اوس:(هاز عينو شاف فيها وحولهم فتليفون )وي صافا وانتي
زينب:الحمد لله ملي انت صافا حتى انا
اوس:(كيشوف فيها زعمة اش عندك )شي حاجة
زينب:كيفاش
اوس:قالت واش خاصك شي حاجة
زينب:لا والو غير بغيت نهدر معاك ونسول على احوالك واحوال ولادك(حطات يدها على فخدو فاش بانت ليها نجلاء جاية )
اوس:(شاف فيها يلاه غيهدر سمع صوت اويس وخلها وبتسم)وي انا لباس الحمد لله اسول فيك الخير وحتى دراري لباس عليهم خالتهم كتهلا فيهم
نجلاء: (كانت خارجة عندو تعطيه اويس حتى شافتو جلس كيهدر مع هديك وحطة يدها على فخدو وهو كيضحك وسمعاتو قال ليها خالت دراري تعصبات ونطقات)اوس
اوس:(دار عندها )نعم اويس حبيبي اجي تشوف عميتو زينب
زينب:اجي حبيبي عندي
نجلاء:(شافت فيهم وهي تنطق)هي عاد شافتو لداخل هاك وكلو انا نقاد لحليب ل اقبال
اوس:(ناض شاف فيها معصب شد اويس وماكلتو )اجي حبيبي عند عميتو زينب توكلك
نجلاء: (عصبها حيت غيعطي اويس ليها توكلو )هي مغتعرفش ليه غيوسخ ليها حويجها
زينب:لا هانية ماشي مشكيل الى وسخهم ولد اوس
نجلاء: (كتخنزر فيها عطاتهم بضهر ودخلات وهي هازة معها اقبال طرگات بيبرونة تعها هزتها وطلعات لبيت وهي كتعيب فزينب)هانية الى وسخهم ولد اوس اجي عند عميتو 😠😬(تفكرات يدها لي محطوط على فخد اوس زادت شعالت جلسات كترضع ف اقبال حتى سلات ليها بيبرونة حطتها فبلاصتها وهي تمشي لبركو كطل عليهم هوما كانو تحت البركون جنب لبيسين )
اوس:(جلس شد تليفون وزينب كتوكل ف اويس وضحك معاه هز عينو فيهم )ارى نوكلو
زينب:لا غير خليه معيا غزال مشالله كيشبه ليك 😍
اوس:(يلاه غيقول كيشبه لنجلاء بانت ليه صورتها فالماء تاع لبيسين هي كطل عليهم ومعصبة بتاسم ونطق)حيت انا لي ولدتو (شاف فزينب طاح شي تفرتيت تاع الخبز فحويجها مد يدو هزها وعنيه على نجلاء لي معصبة لفوق )وسخك
زينب:هانية انا كيعجبوني دراري صغار واي حاجة جات من عندهم سمن وعسل
اوس:بينة غتكوني ام حنينة
زينب:الى لقيت اب حنين باحلك
اوس:هههه بغتيه بحالي
زينب:وي (دارت شافت فيه وهي تقرب حطات يدها على يدو ونطقات)اوس انا من ديمة كنت نبغيك قبل متزوج بسهام بغيتك وفاش ماتت تأملت تاني ودبا زربتي تزوجتي
اوس:(زير على يدو وشاف فنجلاء لي قريب تهرس الحديدة تاع البركو من قوت مزيرات عليها وشاف وجها كيف معصبة نطق)انا تزوجتها على قبل ولادي
نجلاء: (سمعاتو وهي طلق من البركو ورجعاتو لور ودموع فعنيها دخلات لبيت وهي تنعس على وجها كتبكي )علاش كنبكي دبا علاش
عند اوس: (لي فاش بانت ليه نجلاء مبقاتش واقفة كمل كلامو )انا تزوجت نجلاء على قبل الولاد وعلى قبلي حيت كنبغيها بزاف نجلاء حياتي وعمري (جر يدو من يد زينب)ومنسمح لشي وحدة تحط عليا يدها من غير مرتي (وقف وهز اويس طلعو الفوق )
مشا لجيهت بيت دراري وهو يدق فالباب وكيبتاسم
اوس:(كيهدر مع اويس بشوية )مامي غارت ومعصبة ودبا كيف نديرو نرديوها
اويس:مامي وينة
اوس:اه زوينة حيت موفرة ليك كلشي وحرمتني انا خلاتني خر يامي نتبرهش (زاد دق فالباب )
نجلاء: (كانت كتبكي غير سمعات الباب وهي تنوض اسحاب ليها شي حد اخور لي جا مشات مسحات عنيها وهي تقد حويجها وحلات لباب وهي تلقا اوس خنزرات فيه) اشباغي
اوس:(شاف فيها عنيها ونيفها حمر حبس ضحكة بزز نطق)انا مبغيت منك والو غير اويس لي بغاك
نجلاء: ديه لعمتو زينب لاش جبتيه ليا
اوس:(شاف فيها وكتم بتسامة بزز نطق )هو بغاك انتي ماشي زينب و(قبل ميكمل مدات نجلاء يديها شدات اويس ونطقات)
نجلاء: اه اراه ليا انا لي تزوجتني على قبل الولاد ماشي هي
اوس:اه تماما
نجلاء: (زاد عصبها وهي دخل لبيت )تقدر تسد لباب وتمشي عند هذيك زينب انا غنقابل الولاد
