زواجي من صهري 💍مكتملة💍

الجزء 148 💍❤️

زياد: (مفهم فيها حتى وزة دار بان ليه اويس واقبال نعسين )😒
نجلاء:(شافت فيه ونطقات)هدوك الولاد صغار بزاف عاد خصرو امهم ولاكين لقوها فيها كيقلو ليا ماما هوما خصرو ماماهم وكيشفوني ماماهم وانا على قبلهم ضحيت براسي وبشحال من حاجة وعلى قبلهم انا مخاديعة خدعتك ا زياد دبا واش نمشي معاك ونخدعهم نخليهم وريا اقلبو على ام ثالت ولا اشنو غير قول ليا اش ندير ازياد دبا انا غدي نخليك انت تقول اشنو ندير هدوك ولاد صغار محتاجيني فكفة وانت فكفة ختار ليا ا زياد شكون لي نبقا معاه الى بغتي فحياتك وحدة موفاتش بوعدها لولدها وهربات وخلتهم وهوما صغار يلاه معيا زياد زيد يلاه نمشيو ياك هدشي لي بغيتي واش فنضرك اتبقا دير فيا التقة وانا خنت تقت ختي وولادي فنضرك غتعيش معيا شي حياة زوينة بلا متشوفني أم خاينة لولدها هأ(دمعو عنيها مسحاتهم وهي تجرو )يلاه زياد نهربو من هنا يلاه نعوضك عام ديال الانتضار زيد معيا

زياد : (وقف جمد فبلاصتو وهو يحيد ايدو من يديها ودموع كينزلو من عينيه ومشا باس اويس واقبال) منقدرش ناخد ام من لولادها انا ماشي اناني لهذا درجة سمحليا نجلاء على كل كلمة قالتها

نجلاء :(شافت فيه كيف كيبكي وهي تبتاسم حيت عارفة بلي زياد فالداخل ديالو انسان طيب بزاف دكشي علاش جابتو ورات ليه الحقيقة حيت عرفات الى شاف دراري اكيد غينسى كلشي ومبقاش احس بشمتة وهذي هي نجلاء لي مكتبغيش اتخلق انسان سيئ فالدنيا هي من قبل قالت ل ايمان مبغيتش تكون نجلاء اخرى ودبا جابت زياد تفهمو بطريقتها حيت مبغاتش اتحول ل انسان سيئ بسببها بتسمات وهي تنطق)حتى انا منقدرش نخلي ولادي على قبل شي راس الطارو

