زواجي من صهري 💍مكتملة💍

الجزء 21 💍❤️

**بارت 21*
**زواجي من صهري**
نجلاء سكنة فالداخلية او مايسمى بدار الطالبة حيت الدوار مافيهش ليسي نجلاء كانت اتحبس القرايا  ولاكين  كملاتها  تحت اصرار اختها سهام وايوب هو لي سجلها تمى اما براهيم كاع مامسوق ليها سواء قرات سواء مقراتش
مهم نجلاء كل يوم الجمعة كتطلع لدوار حيت عندها نص نهار جمعة خاوي وسبت والاحد فالعشية كترجع لداخلية (تحيا لكاع لبنات لي كيعيشو هذا الوضع وكيصبرو ويكملو قريتهم)
نجلاء يا نجلاء ركبة فدرونزيط وديرة لكيت فودنيها ومغمضة عنيها كتسمع الموسيقى بهدوء حتى حسات بطموبيل وقفات عرفات رسها وصلات نزلات وهي هازة ساكدو كحل فضهرها وشادة فيدها واحد ساك فالگري كبير شوية فيه حويجها موسخين جابتهم معها باش تصبنهم (غير لي كانو عيشين هذا الوضع لي غيعرفو علايش كنهدر اما البنات لي قريب لهم ليسي وكلشي موفر ليهم وكيتفلاو مبغاوش اقراو غنقول ليهم امشيو لقرى يطلو على بنات طموحات وبغاو يقراو وملقاوش الفرصة لي موفرين ليكم انتما )
تمشات نجلاء بكل هدوء وخطوات بطيئة مبغاتش توصل لدار كتلوح الخطوة بحلا كيقصرها ليها شي حد وكيقول ليها رسها رجعي فين جاية وعند من جاية علاش مافيك نفس
نجلاء: اوووف براك من هذا الافكار براك (مدات يديها دقات فالباب اه وصلات قدام دارهم لي اصلا عمرها كانت دارهم دقات وعود دقات ولا من موجيب) مكين حد (حطات الصاك تعها وجلسات عليه وجرات واحد بيمو من جيبها حلاتو كتاكل فيه وكتمزك وكتحرك رسها مع انغام الاغنية سعد المجرد نجيبك نجيبك وخا طلعي لسما )
:اي هاي هاي على بنت عتيقة وصيبتي بالعلالي
نجلاء: (هزات رسها شافت فيها شوفة احتقار ناضت وقفات وهي تهز خصلات شعرها لاحتهم لور )مرت بابا ابس نسيت مرت سي براهيم لباس عليك كيف جاك لوك تاعي جديد زوين ياك(كتقولها وهي كتقاد فشعرها لي قطعاتو كارية صغيرة من لور ودارت والقدام خلاتو طويل جات معها بنت لهم الكوب جديدة 😂 ولبسات سروال دجين زرق مزير عليها مع تيشورت بيض طويل من لور وقصير من القدام وفقو واحد قميجة كروات بالكحل والبيض خلتها محلولة وعقدتها من لتحت وسبرديلة بيضة )
توريا:وخرجتي لتقحبين بالعلالي مي متصدمتش فيك حيت اصلا عارفك اش غتولي
نجلاء: ههههه ترابي تاعك انا امدام براهيم 😉كيف بغتني نخرج متلا وانا كبرت معاك
توريا:(هزات يدها لسما بغات دربها )حشاك القحبة  شفت لسانك طوال انا نعود ليك ترابي
نجلاء: (شدت يد توريا قبل متحطها عليها طوتها ليها لور وهي تهدر معها)نو لا اتوريا داك زمان تاع تهزي يدك  وتصوريها فوجهي داز وعمرو غيرجع كتسمعي تحطيها نقطعها ليك (دفعات توريا كانت اطيح وهي تسوس يديها)اووف كنجي ناشطة وكتعصبني كتخرجني على طوعي مهم نساي قولي كين شي ميتكال (دربات رسها بيدها)اوف انا غبية كنسولك بحلا غتقولي ليا مرحبا بيك دخلي راه كلشي واجد (دفعات توريا لي وقفة مصدومة من هذا الانسانة لي قدمها كيفاش تغيرات ولات وحدة اخري كل اخر اسبوع طلع مبدل )
توريا: (كتحك فيدها من لبلاصة منين شدتها نجلاء) وغير صبري ارجع الى متفرجت فيك حتى نشبع دفلي ليا فوجهي
