زواجي من صهري 💍مكتملة💍

الجزء 123 💍❤️

ايوب:(شداتو ضحكة )ههههه براكة عليها راه ربيتها بيما فيه الكيفاية فالداخلية
نجلاء: (يلاه غتهدر سمعات براهيم عيط بسميتها شافتو جاي جيهتها وهي تنطق) بسلامة خويا
ايوب:نجلاء وقفي هدري معاه خودي لي بغتي منو هاهو حن
نجلاء: (حيدات يد ايوب من يدها ونزلات بستها ليه ونطقات)فات الفوت مابقيتش بغيت منو حتى حاجة (مشات طلعات للوطو وبغات تسد لباب ولاكين شدو براهيم
براهيم: بنتي نجلاء سمحليا بنتي عافك كبدتي نزل بغيت نحضنك بغيت نعطيك لي بغتي والى مبغتيش هذا الزواج انا نعونك طلقي وترجعي لعندي تعيشي فدارك ابنتي ونعوضك لي فات
نجلاء: (بلا متشوف فيه)عمرها كانت داري فاش كنت ساكنة فيها باش تكون دبا ومعندك متعوض ليا ومغديش نخلي ولادي لي كيقلو ليا ماما باش نرجع عندك توعض لي فات على راسك باغي تكفر على دنبك كفر عليه بينك وبين لي خلقك انا مسامحك وغنعطيك بتيساع خلي نحس المنحوس يخرج من حياتك وترتاح
براهيم: عمركي كنتي نحس انتي كنتي جوهرة ونعمة من عند الله نهار دخلتي لداري دخل لخير ونهار خرجتي خرج كلشي بنتي سمحليا ورجعي ليا عفاك مابغيتش نخصر بناتي بجوجات
نجلاء: لا انت خصرتي غير بنتك سهام اما انا عمرك عتبرتني بنتك باش تخسرني (مدات يدها حيدات ليه يدو من لباب وهي تسدو )
اوس:(شاف فبراهيم وجا عندو حط يدو على كتفو )هي راه لي عاشتو ماشي سهل ومغتنساش بهذا سهولة لي غنقولك هو تهلا فراسك وخليها ترتاح وتبرد طال زمان ولا قصار غتجي عندك
براهيم: (دموع فعنيه وندم كياكلو من لداخل)تهلا فيها ولدي
اوس:متوصنيش عليها هي مرتي وغنديرها فعيني يلاه بسلامة عليك(طلع اوس للوطو وكسيرة وهو كيشوف نجلاء لي ركبة للور مع دراري وكتشوف فطريق تنهد وسكت خلها على رحتها وصلو المطار تاع بني ملال وركبو فالطيارة والويجهة الدار البيضاء
وصلو لكازا ولقاو للوطو كتسناهم طلعات نجلاء هي ودراري لور واوس القدام توجهو لدار مسافة الطريق كانو قدام الموبل لي خرجات منو نجلاء وهي خت سهام وهاهي غدخل ليه وهي مرت اوس كانت واقفة شدة إقبال بين يديها وكتشوف فالباب تفكرات اول نهار جات فيه لهنا هي واختها
نجلاء: اش هذا اللعب لي كيلعب معيا القدر كنت جيت لهنا باش نعيش مع ختي حتى صدقت كنعيش حياة اختي (قالتها فرسها)
اوس:(كان واقف جنبها شد اويس كيلعب معاه )ندخلو
نجلاء: (خنزرات فيه )لا نخرجو راه باينة غندخلو (مشات خلاتو واقف كيشوف فيها تبعها طلعو فسانسور لدار دخلات نجلاء ديركت البيتها حطات إقبال وهي تجلس كتفكر كيفاش غدير من هنا القدام وكيفاش غتعيش مع اوس
نجلاء: اووف انا غنبعد عليه انا هنا على قبل دراري هو غنديرو مكينش وعلى قبل دراري غنسا بلي درتو فراسي (شافت لباب تحل وهي تهز واحد الحاجب ونزلات لاخور فاش بان اوس)من الاحسن تحيد داك الباب وتحطو الارض وركب الخامية الى بغتي حيت بان ليا مكتستعملوش لاش يبقا لاصق حيدو وهني راسك
