**بارت 16**
**زواجي من صهري**
اوس:(فرح فاش سمعها اش كتقول وحتى هو زير عليها كتر )لا منبقاش نخليك سمحليا حيت خليتك تشطني عليا
سهام: (بعدات عليه وكتشوف فيه )اوس
اوس:(كيمسح ليها عنيها بحب)عيون اوس
سهام: فين مشتي فين كنتي فهذا تلات ايام.
اوس:(دور يديه على خصرها النحيف وجرها عندو وتحنا كيشوف فعونتها )كنت فبني ملال مشت لبينالودان ومن تما دزت لبلاد
سهام: بصاح مشتي لبلاد 😍
اوس:(بتسم ليها )اه مشيت وراه انا لي وصلت عمي براهيم لبلاد
سهام: اه مزيان هي تسركلتي مع راسك
اوس:ههههه شوية وصافي انا كنت كنطلب الله غير امتى نرجع نشوف عونتك
سهام: (بخجل )حم
اوس:كنموت فحشمة تاع وفعوناتك
سهام: (قلبات ليه الهدر دغية)واش مشتي لدرنا مع بابا
اوس:اه مشت تغديت عندكم حيت وصلنا وقت الغدا كلينا واحد طاجين يا سلام
سهام: بصحتك
اوس:الله اعطيك صحة
سهام: واش شفتي خوتي
اوس:اه شفت واحد جوج دراري صغار واحد عامين وبنت عمرها 6 سنين وايوب خرجنا انا وياه درنا فالبلاد مشينا الواد
سهام: اه ونجلاء مشفتيهاش
اوس:لا مشفتهاش واش هذيك البنت لي م.(كان غيقول ليها واش لبنت لي ربات جداتك قبل ميكمل سمع دقان فالباب )شكون
فاختة :اوس حبيبي انت لداخل
سهام: (غير سمعات صوت فاختة تخلعات)ناري اوس قفرنها هذي خالتي جات اتحصلنا وتفهم غلاط عافك متحلش ليها
اوس:(شاف سهام غتموت بالخلعة بينسوغ سيدة تخاف على عرضها راه بينت والى دخلات فاختة تلقها فبيت ولدها وولدها شبه عاري راه غتفهمها غلاط)الوليدة بلاتي راه كنبدل
فاختة :اه صافي حتى تسالي ونرجع عندك
اوس:وخا (مشات فاختة واوس دار شاف فسهام)علاش خفتي اش فيها الى شفتك الوليدة هنا حنا غير كنهدرو ومكنديرو حتى حاجة غلاط
سهام: راه عيب عندنا حنا راه فالمغرب اوس ماشي ف امريكا بنت فبيت شاب وهو شبه عاري اش غيضنو الناس كنديرو فنضرك
اوس:زعمة كناكلو الحلوة مممم اش بان ليك نسدو فمام الناس ونديرو الشرع والقانون
سهام: باسل كاع مكتحشم
اوس:راه دماغك لي باسل كيفهم غير دكشي لي بغا انا قالت كناكلو الحلوة ماشي شي حاجة تانية 😛
سهام: ننننن
اوس:ههههه كتقلبي على شي تكيا هنا ياك
سهام: 😒😒😒خلينا من هدرتك الباسلة وقول ليا اش قالتي لهم لتحت
اوس :ممم قالت لهم بغيت نتزوج
سهام: هذي سمعتها من بعد
اوس:من بعد والو 😒
سهام: كفاش والو
اوس:من بعد.الميمة قالت غدي تختار ليا مرتي وشريكت حياتي حيت الميمة هي لي كتفهم فهذاشي مهم هي غتفصل وانا لبس وانتي قولي لي كيف جاتني لبسة
سهام: تفو عليك كتفلا عليا وديرني ضحك وتلعب بمشاعري عاد دبا قالتي مغتخلنيش وانت عارف بلي حداك غتزوجك وجاي ضحك عليا الله ياخد فيك الحق وبغيت ربي ميكملش عليك انت وديك زمرة لي غتختار ليك (اويلي تي نعلي شيطان راه كدعي على رسك الزمرة)
اوس: ههههه ومي كرشي ههههههه والعدو
سهام:(شافت فيه كيف كيتشتت بالضحك وهي تركلو لركبتو واحد دقة مسمومة خلاتو انزل اشد فرجلو)هاك هذي باش تعلم ضحك على بنات ناس وتستغلهم
اوس:ايي ناري سهام غنقتبك على هذا الفعال لي فيك واش مكتعرفي الولديك تهدري بلا متستعملي يديك ورجليك
سهام:😭كنكرهك مبقاش تهدر معيا (دارت كتجري بغات تهرب وهو يشدها من يدها تاني وجرها عندو عنقها من لور وكيهدر ليها حدا ودنيها)مالكي مكتفهميش الهدرة انا راه قالت ليك كنبغيك وانتي بحدك لي غندي وانتي بوحدك لي غتكون مرتي
سهام: وعلاش الميمة غتزوجك
اوس:الميمة هدرات وهدرتها مدخلات ليا لراسي
سهام: الميمة صعيبة وهي قالت غتختار ليك والى ختارت ليك شي وحدة اخرى انت غتزوجها حيت مغتخصرش ليها خطرها