نجلاء :(كانت عطتها بضهر غدية داخلة حتى سمعتها اش كتقول وهي دور عندها بالعرض البطيئ)اوه نو غتقوليها لبراهيم عفاك لا الميمة متقوليهاش ليه ناري عندك تقوليها ليه(كتمتل عليها)هههههه اش اتقولي ليه بعدى واش عندو ميدير زعمة ايدربني 😏جسمي ولف الدرب ولات عندو المناعة منو امدام كوبرا ولا نقول غير زرمومية باركة عليك ودبا نصحك تلاحي من قدامي وتخلي فمك مسدود متهدري معيا لا بالخايب لا بزوين حيت منضمنش ليك راسي اش غندير(مشات طلعات لبيتها لي كان فالاصل بيت سهام وغير دخلة معها نجلاء فيه حطات داك صاك وحطات ساكدو تعها حيدات ليكيت لاحتهم فوق واحد سداري حطات تليفون حتى هو وهي تمشا جيهت واحد مريو تاع الخشب حلاتو وجرات بيجمة طويلة نص كوم حطتها وبدات تحيد حويجها كتبان فرمتها واعرة صدر واقف ومتوصيط وترمة خارجة ومشدودة وطرشها لاصقة فضهرها لبسات ديك لبيجمة لي جتها فنة شدات واحد مقبض الشعر  جمعات بيه داك الشعر تاع القدام ههههه هو لي كيتجمع اما تاع لور الله ارحمو وخرجات من لبيت نزلات لتحت تلقات مع رشيد خوها )
رشيد:(تلاح عليها عنقها بحب )نجلاء اختي جيتي
نجلاء:الحب ديالي خويا الزوين 😍(كتبوس فيه بحب )اه جيت وعلى قبلك انت بوحدك جيت حيت توحشتك
رشيد:حتى انا توحشتك بزاف (رشيد فعمرو 9سنين)
نجلاء: اتوحشك الخير گول ليا كيف دير مع القريا
رشيد: مزيان اختي الحمد لله قولي اش جبتي ليا معاك
نجلاء: عمر شي حد قالك بلي انت مصلاحجي
رشيد: اش كتعني هذا مصلاحجي
نجلاء :ستغلالي ياخويا كتبغي غير حجتك مني 😏
رشيد:لا كنبغيك حتى انتي وكيعجبني لحال فاش كتجي حيت كتفكرني وتجبي ليا معاك شي حاجة زوينة
نجلاء :(شافت فيه بحب وهي تخربق ليه شعرو )حتى انا منسيتش خويا زوين جبت ليه دكشي لي بغا ووصاني عليه وخا كلفني بزاف تقاتل وجبتو
توريا:(من ورها)اش كلفك  ابنت عتيقة ياك ما شرفك
نجلاء: رشيد خويا سير طلع لبيت وحل ساك غتلقا دكشي تاعك فيه هزو منو (طلع رشيد كيجري لبيتها وهي تشوف فتوريا)الى انا كبرتني فهذا الهدرة وتهزني وتحطني غير بالقحبة ومكنسواش حتي دارت ليك خاطر وكنت كيف بغتني فراعي لولادك وعرفي اش كتنطقي قدامو خليه اكبر عادي ويعيش طفولة  تاعو نقية متخليهش ابقا اسمع هذا الهدرة تاع زنقة فالدار ومن امو ياحسرة مربية الاجيال
توريا:هكاوا على القحبة ولات تعطني دروس فالاخلاق وتعلمني كيف نربي ولادي
نجلاء: اودي ربيهم كيف بغتي غير بعدي مني انا وفوتني عليك
توريا: لا خاصك تقولي لعكس انتي بعدي على ولادي لتخرجيهم طريق بحالك
نجلاء: هههههه اصلا انتي فيك الكفاية انتي كافية ماشي غير تخرجهم من طريق انتي تخرجهم طريق وتخليهم اميلو من لفوق  عرفتي اشنو خلني نخرج ندرق كمارتي من حداك حسن
نوريا:اي خرجي ضيعي كيف الكلبة خرجي وري لناس الدوار فين وصلتي فتقحبين خليهم انعتو فينا
نجلاء: اوه نو علاه انا وليت منكم تاني مفراسيش هذي ملي وليت منكم وفيكم  مغنطعطلش انمشي بعدا ندرب شي لبسة لي تكون مقودة وندربها بشي عكر حمر ايكون فاقع لونه ونمشي ندور الدوار كامل باش تشوهي انت ورجلك شكرا على هذا الفكرة كنت نزلت بغيت نغسل رجلي ويدي ونشوف واش كين شي ميتقصى ساعة انتي عطتني فكرة زوينة حسن من القص  نمشي نشهر بيكم شوية فالدوار (مشات طلعات لبيت وهي تلقا رشيد جبد طابليت كيلعب بيه شافت فيه وهي تبتاسم حيت قدرات تفرحو ركزات فيه شوفة كيف كيبقشش فيها وعنيه كيلمعو)
رشيد:(هاز راسو شف فيها وهو ينوض عندها كيهدر وبغا اطير بالفرحة)نجلاء شكرا بزاف زوينة هذا الطابليت بزاف وري ليا كيف نشعلها
