بعد مرور شهر
نجلاء كانت ناعسة خامرة حتى جات لالهم سهام تاني وقفات حدى رسها
نجلاء:اش كين تاني
سهام:نوضي نتقضاو انجلاء عافك راه غنمشيو غدا
نجلاء: انا راه قالت ليك مابغيتش نمشي حتى بلاصة عافك خلني هنا
سهام: لا منخليكش بوحدك يلاه تحضري العرس راه عرضو عليك ومنها تبدلي الجو وتخرجي دبا عطلة يلاه تشوفي فاس كيدير
نجلاء: شفتو اختي والله حتى دخلت ليوتيوب وشفتو زوين مشالله غير سيري انت ورجلك بدلو الجو وخليون هنا حتى ترجعو والى متيقينش فيا نجلس فدركم بوحدي انا غنمشي نزل فشي اوطيل حتى ترجعو ولا نمشي عند خولة ولا نمشي لبلاد عند ايوب عطا الله
سهام: لا غتمشي معيا هي غتمشي ونوضي دبا وقفي نتقضاو بلا متفقصني الله ارحم ليك ماعز عليك
نجلاء: (غير جبدات عتيقة مقدراتش ترفض)وخا هاني غنمشي معك اختي بغتي غير نمشي لفاس غنمشي ولاكين مطلبيش مني كتر منهكا ولا تلوميني على شي حاجة
سهام:😨مالك شغادري
نجلاء: مغندير والو اختي غير هو خلني على رحتي وقولها لرجلك انا غنمشي معاك عند عائلتو وغنسكت وندخل سوق راسي ولاكين الى جبدني شي حد متلومنيش على دكشي لي غندير
سهام:(شافت فيها )واش كتهدديني انجلاء بغية تسكتي ليا القلب شوفي اختي دوك الناس كتجمعني بهم صيلة وانتي كتجمعني بيك صيلة وروابط ومانبغي حتى حد فيكم يتضلم من لاخور الميمة فاش هدرات معاك وسكت هذا راه مكيعني بلي متجرحت احبيبة دكشي كاع لي قالت ليك درني انا فقلبي وبزاف ولاكين سكت حيت هي طبعها هكاك دير وحتى انا براسي يا ما علقات عليا فاش كنت نقرا عندهم ياما غوتات عليا ونهرات فيا ولاكين سكت وحترمتها وهي فالخر رجعات حنينة معيا هي راه غير كتشد ضد مع بنادم وراه ملي تمشي غتشوفي بعنيك كيف كتعامل مع ولدها ومع حفيدها وهذاشي مكيعنيش كتكرهم
نجلاء: سهام اختي ولادها وحفيدها مطرين يتحملوها انا لا ممطراش ومابغيت مشاكيل انا بغيت غير نبعد عليهم كل البعد بغيت غير الهنا هذاشي لي طلبت منكم خليوني نهنا ونعم بالهدوء علاش بغتي تديني عند عائلة رجلك وانا مكنعرفهم ومعندي علاش نمشي عندهم
اوس:(من قدام لباب )حتى انتي راه عائلتك وانتي وحدة منا ومن العائلة تعنا وغتمشي لدارك وعندك عائلتك التانية
نجلاء: (كانت ناعسة على كرشها حتى سمعاتو وهي تنهد )علاه عندي شي عائلة باش تكون تاعك التانية ليا
سهام: (بقات غير كتشوف فيها )😢
اوس:عندك غير انتي لي بغتي تشوفي راسك مسكينة ومعندك حد انتي عند أباك خوتك سهام
نجلاء :(زيرات على يديها وعنيها فاش سمعات اباك جات اللقطة تاع براهيم فاش قال ليها انا مبري منك )😠
سهام: (شفتها وهي تمد.يدها شدات فيد ختها )حبيبة انا معاك وانا غدي ندير حد لهذاشي انا مغنبقاش نتفرج فيك وانتي كتعاني (دارت شافت فاوس وهي تنطق)اوس بغيت نهدر معاك
