زواجي من صهري 💍مكتملة💍

الجزء 121 💍❤️

(كتهدر وهي كتبكي وتشوف فيه شافتو باغا يمد يدو وهي تحبسو )لا لا سي براهيم فات الفوت نجلاء لي كنعاود ليك عليها كانت شحال هذا ومرتك حولات دفنها لداخل ديالي وانا بساعدة فهد حولت نرجعها ولاكين اليوم قتلتيها اسي براهيم اليوم دفنتيها بمرة لي غنقول ليك هو انت من قبل تبريتي مني وقطعتي كلشي كيربط بينتنا وعيشتني منبودة وغريبة وصط دارك (شهقات بالبكى وكانت غتفشل حسات بيدين شدوها من كتفها دارت لقاتو اوس وهي تمد ليه اويس)سي العلامي هاك شد أويس حيت اليوم عندي شي هدرة غنقولها ل سي براهيم
اوس:(شاف فيها وفعنيها المدمعين بقات فيه شد ولدو وخلها تخوي قلبها)😢
نجلاء: (دارت لبراهيم )اه فين خلينها انت حملتني دنب مدرتوش لا بيدي لا برجلي انت خلتني لحد الان نحس راسي مجريمة وقتلت ماما انت سي براهيم كنتي قاسح وقلبك حجرة ياما تبعتك كنت صغيرة بزاف كنت نشوفك كتعطي الحب والحنان لولادك وكنت كنتسنا حقي صبرت وصبرت(مسحات دموعها بيدها دوزات على وجها كامل )حتى دبرني صبر عرفتي سي براهيم اخيب حاجة تلقها وهو خيبة امال وانا ياما تلقيتهم فصغري منك انت كبرتي فيا لعبة سي براهيم لعبة مكتسوا والو دكشي باش غتشريها مغينقس ليك ولا غيزيدك ولاكين انا غيزيد ليا بزاف كون تشوف للهفة ديك اللعبة سي براهيم كيف ديرة فقلبي كنت متلهفة ليها بزاف وقالت بغيتها من بابا (جرات نفس حيت تخنقات وسحات نيفها وهي تكمل )كنت بريئة بزاف ولا غبية ولا معرفت كاع اش كنت كنخرج (عضات على قنفتها لتحتانية من جنب وبتسمات )كنعقل كنخرج كلقا بنت جيران كتلعب باربي وكنقول ليها راه حتى انا بابا غيشريها ليا كنت نتبعك ملي تكون خارج لسوق معرفت واش تكون ردتي ليا البال ولا كاع مشيفنيش 😏 بابا جيب ليا لعبة بحال ديالت فردوس وياما تسنيتك قدام لباب وكل امال فراسك كنت كحل عيني وكنحلم بديك اللقطة انت جاي نزلتي من طموبيل وهاز فيدك ديك اللعبة وانا كنجري عندك عطيتها ليا وكان هذاشي كيفرحني بزاف مجرد نتخيلو وكيعطني صبر باش نبقا جلسة فشمس نتسنا هذا القطة ولاكين موقعاتش براهيم كيدوز عليا بحلا مشفنيش ودخل وكنت نتبعو ونوقف نتسنا نشوف اش وصط دوك الميكات وداك الساك لي جاب كنشوفهم كيخويو الخضرة وكنقول هذا الجبدة غدي يجبدو مونيكا تاعي نتسنا نتسنا حتى تبان ليا بطاطا وبصل هوما لخرين خرجو من ساك (شافت فبراهيم لي عنيه كيلوحو دموع بعشرة وهي تنطق)هذي سميتها خيبة امال اسي براهيم
اوس:(وقف كيسمع ليها قلبو كيتقطع مد يدو حطها على كتفها )نجلاء
نجلاء: (حيدات ليه يدو )لا باقي مكملتش سي العلامي خلني نحط النقط على الحرف ولا نقول نشكل باش سي براهيم يقرأ الانشاء تاعو باش يقراه مزيان (شافت فبراهيم وهي تنطق)هديك خيبة امال الاول اجي تشوف تانية ديالت الحضن الدافي هههههه وتشوف تاني الغباء ديالي وسداجة كنت كنشوف سي براهيم كيعنق ختي امال كانت باقي صغيرة وكنت حتى انا بغيت نحس بدكشي ولاكين سي براهيم مداروش معيا قالت اجي سي براهيم كيعنق خوتي الى نجحو ويفرح قالت اجي حتى انا نجح باش يعنقني اول نهار دخلوني المدرسة كنت جيت مع ختي سهام وكنشوف دراري صغار والبنات جيبينهم وليدهم وفرحانين وانا جيت مع ختي تسجلت باش نقرأ بدات القريا وانا حاطة هدف بين عيني وهو نجح باش نحصل على الحضن درت جهدي وكتر لدرجة نبات نبقا نكتب فالحروف والارقام ونحفض فالقرآن وكنت لالة توريا تسيفطني نسرح كنت كنسرح فشموسات الحرة ونجبد نبقا نحفظ نراجع نكتب الحصول جهدي وكتر درتو ونجحت شديت الناتيجة كنت فرحانة مهزتنيش الدنيا نسيت الحلوة ونسيت المونضا لي كاع البنات ودراري عنيهم فدكشي يدوقو منو وانا عيني فالبينتة امتى نشدها نجري عند براهيم يعنقني ويفرح (شافت فالعربي لي حتى هو كيبكي)هذا الرجل شاهد عليا فاش جيت كنجري بحال الزواق وصلت لدار(شافت فبراهيم لي كيتمنى كون غير سكتات حيت خلات قلبو ينزف )عقلتي شنو واقع سي براهيم لا انفكر تبعتك نوري ليك بلي نجحت وانت دزتي عليا كيف ديما مرتك خرجات ليا سلخاتني حيت خليت المواعن مشيت رجعت نجيبهم تلاقيت خويا جبهم وهذا الرجل حتفل بيا (بتسمات لعربي وهي تنطق)تمى فين درت عندك الكريدي اعمي ياك
