**بارت 54
عند نجلاء لي عونات رسها حتى طلعات لسرير وخشات لقرعة تاع دواء تحت المخدة وهي تجبد على كرشها ويديها مرخين لور وعنيها محلولين دتها كلها ترخات
نجلاء: كنكره راسي وكنكره كاع لي وصلني لهذاشي لي انا فيه
سمعات لباب تحل وتسد
سهام'(جلسات جنبها وبدات دوز ليها على شعرها)حبيبة نجلاء سمحليا
نجلاء: (بهدوء)مسامحك ومسامحة غيرك غير خرجي عليا فهذا ساعة
سهام: (كتبكي طلات عليها لقاتها حلا عنيها وحمرين بحال جغمة تاع دم عند بلها بكات مفرسها نجلاء مكتبكيش مكتخرج دكشي لي درها كتخزنو لداخل ودكشي علاش هي عنيفة فاش كدرب دقتها عنيفة حيت كدرب بكل جهدها وفاش اوصلها شي حد لدرب كدرب كيف كانت تاكل الدق من عند توريا وبراهيم داك الطاقة سلبية باش شحنوها فصغرها كتخرجها فالناس تنهدات سهام وهي تدوي)حبيبة علاش كدربي فالناس علاش دربتي لبنت كون قتلتيها هاأ وعلاش فاش شدوك البوليس معيطيش ليا نجي عندك علاش خليتينا نشكو فيك
نجلاء: دربت حيت انا خايبة وشيريرة ومكنسواش ومعيطش ليك باش منجرجر مدام العلامي الكوميسرية ودبا خرجي عليا خلني بوحدي
سهام: نجلاء انا ختك علاش كتقول هكا انا ختك ومسؤلة عليك كان عليك تخبرني اش وقع معاك
نجلاء: ختي مفراسيش بلي انتي ختي شكرا حيت فكرتني(كدوي بكل هدوء وصوتها مرخي)وبنسبة علاش معلمتكش صافي ميبقاش فيك الحال مرة اخرى نعيط عليك انتي الاولة نعلمك
سهام: علاه مزال غتعاودي مرة اخرى نجلاء حبيبة عافك علاش كديري هكا علاش 😭😭
نجلاء:باش نعاقبك ونعاقب راسي ونعاقب لي شفت قدامي ياك هكا قالتي شوفي خرجي دبا متبكيش فوق راسي خليني بوحدي
سهام: وخا غنخليك ترتاحي اختي من بعد نكملو
نجلاء: من بعد غتسكتي غتنساي الى بغني نسا كلشي ونبقا معاك هنا مزال شي دقيقة من الاحسن تنساي كلشي وداك اوس تاعك غتقولي ليه اخلي ميتورو بيني وبينو قبل متديرو فراسي 😠
سهام: وخا غنسا كلشي غير رتاحي دبا (خرجات سهام شدة فرسها )
اوس:سهام حبيبة مالك باش كتحسي
سهام: غيتفرگع راسي وبسبابكم انت وياها اوس غتبعد منها ل اخير مرة نقولها ليك بعد منها اوس ولا غنعيط ل ايوب اجي ارجعها فين كنت 😭
اوس:(مشا عنق سهام)ششش متبكيش
سهام: هي غير مزيدة لاسوء عنيها حمرين كيف دم ماعرفت مالها مكانتش هكا خلعاتني عليها
اوس:اش بالك نعرضوها على شي طبيب
سهام: حتى انا هكا فكرت
اوس:(بعد سهام عليه وبسها فرسها ومسح ليها عنيها )ششش متبكيش ان شاء الله ميكون غير الخير انا نشوف شي طبيب وندوها تبع معاه
سهام: هي مغتبغيش
اوس:نقنعوها حتى تبغي
سهام: اوكي
اوس:(ناض جاب ليها دوا تعها عطاه ليها شرباتو )اجي تكاي ترتاحي (دخل سهام نعسها فالبيت وغطها وبسها فرسها وتنهد خرج وسد لباب ومشا شاف فبيت نجلاء زير على يدو وحل لباب دخل لقها ناعسة قرب منها كيشوف فيها )شحال كتبان بريئة لي شافك وانتي ناعسة يحلف عليك متنوضي دجاجة على بيضة اش عندك فداك الراس اش هذا الفعايل لي كدير فيهم عرفتي شيطان قلتي ليه غير جلس وتعلم مني التاكتيك والاسلوب جيتي اسبوع رونتي كازا ومافيها شي عطبتيه لنيفو شي خلتيه انتف راسو شي عطبتيه لحجرو وكرشو وشي لراسو وختك صيفطيها متسنجة لكنينك و خلتي البوليس خدام والادارة والمحامين وحتى مني خلتني بلا عقل معاك وليت كنجلس فالخدمة ونطلب سوترة كيصوني تلي كنقول صافي هذي قتلت شي حد اوووف خلتي جد ولديا بلا عقل وركبتي فيا الاعصاب عمري هزيت يدي على شي وحدة جاتي خلتيني نخرج على طوعي والمشكلة علاش كندير هكا علاش اش دخلني فيك صيعي ولا ضيعي ولا ديري لي عجبك لاش مرض راسي بيك شكون نتي وشكنو صلطك عليا (شاف فتفاصل وجها لباريئ وشاف حنكها مطرسين صباعو فيه غمض عينو وتفكر فاش صرفقها )علاش كديري علاش تاكلي العصى (تنهد وخرج سد لباب ومشا نزل لتحت لاصال كيفرغ غضبو فالرياضة )
داز نهار ونجلاء غير ناعسة حيت زادت فالكمية تاع دواء
