زواجي من صهري 💍مكتملة💍

الجزء 113 💍❤️

فاختة:(شيرت ليها )اجي بنتي جلسي حديا
نجلاء:(بتسمات وجات جنبها )نعم خالتي
فاختة:شوفي بغيتك توجدي راسك غدا ان شاء الله غنمشيو البلاد
نجلاء:(سمعتها وهي تخرج عنيها نطقات )علاش خالتي قصدي حم علاش انديو الولاد باقين صغار على طريق وعاد جيين من فاس و (قطعتها فاختة)
فاختة:حنا غنمشيو فالطيارة ودغية غنوصلو ومغيحسوش بطريق ومنها تشوفي باباك وخوتك بانتي ليا مشبعتيش منهم وحتى باباك ايكون محتجك دبا هو حزين على سهام وعمك مصطفى قال بلي مكيخرج من الدار حنا غنديوك تشوفيه ونشفوه حتى حنا وهو ملي غيشوفك ويشوف ولاد سهام اكيد غيفرح وغينسى الهم شوية
نجلاء:(مسكينة هي مكرهاتش تمشي عندو وتواسيه ولاكين هي عارفة بلي مغتنفعو بوالو هو محملهاش وغير غيشوفها اكيد غيزيد يتأزم مبغاتش تمشي ولاكين مبغاتش تبين ل فاختة زيرات على يديها بجوج ونطقات )وخا خالتي انا غنجمع حوايجي وحوايج الولاد
فاختة:حتى انا نجمع حويجي حيت غندوزو شي سمانة تما ان شاء الله منها نبدلو الجو دالمدينة شوية (خرجات فاختة ونجلاء مشات دخلات لدوش كتغسل فوجها بالماء برد وكتفكر اش داز عليها فديك البلاد وكيفاش خرجات منها )
نجلاء:حلفت عمري نعاود نرجع ليها ولاكين القدر قال كلمتو مرة اخرى وخا مافيها باس نرجعو ونشوفو اش تبدل من بعد مراح النحس المنحوس من حياة براهيم قالت ليك خالتي نواسيه وغيفرح وينسى اللهم مفراسك بلي اكبر هموم الدنيا عند براهيم هو انا (مسحات وجها وهي تخرج جبدات فليزتها جمعات فيها حويجها وحويج دراري وهي تخرج لصالون لقات فاختة ومصطفى واوس جلسين مشات عند فاختة وهي تنطق)
نجلاء:خالتي عافك وخا تردي لبال لدراري شوية
فاختة:علاه فين غدية بنتي
نجلاء:بغيت نخرج نتقضا شي حاجة
اوس:(كيشوف فيها حتى كملات ودار شاف ف الاب ديالو بمعنا واش نهدر ولا نسكت)😒
مصطفى:حم هو غترد ليهم البال حيت غنخرج انا وبنتي نجلاء نمشيو نتقضاو اش خصها (وقف وشاف ف اوس وبتاسم )😊
اوس:انا غنمشي معها بلا متعي راسك الوليد
نجلاء: لا متمشيش معيا منمشيش معاك😒
مصطفى: سمعتي يلاه ريح الارض انا وبنتي غنخرجو(شاف فنجلاء)سيري بنتي لبسي حويجك انا كنستناك
(مشات نجلاء تحت انضار اوس دخلات لبيتها)
اوس:الوليد رد لبال
مصطفى: غتوصني على بنتي
اوس:رد منها البال والى قالت ليك اجي تاكل شي حاجة متكلهاش(تفكر فاش ردات ليه فهد مريض سمانة وهو شد لفراش)
مصطفى: (شاف ف اوس )من نيتك كاين شواحد يخاف من ملاك بحلها
اوس:ملاك اودي سولني انا عليها لي شفت فهد سمانة وهو شد لفراش هههه(باقي كيهدر خرجات نجلاء من البيت لبصة كسوة فالكري ديالت توب مزيرة عليها مبينة تفاصيل ديال جسمها لي غادي بحال الحوتة نازلة لبسات فوقها جاكيط تاع دجين باهتة و معها سبرديلة بيضة وشعرها جمعاتو كعكعة مهميلة وهازة ساكدو بيض طلعها اوس من رجليها حتى رسها وهو يقرب من الاب ديالو همس ليه فودنو)غتقول ليها ترجع تبدل هذاشي ولا غدي نهدر انا وهي مغيعجبهاش الحال وغتبغي دير لي فرسها وانا غعطب امها 😒
مصطفى:(شاف فنجلاء جات كيوت مشا عندها وهو يشدها من يدها وشاف ف اوس وفاخيتة )خليتكم على خير انا غنخطف هذا الامورة منكم هذا العشية 😌
فاختة:مممم باغي تشعل فيا نار الغيرة انا منغيرش من بنتي حبيبتي😍
نجلاء:(جات عندها وهي تبوسها فرسها)شكرا خالتي شوف راه اويس قديت ليه سوبا فالبيبرونة الى فاق عطيها ليه وإقبال حتى هي قديت ليها حليبها انا مغنطعطلش ردي ليهم البال والى بكا اويس خدمي ليه طيور بيبي
فاختة:(بستها فرسها حتى هي وهي تشد وجها بين يدها وردات ليها خصلة من شعرها وراء ودنيها )حبيبة خرجي ومتشغليش بالك مع الولاد انا غنحطهم فعني حتى ترجعي زائد ها اوس معيا ايرد ليهم البال(شاف ف اوس لي غياكل نجلاء بعينو )
