زواجي من صهري 💍مكتملة💍

الجزء 133 💍❤️

(مشات نجلاء توجد لمكلة ل اويس و بيبرونة تاع الحليب لاقبال و فهد مقابلها جلس شد دراري كيلعب معهم حتى كملت)
نجلاء:ارى ولادي نوكلهم زعما جيت تعاوني على حسب مقالتي ليا وشي معاونة مشفنها😒
فهد : هههه نكارت الخير علاه مكنت نعاون فيك
نجلاء: فكرني الله يخليك كيف عونتني حيت واقيلة فيا زهيمر نسيت
فهد : شديت اقبال في حجر ولهيت ليك اويس كلعب معه حتى سالتي هعع
نجلاء: الله يمسخك نوض عليا انا كنشدهم وكنوجد ليهم الماكلة
فهد:راه انا شديتهم ليك اليوم باش تسالي دغية
فاخيتة:(دخلت لقات نجلاء غتشد اقبال من عند فهد باش توكلها) بنتي اعطيني نوكل حبيبتي توحشت نوكلها و نلعب معها
نجلاء: متشقيش راسك خالتي نوكلهم و نجيبهملك تلعبي معهم
فاخيتة:(شدات اقبال من عند فهد)شقا ف الكبدا ديالي منيتك ارايهم و سيري رتاحي شوية
فهد: احسن حاجه الوليدة هاكي شديهم او انا ندي نجولتي نفوجو شويا ونهدرو فبزاف دالمواضيع اجلناهم (مد اقبال لفاخيتة و خرجو لجردة ومعهم اويس ومكلتو جلسو وكلات نجلاء اويس و خلاتو كيلعب و جلسات تهدر مع فهد في مواضيع مختلفة حتى جاو دراري تع العايلة كاملين جلسو معهم)
هاجر:, نجلاء الخاينة جيتي نهار ونستني وجلستي مع هذا بوراس هه
ايمان:شتي كيفاش نستنا مقالت توحشت خواتتي نمشي نجلس معاهم ما والو هي مبقاتش كتبغينا بحال الاول 😩
جاد؛ما يهمك قلبي انا نبغيك معندك مديري بوحدة تليفون هو الخر مهزاتوش تسول علينا
(نجلاء و فهد حبس مخهم فاش شافوهم كيفاش دروهم وسطهم وكيهدرو ما دراري شبعو عليهم ضحك،)
نجلاء: (شافت فيهم وهي دور ل اسراء)وانتي اشمن شكوة عندك
اسراء:بحالهم مبقتيش تهدري معنا فالوتساب ولا تسولي
نجلاء: مممم كنفيق فالصباح على غوات اقبال كلقها عمرات حويجها لكوش عامرة حتى يبدأ دكشي كيسيح هي كتغوت كيفيق اويس كيغوت حتى هو كيلصق ليا فرجلي كنديهم بجوجهم لدوش ندوش ليهم ونبدل ليهم ليكوش ركزو بجوجهم كيديرو ليكوش كنخرجهم كلبسهم ونمشي نوجد ليهم رضاعات بجوجهم خاصهم يرضعو كنحطهم نرجع اقبال تنعس الى بغات كنوجد الفطور كنجي كلقا اويس رون الدنيا كنجمعها تاني ونبدل تاني ل اقبال لي كتخصر ليكوشة نوجد ليهم تاني مياكلو نبدأ نوجد الغدا ونجمع المواعن كيسالي الغدا كنحطو وكنتغداو نجمع تاني مواعن كنجي كنبغي نجلس اقبال عاد بان ليها تفيق واويس باغي يلعب والكوش تاني عامر وخاصني نوجد لهم الماكلة تاني نهار كامل بين خرق وكل واليل كامل سهرانة نقد فبيبرونة ل اقبال فراسكم تليفوني مبقيتش عاقلة فين تلاح اعلم الله واش باقي خدام ولا طافي راسي بزز باش كنوصلو نحكو وتجيو تعاتبوني (شافت ف هاجر)وانتي اكتر وحدة شفتي بعينك
