زواجي من صهري 💍مكتملة💍

الجزء 50 💍❤️

**البارت 50
خرجات نجلاء من بعد مبدلات حويجها لبسات سروال كيطمة زرق وتيشورت كحل كيف العادة لقات فهد وسهام جلسين كيهدرو شافت فهم و توجهات لكوزينة مشات  تفطر بدات تحط باش تفطر
فهد:بنجوغ سمتي فهد وانتي (مد ايدو وكيبتاسم )
نجلاء: (كدهن الفرماج ف الخبز وكتشوف فيه)كنضن عرفتني على رسك من قبل
فهد:اه عرفتك على راسي وبغيت نتعرف عليك انتي
نجلاء: (بهدوء هزات دكشي لي غتاكل طوسط فيه فرماج والعاصير حطاتهم فصلامنوجي وجلسات )كنضن اختي عرفاتك عليا قبل منجي فبلا متصدعني حيت معزيز عليا تكرار
فهد:(جلس حدها وهاز داك الخبز لي دهنات كياكل منو)وي عرفتني عليك مي بغيت نتعرف عليك انتي بغيت نعرفك ماشي اعودو ليا عليك انا مكنحكمش على دكشي لي كنسمع من ناس دكشي علاش جيت نتعرف عليك بفمك
نجلاء :(شافت فيه وبتسمات اول واحد اجي عندها يقول هذا الهدرة هو بغا يتعرف عليها هي تحكي ليه ماشي اسمع عليها )انا نجلاء الراضي
فهد:متشرفين نجلاء شحال فعمرك
نجلاء:16 سنة وانت
فهد:انا فهد وعمري 23 سنة
نجلاء: بطولت العمر خاي فهد (مدات يدها حيدات ليه الخبز) هذا تاعي انا لي دهنتو 😌
فهد:ههههه بصحتك
نجلاء: مرسي
فهد:اصدقاء(مد يدو )
نجلاء: (بتسمات ليه )اصدقائي هوما ركبيا لي هزيني
فهد:ههههه وكيدافعو عليك من الفوق
نجلاء: هههههه(واحد الابتسامة خلات فهد ايسهى فيها)وي كيدافعو عليا وكيهزوني ونهار اخطوني نرزم الارض
فهد:حتى انا تقدري درني خوك وصديق ليك الى بغتي وبغيت نعرض عليك نخرجو هذا العشية الى معندك ميدار
نجلاء: (يلاه غتجاوبو بان ليها صعصع دخل بكامل اناقتو شافت فيه جاي عندهم وهي تجاوب فهد)وي معندي والو نخرجو انا وياك 😊
اوس:(خنزر فيها وهدر مع فهد)فهد صافا لقتي دار
فهد:اهلا العود لباس وي لقيتها
اوس:(كيشوف فنجلاء بنص عين)مبقتيش زربان وعندك غراض وخاصك ترجع
فهد:لا مبقيتش عندي ميدار هنا مزال
اوس:بحلاش
فهد:اول حاجة عرضت على هذا الانيسة الجميلة نخرج انا ويها ومن بعد غدي ندوز جتماع عندي ايوا ونشوف واش نرجع ولا نستقر عندكم
اوس:هذا الانسة عندها قريتها كنضن
نجلاء: مقرياش العشية وكنضن غنخرج من دبا نمشيو نتغداو برى اش بان ليك فهد
فهد:وي هي الاولة واخا مزال معگور من دربة لي كليت
اوس:اشمن دربة
نجلاء: (وقفات مشات لبيتها )انا نبدل حويجي
فهد:(تبع ليها لعين حتى مشات وهو يهدر مع اوس)دربتني نسيبتك بركبتها لزوبي شوية ومتقتلني غير ربي حفظني
اوس:اش درتي ليها
فهد:نعودها ليك بحال الخرفة جيت داخل من لباب لتحت وكنت كنقلب فتليفون حتى تزدحت انا ويها طلقت تلي وشديتها ايوا ياخويا حلات فيا دوك العنين خلتني ندوب ونطقت بلا منشعر كنوصف عنيها ونقول ف شعر حتى طلعات معيا بركبتها خلتني كنتلوى ومشات هذاشي لي وقع وفراسك اسحابلي جنية دربتني
