الجدة:(وقفات ومشات عندها وهي تبوسها فرسها )الله يحجبك بنتي اجي معيا نعرفك على العيلات (دتها الجدة كدور بيها كتعرفها على العيلات نجلاء كتسلم عليهم وهوما كيشوفو اقبال ويزرروها كل وحدة واشنو قدمات ليها كهدية كينة لي علقات ليها لوزة تاع دهب كينة لي حطات ليها فلوس سلات نجلاء وهي تجلس جنب الجدة وحدها فاختة شدة اويس
عند الرجال كان اوس جلس لبس جبادور بيض وفوقو جلابة خضر توبها خفيف كيبين وحداه الاب ديالو لبس جلبة بيضة وعمو ورجال دالعائلة كلهم لبسين الزي التقليدي
ديرين بطبالي ديال الفطور
اوس:(جبد تليفون كيشوف فيه وهو ينوض وقف وخرج ودوز مكلمة)الو فين وصلتي ...اه راه سيفط ليك شيفور يلاه هاني نستانك قطع ورجع جلس
مصطفى:واش وصلو
اوس:حم جا غير ايوب وخوه واختو عمي براهيم مجاش قالي ايوب باقي خازن على فراق سهام
مصطفى: الله يصبرو راه الكبدة صعيبة
اوس:اه صعيبة الله يرحمها يارب
فهد:(دخل من لباب )ها واحد سلام عليكم شفتكم تجمعتو بلا بيا
مصطفى: (ناض عنقو )الله اولدي على نقد نتجمعو بلا بيك على سلامتك
فهد:الله يسلمك الوليد(مشا عند اوس سلم عليه سلام رجولي )خويا لباس كيف بقتي
اوس:لباس خويا الله يحفظك ليا
جلسو حتى بان ليهم ايوب دخل ومعاه رشيد وامال شافهم اوس وناض مشا عندهم عنق ايوب
اوس:مرحبا بيكم مزيان لي جيتو
ايوب:منقدرش منجيش اخويا كيف بقتي
اوس:نقلو لباس خويا (سلم مع رشيد وعنقو )رشيد. لباس
رشيد:لباس عمو اوس
اوس:(سلم مع امال)اهلا ختيتو لباس عليك
امال:لباس خويا
رشيد:فين نجلاء
اوس:هي مع العيلات صبر نصوني عليها تخرج تشوفكم وتدي معها امال (جبد تليفون صونا على ختو هاجر اما نجلاء هرس ليها تليفون)هاجر كلمي ليا نجلاء قولها تخرج عندي قدام لباب
(سلا وقطع هاجر مشات تحنات هدرات مع نجلاء فودنها )
هاجر:نجلاء تكلمي ل اوس راه قدام لباب
نجلاء: (وقفات ومدات ليها إقبال)هاكي شدي اقبال نشوف
مشات نجلاء خرجات قربات توصل قدام الباب وهي توقف وعنيها كيلمعو بالفرحة ودموع مشات كتجري تلاحت على خوها ايوب عنقاتو
نجلاء: خويا حبيبي توحشتك
ايوب:سنفورة تاعي
نجلاء :(زيرات عليه وكتبكي هي توحشاتو بزاف وتوحشات سهام تخلط عليها كلشي فهذا اللحضة طلقات العنان لدموعها ونسات الدنيا ومافيها هي رجعات نجلاء صغيرة فهذا اللحضة )هئ هئ هئ خويا توحشتها توحشتها بزاف 😭
ايوب:شش كلنا توحشنها حبيبة الله يرحمها
رشيد:(كيبكي حتى هو وعنق نجلاء من خصرها )ختي نجلاء 😭
نجلاء (بعدات على ايوب وشدات فرشيد كتبكي بحرقة )