نجلاء: بصحتك خويا تستاهل (جلسات هي وياه فوق سداري وخدمات طبليت كتوريه هي تليسرجات ليه فيها العاب ودكشي كاع لي كيخص دراري كتوري ل رشيد وكتفكر فهدرت امو فاش قالت ليها ياك مكلفاتك شرفك سرحات بخيلتها رجعات بيها داكر لور الوقت لي شرات طابليت ومنين شرتها )
يسرى:وسربي الزمرة خلاص راه تعطلنا ايمشي علينا طوبيس
نجلاء: وا بلاتي هاني غدية مالك مصدعنا (طلعات هي وصحبتها لكار لي وقفو فطريق كان جاي من مراكش ركبو فيه  والوجهة بني ملال وصلو المدينة نزلو فالمحطة )
يسرى:نجلاء اجي نسبقو مرجان شوف ديرين تخفيضات (مرجان جنب المحطة )
نجلاء: عافك يلاه نتقداو دكشي لي جينا على قبلو وخلينا من مرجان دبا
يسرى:عافك اندخلو ودغية نخرجو (جرتها يسرى دخلات هي وياها لمرجان ومشاو كيدورو فيه وصلات نجلاء قدام الاجهزة الاليكترونية وهي توقف كتشوف فواحد طابليت تفكرات رشيد لي طلبها تجيبها ليه حيت صحابو عندهم وباه مبغاش اشريها ليه )اش بان ليك علاش وقفتي
نجلاء: اجي نشفو تمن تاع هدو
يسرى:علاش بغتيها اصاحبتي عندك تليفون فيه كلشي
نجلاء: ماشي ليا لخويا
يسرى:خلي امو تشريها ليه علاش اضيعي فلوسك على قبلو ولا اباك اشريها ليه نجلاء علاش كتبقاي ضيع فلوس لي كتسيفط ليك اختك على قبل ولاد مرت اباك
نجلاء: خويا كتقصدي ومتهدريش عليه بحال هكا انتي مكتعرفيش اش كيعني ليا رشيد مكتعرفيش اش كان ادير على قبلي هو صغير راه بفضلو قدرت نصبر ونعيش فديك الدار ومدرتش شي حاجة فراسي رشيد كان كشوفني كناكل العصى كيجي اتخشى معيا يكالي عليا امو وياكل حقو وياما كنت نبكي فزريبة عند الحيونات ويجي هو اعنقني رشيد قلبو بيض ويستاهل كل خير وخا ولد توريا هو حنين وعمرو حقد. زائد انتي مغتعرفيش الاحساس ديالت تحلم بشي حاجة بسيطة ومتوفرش ليك وكتبقا حلم بنسبة ليك عمرو تحقق انا جربت هذاشي كنت صغيرة بحالو وكانو عندي احلام بصيطة وبقاو احلام لحد الان متحقوش
يسرى:سمحليا عافك مكنتش عارفة بلي رشيد كان حنين معاك انا فاش عودني ليا على مرت اباك كرهتها هي وولادها
نجلاء: نساي عفاك اجي نشفو شحال التمن تاع هدو (قربو لداكشي وهوما يتخلعو من الاتمينة بقات تشوف حتى بانت ليها وحدة رخيصة شوية) اناخد هذي
يسرى:هذي راه غتكلف بزاف واصلا مزال غنمشيو نشريو الحوايج ولا نسيتي
نجلاء: انا مبغيتش لحوايج ديا اناخد طابليت وحتى مرة اخرى نشري الحوايج
يسرى:وخا مشرتيش الحوايج راه ايخصك لفلوس باش تعشي اصحبتي الى حطتي كاع لي معاك فطابليت باش غتسرفي حتى تصيفط ليك اختك تاني
نجلاء: غنبيع لخاتم تاع نقرة لي شريت ديك 150 درهم تاعو نعدي بيها حتى لخر تاع شهر ( شرات طابليت لخوها ومشات هي وصحبتها لي سلتو من ليسي ومشاو اتساراو فبني ملال شرات يسرى دكشي لي بغات  وطلعو لعين اسردون تدارو فيه حتى هو تصورو فيه وفاش نزلو امشيو فحالهم شافت نجلاء واحد الكفورة وهي درب ليها فكرة فرسها بتسمات ابتسامة شريرة )
نجلاء: يسرى غنقطع شعري
يسرى:😮😳(طلقات واحد.الميكة كانت شدتها فيدها )ك ك كيفاش
نجلاء: نقطع شعري انوريك اش غندي فيه (جبدات تليفون ورتها وتحد صورة ديا نحطها لكم لبنات فالتعليق )غندير بحال هكا 😈
يسرى:لا عافك متقوليهاش انتي كتكدبي ياك مغدريهاش
نجلاء: (خلتها كتهدر ومشات دخلات لصالون )قررت وصافي مغنتراجعش
يسرى:(نزلات هزات الميكة وتبعتها بجري)عافك نجلاء متقطعيش شعرك حرام عليك زوين وطويل متقطعيش انجلاء شوفي انا قطعتو وندمت ودبا جلسة ندير فالوصفات بليز لا