نجلاء:(غير سمعتها وشفتها بغات تنوض وهي تمد يدها شدتها جلستها وناضت جلسات وكتشوف فيها ودرب ليها برسها زعمة لا متقوليش )انا انا غنمشي غنمشي معاك اختي نمشيو ل ل ف فاس اه انا غنوض(كتهدر وتزير على يد سهام وطلبها بعنيها متهدرش )
اوس:(شاف فيها كيفاش كترجا سهام بعنيها فهم بلي مبغاتش تخلي سهام تهدر عليها هو بينو وبين راسو سهام غتعاود ليه بلي نجلاء غير تبنوها تنهد وهو يخرج نساحب وخلاهم)نخليكم بوحدهم
نجلاء: (تبعات ليه لعين حتى خرج وهي تنوض بزربة سدات لباب ورجعات ل سهام)اش بغتي تقولي ليه هاأ اش كنتي بغتي تقولي اختي
سهام: غنعاود ليه كلشي خاصهم يعرفو كلشي باش مبقاش يضلموك
نجلاء: شكيت عليك هاأ قالت ليك هدري قولي شي حاجة
سهام: (كتبكي )مابقيت قدة نخبي اختي 😭منقدرش نشوفك وانتي كتعاني فصمت والناس كيزيدوك
نجلاء: (شافتها كتبكي وهي تمسح على رسها وخشات يديها فشعرها شدات رسها ودارت عطات لختها بضهر )سهام سكتي سكتي عافك
سهام: نجلاء خلني نعاود ليه كلشي هو غيتفهمك ومبقاش كل مرة اجي اعاتب فيك وحتى هو غيوقف معاك ومبقاش اخلي حد اغلط معاك
نجلاء :(دارت عندها وهي تنطق)علاش بغية تحطني فهذا الموقف علاش بغتني نولي نشوف نضرة الشفقة فعيون الناس بغيتهم يبقاو يقلو عليا هاهي هذيك لي متقبلهاش الاب ديلها هذيك مسكينة مبري منها ابها ياك وخا سيري قولي ليه قولي لرجلك بلي براهيم مبري مني وهو لي هدر معيا يقول ليه غير خليوها راه مسكينة مبري منها ابها عرفتي شنو نتقبل من ناس كلشي نتقبل يشفوني بديك النضرة الخايبة ولا يشوفو فيا بشفقة والى قالتي لراجلك شي حاجة عليا ولا غير فكرتي تلمحي ليه كنقسم ليك بالله اختي ها بالله كنقسم حتى نبات منصبح والى عاود شفتو كمارتي لا انتي لا غيرك جي دفلي عليها دبا بغتي مني نحضر معاك العرس ونعيش معاك غدي تجمعي فمك والى سمعتي عليا شي حاجة ديري راسك مسمعتيهاش وهني راسك وهنيني معاك دبا واعدني متنطقي بوالو قدام شي حد(شافت فسهام لقتها كتبكي وهي تعاودها )واعدني متنطقيش بحتى حاجة لحد متجيبيش سيرتي ولا قسما بالله عمرك تشوفي وجهي
سهام: (كتفتها بكلمها)كنواعدك اختي مغنقول والو (وقفات سهام مسحات دموعها وخرجات نجلاء تنهدات وهي تخشي يديها فشعرها )
نجلاء: اووف اش هذا المرض تاني هو لي بقا ليا نولي نشوف الشفقة فعيون الناس كنفضل نشوف الكره فعنيهم ولا نشوف نضرة الشفقة لي ابداو يفكروني بيها بلي انا مبري مني ومعندي اصل ولا مفصل اووف😠 كالم نجلاء كالم (بقات كتمشا فالبيت حتى تكلمات )هاي مهووسات هاني رجعت بلا شك بغيتو تعرفو اش درت فهذا الشهر ياكو مهم داز مميل وبزاف دوزتو بين القريا ودار والله العاظيم مابقيت درت شي حاجة حيت فاليسي ولا كلشي يعرفني ويدير بيني وبينو مسافة الامان ودوك ولاد كليميني رجع فيهم غير مروان وريان اما دوك صفريطات مبقاش عندهم الوجه