مزال مداربة مع افكارها سمعات صوت لي طمنها وخلها تبتاسم
فهد:واووو شكون جا اميرة نجلاء عندنا 😌(غوت شي لي خلا الكل ينتابه ل نجلاء دارو كلهم شافو فيها شي غار منها وشي فرحان حيت جات عندهم وشي بقا حال فمو فيها )
جاد:(ولد عم اوس فعمرو 24)واوو قمبولة 😮
عماد:واه قمرة هذي اخويا اول مرة نشوفها غدية على رجليها (ولد عمت اوس فعمرو 20 عام)
ايمان:(خت عماد دبدوبة وكتبغي ولد خالها جاد لي جاي من امريكا ولاكين هو متسوقش ليها كيعتبرها غير بنت عمتو شافت فنجلاء بحقد كرهتها غير حيت جاد قال ديك الهدرة )😠
اما وحدة كون كانو عنيها قرطاس كون قتلتها هذي أميرة خطيبت فهد وبنت عمو فنفس الوقت شافت خطيبها كيف كيهدر مع نجلاء ويضحك معها وهي تحس بالخاطر حيت من نهار شفها فهد وهو كيعاود ليها عليها
وهاجر اخت اوس لي من ديما بغات تلقا بنجلاء حيت كتعاود ليها سهام عليها وبغات تعرف عليها وكين إسرء قد نجلاء اخت اميرة وبتسام لالة العروسة هدو هوما لي واقفين كيشفو فهد كيهدر مع نجلاء لي رسمات بتسامة على وجها
نجلاء: (ببتسامة )مرسي فهد اش كتعاود لباس
فهد:ملي شفتك انا لباس اختي غير الله يبعد الباس (تحنا عندها همس ليها فودنها )واش خلتي ديك نجلاء الشريرة فكازا ولا جبتيها معاك هاأ
نجلاء: (ببتسامة )عفا الله عما سلف 😌
فهد:الله يجعلني نتيق
نجلاء: غير تيق (قربات عندو وهدرات مع بهمس )مبروك
فهد:مبروك اش
نجلاء: خطبة انت خاطب ومقلتيهاش ليا العفريت خايف لندربك بالعين
فهد:هههه لا ماشي هكاك غير ديك ساعة هدرنا عليك انتي وقالت مرة اخرى نهدرو عليا
نجلاء: ممم فنهي خطيبتك
فهد:(بعد ليها من لقدام )شوفي واش تعرفي على دوقي😌
نجلاء :(شافت فالبنات لي واقفين وهي تنطق بهمس)كينين جوجات كيخنزرو فيا دبدوبة وديك عود الند ادن وحدة فهم خطيبتك😒
فهد:(تفرشخ بضحك )😂😂😂
الكل:(دارو كيشوفو فيهم )😒😒
نجلاء: (همست ليه )فراسك عندك ضحكة تخلقات غير باش تجمع علينا أمة لا إله الا الله
سهام:(شاف الكل كيشفو فهم وهي تنحنح)حم هذي اختي نجلاء
مصطفى: (تقدم عند نجلاء وهو يشد وجها بين يدو وبسها فرسها )هذي نجلاء صغيرة مشالله كبرات وزيانت
فاختة:(قربات عندهم )مصطفى رجوع الله بغتني نغير من نجلاء 😌
نجلاء: (بقات غير متبع معم كدور فعنها اش هذا 36 دخلة ليه)😒
مصطفى: مرحبا بيك بنتي نجلاء
نجلاء: مرسي عمو
مصطفى: بابا مصطفى هكا كتعيط ليا سهام
نجلاء: (ديك بابا مبغاتش تخرج ليها زيرات على يدها )😊
فاختة:(بستها من حنكها )مرحبا بيك بنتي
نجلاء: مرسي الله يبارك فيك
سهام: (شافت فيها )هذا بابا مصطفى وماما فاختة
نجلاء: متشرفين
