زواجي من صهري 💍مكتملة💍

الجزء 52 💍❤️

**بارت 52
بقات نجلاء كدور فعنيها كتكاشف المكان وهي جلسة فهدوء والابتسامة على وجها حم قبل شيبات الكوميسير مسكين حتى بغا ينتف راسو معها
الكميسير :واش معرفاش نمرت عائلتك البرهوشة نطقي خلاص ولا نوض ليك نجفف بيك دنيا 😬😠
نجلاء:عارفها ارى نعيط.لهم انا 😒
الكوميسر:(بقا غير كيشوف فهذا الموصيبة لي قدامو هدر مع واحد الشرطي)عطيها تهدر مع ولي امرها اجي نشوف الى مقدرش اربيها انا نسيفطها الاصلاحية تربى تما
نجلاء: (كتشوف فيه بمعني شلا رباني حتى سي براهيم عساك الاصلاحية شدات تليفون وكتفكر لمن تعيط وتهدر بينها وبين رسها مم سهام حاملة مغنخلعهاش ايوب بعيد داك صاعصع الى عيط ليه غقول ليهم اصيفطوني الاصلاحية نصلح ليهم البنات تما 😕شكون هذا ولي امري لي غعيط ليه دبا براهيم مبري مني ممم لمن نعيط جلسة تفكر  شوية بتسمات بشر )واش نقدر نهدر بوحدي على راحتي
الكوميسير:ياك مبغتني نخوي ليك البيرو تاعي باش تلقاي رحتك انيسة
نجلاء: لا اعمي لبوليسي راه غير كنشوف فالافلام الى تشد شي حد  كيعطيوه اعيط على عائلتو وكيكون بوحدو فاش كيهدر معهم 😊
الكومسير:(درب براسو وشير لشرطي بعنيه)دي عليا هذا البرهوشة تعيط لعائلتهااجيو قبل منقدم استقالتي بسبابها وشوف ديك البرهوشة الخرى واش جات دخلها  حتى هي نشوف اش تحت رسها😠
(خرجات نجلاء هي والشرطي وعيطات لفهد خو اوس)
نجلاء: الو خويا فهد لباس
فهد:شكون معيا
نجلاء: هذي انا نجلاء خت سهام نستني دغية
فهد:نسا راسي ومنساك الله اودي على قليل لي درتي فيا باش نساك انتي راه رصختي راسك فداكرتي قولي اش زبلتي ياك  لباس
نجلاء: لابس لابس شوف جي عتقني😕
فهد:منين غنعتقك فين انتي اش وقع معاك
نجلاء: انا فالحبس
فهد:ههههه لحبس كاع
نجلاء: لا ماشي الحبس الحبس مهم انا فالكومسيرية واقيلة غنمشي الحبس
فهد: اش درتي المسخوطة
نجلاء: مدرت والو غير واحد بنت لفشوش كتعلق فين تفلق وجات فيا فلقت جد بوها وعيطو لبوايس جابوني انا الهنا وهي دوها خيطو ليها رسها دبا غتجي  تخرجني ياك😒
فهد:مصيبة انتية انا نعيط ل اوس
نجلاء: لا لالا متعيطش ليه عافك الا داك المخنزر اويلي اخويا بغتيه اغرقني ديال بصاح شوف اجي انت
فهد:انا راه بعيد كيف غندير ليك انصوني على سهام نقولها ليها
نجلاء: لا اخويا سهام حاملة مبغيتش نخلعها ومبغيتش ندخلها الكوميسرية لي عمرها دخلات ليها اجي انت وتشوف غير الحبس من لداخل كيف دير راه عمرك شفتيه واقيلة 😏
فهد:(بغا اموت بضحك)ههههه وا العدب مي كرشي واش نتي صافا شوية
نجلاء: والله الى بخير فراسك كنشعر بالاتارة مكنتش فراسي بلي هذا الاجواء زوينين ديالت اشدوك البوليس وتركب فسطافي ويجيبوك الكوميسرية تشوف شمكرية شدينهم دوز عليهم جلسين ويدخلوك عند واحد بوليسي بشلاغم معصب ادير ليك تحقيق والى مبغتيش تهدر ابقا ادرب فالمكتب تاعو وانت دفع جبهة وتهدر على الحقوق تاعك كمواطن زعمة وتقول من حقي نعيط لمحامي تاعي ولا شي حد من عائلتي ويعطيوك تعيط لهذا شحد لي اصلا معندك هههه وفالخر تعيط على مسطي بحالك طلب منو اجي اعتقك 😒
فهد:😂😂😂😂(كتركل فالارض بضحك )عرفتي اشنو اشنولة قطعي قبل متقتلني بضحك انا نعيط لواحد.صاحبي محامي اجي اخرجك
