زواجي من صهري 💍مكتملة💍

الجزء 134 💍❤️

فالتحت مريم وفاختة كيخنزرو فسعاد
مريم:اربي اش كتستافدي الى جرحتي لبنت اش كتستافدي اشمن غاية بغتي توصلي ليها
فاختة:(عنيها ف سعاد وهدرات مع مريم)خليك منها اختي هي أم ومكيهموهاش بنتها حيت كون كيهموها كاع متبقا تجرح فبنت الناس وتأديها بكلمها فراسك ديك البنت يتيمة ماتت ماماها وهي باقي صغيرة وختها هي لي كبرتها وهي تزوجات ب اوس باش ترد دين لختها باش تكبر ولاد ختها كيف كبرتها ختها انتي مغتعرفيش فهذاشي حيت ولادك ومكبرتيهمش باش تحسي بهذا البنت (وقفات هزات إقبال وطلعات عند نجلاء دخلات لبيت لقتها هي واويس جلسين مشات عنقتها بلا متهدر اما لتحت كل واحد تحرك خلاو سعاد بوحدها وجاد واقف عليها )
جاد:ماما علاش كتقلبي علاش اش دارت ليك البنت علاش فيما تلقيها تسمميها وعلاش بغتي تخلي اوس يكفر عليك علاش فراسك الى دار فيك ولا قال شي حاجة والله مندخل حيت انتي لي كتقلبي عليه وهو تبرى منك شحال من مرة قدمنا وقدام بابا وانتي مكتسمعيش (مشا وخلها بوحدها)
سعاد: برهوشة قلبات عليا موالين دار كاملين انا نوريك سعاد اش كتسوى الى ملحتك لبرى منتسماش (مشات لبيتها كتخمم كيف دير ل نجلاء لي حقدات عليها حيت بسبابها اوس دار فيها قدام الناس شحال من مرة وبسبابها بنتها تفرقات مع خطيبها لمدة عام )
عند نجلاء لي نعسات فاختة دراري وجلسات جنب نجلاء عنقتها وكدوز ليها على رسها )
فاخيتة: حبيبتي نجلاء
نجلاء: (بلا متشوف فيها نطقات )شفتي اش قالت شفتي الناس كيف كيشوفوني هه كيشوفوني واحدة خدات بلاصت ختها خدات رجل ختها ولاد ختها حياة ختها
فاخيتة: سهام ميتة ابنتي وربي حلل هذاشي هو قال غير ميجمع الرجل بين الاخوات الا ما قد سلف انتي بنتي مدتي حتى حاجة فراسك صاحبي جليل مزوج بنات الرسول صلى الله عليه وسلم تزوج وحدة حتى ماتت وتزوج الخرى كون هذاشي عيب كاع ميقبلو سيد الخلق نبينا محمد انتي بنتي تزوجتي على سنة الله ورسوله وانتي كتكبري ولاد ختك ماشي خدتي بلاصة امهم وكون سهام مبغاتكش تربيهم وكون مبغاتش ولدها يقلو ليك ماما كاع متشد فيدك انتي وتأمنك عليهم كانت غتهز تليفون تعيط لشي حد اخور ايوب متلا ولا انا تقول ولادي امانة فرقبتكم ولاكين هي شدات فيديك انتي حيت عرفاتك مولات القلب الحنين هي ختارت أم لولدها وشكون هذي لي متبغيش تأمن على ولدها عند قلب حنين بنتي فاش تولدي وتحسي بالكبدة غتعرفي اش كنقول ليك
نجلاء: بلا منولد انا حاسة بيها اخالتي إقبال وأويس كنحسهم ولادي طرف من كبدتي وعلى قبلهم مستعدة نتحمل كلشي
فاختة:(نزلات بستها فرسها)عارفة احبيبة نجلاء
نجلاء: نعم
فاخيتة: اوس
نجلاء: اوس كنشفو رجل ختي سهام وغيبقا هكا فعيني
(كانت كتهدر مع فاختة وهي غافلة على لي كان واقف قدام لباب كيسمع ليها كان اوس لي زير على يدو وهو يحل لباب بشوية حد واحد ضرف فوق واحد كوفوز وخرج نزل داز على الكل ومشا ركب فللوطو تاعو وخرج من الفيلا )
فاخيتة: بنتي نخليك دبا ترتاحي (وقفات فاختة غادية وهي يبان ليها داك ضرف هزاتو ودارت عند نجلاء)نجلاء واش هذا ديالك
نجلاء: (شافت فيها وهي تنطق)لا خالتي