هاجر:بصاح حنا بجوجات متكفينا معهم منهار حيت يلاه كنشد تليفون كتبان ليا نجلاء واحلة كنلوح تليفون ونعونها (بداو كيضحكو حيت هاجر كتعاود ليهم طرائف لي وقعو ليها فاش بغات تبدل ليكوشة ل اقبال غفالين على لي جاي جيهتهم كيفور بالاعصاب
هذا اوس الي عاد ناض من نعاس نزل لتحت لقا الام ديالو شدة اقبال سولها على نجلاء قالت ليه رها في الجردة خرج يشوفها حتى لقها كضحك وهي جلسة وصد دراري جاد جنبها وفهد من جنب تاني و عماد مقابلها كيشوف فيها بعينيه كيلمعو اوس دور وجهو شاف اويس كيلعب جيهة لبيسين زاد شعل عيط بسمتها حتى دارو كامل شافو فيه)
اوس: نجلاااااء (مشا هز اويس وتوجه عند ختو مدو ليها وهو يجر نجلاء من يدها دها معاه لبيت هو كان معصب حيت لقها وصط دراري غار المزغوب دخل ودخلها معاه )
نجلاء: (نترات يدها منو )اش كين اش واقع علاش جبتني لهنا هكا
اوس: جبتك نسولك علاش مزوجين انا وياك
نجلاء: (شافت فيه ) انا وياك مزوجين على قبل دراري
اوس:اه مزيان على قبل اويس وإقبال ماشي على قبل تلاهاي ليا فالضحك ودري جناعة مع دراري و تخلي اويس قدام لبيسين كون طاح كون وقعات ليه شي حاجة 😬
نجلاء(بقا فيها الحال فاش سمعاتو اش قال) مالك ياك لباس علاش تهدر هكا اويس كان يلعب عادي انتا لي مكبر القصة
اوس: عادي عند المستهترين بحالك انتي مي عند ناس العاقلين ماشي عادي كون وقعات شي حاجة للولد هدرتك انتي و سي جاد و عماد هيا لي غتردو (دبا فهمنا واش انت بيك اويس لي كيلعب ولا نجلاء لي جلسة مع جاد وعماد باش غير نفهموك )
نجلاء: انا ماشي مستهترة وكنت حاضيه ورادة ليه لبال وخا كنت كنهدر اما على الاولاد كنخاف عليهم كثر منك ومن غيرك حيت هما أمانة عندي اما الاستهتار كيقول ليك واحد المتال حتى جمل مكيشوف حدبتو كيشوف حدبت صاحبو لي قدامو وهذاشي لي واقع ليك انت فاش نعستي و خليت الباب محلول لقيت اويس برى عند دروج كون طاح منهم كون وقعات ليه شي حاجة ياك انت اخير واحد بقا عندو علاش مرديتش ليه لبال الناس العاقلين (خنزرات فيه وهي تخرج و خلاتو واقف مصدوم هو غار من دراري وجبها باش اجبد ليها ودنيها ويفهمها بلي مبقاش تحلس وضحك مع دراري دار سبة ب اويس مي مع نجلاء رداتليه صرف وخرجات خلاتو كيشوف)
اوس:اووف غتحرق دمي تاني هي والبراهش ياربي اش ندير مكنحملش نشوفها معهم دمي كيغلي كيف نفهمها وهي كاع مكتعتبرني زوج ليها
خرجات نجلاء نزلات لتحت وهي معصبة من اوس لقات دراري عند فاختة لي جلسة هي وسعاد ومريم تنفسات ورسمات بتسامة على وجها ومشات عندهم
نجلاء: سلام عليكم
مريم:بنتي نجلاء لباس رتحتي شوية
نجلاء: اه خالتي