اوس:هههههههه مسرفق والله عبرات عليك باش تجمع عنيك وفمك وتنقص من تعناب
فهد:وييه يلاه نمشي نخرجها نتعرف عليها
اوس:لا متخرجهاش
فهد:علاش (كيشوف فيه بشك)
اوس: نجلاء ماشي من داك نوع لي كتعرف بعد منها هي خت مرتي ومنصحكش تغلط معها حيت غتلقاني
فهد:هي خت مرت خويا وخت سهام يعني ختي وصغر مني ومنشوفش فيها نضرة ناقصة كون هاني غدي نخرج معها بحلا خارج مع هاجر
اوس:(شاف فيه وهو يطبطب على كتفو)اوكي مي رد بالك
فهد:متخافش عليها
اوس:لا ماشي عليها انا خايف عليك وعلى الناس لي برى رد بالك منها (خرجات نجلاء لبسة سروال توب كحل وتيشورت فالگري وبلغينة كتبان كيوت )
نجلاء: مشينا
سهام:(خرجات من بيتها )نجلاء فين غدية
نجلاء: غنخرج مع فهد 😒
سهام: (كتشوف ف اوس)اه وخا فهد رد ليها لبال
فهد:وخا دبا نرد منها البال لا قصدي عليها
نجلاء: (تمشات جيهت لباب )ورد لبال مني حتى هي كيف وصاك صهريي
اوس:(خنزر فيها)سهام كين شي غدا
سهام :اه مجود
خرجات نجلاء هي وفهد ركبو فاللوطو تاعو
فهد :فين بغتي نمشيو
نجلاء: اي بلاصة بعيدا على هنا ماشي مهم فين
فهد:اوكي (طلق الموسيقي وكسيرى موقف حتى حدا البحر )وصلنا هنا احسن مكان بعيد على ضجيج وغترتاحي فيه
نجلاء: (دربها جو تاع البحر وهي تغمض عنيها وخرجات من للوطو وبدات دخل فالاكسجين لصدرها وتخرجو )اااوووف احسن مكان
فهد:اجي نجلسو (جرها حتى وصلو فوق صخر وهوما يجلسو وكشفو فالبحر وصمت سيد الموقف)
نجلاء: (كسرات داك صمت )فراسك اول مرة نشوف البحر مباشرة
فهد:بصاح اول مرة
نجلاء: اه اول مرة
فهد:مي تعابير تاعك مكيقلوش اول مرة لي شاف الهدوء تاعك غيقول بلي انتي موالفة تجي لهنا
نجلاء: هههه حيت مبقات حتى حاجة تبهرني فالدنيا كنتوقع منها اي حاجة وكيجني كلشي عادي كون شحال هذا كون كنقز ونتعجب ونقول واو هذا البحر مي دبا لا دخلت لبالي بلي كينين بزاف دالحوايج فهذا الدنيا وكل نهار نقدر نشوف شي حاجة ودكشي علاش مكتفاجئ
فهد:قول مكتعبريش على احساسك
نجلاء: وي مكنعبرش حيت مكنحس بوالو
فهد:لا كلك احاسيس غير انتي كتقمعهم مكتبغيش تبينيهم
نجلاء: اقدر
فهد:حاولي تعبري عليهم عبري على الغضب وعلى الفرح وعلى الحزن اي حاجة كتحسي بيها عبري عليها خرجيها لبرى
نجلاء: فاش كنت نعبر ونخرج دكشي لي عندي كانو الناس اردوه ليا ويشدوني بيه كنت فالاول كتاب مفتوح كتقراني غير من عني وجهي ولاكين بنادم خلا داك الكتاب اتغلف بغلاف اسود
فهد:نجلاء تقدري تعاودي ليا اش واقع معاك خوي قلبك
نجلاء: قلبي تسد مبقاش عندو منين اتخوا وخا نبغي نخويه
فهد:(شاف فيها وهو يدور كيشوف فالبحر وخلها على رحتها حتى سمعها هدرات )..
