنت لي فيها كافيها
اوس:(زير على يدو متسرطاتش ليه نجلاء تشكيه لمو طلع مع دروج)😠
فاختة :اوس(طلع مدارش عندها )الله يهديكم على بعض اولدي اعود بالله نسيت مصليت ضهر (مشات دخلات لدوش لتحت توضا اما عند اوس لي طلع مشا لبيتو دخل لدوش وهو معصب)
اوس: بغا مني نخليها تعنق لي لقات وتلبس كيف بغات ودير لي بغات هي لي عمرها غتكون ليها وخا نجلاء مزال نتفهم معاك نوريك تمشي تشكي الوليدة كنهدر معاك باش دري عقلك ودري حدود بينك وبين الرجال وانتي مشيتي صيفطي ليا الوليدة تقول ليا رخف عليها بلاتي مزال نزير لموك الحزام مزيان نوريك
دوش وخرج تكا فبلاصتو وكيفكر اش دار مع نجلاء وعلاش كيتعصب منها وتفكر هدرت امو بلي هي نفراه ومحملاه تنهد)انا لي ميت عليها برهوشة الخرى خرجات ليا فعودي شيباتني قبل ودبا بغات طرطق ليا شي عرق فالراس 😠 (بقا اوس يخمم ويفكر حتى داتو عينو)
دازت اسبوع على رجوع ديالهم لكازا علاقة اوس ونجلاء ولات حدودية بزاف هوما كيتعملو مع بعض فحدود نجلاء كدير شغال تاع الدار وكتعاون على الولاد هي وفاختة وكتنخل اوس مبقاتش كتحاك معاه بزاف وحتى هو فرقها عليه حيت اصلا معندو علاش يتعصب ولا مناش نجلاء جلسة فالدار ومكين لا دراري لي يعنقوها لا والو هههههه
اليوم صباح الحال فاقت نجلاء بكري فيقتها إقبال هزتها وخرجتها الكوزبنة تقاد ليها الحليب وباش متفيقش ليها اويس نجلاء لبسة سروال توب خفيف فالسيبي منقط بالجري ومعه تيشورت فالگري وشعرها مجموع كعكة مهملة وإقبال بين يديها وقفة فالكوزينة كتقاد الحليب حتى شمات ريحة ماشي غريبة عليها وحسات بشي حد وقف ورها جمدات بلاصتها
اوس:(جا وقف ورها وهو ينزل باس ايقبال بحب وجهو خشاه جيهت عنق نجلاء حيت تما فين حطات إقبال رسها )صباحووو بنوتي صباح الخير زوينات تاع بابي
نجلاء: (توترات من القرب ديالو تحركات بعدات منو منو )😒
اوس:(شاف فيها كيفاش هربات منو وهو يتفكر كلام امو بلي هو سباب حتى نفرات منو بغا يلطف معها )حم نجلاء صباح الخير
نجلاء: (بينها وبين رسها)صبحت لله صبحنا على الله وملائكة الرحمان
اوس:هدرت معاك مكينش صباح الخير زعمة هذاشي راه خصنا نعلموه لولاد والى بغينهم يتعلموه خاصهم يشفونا حنا كنديرو بيه
نجلاء: صباح الخير سي العلامي
اوس:سمتي اوس علاش مكتقوليهاش كنتي من قبل تقولي صهري دبا سي العلامي
نجلاء: (شافت فيه وهي دور هزات بيبرونة تاع إقبال وبغات تخرج)😒
اوس:( شافها كيفاش نخلاتو وبغات تخرج وقفها ) اعطيني اقبال انا نعطيها تاكل قبل منخرج
(نجلاء شافت فيه وهي تمدها لو او شافت بلي مزال الحال وفاخيتة باقي مغديش تفيق يعني مكينش شكون يوجد فطور لاوس من غير الى وجدو لراسو تنهدات و هيا دارت فيه مزيا دارت بدات توجد فالفطور و حطتلو في طابلا خرجات لصالون لقات اوس وكل إقبال و كيلعب معاها فرحان بيها بقات تشوف فهم من قدام لباب تاع الكوزينة ديما الانسان فاش كيشوف شي حاجة فقدها فحياتو كيبقا يشوف فيها بكل تركيزو وتبع مع كل تفصيلة من تفاصيل الصغيرة وهذاشي ليا دارت نجلاء بقات مركزة مع اوس كيف كيبوس ويعنق ويهر ف اقبال وخا هي باقي صغيرة على هذاشي شافت الحب فعنين اوس فرحات ل إقبال بزاف )
اوس:يلاه عند مامي (شاف نجلاء وقفة وهو يوقف باس اقبال و اعطاهالها و كان غدي يخرج حتى وقفو صوت نجلاء لي باينة متوترا)
نجلاء: احم مابغتيش تفطر اوس:(دار شاف فيها ) الوليدة ناعسة انا مفياش الي يوجد شي حاجة دكشي علاش فطريقي غدي نطرگ شي كافي نفطر فيها (كمل هدرتو ودار بغا يمشي وقفو صوت نجلاء تاني )
نجلاء: متحتاج تمشي تفطر فشي كافي انا وجت الفطور حيت خالتي غدي تنوض دبا نفطرو (نجلاء مبغاتش تقوليه وجدت ليك الفطور مرضاتش هههه )
أوس:(شاف فيها) وجتيه الخالتك ياك(شاف فيها وهي حركات ليه رسها زعمة اه ركز فيها شوفة وهو ينطق ))على 6:30 تع صباح ياك( نجلاء وجها ولا حمر كرهات رسها حيت دارت ليه شي فطور بتاسم اوس مبغاش يزيد يحرجها ) مممم اليوم نفطر على ضهر الواليدة (قالها ومشا للكوزينة يفطر اما نجلاء مشات تجري للبيت بلا مدور موراها ندمات حيت حنات فيه هههههه)
نجلاء: (سدات لباب وهي تكا عليه)ايخ تفو مدير خير ميطرى باس اش داني نوجد الفطور لمغرور لاخور زمر تفو
(عند اوس لي مشا جلس وهز قهوة تاعو لقها كيف موالف يشربها شاف الفطور مشكل ومتيول بتاسم حيت عرف نجلاء متولة فهذاشي )ممم لي شاف هذا طبلا يقول لي وجدتها بعقلها ومنضمة فحيتها مي العكس البرهوشة كتنضم الطبلا كتر مكتنضم حيتها (بدأ كياكل حتى شبع ناض وقف ومشا وتوجه لباب لبص صباطو وهز الكونطاك تاع للوطو ونزل توجه الخدمة لي ولا كيدوز فيها اغلب وقتو
عند نجلاء لي رجعات إقبال نعستها وخرجات مشات جمعات الكوزينة وبدات تخمل فالدار وتجمع فيها قدتها وهي تعجن الخبز كرساتو وخرجات الدجاج باش ديرو الغداأ فاقت فاختة القات الدنيا مجموعة والفطور واجد ومكينة الصابون خدامة كتصبن والخبز كبطيب
فاختة:بسم الله الرحمان الرحيم تف تف (كدفل فحويجها اسحاب ليها جنون لي خدامين فالدار هههه نجلاء جات من ورها هزات اويس لي مدوش ولباس حويجو )
نجلاء: صباح الخير خالتي
فاختة: صباحووو بنتي شكون جمع الدار ودارت الخبز يطيب والفطور
نجلاء: انا اخالتي فيقاتني إقبال بكري ومجانيش الناعس وقالت نوض نسالي شقا