زواجي من صهري 💍مكتملة💍

الجزء 97 💍❤️

خرج اوس وخلا نجلاء بغات طرطق بالاعصاب ربعات يديها قدم صدرها وغدية كتمشا فداك الباركو وتهدر مع رسها.
نجلاء: هذا زمل رقبتي تحت يدو من قبل كيعددني ب القريا ودبا كيهددني بولاد اختي دبا خاصني ندير لي بغا على قبلهم انا منقدرش نخليهم انا وعدت ختي هوما امانة عندي من سابع المستحيلات نسمح فيهم وخا نعرف نصبر لهذا الحيوان الله ياخد فيه الحق(بقات كدور فالبيت هدرتو كتعاود فرسها طير ليها النعاس )
اما عند اوس لي دخل لبيتو وسد الباب ومشا وقف فالبركو كيخمم مع راسو
اوس:(علاش حسيت هكا علاش تعصبت فاش كانت بغات تخرج بداك الباس علاش كنهددها بدراري اوووفنفض دوك الافكار من راسو وقال )هي أمانة عندي ولازم نحافض عليها وتهديه غير باش تعلم كيف تهدر باش دراري يترباو فبيئة ملائمة وهي تستر حيت إقبال غتكبر وتعلم منها يعني خاصني نربي نجلاء باش تربي بنتي (الله يمسخك ربي بعدا راسك وعاد دوز لنجلاء والولاد)
دخل نعس صباح صباح كيف العادة ناضت نجلاء على حس إقبال لي كتبكي مشات هزتها دغية كتسكت فيها باش متفيقش اويس
نجلاء: شش حبيبة صافي العار متفيقيش خوك هو كينوض خاصر (باقي كتهدر مع إقبال سمعات دقان فالباب وهي تنطق بعفوية)عماد دخل راه الباب محلول كيف ديما (تحل الباب بجهد دخل منو البركان الناشيط بغا ينفاجر حيت سمعها قالت عماد دخل لباب نحلول كيف ديما نجلاء دارت شافت فيه وهي تخلع ولاكين مبيناتش صرطات ريقها)😨
اوس:(عنيه حمرين كيشوف فنجلاء شي شوفات ديال القتيل وديك الكلمة ديال عماد دخل الباب محلول كيف العادة )😠
نجلاء: حم اسحاب ليا عماد حيت هو لي موالف يجي فهذا الوقت يلعب مع دراري
اوس:(زير على فكو ونطق)مغديش تحيدي منك هذا تقحبين حتى نعوجك من شي قنت ولا نعاود ليك تربية من جديد مي متخافيش مزال نجلس ليك حتى نقدك
نجلاء: (شافت فيه)مالنا على تخسار الهدر مع صباح تاع الله
اوس::ماقالت ليك بعدي من زبل كامل مي انتي هدرتي مكدخليهاش لراسك كنهدر بحلا كنهدر مع الحيط
نجلاء: انا مدرت والو عماد بحال خويا واش فيها الى جا لعب مع دراري وهو كيعوني فهم
اوس:عماد ماشي خوك لا هو لا غيرو وغتعملي معهم بحدود كاع لي هنا وكاع دراري بصيفة عامة (تهدر بجهد كملها فاق أويس كيغوت)
نجلاء: رتحتي دبا نهار لي مفيقاتوش إقبال بالغوات فيقتيه انت
اوس:(مشا هزو كيسكت فيه وهي شدات إقبال كترضعها لبيبرونة تاعها نطق اوس)كون درتي عقلك كاع منغوت وكون مفيقوتو
(يلاه غتجوبو نجلاء شافت لباب تحل ودخلات منو فاختة )
فاختة:(شافت ف اوس هاز أويس ونجلاء هازة إقبال بتسمات بحب وهي تنطق)صباح الخير عليكم وليداتي
نجلاء: (بتسمات ليه بزز)صبح الخير خالتي
اوس:صباحووو الوليدة
فاختة: اوس انت هنا اباك كيستناك التحت باش تبداو توجدو الدبيحة وتوقف على العشاء حيت خالتي قالت لهم اوس لي كيعرف فالتقاليد.😂
اوس: راه علمت تريتور غيجي اتكلف بكلشي ودبيحة راه وصيت اجيبوهم من الفيرمة قول لبابا غير يرتاح
فاختة:ارا اويس ونزل قولها لجداتك تسكت الوقت راه فاقت مع صباح ربي كتغوت على كلشي وشدة العكاز كدور فالدار
اوس:(مد ليها اويس وخرج )انا نمشي نشوف
خرج اوس وفاختة شافت فنجلاء لي نعسات إقبال حطتها فبلاصتها وهي تنطق
فاختة:نعسات ديك المشاغيبة