العربي:😭😭
نجلاء: (دارت لتوريا )فراس جيت كنجري باش متسلخنيش ولاكين تفكرت ختي ورجعت هزيت معيا طرف تاع كيكة ماجتنيش مندوقهاش من شي حاجة بنينة كانت معرفاش وكانت نيتي ندوق ختي صغيرة تشهيت ليها دكشي لي بنين جيت عطيت ليها الحلوة (شافت ف امال لي حتى هي كتبكي )ولاكين وحلات ليها وتما مرت بابا قالت ليا واحد الكلمة لي عمري منسهاش كنت اول مرة نسمعها (شافت فتوريا لي غارقة فحويجها)قالت ليا المجريمة قتلتي اموك وبغتي تقتلي بنتي كان فعمري 6 سنين مكنتش عارفة اش قصدات ولاكين فاش وصلت 15 شرحاتو ليا بتفصيل وقالت ليا الخافي الاعظم لي مكنتش نعرفو
براهيم: (شاف فتوريا واحد شوفة يلاه غينطق وهي تسكتو نجلاء)
نجلاء: توتو لا متهدرش سي براهيم اليوم انا لي كنهدر هنا ومتشوفش فيها دوك شوفات هي بعدا الى دارت دكشي راه جات معها حيت هي مرت اب وانت لي أب وكنت جيت نجري عندك نوريك بلي نجحت وكنتي على شوية تقتلني بالطموبيل كنت مصدومة وكنت محتاجة لي عنقني ويقول موقع والو ولاكين فيقاتني تصرفيقة من عند سي براهيم لي سبني وقال عليا نحس المنحوس لي كيهزني بيها ويحطني بيها قطع ليا ديك الناتجة ورمها قدامي وتقطع قلبي معها وتلاشا امالي ودفنات نجلاء البريئة فالداخل ديالي دخلات لمتاهة كدور فيها من داك نهار بدات تغير وخرجات نجلاء وحدة اخرى لي كدير اي حاجة لي تعرف غدي تاكل العصى بسبابها عرفتي علاش سي براهيم (عضات على لسنها لي كتلعب بيه لداخل ديال فمها وهي تنطق)باش نحسك كتهدر معيا وكتقيس فيا صغري كامل وانا كندير الحوايج زوينين باش تحضني وتقول ليا كلمة زوينة وتفرح ولاكين انت مدرتيش دكشي وبدلت الستيل وليت ندير حوايج لي يعصبوك تعصب حيت فاش تعصب كنحس بلي حسيتي بيا وكدربني وفاش دربني كنعتبرها قستني حيت عمرك قصتني باش تحضني ولا طبطب على ضهري وليت بغيتك غير دربيني وتعيرني باش نحسك هدرتي معيت ولي غنقولك وخا كاع هذاشي
وخا تبريتي مني وخا خلتني منبودة فدارك وخا درتي بزاف دالحوايج معيا خايبين كنت كنشوفك بابا وكنحسك بابا وكنعتبرك بابا حيت ديك الساعة انا مقطعتش الروابيط لي بينتنا وخا انت قطعتيهم انا لا ولاكين اليوم اليوم سي براهيم بغيت نقول ليك بلي انا نجلاء (غمضات عنيها )كنقطع كل صيلة كتجمع بيني وبينك وانا اليوم وليت يتيمة بشكل رسمي من قبل عشت حياة اليتيمة وخا انت كاين ودبا فهذا النهار انا غنقول
العربي:(جا شدها )بنتي لا
نجلاء: لا اعمي خلني نقولها هو عمرو بغاني ولا حس بيا ولا قدرني من ديما كيشوفني نحس فحياتو واليوم هذا النحس غدي يخرج من حياة براهيم والى الابد اليوم نجلاء مبقاش عندها أب فالدنيا اليوم نجلاء ولات يتيمة حيت اليوم انا غنقطع كاع الروابيط لي كنت ربطهم بيك وخا انت قطعتهم دبا غدي نقطع داك الخط الراشي لي كان يجمع بنتنا وغقول مبقيتش كنعرفك ولا كتعرفني سي براهيم انت بنسبة ليا غريب (عطاتو بضهر وتمشات تحت انضار الكل لي كانو كيبكيو بحرقة على اش دوزات هذا البنت براهيم نطق)
براهيم: (شاف فيها غدية وهو يقول)بنتي نجلاء سمحليا سمحليا عافك
نجلاء: لا فات عليها الفوت كنت نتسنها 17 سنة ولاكين دبا مبقيتش مهتمة الله يعرضك لسلامة سي براهيم (مشات طلعات لبيتها ودخلات سدات الباب وهي تكي ضهرها عليه ونزلات معه حتى جلسات وسدات فمها بيديها وبدات تبكي )
نجلاء: اليوم خويت قلبي اليوم قالت ليه كلشي كاع لي خبيتو قالتو اليوم اه هكا مزيان باش نساه ونسا ديك الفترة من حياتي ونبدأ حياة جديد ولا نقلو قبر جديد حيت دفنوني فالحياة ولاكين هذا القبر الجديد حسن من القديم هذا جديد فيه دوك جوج ورضات نجمات لي كيضويوه وعلى قبلهم غنصبر فيه