**بارت34**
ايوب:سهام حاجة اخرى نجلاء راه قطعات شعرها عندك ملي تشوفيها تبداي تلوميها زائد لبسها متعلقيش عليه شوفي باش تقربي ليها خاصك تشدي معها الخاطر وتهدري معها الوقت لي تشوفيها هي بغات تسمع حيت من غير داك الوقت لي كتبغي هي تسمع وتناقش اي حاجة قلتيها الى مبغاتش والله لا دخلتها لرسها ولا دارت بيها
سهام: كيفاش😳
ايوب:راه قالت ليك نجلاء ماشي هي ونجلاء لي خلتي شحال هذا يعني خاصك معها الخاطر وتهدري معها بشوية والحاجة لخايبة وصليها ليها بشوية وقولي راه دكشي لي كدري فيه خايب هي غتسمع وتحاول تصلح من رسها مي الى غوتي عليها وشديتي معها ضد هي كتقلب هي كتشد ضد.كتر منك والحاجة لي خطيرة فيها انها كتلعب لبنادم على الاعصاب وهي كتبتاسم يعني تقتلك غير بالبارد فكوني على حدر عندكي تبان ليك وتبداي تعطي ليها فالدروس من اول يوم ليكم
سهام: ايوب لهذا الدرجة تغيارة اويلي خلعتني
ايوب:متخافيش
سهام: ماشي خايفة منها انا خايفة عليها اخويا
ايوب:مهم انتي سكتي سلمي عليها عادي وتصرفي بحلا متغير فيها والو وبحلا كتلقاي ديك نجلاء لي خلتي هي غتهدر
سهام: يعني نسكت منعلق على والو
ايوب:اه وراه عمي العربي لي علمني هكا حتى انا كنت نغوت عليها وكنبغي ندربها فاش يلاه حيدات زيف وعمي العربي قال ليا راه العنف ايزيد ابعدها عليك الى بغتي تكون قريب ليها خاصك تشد معها الخاطر (عرفتو البنات علاش العربي فاش جات نجلاء عندو سلم معها عادي ومعلقش على شعرها وهي لي سولاتو واش مغتقول والو على شعري معرفت واش عقلتو على هذا النقطة)
سهام: اه وخا الله اقدرني نرجع ختي كيف كانت ونعوضها لي فات
ايوب:امين يارب
سهام: هاهوما الدراري كيخرجو
نزلات سهام وايوب وقفو كيتسناو فنجلاء تخرج سهام عنيها كيلمعو بالفرحة وفيهم لهفة بغات تشوف اختها صغيرة لي ماشي غير اخت بنسبة ليها هي بنتها وهي لي كبرتها وتراري بيها وتخرقها فصغرها وخا سهام خلتها واحد المدة مي حسات بدنب ودبا جات تكفر على غلطها وحلفات لباقي تخلات على حبيبتها وبنتها واختها
ايوب:(شاف نجلاء خرجة وفجنبها بنت غدين نجلاء لبسة كلشي كحل ياربي سلامة سروال دجين كحل وتيشورت كحل وفوقو كويرة كحلة وديرة كسكيطة كحلة وشعرها كيبان من القدام كتبان فنة ومع هي بيضة زدتها لبسة بريق وبلقتها مزيان بتسم ايوب وهو ينطق)هاهي
سهام: (كتقلب بعنيها )فنهي مبانتش ليا(هههه هذي كتسنا تشوف نجلاء تاع زمان نجلاء قدمها ومبانتش ليها نقلو متعرفاتش عليها حيت فعلا نجلاء تغيرات بزاف زادت ف طول والفرمة زائد لبسها لي غيراتو وشعر )
ايوب:(سفر وعيط بسميتها)نجلاء
نجلاء: (سمعات سميتو وهي تهز رسها شافت فيه وقفات بلاصتها فاش شافت سهام لي لبسة جلابة فالكرونة خفيفة وزيف بنفس الون ولبسة صباط طالو فالكحل نجلاء شفتها ورجعات بيها الداكرة لوراء فاش كانت سهام غتمشي لفاس عند ايت العلامي تمكل قريتها تما نجلاء كتبكي عليها مبغاتش تفارق معها حيت كتحسها هي الحامي الوحيد ليها فالدار تاع براهيم نجلاء كتبكي على سهام وتطلبها تديها معها وسهام باش تسكتها وعدتها وعود لي محققاتهم ليها )
فلاش باك
سهام: (جلسات فوق سداري فبيتها وشدات نجلاء وقفتها قدمها وكتهدر معها وتمسح ليها دموعها)حبيبة فراسك غدي نكمل قريتي ونخدم ونكري شي دار ونديك تعشي معيا تما ونشري ليك الالعاب وكلشي ومكياج لي كيعجبك والحوايج واي حاجة بغتها جوجو تاعي غنشريها ليها