نجلاء: ايه خالتي نعسات هي كتنوض حتى تفيق الدنيا وترجع تنعس تشبع النعاس
فاختة:ههههه بحالها بحال خالتي هههه كتنوض تهلل علينا مع صباح حتى نفيقو وتجلس تبدأ تشخر وهي مجلسة ههههه
نجلاء: ههههه ايوا هاهي إقبال بحلها كتفيق تغوت تفيق اويس وتفيقنا وترجع تنعس
فاختة: ههه يلاه حطيها ونزلي فطري انا نقابلهم باش ترجعي توجدي رسك راه قريب يوصلو العيلات
نجلاء: اعفيني اخالتي عافك مافيا لي انزل خلني نجلس هنا مع اويس نزلي انتي إقبال
فاختة: لا ابنتي حشومة تبقاي هنا حبيبة انتي دبا راه ف متابة أمهم ولازم توقفي معها وتفرحي ليها
نجلاء: انا فرحانة ليها والله ولاكين مبغيتش نزل لتحت غتكون دنيا مخلطة وفيها ناس مكنعرفهم
فاختة: لا راه كينين غير العائلة والاصدقاء وراك شفتهم فالعزاء واصلا راه النساء بحدهم والرجال بوحدهم هكا كيبغي اوس (بتسمات ليها )وانتي دبا راكي ولتي من عائلتنا
نجلاء: (بتسمات ليها فراحت فاش سمعات هذي انتي من عائلتنا )ربي يخليك خالتي
فاختة:ويخليك بنتي يلاه سيري فطري وملي ترجعي اتلقاي قفطان وجدتو ليك باش تلبسيه
نجلاء: لا اخالتي لقفان بلاش انا غلبس شي حاجة عادية
فاختة:مايمكنش حيت التقاليد مكيسمحوش وخالتي متخليكش عندنا نهار العقيقة الام كتلبس القفطان وتسوك وتكحل وتوقف شدة بنتها حتى يدبحو وهذاشي كلو خاصك دريه حيت غنصورو صور ابقاو ذكرى ل إقبال ونهار تكبر تشوفهم وتشوف ماماها معها
نجلاء: (ملقات مدير من غير انها تلبس القفطان حيت إقبال فالموضوع)وخا خالتي
وقفات نجلاء لاحت عليها بينوار تفديا ل لهدرة اوس تاني نزلات باش تفطر ولاكين هيهات تم هيهات غير اجي وفطري مع نزلات تلقات بالجدة شدة العكاز
نجلاء:صباح الخير الميمة
راضية:صباح الخير (شافت فيها وهي تنطق)فين غدية
نجلاء: نزلات نفطر الميمة
الحدة:تفطري بهذا الحالة زعمة راه اليوم نهار سبوع بنتك اولا
نجلاء:اه الميمة راه عرفت
الجدة :وملي عرفتي لاش نازلة بالبيجمة فين القفطان ووجهك لي صفر بحلا دخلاك الموت
نجلاء: غير مع صهير الميمة وراه غنفطر ونطلع لبس قفطان خالتي سيفطاتني نفطر
الجدة:هديك نسات تقاليد ديولنا والاعراف نسات بلي كنفطرو مجموعين على طبلة ومن بعد نوضو نوقفو لدبيحة
نجلاء :الميمة دبا واش نفطر ولا نطلع ولا اش ندير
الجدة: تبعني (مشات وتبعتها نجلاء جبدات الجدة واحد العلبة فيها واحد الكولي تاع دهب وحلقات تاعو وخيط ريح دكشي قديم ومستيلي مداتهم ليها وهي تنطق)راه فاختة غتوجد ليك قفطان طلعي لبسيه ولبسي معه هدو ولبسي البنية ونزليها معاك
نجلاء: علاش هذاشي الميمة بلاش منو
الجدة: هذاشي كون كانت سهام باقي عايشة غديرو وتفرح لبنتها وبما انو انتي هي ماماها فخاصك ديري تقاليد يلاه طلعي بنتي راه قراب عيلات العائلة يوصلو
نجلاء: وخا الميمة(شدات دكشي وهي تطلع عند فاختة لقتها لبسات اويس جابدور بيض مع طربوش حمر )
فاختة :علاش رجعتي دغية
نجلاء: لالة رضية قالت خاصكم الى بغيتو تفطرو تلبسو قفطان
فاختة: ههههه تكون شبعات فيا معيور انا راه فبالي بلي خاصنا نتجمعو على الفطور اناسيفطك تاكلي شي حاجة حيت الفطور ايكون باقي معطل حتى يدخلو العيلات
نجلاء: اودي كون غير خلتني جلسة هنا اخالتي