زياد: هههه الله اخليهم ليك يارب
نجلاء: امين يارب شكرا زياد حيت تفهمتي الوضع وانا كنتمنا من الله اسهل عليك بشي بنت الناس لي تعوضك كلشي يارب
زياد: (شاف فيها وبتسم )امين يارب سمحليا حيت دخلت عليك لديك طريقة
نجلاء: (شافت فيه وهي تنطق)اودي الحمد لله ملي غير كنت بوحدي
زياد: ههههه الحمد لله ملي مكين سي العلامي ادوخني شي سمانة تاني
نجلاء: هي الى خرجتي دبا
زياد: غادي نخرج يلاه تهلاي (مشا حتى جيهت لباب ونطق)نجلاء
نجلاء: نعم
زياد: هو كيبغيك بزاف وكتر مني ومن اي واحد فالدنيا عطيه فرصة 😊(بتسم ليها وخرج كيزرب فالمشية تاعو مبغاش اشفو شي حد هنا ويسبب فمشكيل ل نجلاء غدي كيزرب وكيشوف لور وفنفس الوقت جاية هاجر من بيتها زربانة بدلات حويجها لبسة فراشة فالزرقة وكتقاد فالطوينگة فودنها مشافتش قدمها حتى تزدحات هي وزياد جنب دروج كانت اطيح غير شدها زياد ف اخير للحضة )
هاجر:ناري غنطيح ياربي نكون غير كنحلم ياربي (غمضات عنيها وكتبكي )
زياد: (شاف فيها جابت ليه ضحك ركز فيها شوفة شحال وهو ينطق)مطحتيش شديتك
هاجر: (حلات عنيها لقات رسها بين يدين زياد شافت فيه وهي تنطق)لا صافي وليت كنحلم ديال بصاح تفو حلم فحلم اش هذاشي اربي وليت نحلم وعني مفتوحين(بدات كتحك فعنيها وترمش وتشوف فزياد)زياد
زياد: هههههه اربي واش انتي طبعية
هاجر: (مدات يدها بغات تقرص رسها قرصاتو فيدو حتى كان ايطلقها)حقيقة هذي
زياد: اييي مالك تصطيتي المسمومة (وقفها وبدأ كيحك فيدو حيت قرصاتو بدفرها)
هاجر: (بقات كتشوف فيه )كين شي مسموم قدك ناري علاش دخلتي فيا كنتي غطيحني وزيدها كضحك عليا
زياد: (شاف فيها وهو ينطق) لا باينة انتي مسرفقة فمخك (قاد حويجو وغادي نازل وهو يدور عندها)باش عرفتي سميتي😒
هاجر: (كانت سهات فيه حتى فيقها وهي تعقد غوبشتها)باش انعرفها ولا فين كنعرفك اصلا
زياد: (شاف فيها)جاب ليا الله بحلا سمعت سميتي من فمك لا
هاجر: غير كتحلم وانت فيق
زياد: امكن عديتيني (مشا نزل كيضحك وغادي حتى قرب اخرج وهو يدور شاف فيها لقها واقفة بلصتها)
هاجر: (كانت واقفة وكتقول )الى عجبتو غيدور يشوف فيا اه غيدور هاهو غيدور دور يلاه زياد عافك عطيني اشارة باش نتشبت بيك دور خلاص(غير دار شافتو وهي تبتاسم بفرح غير خرج وبدات تنقز )ياس ياس دار اه دار شاف فيا عجبتو
عند نجلاء خرجات من بيت دراري مشات لبيتها لبسات فراشة فالخضر وفيها لزيسطخاس فالصدر جاتها زوينة وطلقات شعرها وهي تخرج طلات على دراري لقاتهم ناعسين وهي تمشا بغات ترجع لحفلة حتى بانت ليها هاجر كتنقز بحال المسطية
نجلاء: بسم الله الرحمان الرحيم اللهم ان كان سحرا افبطله (شافت فيها)مالك الخرية
هاجر:(دارت شدتها كدور بيها )عجبتو اه عجبتو اختي
نجلاء: شكون
هاجر: زياد زياد كنبغيه ودبا شفتو وهو دار شاف فيا
نجلاء: (شدتها وقفتها حيت دوختها)وفقي وشرحي ليا علايش كتهدري
هاجر: حم احم
نجلاء: انا ختك هدري قولي كلشي
هاجر: (بدات تعاود ليها من نهار شافت زياد حتى دبا واش وقع بنتهم)هذاشي لي وقع اختي
نجلاء: ممممم هو غير دار شاف فيك يعني متأمليش شي حاجة ومن بعد تجرحي شوفي هو جاي احضر العرس ياك حاولي متقربيش ليه نخليه وشوف واش هو غيتصرف الى بصاح باغيك راه غيتصرف اوكي
هاجر: حتى انا منقدرش نقرب ليه خايفة من اوس
نجلاء: هههههه متخافيش الى بصاح كيبغيك انا لي غنوقف معاكم حتى تجمعو
هاجر: بصاح