فاقت نجلاء حلات عنيها شافت جنبها بان ليها ضو خفيف شاعل غمضات عنيها حيت درها ومدات يدها طفات داك الاباجو )خليوني عيشة فالضلام لي موالفة مبقاوش تعلو عليا ضو حيت كنشوف خيالي وكنزيد نكره الدنيا وراسي
(دخلات عندها سهام لقتها طافية ضو وهي تشعلو)
سهام: نجلاء حبيبة نوضي تاكلي (شافت فيها لقتها حلا عنيها ومكتهدرش تنهدات وجلسات حدها )حم سمحليا على كلشي عافك
انا غلط حيت شكيت فيك
نجلاء: علاياش كتهدري
سهام: نجلاء حبية عافك سمحني
نجلاء: انا نسيت وقالت ليك نساي كلشي
سهام: مغنساش بلي شكيت فيك وطعنت فشرفك
نجلاء: متنسايش اختي غير مبقاش تفكرني وقول راجلك ابعد ليا مبقاش اهدرني بالخايب ولا بالزوين وهذا المرة الى كنتناقش انا وياك ميدخلش بنتنا هو راجلك ادخل فيك وفأمورك ولاكين انا ابعد عليا ميخلنيش نحقد عليه كتر مأنا حقدة عليه حيت باقي ليه شوية شوية ونحطو حدى توريا فالقائمة السودة غير على وجهك وعلى قبل دوك ليام لي عشنا فصغر هوما لي مخليني مكفرتش عليه
سهام: (كتسمع ليها وهي دوي )اوس رجلي وهو بحال خوك
نجلاء: ماشي خويا ميدخلش فيا
سهام: وخا غير تهدني ونوضي تاكلي
نجلاء: مهدنة اختي وبزاف غير طفي داك ضو وخرجي خلني
سهام: عافك نوضي تاكلي
نجلاء: فاش نبغي ناكل غنوض ناكل متخافيش عليا مغنديرش الادراب على الاكل 😏
سهام: لي بغتي
خرجات سهام وخلات نجلاء فبيتها نجلاء مدات يدها كتشعل فالضو وطفي فيه تشعل وطفي
نجلاء: مممم مسلي هذاشي (بقات تشعل وطفي تشعل وطفي حتى تصوطات لمبا)ممم شفتي بحالي هكا كيديرو فيا كيشعلوني ونطفي راسي ويشعلنو ونطفى وغنبقا نشعل ونطفا حتى نطفى بمرة وترتاح البشرية مني 😏 مم كتأبنا بيما فيه الكيفاية نضو نجددو الطاقة (وقفات لاحت عليها الغطا ومشات دخلات لدوش دوشات وخرجات نشفات رسها وهي تلبس واحد سروال كيطمة فالگري وتيشورت بيض وخرجات وهي كتبتاسم داز تاني على اوس لي جلس خدام فالبسي فالصالون ومشات الكوزينة لقات سهام كطيب لعشا شافت فيها وهي تحل تلاجة جبدات واحد قرعة تاع شكلاط وكيكة )
سهام: حبيبة نسخن ليك الغدا
نجلاء: (شافت فيها وهي تهز دكشي وهزات واحد القرعة تاع الماء حطاتهم فوق طبلة بلا مدوي مع حد گرگرات ديك القرعة وهي تدهن واحد طرف تاع كيكة بشكلاط وكلاتو وقفات ردات دكشي وعمرات قرعة مرة اخرى وخرجات لاطيراس جلسات فيه وكتمزك وكتغني )وشحال من واحد دنيا داتو نساتو بعداتو ع الحباب ملي جا يعوض كاع لي فاتو خلاتو
........(بقات دندن معها غير بشوية وصلات ديك يابويا وشحال محتاجة ليك ونحط رأس عليك وهي تسكت وكتفكر براهيم ومعاملة تاعو تفكرات كاع ايمها معاه من صغرها فعلا نجلاء محتاجة ليه وكان حلمها غير تحط الرأس عليه ولاكين محققوش ليها تفكرات فاش قطع ليها البنتة ودربها وقال ليها خرتك تسرحي هدرات مع رسها)اش فيها كون نافقتيني ولو لمرة وحدة فحياتك وعنقتني اش فيها كون غير خلتني نحط راسي على صدرك غير نجرب اقدر داكشي مغينفع بوالو ولا غيدر ولاكين غير نجرب باش مبقاش ندير دكشي فخامة ونكتب عليها يوما ما ؟
سهام: (كانت تبعتها وقفات قدام لباب كتسمع ليها اش كتقول وهي تشهق بالبكا ومشات رجعات فجلها لبيتها كتبكي وتقول مبكاتش)اااه اختي ياريت فيني نقدم ليك هذا الحلم ياريت اختي علاش الدنيا قصات عليك وحرماتك من حقك علاش
اوس:(حل لباب )سهام مالك اش واقع
سهام: واقع بزاف بزاف دالحوايج ودروني بزاف وعافك متسولش
اوس:(تنهد)واش حيت دربتها صافي مبقاش ندربها ولا نهدرها يلاه غير تهدني
أنت تقرأ
زواجي من صهري 💍مكتملة💍
Romansa💎مكتملة💎 ❌حصرية على الواتباد ❌ ها واحد سلام عليكم حبيباتي بلسان الكاتبة: جبت ليكم بقصة جديدة بلا منقول عليها قمبولة💣 الموسم حيت انتما لي غتحكمو فالاخر واش قصة ناجحة ولا غير خربشة 😏 مممم قسوة الاب وفقدان الام 😢حب الاخوة👭👫 حنان الجدة👱 زوجة ا...