اوس:(كان واقف ساهي فيها كيفاش مبدل وكيفاش جات كتجري وشعرها كيلعب فالهوى اول مرة يشوفها بالمكياج والباس تقلدي باقي مصدوم حتى زادتو صدمة اخرى نجلاء كتبكي وتنخصص ودموعها كيجريو على خدودها اول مرة يشوفهم كان من ديما موالف يشوفها قوية ومهدنة والابتسامة فوحها اليوم شفها كتبكي بحرقة حس بغصة فقلبو قرب عندها وهو يحط يدو على ضهرها فاش سمعها كتبكي وتقول توحشات سهام )😢
ايوب:نجلاء حبيبة براكة من البكا عافك على قبل الولاد خصنا نصبرو ونقويو رسنا
نجلاء:(بعدات على رشيد وهي تمسح ليه دموعو وباستو بحب)حبيبي توحشتك بزاف
رشيد:حتى انا هئ هئ بقا فيا الحال حيت ماتت ختي سهام😭
نجلاء: (عنقاتو لصدرها )ششش الله يرحمها سهام ماتت وخلات لينا بنوتة غزالة مشالله وكين اويس هي خلات لينا طرف منها وهي عايشة فقلوبنا الله يرحمها
رشيد:بغيت نشوف إقبال واويس
نجلاء: (بعدات عليه وهي تهز شعرها رداتو ورا ودنيها )اه دبا نديك تشوفهم خليتهم مع خالتي (دارت شافت ف امال لي واقفة كتبكي وهي تجرها لحضنها)امولة لباس عليك توحشتك
امال:(بدات تنخصص)حتى انا توحشتك اختي بزاف 😭
فهد:(جا وقف عليهم )البنات براكة من الدموع خليو شوية فعنيكم راه غتنشفهم
نجلاء: (غير سمعاتو وهي دور عندو عنقاتو)فهد امتى جيتي (قالتها بفرح فهد عزيز عليها)
فهد:(بعدها عليه وهو ينطق)اختي شكون انتي وعلاش عنقتني راه خطيبتي تشوفك غتقلق(كيشوف فيها بشك وكيمتل)
نجلاء:(درباتو لكتفو)الله يمسخ
فهد:(شد يدها وهو يدورها )لا لا متقوليهاش نجلاء والقفطان والمجوهرات وداكشي وخيط ريح فرسها ومكياج نو خاص هذي دخل فكتب كينيز
ايوب:هههه والله حتى عندك الحق فراسك اخير مرة لبسات نجلاء قفطان وشفتها بيه من تحضيري الخر دالعام دارو حفلة من ديك الساعة
نجلاء: (تفكرات فاش لبساتو وجابت بيه الناتيجة تفكرات اش وقع معها وهي تنهد ونطقات)كداب انا لبستو اخير مرة فالعرس ديال سهام
ايوب:هههه مشفتكش بيه بزاف
نجلاء: حيت كنت كنهرب نتخبا 😊(نسات اوس لي واقف معصب فاش عنقات فهد هههه )
فهد :هههه علاش كنتي كتخباي فراسك كنت فداك العرس ومشفتك
نجلاء: (دارت شافت ف اوس لي كيشوف فيها وهي تنهد)حم والو غير كنت كنحشم ومكنحملش نكون فشي بلاصة فيها الناس بزاف
فهد:حتى انا اش باليك نهربو من هنا عامر بالناس نمشيو شي قنت نريحو فيه
نجلاء: مكرهتش حتى انا بغيت نجلس بوحدي مامرتحاش وصط العيلات (كيهدرو سمعو صوت البكا تاع اويس)
هاجر:(جابتو ليهم)اختي هاكي هذا مبغاش يسكت
ايوب:(شدو من عندها)اويس حبيب خالو لباس عليك
(تجمعو دراري على اويس فهد وايوب ورشيد ومعهم امال كيبسو فيه اوس وقف كيشوف فنجلاء كيطلعها ويهبطها قرب عندها ونطق)