نجلاء: بغيت نمشي لجامع الحسن التاني وبغيت نطلع الصومعة تاعو
فهد:اوكي يلاه مي قبل نمشيو نتغداو
نجلاء: بغيت ناكل هنا فالبحر وعند داك الرجل شارف لي كيشوي الحوت اش بان ليك
فهد:وخا مشات (نزلات نجلاء وفهد عند واحد رجل كيشوي الحوت جلسو حداه وعطاهم سردين مشوي جلسو كيكلو )
فهد:مممم بنين هذاشي
نجلاء: مالك عمرك كلتي الحت مشوي
فهد:لا جامي اول مرة
نجلاء: غريب انا اول مرة نشوف البحر وكليت الحوت مشوي من قبل وانت لي كتشوف لبحر ديما عمرك كلتي الحوت مشوي
فهد:هههههه وي
كلاو ومشاو تساراو مشاو الجامع طلعو الصومعة تاعو وشافو دنيا من تما كديرة
فهد:اووف اختي ركابي مشاو ليا ناري ميمتي شكون ينزلني
نجلاء:(شافت فيه شد فركابيه كينهج)ههههه اجي طل تشوف دنيا كيف ديرة من هنا ونسا بلي غتنزل دبا هههه
فهد:(هز عينو كيشوف فكزا كيف كتبان )واو 😮فراسك عمري فكرت نطلع لهنا ومكنتش نتصور بلي دنيا من هنا واعرة 😍
نجلاء: هههه هانت طلعتي وشفتي
فهد:نجلاء مزال فبالك شي مغامرات
نجلاء: وي مزال فبالي بزاف وبغيت نجرب بزاف
فهد:نجرب معاك اختي عندكي دري شي حاجة بلا بيا
نجلاء: ممم حتى نشوف يلاه نتحركو (الحاصول نجلاء تعرفات على فهد عجبها تفكيرو هو انسان متفتح وضريف ومغامر بحال نجلاء وجها مع الكانة وحتى هو عجبو تفكيرها وفاش هدر معها كتشف بلي دمغها عامرة بحلا شي وحدة متخرجة من الجامعة تافقو ديال بصاح مخلاو حتى قنت مامشاو ليه وفهد جرب الاكل تاع شاريع لي عمرو كلاه وكلاتو ليه نجلاء ها طيبوهاري ها البابوش ها الحوت مشوي ها البيني الگلية وحتى هو اي حاجة قالت ليه كيقول اه ويجرب وصلو لدار طلعو فسانسور فهد شد كرشو )
فهد :مي كرشي ايي
نجلاء: (كضحك عليه )ههههه ناري على بعكاك
تحل سانسور وجرى فهد كيخبط فالباب حلات ليه سهام القاتو شد فكرشو وملوي تاني
سهام:فهد مالك
فهد:(بعدها من طريق)بعدي من طريقي وسولي ختك مالي
سهام: (تبعات ليه لعين شافتو كيجري لطواليت وهي دور ل نجلاء)نجلاء واش دربتيه تاني
نجلاء: هههههه لا شداتو سريسرا هههههه ناري مي كرشي قتلني بضحك
سهام: اشنو وكلتي ليه المسخوطة
نجلاء: هههه اي حاجة دقتها كيتلاح حتى هو يدوق الحاصول مخلا مكلا غير عيطي ل الاسعاف ولا طبيب
(دخلات جلسات فالفطوي وسهام مشات كدق على فهد)
سهام: فهد واش انت بخير
فهد:لا كنموت كرشي كتقطع اختي
سهام:😨😱 انا نقاد ليك الحليب والبيض (عقلتو عليها ههههه)