نجلاء: حم وخا خالتي (مشات خرجات هي ومصطفى)
اوس:(تبع ليها العين كيف غدية كتمشى ومسعودة كتهز وتحط سها فيها تفكر فاش كتوسي على ولادو تنهم وهدر بينو وبين راسو )ولادي محضوضين بزاف هوما خصرو ماماهم وربي عوضهم ب احن أم فالدنيا لي هي برسها بيبي صغير وكتوصي على الولاد
فاختة:(شافت فيه وهي تنطق)نجلاء زوينة بزاف وحنينة
اوس:(بدون شعور )حنينة وزوينة وبريئة بعض المرات وشريرة بعض المرات وقوية ومهدنة والهدنة تعها كتخلع بزاف (جلس يعبر حتى سمع امو طرطقات بالضحك)
فاختة:ههههههههههههه قمت التناقض دبا واش زوينة ولا شريرة
اوس:برهوشة 😒
فاختة: وخلاتك تستسلم وتحط سلاح قول لا
اوس:غير مابغيتش ندير فيها عقلي حيت عارف عقلها على قد الحال بلاتي تكبر نشوف واش تغير ولا غتبقا ديرة العصا فالرويضة
فاختة: (خشات يدها فدراعو )مممم كيف بغتيها تكون الى تبدلات متلا
اوس:ممم تبعد على جنس الرجال
فاختة:مم واشنو اخور
اوس:تغير لبسها حيت معجبنيش
فاختة:عود اشنو مزال
اوس:تغطي شعرها
فاختة:واش
اوس:مبقاش تخرج من الدار بلا متاخد ادني
فاختة:والهوى تنفسو بالادن ديال سي العلامي ولا مسموح
اوس:ممم نفكر ونرد عليك مدام فاختة
فاختة:واش كتبغيها
اوس:سهام كتبغيها
فاختة: وانت
اوس:لي كتهم سهام كتهمني حتى انا وعلى قبل سهام درت بزاف وغندير كتر من هكا الى طريت على قبلها غنتزوج بنت قد ختي هاجر فالعمر حيت سهام كانت كتقوليا هي امانة فرقبتك وكتزير على ايدي مامرة ماجوج وخلاتني نوعدها بلي غنتكلف بيها وانا غنديرها كيف كانت سهام بغات وكيف كانت تعاود ليا عليها
فاختة: اوس انت حبتي من قبل وعرفتي معنى الحب ياك
اوس:اه حبيت مرة وحدة فحياتي وجامي نعاود
فاختة: الى جا شي نهار نجلاء حبات شواحد من قلبها واش غتعونها تجمع معاه
اوس:(زير على يدو وعقد غوباشتو دغية تغير بلا قلبو نغزو )😠😠
فاختة:(شافت فيه كيف تعصب وهي تنطق)نخليك تفكر فيها ورد عليا
(خلاتو ومشات عند الولاد اوس واقف كيخمم غير بحدو )
اوس:الوليدة عندها الحق نجلاء هي دبا باقي مراهيقة وفاش تكبر اكيد غتبغي شواحد من قلبها ديك ساعة (تنهد وهو يشد شعرو ونطق)ديك الساعة هي غتكون مرتي ومعندهاش الحق تبغي ولا تفكر فشي حد اخور
(مشا نزل المكتب ديالو اشغل راسو شوية حيت ولا مشغول غير بنجلاء وسيرتها ومشكلها عند نجلاء لي مشات هي وسي مصطفى المركومول تقضات كدوات ل امال ورشيد وايوب وشرات الاب ديالها وحتى توريا هههه حيت معها سي مصطفى مبغاتش تبين ليه وشرات العربي ومرتو منساتهم وشرات ل صحبتها يسرى والام ديلها بغات ترد ليها شوية من دكشي لي كانت دير معها حيت الام ديال يسرى كانت دير بحسبها وتصيفط ليها اي حاجة عطات منها لبنتها ونجلاء منساتش خيرها هزات هي ومصطفى دكشي حطوه فاللوطو ومشاو لواحد كافي حدى البحر جلسو فيها وشربو عاصير نجلاء كتشوف فالبحر )
مصطفى: زوين الجو ديال البحر كيريح الخاطر
نجلاء: اه زوين بزاف كيعجبني نبقا نشوف فيه كنرتاح من ديما كنبقى نشوف فيه من لاطيراس تاع الدار
مصطفى: واش عمرك دخلتي وصطو
نجلاء: لا عمري دخلت ليه
مصطفى: اوس عندو يخت شي نهار نخرجو ريحلة فالبحر
نجلاء: ان شاء الله ايكون زوين فاش تكون وصطو
مصطفى: اه زوين كيعطيك عبرة فالحياة وبلي الدنيا بحال بحر وحنا كنسبحو وصطو باش نوصلو لبر الامان اقدر يوقعو معنا بزاف ديال العراقيل متلا تجري الرياح بما لا تشتهي السفن اقدر تجي عاصفة وتبدأ تهز فالموج ومتخليش السفينة تحرك كيف بغات اقدر تصب الشتاء وتبدأ تسقي فالماء وتلوح لبحر باش متعمرش السفينة بالماء وتغرق مهم بزاف دالعراقيل ولاكين الانسان كيواجهم وكيتعامل معاهم باش يستمر فطريقو ماشي كيجلس ويشوف فهم