فاختة:راه وخا نخليك هتلير تاع خالتي متخلي حد اجلس مرتاح يلاه لبسي راه قفطان حطيتو ليك انا لبس إقبال اويس ساليت معاه
نجلاء: هههه جا زوين مشالله فكرني فاش تختن
فاختة: هههه وشحال بكات معاه سهام الله يرحمها
نجلاء: امين يارب (مشات دخلات لدوش دوشات دغية وخرجات نشفات رسها وهي تلبس قفطان بيض مطروز بالطرز الفاسي ولبسات دوك الحلقات والكولي وخيط ريح قداتو ليها فاختة نجلاء خلات شعرها مطلوق
فاختة: مشالله تبارك الله الله يحجبك من العين بنتي دبا خاصك شوية مكياج
نجلاء: لالا اخالتي انا مابغيتش نديرو عافك😢
فاختة: (شافت فيها وهي تنهد ومشات جلسات جنبها ونطقات )نجلاء حبيبة شوفي الى لبسنا وتقدينا هذاشي راه مكيعنيش نسينا سهام وبلي حنا فرحانين الموتها بنتي حنا غدي لبسو ونفرحو على قبل إقبال وحتى سهام كون كانت غدي تبغينا نفرحو لبنتها وحنا دبا غديرو لي كانت سهام غديرو الله يرحمها غدي نفرحو بحلا هي معنا حيت اصلا هي عايشة معنا فقلوبنا وعمرنا نسوها دبا بنتي نوضي دري دكشي لي كانت سهام غديرو كون كانت مزال عايشة
نجلاء: (دمعو عنيها )توحشتها بزاف
فاختة:😭حتى انا ابنتي توحشتها بزاف ولاكين مابيدنا منديرو هذي هي الدنيا (بكاو حتى فشو على قلوبهم وهي تنوض فاختة)براكة من الحزن بنتي نوضي مسحي وجهك ودري شوية مكياج ويلاه نزلو قبل مطلع لينا خالتي عرفتي عمرها مطلعاتش دروج والى مشات حتى طلعات غدي تفلقنا بداك العكاز ههههه
نجلاء: ههه وخا خالتي (مسحات وجها وهي دير بكلام فاختة دارت شوية فوندوتا ودارت مسكرة وكلوز جها دكشي زوين حيت عمرها دارتو )
هاجر:(جاية دخلة كتحك فخدها )ممم ماما ونزلو عند داك هيتلر راه طيباتني بالعكاز (كملتها وهي تشوف فنجلأ)واو😮شكون هذي
فاختة:خمسة وخميس والحرمل فالكمامس
هاجر:ماما نجلاء جات فنة 😍ناري تزعط فيها
نجلاء: هههه لعفوو اختي نقصي من صباغة
فاختة: وي جات غزالة مشالله (شافت ف هاجر وهي تنطق)شفتي كنبقا نقولك مبقاش دري مكياج بزاف باش نهار دريه يطيح عليك السر شوف نجلاء مشالله كيف جها وهذاشي كاع مكتراتوش دارت غير شوية وبان فيها
هاجر: الحمد لله مدارت بزاف كون تبدلات (شافت فماماها)ماما علاش خلتي الميمة تختار ليا القفطان جابتو ليا واسع شوفي كيف جاني
فاختة: التقليد العريقة ابنتي حمدي الله بدلتو ليك بلا متشوفو كون خليت لي جابتو كون تودرتي فيه
هاجر:ههههه الحمد لله
نجلاء: جاك زوين تبارك الله
هاجر :مرسي زين عوناتك لي زوينين شوفو يلاه تنزلو راه لتحت عامر
فاختة:شكون جاي
هاجر:جاو خوتات جدة وتريكتهم وجاو عائلة طاتي سعاد وعائلة رجل بتسام وجات خالتي عبلة وبنتها راه غير الميمة مخلتهاش طلع عندكم
فاختة:(شافت فنجلاء هي تنطق)يلاه نزلو
هاجر: (هزات اويس )يلاه حبيبي
فاختة: صبري هاجر (مشات قرات شوية القرآن على اويس وعلى إقبال حتى هي وهوما ينزلو لتحت فين كين مجمع تاع العيلات تاع العائلة جاو افطرو معهم حيت الفطور يوم العقيقة من تقليد الفاس الفطور كيتكون من حريرة والرغايف المسمن والبغيرير وحلويات تقليدية والفاكية والبيض مسلوق حطو رجال فجيهة والعيلات فجيه
نزلات نجلاء هي وفاختة وهاجر ومعهم الولاد وصلات عند العيلات كلهم دهشرو فيها حيت كتبان زوينة بزاف بالباس التقلدي والمكياج نجلاء عمرها لبسات دكشي وفاش لبساتو طاح عليها سر وتبدلات بزاف