نجلاء: اه عيط عليه وعندك امشي اقولها لداك الغضب الساطع تاع خوك
فهد: لا ميقولهاش ليه فراسك كون مكنتش بعيد والله منفوت هذا الفرصة نجي كنجري نشوف هذا الاجواء لي كتهدري عليهم
نجلاء: مرة اخرى الخواة
فهد:علاه مزال تعاودي جمعي راسك اشمن مرة اخرى
نجلاء: وخا مبقاش نعاود حيت اصلا الحاجة المعاودة كدير ليا الملال غنجدد ندير شي حاجة اخرى يلاه تلاح راه بنت لفشوش جاي هي والاب تعها نشوف اشمن بطل غطيح عليا
فهد:ارا ليا شرطي لي حداك نهدر معاه
نجلاء: بلاش اخويا مابغيتش المعارفة باش نخرج قادة براسي
فهد: اهاا اراي زمرة نهدر وتكمشي راه البوليس هذا ماشي شي حد اخور يعني راه القنون لي انتي معاه
نجلاء: (شافت فداك شورطي لي بغا يكلها بعنيه وهي تعوج فيه)هاك هدر مع خطيبي
فهد:اش هذا البطل طيحتي عليا
نجلاء: انت سكت حتى من بعد ونكملو
(شد الشرطي التليفون هدر مع فهد)
فهد:نجلاء خطيبتي تقاس منها شعرة نجي نقلب على جد بوكم داك الكوميسرية
شرطي:حترم راسك اسي شكون انت لي تهدر معيا بهذا الاسلوب
فهد:فهد العلامي يكفي اسمي بلا منعاود نهدر
شرطي:سلام سي العلامي سمح ليا مكنتش عارف
فهد:مهوم قول حتى لي معاك نجلاء تقاس ولا اتقلل منها ايلقاني تما
شرطي:اوكي سي فهد
فهد:ارها ليا
شرطي:مدموزيل هاكي خطيبك
نجلاء:(شدات تليفون وهي تجاوب)يلاه تلاح دبا من بعد نكملو ونعاود ليك على المغامرة تاعي فالكومسرية
فهد:نجلاء شوف هنا غنعيط لدري ايجي انتي غير جلسي وتهدني بلا مديري حتى حاجة اخرى اوكي
نجلاء: وخا اصلا عيت مبقا فيا جهد لي ادير بغيت غير نجلس نتفرج صافي
فهد:مصيبة انتي يلاه بلا منعاود نوصيك
نجلاء: كون هاني اصلا انا منجبد حد وكنعطي فرصة لبنادم مكيستغلهاش
فهد:ييه كتعطي فرصة وكتنبهي اختي غير من ديك دربة لي عطتني بلا متعلميني
نجلاء :وي هههه وانت عطيتها ليك قبل بعيني وبحجباني وانت مكتفهمش جلس تعنب عليا يلاه تلاح دبا خليني نشوف نهاية تاع هذاشي  (قطعات نجلاء مع فهد وهي تبان ليها لبنى والاب ديلها والمحامي تاعهم جين ولبنى مدورين ليها فاصمة على رسها شافت فيها بقات فيها وهدرات نجلاء بينها وبين رسها)كنبعد قد ما قدرت على الباشر باش منديرش فيه ايدي وباش منكونش شريرة مي مكيخلونيش
شرطي:مدموزيل تفظلي معيا (كيهدر معها بكل احترام دخلوها هي ولبنى عند الكوميسير)
الكوميسير:اش وقع بنتكم
لبنى:(كتبكي )هئ هئ هذي مجريمة وحمقة هي لي لقاتو كدربو كنت غدية وشداتني خشات ليا راسي فالحيط وماشي غير هكا حتى ميمي فايت دربتها لنيفها هرساتو ليها هذي خطار علينا فداك ليسي(كتبكي وتكدب ونجلاء جلسة كتشوف فيها)
الكوميسير: (شاف فنجلاء)واش هذاشي بصاح
الاب تاع بنت الفشوش)اشمن واش بصاح واش مبانتش ليك بنتي ملوية فالفاصمة الى مكفاكش سيد الكوميسير راه كينين شهود هذي بغيتها تمشي فين تربى 😠
نجلاء: (بقات غير كتفرج فهم ومكسلة فالكرسي )تكلما اعمو ليطيح ليك طونسيو خلي بنتي تكمل تمتيل راه تقنات دور
الكوميسير: انتي سكتي شكون عطاك الادن 😠
شرطي:(قرب من الكوميسير همس ليه فودنو)مون كوميسير هذي راه خطيبت مسيو فهد العلامي وراه وصى عليها