نجلاء: (بعنين كيلمعو بالفرحة وبراءة)بصاح اختي انتي تمشي تقراي وتخدمي وتديني من هنا ياك
سهام: اه حبيبة تاعي غنديك غير صبري نكمل قريتي ونخدم
نجلاء: ونمشي معاك لديك بلاصة ونبقا ديما معاك ياك اختي 😍
سهام: اه غنديك معيا وتبقاي معيا ديما وغدي نقريك وحتى انتي تكبري وتخدمي ودري بزاف دالحوايج كيعجبوك
نجلاء: (برأة )انا بغيت نشري المونيكا وبغيت نكبر ونجح ونخدم ونشري لبابا لي بغها وهو غيفرح ويعنقني ويبقا اهدر معيا وميبقاش مقلق مني ياك
سهام: (حسات بحلا خشتي شي خنجر فقلبها نطقات بصوت خافت مقجوج)اه ملي تكبري وتوصلي بابا غدي افتاخر بيك وغيرفع راسو ويقول هذي بنتي نجلاء
عودة الى الحاضر
نجلاء: (بسخرية )وعود كادبة وكدب انا كبرت وديما ناجحة بأعلى معدل وعمرو فتخر بيا ولا شاف فيا حتى شوفة كلشي كان كدوب وتضليل الحقيقة
يسرى:هدرتي معيا اختي
نجلاء: نو ماشي معاك غير كنفكر
نجلاء: نو ماشي معاك غير كنفكر
يسرى:هذاك خوك لي عيط ليك شكون هديك لي معاه
نجلاء :مدام اوس العلامي
يسرى:كيفاش 😮اش كتقولي واش بصاح هديك مرت اوس العلامي داك تيتيز المشهور واشنو كدير مع خوك وفين كيعرفها
نجلاء:حيت ختو وختي سهام فنفس الوقت (كتهدر برود)
يسرى:😮😮😮اربي واش كتهدري بصاح
نجلاء: واش موالفة نكدب
يسرى: لا مي علاش مقلتيش ليا بلي اختك مزوجة ب اوس العلامي انتي قالتي ليا بلي اختك الكبيرى تزوجات لبرى المغرب ورجلها وهي كتسيفط ليك لفلوس
نجلاء: (بنفس الهدوء)حيت مكنحملش نتبها بشي حاجة بعيدة عليا بالمناسبة منين كتعرفي صهري انتي
يسرى:راه اصحبتي مشهور ك اصغر رجل اعمال فالمغرب وفالعالم وكلشي كيهدر عليه
نجلاء: مزيان وانتي متبعة الاخبار تاعو
يسرى:وي حيت تيتيز
نجلاء: (هوما كيتمشاو وكيهدرو)مهم حاولي متنطقيش هذا الكلمة حدى مرتو حيت تقتلك راه معرفتيش علايش تخلات على قبل تزوج بيه 😏😊(كتقصد زعمة سهام تخلات عليها وعلى والوعد لي عطتها باش تزوج ب اوس)
يسرى: لا اختي مالي تسطيت اصلا من دبا ولا صهري حتى انا وغنبقا نشوف فيه على اساس هو رجل اختي حيت انتي ختي واختك اختي حتى هي
نجلاء: (وقفات وشاف فيها وهدرات بهدوء)فراسك كون جتني شحال هذا وتهدري بحال هكا كنت بكيت وعنقتك مي دبا كلشي مات فيا ماتو الاحاسيس اختي مابقيت نتأتر بحتى حاجة
يسرى:غنحاول نحيهم ليك اختي
نجلاء: وخا تحركي فيهم بمغرفة اختي عمرهم افيقو ليك مهم باقي عندي شوية احاسيس لي هوما
يسرى:الكره والحقد والبغض عرفتها هههههه
سهام: (بقات واقفة مصدومة فشكل اختها صدمة مخلتهاش تحرك هي دارت فرسها بلي غير تبان ليها نجلاء غدي تجري عندها وتخدها فالاحضان مي غير شفتها وهي تكوانسة رجليها مبقاوش قدرو اتحركو )ايوب واش لي قدامي هي نجلاء
ايوب:(شاف سهام بغات طيح بصدمة شد فيها )اه هديك هي نجلاء توگضي اختي
وصلتهم نجلاء وقفات قدمهم وهي ترسم ابتسامة فوجها لي مكتسمح لحتى شي قنت فيه اعبر على لي فالداخل تعها هي كتحكم فوجها وكتحركو كيف بغات وترسم ابتسامة على زجها وخا تكون النار شاعلة لداخل تعها)سلام عليكم
سهام: (غير سمعات صوتها وهي تبدأ تشهق بالبكاء )😭😭نجلاء اختي(تلاحت عليها عنقتها بكل جهدها وكتبكي )
أنت تقرأ
زواجي من صهري 💍مكتملة💍
Romance💎مكتملة💎 ❌حصرية على الواتباد ❌ ها واحد سلام عليكم حبيباتي بلسان الكاتبة: جبت ليكم بقصة جديدة بلا منقول عليها قمبولة💣 الموسم حيت انتما لي غتحكمو فالاخر واش قصة ناجحة ولا غير خربشة 😏 مممم قسوة الاب وفقدان الام 😢حب الاخوة👭👫 حنان الجدة👱 زوجة ا...