اوس:حتى نضر (غادي وهي توقفو ليد تاع نجلاء لي شدات فيه)
نجلاء: علاش كدير هكا علاش
اوس؛اشنو درت انا مالك تاني(دخل لبيت وسد لباب حت كتغوت عليه)
نجلاء: انت علاش كتخون ختي علاش
اوس:(عصباتو بهذا كتخون ختي نطق)سهام معندهاش مشكيل هي لي طلبات مني نتزوج انتي متعصبيش راسك على والو
نجلاء: (بالغوات )هي طلبات منك تزوجني انا ماشي تقرب لشي وحدة اخرى اختي قالت ليا متبغيش تشوفك مع شي وحدة اخرى
اوس:(طالع حاجب ومنزل لاخور وهو ينطق)نزلي صوتك متغوتيش دري كيشوف فيك تانية اه بصاح سهام طلبات مني نتزوجك وانا تزوجتك وانتي راكي عارفة وضع علاقتنا انا وياك وزوجنا كيف دير ونا راجل وكنحس وعندي غريزتي وشهوتي ماشي ملالك نصبر وسهام برسها كون بقات هي غتختار ليا شي وحدة ودبا انتي مدريش فبالك حضي دراري لي حنا مزوجين على قبلهم ودكشي لاخور ماشي سوقك فيه (خرج وخلها كتشوف وهو معصب منها حيت كتقول كتخون ختي ماشي كيخونها هي لي مرتو مشا لبيتو دخل وسد عليه )وخا نجلاء انا نوريك كنخون ختك صبري عليا
عند نجلاء لي حطات اويس وجلسات كتبكي
نجلاء: علاش علاش معصبة هو عندو الحق انا وياه زوج وزوجة غير فالوراق وهو من حقو يدير لي بغا علاش تعصبت علاش انا تعصبت حيت كيخون ختي اه حيت سهام قالت ليا فالفيديو متبغيش تشفو مع شي وحدة اخرى اه دكشي علاش تعصبت(كتجاول تقنع رسها معرفاتش مسيكينة بلي غارت على اوس )
داز النهار وصل ليل تجمعو كلهم فالجردة كيشويو وفرحانين الرجال وعيلات
جات نجلاء نازلة من لبيت هازة اقبال وشدة فيد اويس بان ليها عماد نزل هز اويس
عماد:هوبا البطل ديال عمو
اويس:دير طيارة
عماد:ههههه والى طيحتك (طلعو الفوق وكيحرك فيه بحال طيارة واويس كيضحك عاجبو الحال)
نجلاء:عماد عندك نزلو راه دغية كيدوخ ويتقيا ويلاه بدلت ليه
عماد:هههه نزلو قبل ميشللني
نجلاء: هههه (كضحك هي وعماد وخارجين لبرى بان ليهم الكل جلسين من بينهم اوس لي لبس سروال كيطمة كحل وتيشورط بيض )
اوس:(شاف فيها وهو يعقدهم حيت جات تكركر مع عماد وقف شد اويس من عند عماد)نزلتي ولدي اجي عند بابا (شير لنجلاء بعينو زعمة سيري جنب لبنات ومشا جلس مع الرجال)
نجلاء :(شافت فيه وهي تمشي جلسات حنب هاجر وكتحلف عليه)وخا دبا نوريك نقبل دراري وماسوقي فشي لاخور باغي تعيش حياتك حتى كيف بغتي حتى انا نعيشها كيف بغيت ونهد مع من بغيت وندير لي بغيت وماشي سوقك (قالتها بينها وبين رسها وهي كتخنزر فزينب لي هزات سنية مشات كتفرق عليهم اتاي وتعوج تحنات عند هاجر)بسبس
هاجر:شنو
نجلاء: داك عود ند واش جات ضيفة ولا جات تسخر
هاجر:ههههه هذيك راه كتبغي تبان وتلفت الانضار من ديما الى جات عندنا هكاك كدير خصوصا الى كين اوس
نجلاء: (كملات ليها هاجر لي خصها)حتى فاش كانت ختي
هاجر:اه كنعقل شحال من مرة دبزات سهام واوس الى جات عندنا زينب
نجلاء: (بينها وبين رسها زم*ل هي موالف يخون ختي قبل متموت مع ديك العوجة كون غير زوينة ولاكين بصاح عمر الرجل ميبدل المرة بمحسن منها ديما كيشوف غير مكرف منها )😒😒
اوس:(من جيهة الخرى متبع مع نجلاء بنص عين خصوصا فاش شافت زينب جات تعطيه اتاي وهو يبتاسم ليها نطق بينو وبين راسو)باقي مشفتي والو نجلاء مزال نربيك على ديك الكلمة تاع كنخون ختك
أنت تقرأ
زواجي من صهري 💍مكتملة💍
Romance💎مكتملة💎 ❌حصرية على الواتباد ❌ ها واحد سلام عليكم حبيباتي بلسان الكاتبة: جبت ليكم بقصة جديدة بلا منقول عليها قمبولة💣 الموسم حيت انتما لي غتحكمو فالاخر واش قصة ناجحة ولا غير خربشة 😏 مممم قسوة الاب وفقدان الام 😢حب الاخوة👭👫 حنان الجدة👱 زوجة ا...