نجلاء: وي بصاح
هاجر: كنحبك انا(نقزات عليها عنقتها)
نجلاء: هههه حتى انا يلاه نزلو نشوفو الاجواء فين وصلو
دخلو لبات لحفلة تاني ناشيطين كيشطحو
فهد:(كان جلس جنب اميرة لبسة جلابة فالخضر ومعها جابدور بيض توبها كيبين شاف نجلاء شير ليها بيدو)✋
نجلاء: (شافت فيه وهي تجي جنبهم )وي خويا
فهد:(تحنا عندها)واش وصلو خوتك
نجلاء: عاد هدرت معاهم قالي ايوب بلي قراب
فهد:اه مزيان نجلاء راه عمي غيجي معهم خاصكي
نجلاء: فهد ليلة ليتك وليلة عرسك متفكرش فهذاشي نساه عافك ومتهدرش فيه يلاه نخليك(قربات ل اميرة سيفطات ليها بوسة فالهوى)زين زوين العرس المغربي
اميرة:العداب اختي امتى احيدو ليا هذا الحناء كاع لحمي كياكلني والحزام مزير عليا وهذا طرحة غتعورني ودراتني هذا الجلسة
نجلاء: هههههه ضحتيني غير صبري باقي ليك ليلة اخرى تولي تلبسي وتحيدي عرفتي كون درتي العرس ف امريكا حسن ليك تلبسي غوب بيضة وتقطعي الكيكة وتلوحي الورد وتمشي لشهر العسل بلا عداب
فهد:هههه نجلاء الله احضرني ليك نهار تكوني بلاصتها نشبع فيك ضخك
نجلاء: (شافت فيه وطلعات حاجب ونزلات لاخور )ههههه ضحكتيني والله اشمن بلاصتها الله اهديك انا راه تزوجت صافي
فهد:(شاف فيها وهو يسكت وبتسم )نسيت بلي تزوجتي
نجلاء: هاني فكرتك انا تزوجت ووليت أم من الفوق وبلا عداب 😊(بتسمات ليهم بتسامة من فوق القلب حيت حتى هي مكرهاتش تزوج وتكون عروسة بحال كاع لبنات مشات عند الجدة جلسات جنبها وكتشوف الاجواء وكتفكر نهار تزوجات الهم والغم والحزن والدموع فرق كبير بين داك النهار والاجواء تاع العرس تنهدات فاش تفكرات اوس تاني )
الجدة:(حطات يدها على يد نجلاء وقلبتها شافت الحناء ونطقات)بصحتك حبيبة
نجلاء: الله اعطيك صحة الميمة (شافت فالجدة )الميمة علاش محنيتي
الجدة:هههه شوفي ادي كيف ديرين بتجاعيد راه الى درت هذاشي غدي اخصر حتى ليل وندير الحناء تقليدية فالداخل تاع ادي
نجلاء: (شدات فيدها بستها وهي تنطق)هذا تاجعيد كيشهدو على بزاف د الحوايج الميمة وكيعطيو الوقار لبنادم تجاعيد وشيب كجيبو الوقار وكان الشيب وقارا
الجدة:(بتسمات ليها وهي تجرها عنقتها)فراسك البخوشة دخلتي ليا مع دم ولتي عزيزة عليا بلا منشعر امتى ولا كيفاش
نجلاء:(تفكرات اول نهار تلقات الجدة وهي تنطق)ههههه علاش الميمة حكمتي عليا من قبل وكنتي غتجري عليا من دار ختي😒
الجدة:هههههه كونت ولاكين مجريتش عليك الشنولة علاه انتي سويهلة ههههه كنتي ديك ساعة فشكل وانا كنت غبية حكمت على المضهر انتي بنتي لي معشرك ميعرفك اش كتسواي
نجلاء:حشا الميمة متقوليش كنتي غبية راه انا لي كنت طايشة وعقلي صغير
الجدة: علاه كبر دبا 😒
نجلاء: شوية ههههه ديك ساعة كان فعمري 16ودبا راه طلعت ل 18 يعني عقلي كبر عمين اخرى
الجدة:ياه بحلا غير لبارح ابنتي ليام غدية
نجلاء: يامنا لي غدين الميمة (بقات نجلاء مجمعة مع الجدة وكيضحكو بصاح نجلاء كانت طيشة وعقلها صغير ومكتسوقش ولاكين دبا كبرات ولات مسؤلة وأم وخا تهورات شوية قبل شهر وكانت اتجيبها فرسها وفطوطو تعها على شوية 😁
دازت ليلة الحناء وفرحو العائلة مع العرسان وتصورو معهم وصلو خوت نجلاء ايوب وامال ورشيد ومعهم عنصر المفاجئة سي براهيم ومدامتو توريا هههههه ستقبلوهم ايت العلامي من دون نجلاء لي بقات فالبيت عند دراري حتى طلع عندها ايوب وامال ورشيد شفوها تما هي حلفات لا نزلات ليهم عند براهيم