اوس: (قرب ونزل كيهدر ليها حدى ودنها )اش قالت ليك من قبل هاأ اش هذا فعايل تقحبين فيك
نجلاء: (شافت فيه بستغراب)اش هذا الباطل تاني اش درت ليك انا عنقت خوتي
اوس :(شدها من يدها وزير عليها بلا ميشفوه)نديك على قد عقلك ايوب ورشيد معتبرهم خوتك ولاكين فهد اش كيجيك علاش عنقتيه بديك طريقة
نجلاء: (هدرات تحت سننها )فهد خويا كتسمع هو خويا ولقيتو فجنبي بزاف دالمرات وانت معندكش الحق تبدأ تحاسبني شكون نعنق وشكون لا ومنحتاج نبقا نبرر ليك تصرفاتي
اوس: (زير على يدها ونطق)انتي مسؤلة مني ابزز منك دري اش كنقول وتبرري ليا اش كدري كتسمعي
نجلاء: (نترات يدها منو )انا جلسة معاك على قبل دراري وحنا غنطولو مع بعض حتى يكبرو يعني فهذا المدة حترم راسك وفرقني عليك وبلا متبقا تربطني بقوانين تاعك (يلاه غيهدر اوس كملات )واش قصة ايوب ورشيد كنعتبرهم خوتي
اوس:نجلاء انا فراسي وفراسك اش كين انتي غير ختهم بتبني وفشرع رهم غراب عليك الا فحالة وحدة الى ترضعتو مع بعض ومكنضنش تكنو ترضعتو حيت مكين حتى واحد قدك فالعمر دكشي علاش لزمي حدك
نجلاء: 😢(حسات بالدنيا كدور بيها ودموع فعنيها يلاه غدي تجاوبو قطعهم رشيد لي جرها من يدها)
رشيد:نجلاء بغيت نمشي نشوف إقبال عافك 😍
نجلاء: (كانت كتشوف ف اوس شحال وهي تنزل عنيها وبتسمات لخوها بزز)اه يلاه معيا نديكم تشفوها (تمشات هي ورشيد وامال داتهم فين كانت إقبال اما ايوب وفهد واوس دخلو عند الرجال واوس شد معاه اويس دخلات نجلاء هي وخوتها وشدات إقبال ورتها لهم شدها رشيد وجلس فواحد الجلسة بعيدة على العيلات كيلعب معها وامال جنبو كتبوس فيها ونجلاء جلسة معهم مرفوعة كتخمم فهدرت اوس لي دخلات لقلبها بحال السم )
نجلاء: (مع رسها)مالي دبا معصب من هدرتو وكنمرض فراسي انا فراسي ختهم الحقيقية وهوما خوتي وهوما كيبغيوني ويشفوني ختهم وخا براهيم ناكرني دبا مغديش ندي عليه ولا على زمل تاع اوس
(تحط الفطور تجمعو عليه فطرو العيلات والرجال وناضو يدبحو )
الجدة:نجلاء شدي اقبال واجي توقفي حتى يدبحو
نجلاء: لا الميمة ها خالتي غتشدها (هي محملاتش تخرج تشوف وجه اوس)
الجدة: لا انتي لي غتشديها يلاه قدامي
هزات نجلاء إقبال بين يديها وخرجات وامال هازة اويس خرجو العيلات كلهم لقاو الرجال فالجردة واقفين
أنت تقرأ
زواجي من صهري 💍مكتملة💍
Romance💎مكتملة💎 ❌حصرية على الواتباد ❌ ها واحد سلام عليكم حبيباتي بلسان الكاتبة: جبت ليكم بقصة جديدة بلا منقول عليها قمبولة💣 الموسم حيت انتما لي غتحكمو فالاخر واش قصة ناجحة ولا غير خربشة 😏 مممم قسوة الاب وفقدان الام 😢حب الاخوة👭👫 حنان الجدة👱 زوجة ا...