اوس:(شاف فيها وتنهد )انا بغيت غير ندخل ليك أويس كان تيبكي
نجلاء: (شدات أويس لي جاي عندها وهي تنطق)سي العلامي بينا انو انا وياك غنعيشو هنا واكيد هذاشي غيستمر مدة طويلة حتى يكبرو دراري بغيت نقوليك بعض شروطي باش نكنو واضحين اولا ممنوع دخل عليا لهذا البيت بدون متاخد ادن تانية انا وياك غراب على بعضنا متهدرش معيا وإلا على دراري فاش تكون شي حاجة متعلق بيهم عاد هدر معيا وحاجة اخرى حياتي ماشي سوقك فيها ولباسي حتى هو ماشي سوقك فيه
اوس:(شاف فيها وهو ينطق)حتى ترتاحي من دوخة تاع طريق ونهدرو وديك ساعة نتفاهمو على شروط وعلى القوانين دبا رتاحي راه كيف قالتي مزال الوقت قدمنا ان شاء الله مزال غنعيشو عمر مع بعض وغنتفهمو على شروط والقوانين وغتسمعي جوابي على هذاشي لي قالتي (خرج وهو يخبط لباب وراه ومشا لبيتو دخل وهو يزير على يدو )
اوس: (كيحاول يتهدن)اوس تهدن تهدن هي باق صغيرة ومجروحة بزاف هي عنات بزاف فحيتها زائد تزوجات بيك بزز منها هي خصها الوقت باش تاقلم وتولف انا مخصنيش نتوسق ليكلامها هي من حقها تقول كتر حيت هي عنات بزاف وحتى انا مدرتش فيها قليل (تفكر فاش كان يدربها ويعيرها )
عند نجلاء لي دخلات اويس دوشات ليه ودوشات حتى هي خرجاتو حطاتو ومشات قدات ليه سوبا درتها ليه فبيبرونة وعطتها ليه ونعس واقبال حتى هي دخلتها دوشات ليها وقدات ليها حليبها ورجعتها تنعس
نجلاء: (شافت فيهم ناعسين بحال الملائكة بتسمات وهي تنطق)الله يحفضكم ويقدرني نخلي حياتكم ويامكم كلها هناء وفرح وسعادة يارب (تنهدات يلاه بغات تكا ترتاح سمعات دقان فالباب ناض وهي معصبة حلات لقات اوس)شنو
اوس:(بقا كيشوف فيها هي مرداتش لبال لرسها اش لبسة هي لبسة بيجمة شوط ودوني تاعو وجسمها بارز منها بقا ساهي فيها حتى سمعها قالت شنو بزعاف ومعصبة )اول حاجة نجلاء انا كنسايس معاك حوالي متصعرنيش وخلني نكون زوين ماعك انا وصيت على الغدا ووصل وراه وجدتو دوزي تغداي
نجلاء: (بغات ترد لباب )لا شكرا مفياش
اوس:(حط رجلو على لباب )نجلاء خرجي تاكلي وبلا متعصبني
نجلاء: (شافت فيه ونطقات)انا فاش نبغي ناكل غنوض ناكل اسي العلامي انا مكنعاقبش راسي بجوع نقدر نصبر لكلشي الا كرشي منصبرش فيها كيجني جوع كنوض نوجد مناكل والى تشهيت شي حاجة كنبقا واقفة عليها حتى نوجدها ونشد ليها الخاطر حيت انا كرشي كتهمني كتر وكنضن راني عشت معاك تقريبا عامين وشفتني فاش مكنبغيش ناكل مكناكلش وفاش كنبغي كنوض ناكل دبا حيد رجلك من لباب بغيت نسدو باش لقا رحتي نعس 😒
اوس:(حيد رجلو يلاه غيهدر سدات عليه لباب وشفها دوزات ساروت تنهد ومشا فحالو)باينة هذا البرهوشة غتجيب اخيرتي اللهم طولك ياروح (مشا لبيتو وهو يدخل تعصب وبقا كيمشي تما ويجي معرف ميدير قنط بان ليه الدرسينغ مشا لجيهت حوايج سهام بدأ كيقلب فيهم ويشوف شوية طيح واحد سندوق صغير هزو وهو يحلو لقا فيه واحد ليوس بي وواحد ريسالة مكتوب فيها