مريم:(العمة جات سلمات عليها)وانا عمتهم مريم مربا بنجلاء عندنا مشالله غزلة ختك ا سهام
نجلاء: شكرا (محملاتش هذا الاجواء الكل كيشوف فيها محملاتش رسها وكتجوب غير على قد سؤال)
هاأ:(جات عنقتها)وانا هاجر تشرفت بيك فراسك من شحال هذا وانا بغيت نتعرف عليك حيت سهام كتعاود ليا غليك بزاف
نجلاء: متشرفين اختي (مع رسها هذا سهام معندها لا شغال لا مشغالة جلسة واقيلة فهذا سبع سنين غير كتعاود عليا ل ايت العلامي لي تلاقيتو يقول هدرات ليا عليك سهام 😒 قربات ل سهام همسات ليها فودنها)اليوم تأكدت بلي انتي برگاكة
سهام:😮علاش
نجلاء: والو والو (دارت ل فهد)فهد شكون داك القوم لي مبلوكي لهيها وكيسلم عليهم اوس (غير بهمس)
فهد:هدوك نسابي 😌عمي دريس ومرتو سعاد
نجلاء: (شافت فالجدة لي مشات جلسات معهم مسلماتش مع نجلاء بتسمات نجلاء وهي تقدم عندها)صبر نديرو شوية صواب مع الناس لكبار بان ليا تقلقو مني (مشات عند الجدة لي جلسة والكل متبع ليها العين وصلات نجلاء قدمها وهي تحنا باستها فرسها وبعدات كتشوف فعنيها وهمسات ليها)سلام لالة رضية لباس عليك شفتك مسلمتيش عليا وانا لي جاية ودرت بحسابك تسترت شوفي اش لبست (هههه نجلاء لبسة واحد تونيكة نازلة حتى فاتت الركبة وقصيرة من لتحت بحزمها ولبسات معها سبرديلة بيضة )
الجدة:(شافت فعنيها لي كلهم براءة وفيهم واحد.النضرة مامفهوماش سهات فيهم شحال ونطقات )مرحبا بيك بنتي
نجلاء: الله يبارك فيك (دارت سلمات مع مولاي دغيس هههه )سلام عمو صافا
دريس:وعليكم سلام بنتي
اوس:(بقا غير كيشوف فيها وكيطلب الله مدير حتى شي حاجة حتى يرجعو هههه)نجلاء هذي مرت عمي وهي بحال الوليدة
نجلاء: متشرفين طاطي سعاد لباس عليه
سعاد: (كطلعها وتهبطها)لباس الحمد لله
فهد:(شدها من يدها)نجلاء اجي نعرفك بهدا المشاغيبين لي من صباح متبعين معاك
نجلاء: (تقدمات معاه عند دراري ولبنات)😊سلام عليكم
جاد:وعليكم سلام اهلا انا جاد
نجلاء: متشرفين
فهد:هذا عماد ولد عمتي وهدي ايمان اختو دبدوبة العائلة وهذي اسراء بنت عمي صغنونة وهذي ابتسام لالة العروسة
نجلاء: (سلمات عليهم وهي كتبتاسم وصلات ايمان سلمات عليها ناقص باينة محملتهاش )متشرفين
فهد:(شد أميرة دور يدو على كتفها )واخيرا هذي اميرة تاعي خطيبتي 😍
نجلاء: (كتشوف فيها كيفاش كتخنزل فيها )متشرفين اسميتك اجي شنو سميتها
فهد:هههه اميرة
نجلاء: اه قول هي سميتها اميرة اسحابلي كاعيط ليها اميرتك متشرفين
اميرة:(هازة منخرها لسماء ومكرهاتش تخنق نجلاء بيديها محملتهاش حيت فهد متقرب منها هذي هي البنت المغربية كتغير على حب قلبها ههههه ايوا كرهوها تاني انتوما لبنات وقولو علاش كدير هكا مع نجلاء 😌😒)هاي