اوس:انا كنحتارم الميمة اه وكندير اي حاجة قالتها وكنوفقها على حوايج تفهين فحياتي كتخترهم وتصرف فهم مي تزوجني بلي بغات لا وراك باقي مكتعرفنيش اسهام راه انا هو الوحيد فهذا الدار لي مكيخدعش الاومير تاع حد وخا تشوفني كنضحك ونقشب معهم راه فاش تجي لحياتي وقراراتي حتى حد منخليه افرض عليا سلطة تاعو ويتحكم فحياتي راه غير كنحترمهم وكندير لهم خطرهم مي الحاجة لي بغيت كنديرها بخطرهم ولا بزز منهم
سهام: (دارت شافت فيه)اوس انا مبغيت نكون سباب مشاكل بينك وبين جداتك عافك دير دكشي لي بغات
اوس:انتي ماشي سباب فراسك انا وخا متقبليش انت تزوجي بيا عمري نخلي الميمة تختار ليا مرتي لا هي لا غيرها
سهام: وشنو دبا
اوس:تقبلي تزوجي بيا
سهام: اوس
اوس:جوبي باه او لا تقبلي تكوني مرتي
سهام: اه
اوس:(مد يدو ليها )حطي اديك فيدي وتيقي فيا
سهام: (حطتها بدون تردد)تايقة فيك بزاف
اوس:وانا كنبغيك بزاف (جرها من يدها وخرج بيها نزل من الدرج وهو نصفو عريان وبدأ كيغوت فالتحت فالصلة )الميمة الوليدة فهد عمتي الوليد هاجر ابتسام عماد رحمة عمي محمد ولي حضرين فهذا الدار خرجو عندي (سهام صدمها معرفات اش هذا المسطي واش ناوي ادير كان اسحاب ليها بلي غيهربو ويتزوجو دكشي ديال الافلام ويرجعو احطو العائلة قدام امر الواقع ساعة صدمها)
خرج الكل تجمعو كيشفو فهم كيفاش مشبكين ايديهم الجدة بتسمات وهي تجمعها دغية
اوس:فين الوليد
مصطفى: (دخل من برى)هنا اولدي اش كين مالكم مجموعين (كيشوف الخدم وموالين الدار كلشي واقف دهشر معرف اش واقع)
اوس:لي واقع هو اني كنبغي هذا البنت وبغيت نتزوجها على سنة الله ورسلو وبغيت منكم توجدو ريوسكم نهار الحد نمشيو عند الاب تعها نخطبوها ونديرو العرس حيت غدي نقاد ليها الوراق باش نمشيو راه مزال تبعني خدمة وقرايا
مصطفى: انت غتزوج ب سهام😊مبروك عليكم فرحتني اولدي
الجدة:(قربات عندهم وهي مصطنعة ملامح القلق والغضب )😠
اوس:الميمة سمحليا مي زواجي ومرتي انا لي غنقررهم
الجدة: (هزات يدها وهي تغمض سهام عنيها اسحاب ليها غدرب اوس مدت ايدها بجوج جراتو وعنقاتو لصدرها )مبروك عليك ولدي وانا عمري ندخل فحاجة خصوصية تاعك انا ماشي عدوة تاع الحب وانا راه كنت غنختار ليك هذا شنولة حيت عرفتك كتبغيها عنيك فضحينك
سهام:😳😳😳
اوس:(عنقها حتى هو )عارف بلي انتي مغتعكسيش ليا الله اخليك ليا الميمة
الجدة: (بركات لهم بجوجهم وحيدات دبليج تاع الدهب نوع القديم لبساتو لسهام فيدها)هذا ليك ابنتي حتافضي بيه حتى تلبسيه لمرت ولدك ان شاء الله ومرحبا بيك فالعائلة ابنتي
فاختة: (بتسمات بحب وهي تنطق)خالتي كاع معطيتيه ليا انا لي مرت ولدك زعمة راه نقزتني وعطتيه الكنتي نيشان كان من المفروض اتعطى ليا وانا نعطيه ليها وغدية هكا
اوس:هههههه حتى دبا باقي الحال اتردو سهام لميمة والميمة تعطيه ليك وانتي لبسيه لسهام دبا
فاختة: غير كنضحك معاكم (قربات لهم )تستاهل مرت ولدي كل الخير
سهام: (حشمانة غرقات فحويجها واوس شدها من يظها مطلقهاش وخا هي كتحر يدها والو عنيها فالارض)شكرا خالتي الله احفظك وشكرا الميمة
الجدة: (كانت وقفة جنب اوس مدات يدها حطتها على وجها )بلا اجميل ابنتي الله اكمل عليكم يارب ويرزقكم الدرية
الكل:امين
الحصول هكا بدات قصة حب اوس وسهام
نخليهم اتمعشقو ويتحابو نمشيو لدوار نطلو على بطلتنا نجلاء
أنت تقرأ
زواجي من صهري 💍مكتملة💍
Romance💎مكتملة💎 ❌حصرية على الواتباد ❌ ها واحد سلام عليكم حبيباتي بلسان الكاتبة: جبت ليكم بقصة جديدة بلا منقول عليها قمبولة💣 الموسم حيت انتما لي غتحكمو فالاخر واش قصة ناجحة ولا غير خربشة 😏 مممم قسوة الاب وفقدان الام 😢حب الاخوة👭👫 حنان الجدة👱 زوجة ا...