باش يرجعو سمعت بلي مروى خرجها الاب ديلها تقرا برى المغرب ههه درت فيها خير واياد ولبنى تحولو لواحد ليسي اخور مروان وريان ولاو مكمشين قاضيت ليهم العياقة لي كانت فهم وليسي كلو غادي مزيان مكاين لي احتقر حد ولا احگرو كلشي كيقرى فسلام وأمان اما لاستاذة المعصب حتى هي تحولات من ليسي حيت حلفت ليهم قالت يا انا يا نجلاء فداك ليسي والمدير خترني انا 😌حيت روديت ليه ولاد لفشوش كان فالاول يديرو زبايل والمدير يدرب حساب الاهل ديالهم خليونا من دكشي صحبتي خولة صدقات ضريفة بزاف تفهمنا انا ويها ومسكينة كتعاوني نقلب لى خدمة ولاكين قالت ليها بلاش دبا حيت كانو عندنا الفروض وخصني نركز القريا ودبا شدينا العطلة تاع الربيع وختي سهام بغات تديني عند ايت العلامي بيني وبينكم انا كون غير خلاتني نعس ونشبع النعاس مابغيتش نمشي حيت مكنحملش نمشي عند الناس مكنعرفهم ومكنحملش داك تجموعات ومكنحملش الدار لي فيها القوانين بزاف وعلى حساب معودات ليا اختي سهام دوك الناس عندهم بروطوكول بزاف والجدة ديرة بحال كيم جون فالدار كيسيس معها كلشي لطلق ليهم شي صاروخ ناواوي تفرگع الحزاق كامل مممم صهري يا صهري لبنات صهري داير هدنة معيا فهذا شهر وحتى انا عطيتو فترة راحة يتنفس شوية 😂حيت منهار جيت وهو يجري وريا هههه اووف هذا ماوقع فهذا شهر اه حبيبتي سهام مسيكينة قهرها الوحم فهذا شهر بقات فيا ولاكين الحمد لله دبا ولات شوية وحنا دبا غنمشيو ل فاس العتيق نحضور زفاف ايوا تبعوني شفو اش ايطرى تما 😈هههه لا متخافوش انا مكنجبد حد ولاكين لي جبدني يلقاني يلاه نوض نمشي نتقضاو الحوايج
(ناضت نجلاء مشات لبسات حويجها وخرجات عند سهام واوس لي كيتسناو فيها مشاو تقضاو الحوايج ميلبسو فالعرس نجلاء حلفات للبسات شي قفطان ولا شي طكشيطة ولا شي طالون ههه شرات غير سراول دجين وسبرديلا 😏 سهام بدات تطلبها غير تاخد ليها شي قفطان ولا شي جبادور ولاكين نجلاء حلفات لقيسات شيحاجة عيات معها سهام وفالخر سهام قيسات على رسها حيت ختها قدها فالطول مهم خدات ليها متلبس
نجلاء: بب عندكي نوصلو لهيه وتبداي دري ليا فالدرما باش لبس هذاشي والله لا لبستو
اوس:اش باليك ناخدو ليك كومبلي تلبسيه الى مبفتيش تلبسي هذاشي (بغا يستهزء منها مي مع من انت اسي العلامي)
نجلاء: ممم فكرة زوينة اش بالك اختي(شافت فسهام وبتسمات)
سهام:😨لا حبيبة لا لبسي لي بغتي غير يلاهو
نجلاء: (شافت ف اوس بتحدي )😒
اوس:تحركو قدامي لدار
أنت تقرأ
زواجي من صهري 💍مكتملة💍
Romance💎مكتملة💎 ❌حصرية على الواتباد ❌ ها واحد سلام عليكم حبيباتي بلسان الكاتبة: جبت ليكم بقصة جديدة بلا منقول عليها قمبولة💣 الموسم حيت انتما لي غتحكمو فالاخر واش قصة ناجحة ولا غير خربشة 😏 مممم قسوة الاب وفقدان الام 😢حب الاخوة👭👫 حنان الجدة👱 زوجة ا...