نجلاء: هاي (همسات لفهد)واش ساليتهم اخاي ناري دخت وانا كنضور بناتهم دبا خصني نعقل على سميتهم جاد عماد اسراء هاجر ابتسام اميرة ايمان ممم دريس سعاد فاخيتة مصطفى مريم راضية
فهد:ههههه ناري وتسمعك فراسك كتعيك لعمي مولاي دريس ههههه وانتي قولتي عليه دريس
نجلاء: علاش مولاي دريس
فهد:حيت الاب تاع عمي شريف
نجلاء: اه هي ماشي الاخ تاع باك شقيق مممم مدام رضية مزوجة جوج خطرات
فهد:وي من بعد.مامات رجلها الال تزوجات بجدي
نجلاء: وقتلتهم بجوج وبقات اخويا هذا رضية قادة وقدود
فهد:ههههه فراسك كيعجبني نتناقش معاك كتقتلني بضحك
هكا داز الاقاء الاول تاع نجلاء بالعائلة العلامي تجمعو على الفطور كلاو وناضو كل واحد واش كيدير كيوجدو العرس نجلاء طلعتها هاجر لواحد لبيت مشات بدلات حويجها لبسات كيف موالفة تلبس فالدار وهي تكى تنعس حيت فيقوها بكري سهام حتى هي مشات ترتاح اما اوس فبقا جلس مع عائلتو كيعطيهم الصواب وحيت كبر مع عمو كيحتارمو بزاف داز النهار وصلات العشية فاقت نجلاء من نعاس على يدين حنان كيدوزو على شعرها
نجلاء: اش كين تاني واش نوض لبس شي خرية ونمشي ندير صواب مع ايت العلامي كتر من لي درت صباح
سهام: لا حبيبة غير جيت نفيقك تاكلي راه من صباح وانا كنحبسهم بغاو يجيو يفيقوك تغداي وعرفتك مغتبغيش وقالت ليهم غير اخليوك ودبا راه بغاو يحطو كسكروط وبغات ماما فاختة تجي تفيقك وانا حبستها يلاه حبيبة نوضي تاكلي شي حاجة
نجلاء: عودي سميتها
سهام :فاخيتة
نجلاء :(مجبدة على كرشها )لا لخرى زعمة كيف كتعيطي عليها
سهام: ماما فاختة
نجلاء: كيفاش كتقدري تنطقيها انا مكتبغيش تخرج ليا من غير الى بغيت نقولها ل عتيقة الله يرحمها
سهام: امين يارب كنطقها حيت فيعلا كنشعر بيها ماما فاختة راه ضريفة وهي لي خلتني نحس بلي انا بنتها
نجلاء: الله يحفضها ليك ويحفض ليك هذا العائلة باينة كيحبوك بزاف غير من طريقة باش تجمعو عليك كيباركو ليك ويسلمو عليك فراسك اختي فرحت ليك بزاف حيت لقتي عائلة لي تحبك وتبغيك وتعتبرك منهم سهام انتي محبوبة بزاف لي شافك كيبغيك
سهام: حتى انتي احبيبة
نجلاء: انا لا الى بغيتهم يبغوني خاص نتغير نزلي كيف بغاو على عكسك انتي كلشي كيبغيك كيف انتي
سهام: وانا كنبغيك كيف انتي وكنموت عليك
نجلاء: اش كديري الهدرة كتعطيها صلية
سهام: والله حتى كنبغيك
نجلاء: اه كتبغني ولبستني كسوة باش ناقبل بيها عائلت ايت العلامي
سهام: هههه هذيك سميتها تونيكة والله حتى جاتك واعرة بنت الهم قالي اوس عاد بينتي مفاتينها بديك الكسوة ههههه(قالتها بدون شعور)