الكوميسير :(خرج عينو )حم ممكن انسة تقولي اش واقع
نجلاء: (شافت فيه وشيرات لرسها بصبعها)انا
الكوميسير: وي انتي
نجلاء: لي واقع اسي الكوميسير كنت غدية فحالي وهذي شداتني من الور جرتني قالت والله متمشي حتى تخلي دار عشتي وانا معطلتهاش شديت رسها خشيتو فالحيط مع ساليت مع جيتو هزيتوني هذا مكان
الاب:شفتيها كتعتارف بكل عين وقحة انا غندفعك تمن غدي نصيفطك ترباي
الكوميسير: مسيو تاقي وخا تسكت وتخلينا نديرو خدمتنا (يلاه هدر وهو يدخل محامي)
محامي:انا محامي مدموزيل نجلاء(كملها دخل واحد اخور)
المحامي 2:انا محامي مدموزيل نجلاء
الكوميسير: (كيشوف فهم ويشوف فنجلاء لي جلسة كتشوف بشك)حنا بغينا ولي امرها
دخل محامي 3:انا محامي مدموزيل نجلاء
الكل:😮😮😮😮😮😮
نجلاء:(دربات على وجها يديها )ناري على حمار تاع فهد
الكميسر:حم واش مكاين والي امرها
المحامي:(لي سفط فهد تيتيز الفورمة وطول واللحية ولبس ليك كوستار )انا من طرف خطيبها وانا غنوب عليه ممكن نعرف اش واقع
نجلاء: (شافت فالخرين )وانتما شكون سيفطكم 🙍
الاول:انا من طرف سي احمد فكري
نجلاء: (شافت فيه بشك)شكون هذا حمد
المحامي:انا عيطات ليا بنتو انيسة خولة فكري
نجلاء: (شافت فالكوميسر)هذي صحبتي (شافت فلاخور)وانت شكون سيفطك
المحامي:انا من طرف سي مروان
لبني:(بقات مصدومة حتى زدها هذا صدمة)كيفاش مروان
المحامي: اه
نجلاء: ايوا راك غلطي اسيدي هو سيفطك تغرقني زعمة دافع على هذيك ضدي 😌
المحامي: لا صيفطني على قبل انيسة نجلاء
نجلاء:😮هي انا (بقات كتشوف فالكل وهي تشير الكوميسير بيدها زعمة قرب)هاي عمي البوليسي بس شوف قرب نهدر معاك
الكوميسير:(قرب عندها)وي مدموزيل
نجلاء: لا غير نجلاء بلا الالقاب شوف غير طلقني عفاك نمشي فحالي بلا متسيفطني لمحكمة راه ايتبعني جيش تاع المحامات شوف هذي دربتها حيت هي لي بغات ولخرى لي هدرات عليها حتى هي دربتها بدون قصد وراه الاب ديلها جا عتدر مني فالادارة مهم عمي البوليسي هذو ولاد الفشوش مبغاو اقراو ولا اخليو حد اقراء وانا غير ربيتهم شوية وصافي 😒
الكوميسير: (حبس ضحكة غير بزز)حم مسيو تاقي وخا نهدرو بالخاطر وراه بنات باقين قصرين
الاب:وتقول واش نتنازل ليها
المحامي: (تاع مروان)حم ممكن ندخل شي شهود غيعودي اشنو واقع بتافصيل
الكوميسير: اه دخلهم
(نجلاء بقات غير كتشوف حتى دخلو صحاب مروان ريان وديك جماعة ومعهم مروى وكينة حتى خولة يقات غير تفرج فهم كلشي شهد ضد لبنى ومروان هدر مع لبنى وتنزلات )
لبنى:انا غنتنازل اسيدي وغنعتادر على كلشي انا جبدتها
الكوميسير: (شاف فنجلاء)انيسة نجلاء على حساب شهادة تاع شهود راه تقدري دعيها
نجلاء: (بقات غير كتفرج فهذا المسرحية شافت صحاب لبنى شهدو ضدها عرفات كينة إن تما تنهدات وهي تنطق)لا مندعيهاش ممكن نمشي راه تعطلت على دار
الكوميسير: اه غير وقعي على (قبل ميكمل دخل المحامي تاع فهد)
المحامي: مسيو كميسير ممكن نهدر معاك على نفراض(واقف الكميسر والمحامي طلب منو ميديرش محضر بلي كانت نجلاء فالكوميسرية ومدارش طبعا حيت هذي خطيبت العلامي ههههه هذا نجلاء مرضية ديما كتسلخ الناس وتخرج براءة مع الاعتدار من الفوق خرجات نجلاء هي وخولة وتبعهم المحامي صحب فهد