فاخيتة: (قلباتو قراتو وهي تلقا فيه سميتها)هو بسميتك
نجلاء :(شداتو من عندها)اه دبا نشوف
(خرجات فاختة وسدات لباب نجلاء بدات دور فداك ضرف حركاتو حسات بشي حاجة كتحرك فيه )اش هذاشي
(حلاتو وهي تلقا رسالة مكتوبة فيها سلام جوجو حبيبة انا سهام وبغيت نهدر معاك توحشتك بزاف )
نجلاء: (بقات حلا عنيها مصدومة وهي تكمل قريتها)(حبيبة هزي داك ليوس بي خدميه وجلسي سمعني حتى لخر )
(نجلاء مدات يدها جرات داك ليوس بي شافت فيه وخصها بيسي بقات شداه وكدور فالبيت حتى عيات )
نجلاء: نمشي عند داك الزمر اسلف ليا بيسي تاعو (توجهات لبيت اوس دقات فيه حتى عيات مكينش تسجعات وحلات لباب لقات بيسي محطوط وهي تمشي هزاتو وخرجات من لبيت رجعات لبيت دراري وحطات بيسي قدمها حلاتو وهي تصدم )صورتي اش كدير هنا (شافت صورة ليها هي وأويس فاش كانو صغار الى عقلتو على نهار لي خرجات فيه سهام واوس وفاش دخلو لقاو نجلاء نعسة فالصالون هي واويس وبقاو كيصورو فيهم اوس حطها فشاشة تاع بيسي شي لي عصب نجلاء) تفو على مرض غير بلاتي نتفرج فهذاشي ديك ساعة نفرمطي ليك زمر نوريك تحط تصاوري فيه😠(دارت شريحة فبيسي وجلسات كتسنا يخدم حتى بانت ليها ختها كرشها واصلة لفمها دمعو عنيها دغية وهي كتشوف فيها كتستاعد باش تهدر )
سهام:جوجو حبيبة انا توحشتك بزاف وعارفة حتى انتي تكوني توحشتني زين ديالي انا بغيت نوضح ليك شي امور بغيتك تسمعني مزيان ودري بكلامي احم انا طلبت من اوس يتزوجك ماشي شفقة مني عليك ولا حيت امنتك على ولادي حيت عارفة اتقدري تعطيه الحب وحتا هو كدالك بغيتكم تكملو بعضياتكم اه اوس راجلي ولاكن مدام انا تحت تراب فختاريت نتي تكوني مراتو فبلاصة متكون وحدة خرا لي تقدر تعدبو نجلاء عافاك حاولي تفهمي اوس وتشوفي فيه داك الجانب الزوين
اوس ضريف بزاف وحنين كيتعامل معاك داك المعاملة حيت كيخاف عليك بزاف كون مكنتيش كتهميم مغيتسوقس ليك هو علاش غيحرق دمو على وحدة مكتهموش اما الا شفتي من جهة خرا هو ديما راد ليك البال هدشي كيعني انك مهمة بنسبة ليه وبغيتك تعرفي هو وخا راجل وكيبان قوي الاوانه كيحتاج واحد يبغيه ويتيق فيه ويكون سندو من بعد الله تعالى نجلاء فكري فكلامي مزيان وحاولي تكوني مراة مزيانة لاوس عافك ختي انا قبل منموت امنتك على ولادي ودبا غدي نأمنك على اوس الى عقلتي حبيبة فاش حلمتي عطيتك قلب سكر ومدورة عليه سنسلة فهذا هو تفسير الحلمة لي حلمتي بيها داك القالب هو اوس تهلاي فيه اختي وفولادك دبا اقبال واويس ولادك انتي احبيبة نتمنى تدري اخير طلب ليا انا من ديما كنطلبك مكتبخليش عليا ومكترديهاش فوجهي ودبا هذا اخير طلب ليا نتمنا مترديه فوجهي نتمنى نجلاء تدير كيف موالفة ليها فاش نطلبها (كاتشوف فالكاميرة وهي تبتاسم )ولا لغتيني نبكي باش توافقي انا مستعدة
نجلاء: (كانت جلسة والبيسي محطوط قدمها وكتفرك فيديها وتفرج فختها وهي مصدومة من هذاشي لي كطلب منها ولي طلباتو من اوس )علاش ا سهام علاش ديما كتعطني حاجتك علاش كدري هكا من قبل عطتيني طوفلتك مستمتعتيش بيها الوقت فاش قدك كيلعب وينشط انتي كتخرقي فيا ودبا فاش كبرت خلتي ليا كلشي كيخصك علاش