نجلاء: ايه عارفك غير كتشدي بيا النميمة مع لي لقتي مرة مع رجلك مرة مع عائلتو شهرتني عندهم قبل منجي
سهام: باش تعرفي قداش كنبغيك وكنتوحشك وكنعاود عليك
نجلاء: شفاوي
سهام: كيفاش
نجلاء :افعال ماشي اقوال
سهام: وضحي
نجلاء: والو يلاه نزلو(كتقصد افعال يعني توحشني تعطني وقتك ماشي تجي تهدري عليا البنادم ههههه)
نزلات سهام ونجلاء لي لبسة كيطمة وتيشورت وسندلة دصبع لقات الكل جالسين فالجردة حطين الكاسكروط شافت فجردة كبيرة فيها بيسين وشجر انواع واشكال عاد الورد لي مزينها وكيبانو نافورات مستفين والماء طالع منهم منضر زوين بزاف
فاختة:(شافت فهم وهي تبتاسم)اجي بنتي تاكلي شي حاجة بغينا نفيقوك تغداي مخلتناش سهام
نجلاء: (جرات كرسي جلسات جنب فهد وجلسات سهام حدها )شكرا خالتي
فهد:النعاسة عاد فقتي
نجلاء: وي رتاحيت باش يتحلو عني ونوض نكتاشف فاس
مصطفى: (شاف فيها وهو ينطق)نجلاء كيف داير واحد براهيم لباس عليه
نجلاء: (يلاه غتحط دغمة فمها سمعات سميت براهيم وهي تزير على يديها ونزلتها تحت طبلة)...
سهام: (شفت فيها وهي تمد يدها شدات فيد نجلاء وهي تنطق)لباس عليه ابابا نجلاء بينها وبينو من نهار جينا من لبلاد وراه كنهدرو معاه لباس عليه
اوس:(شاف نجلاء وفسهام لي كتهدر )عمي براهيم عيط ليه لبارح على قبل العرس راه عتادر قال عندو شي شغل فهذا شهر وراه بارك ليكم وقال نسلم عليكم وبلي غيجي ازوركم فالقريب
مصطفى: انا سيفط ليه دعوة باقي معيط ليه اش كيعاود
اوس:لباس عليه
نجلاء: (هزات واحد الكاس تاع العصير شرباتو دقة وحدة وكلات طرف تاع كيكة وهي تنوض )بصحتكم انا غنتحرك شوية فجردة
هاجر:بلاتي نجي معاك
عماد:حتى انا شبعت
جاد:وانا
نجلاء: 😮(اش هذا الخرى ههههه هي بغات تهرب تمشي تكالمي رسها وهوما تبعوها )
الجدة: ياك حنا كنجلسو حتى نكملو الماكلة عاد نضو
نجلاء: انا شبعت بصحتكم (تمشات وخلتهم ولاكين تبعوها البنات ودراري مشاو جلسو فواحد الجلسة تما نجلاء بقات غير ديك براهيم كتعاود فرسها بدت تهدر مع رسها شفتي ابراهيم شفتي انت مبري مني وقالتيها ليا وانا كنحاول نتقبلها ولاكين الناس كيربطو بينتنا كيسولوني عليك وانا معندي جواب اش نقول لهم لباس وانا معرفاش عليك حتى حاجة )😒
هاجر: نجلاء واش عجباتك فاس
نجلاء:زوينة
أنت تقرأ
زواجي من صهري 💍مكتملة💍
Romance💎مكتملة💎 ❌حصرية على الواتباد ❌ ها واحد سلام عليكم حبيباتي بلسان الكاتبة: جبت ليكم بقصة جديدة بلا منقول عليها قمبولة💣 الموسم حيت انتما لي غتحكمو فالاخر واش قصة ناجحة ولا غير خربشة 😏 مممم قسوة الاب وفقدان الام 😢حب الاخوة👭👫 حنان الجدة👱 زوجة ا...