مريم: عمتي اوس كيقول ليا عمتي وبغيت مرتو حتى هي تعيط ليا عمتي
نجلاء: (كتحاول متبينش)ههه وخا عمتي
اويس:مامي مشي برى خرجو 😍(بغا يرجع فين كان يلعب )
نجلاء: (شداتو حطاتو فوق حجرها )لا حبيبي كينة شمس برى
سعاد:اي سبحان الله دغية تنسات سهام بحلا مكانتش ولا دازت من دنيا دغية تخدات بلاصتها عند رجلها ولا عند ولادها هذا الدنيا بنت الحرام مافيها ميتعجب غير تموت كلشي يدرب عليك بحلا مكنتيش
اوس:سعاااااااااااد(كان نازل تبع نجلاء باش مترجع عند دراري حتى سمع مرت عمو اش كتقول وهو يغوت بسميتها )
نجلاء: (زيرات على يدها يلاه غتجوبها سمعات صوت اوس لي زعزع الدنيا دارت شافت فيه لقاتو معصب وجاي ل مرت عمو بانو ليها دراري جاو كيجريو منهم ولاد سعاد وقفات دغية هزات اويس ومشات تجري عند اوس حطات يدها على يديه وكتشوف فيه بعنيها)اوس عافك لا تهدن
اوس:(كان معصب هدر تحت سنانو )نجلاء حيدي من قدامي
نجلاء: (زيرات ليه على يدو كتر )عافك اوس على قبلي متقولها والو انت معصب دبا تهدن ومن بعد هدر معها
اوس:(شاف فعونتها كيف كطلبو وحس بيدها لي زيرات ليه على يدو تنهد وغمض عينو وحلهم وهو يشدها من يدها وغادي بيها حتى وقف قدام مرت عمو لي كتسرط فريقها ونطق)قالت ليك دخلي سوق راسك من قبل وتفوتي عليك ساحت مرتي ولاكين انتي كتنبشي عليا واليوم غنعودها ليك قدام ولادك وقدام الكل فوتي عليك مرتي ولادي وارملتي تعاودي تجبدي شي حد فيهم قسما بالله العالي العاضيم حتى نسا شكون انتي وغنرميك برى هذا دار ومنتسوق لحد (خنزر فيها ودور عينو وقال )سهام كانت مرتي وربي بغها دها هي خلات ليا ولادي وخلات ليا وصية وهي نتزوج ب نجلاء ونجلاء دبا مرتي وموت ولادي واخير مرة نشوف شي حد قلقها حيت نقلب عليكم هذا الدار(شد فيد نجلاء وجرها معاه لفوق دخل لبيت )
نجلاء: شفتو كلشي بسبابكم كلشي انتما سباب فيه الناس كيشوفوني خديت بلاصت اختي اش كنتو غتخصرو كون خليتوني نكون غير خالت الدراري
اوس:(دكشي لي كيحاول احيدو ليها من مخها زرعاتو ليها سعاد فيه زير يدو وهو يدور عندها وشد وجها بين يديه )انتي مخدتي بلاصة حتى واحدة حيت بلاصتك فقلبي بوحدك كتسمعي
نجلاء: (صدمها شافت فيه وهي دفع ليه يدو وخرجات بزربة هزات معها اويس مشات لبيت دراري هربات من اوس وهدرتو هي مبغاتش تسمع منو شي حاجة لي تخليها تشوف رسها خانت ختها دخلات وسدات لباب وهي تكى عليه كتبكي ياه نفس شي لي كان واقع مع ختها قبل سهام كانت تهرب من براهيم باش معطيهاش الاهتمام حيت عند بالها كتخون نجلاء وهاهي نجلاء كتهرب من اوس حيت كتشوف رسها كتخون سهام )
اوس:(تبع ليها العين حتى خرجات وهو يزير على يدو كيتحلف فسعاد )مزال تجيبك الوجيبة ونتفاهم معاك