حرب القبائل ينتهي بالثأر..

بارت22.

بارت 22

«لا إله إلا الله محمد رسول الله»

"‏غلطان من قال البشر ما بهم فرق
‏ أحد دواء لـ القلب و أحد يعله"

اليوم التالي..»»

في بيت أبو سالم...

حور بصراخ: ليااان وينتس فيّ..
ليان طلعت من الغرفة: هلا عمتي..
حور: تعالي هنا البسك زين ابوك جاي في الطريق..
ليان بضيق: طيب، بس مابي اروح وامي ماجت معه..
حور بتعاطف: طيب حبيبتي تعالي البسي وبعدها يصير خيرر..
جنة خرجت من المطبخ وهي تمسح يدها: هاه لبست ولا لسا؟!
ليان هزت راسها ببراءة وراحت تلبس:  انا كبيرة بلبس بنفسي..
جنة بضحك: فديت الكبير انا، يلا لا تتأخري و تعالي أمشّط لتس شعرتس بعدها.. 
حور لفت لها بعد ما راحت ليان: 
كسرت خاطري ماتبي تروح مع ابوها بدون امها...
جنه قعدت جنبها: ايه مسكينة الله يعينها عليه والله يهديه لها ولأمها، ما يعيبه إلا الجشع وحب الفلووس، ولا هو طيب وحليل بس يحب الفلوس اكثر من امي وابوي ههههههههههههه..
حور بحزن: ما في شي يضحك هذا مرض أعوذ بالله، الله لا يبلانا ويبعده عنا..
جنة بضيق: آمين يارب..

بعد دقايق جت لهم ليان وهي لابسة بس شكلها يضحك لابسة غلط ضحكت عليها حور وقامت تعدله لها و مشّطت جنة شعرها..
وهم يحمدون الله ان سالم جابها لهم لانهم يحبونها حيل واشتاقوا لها وهي بس تجي أحياناً في اجازة آخر الاسبوع لانهم عايشين في الرياض وعندهم دوامات..
جا سالم بعد نص ساعة وقعد نص ساعة ثانية سلم على امه و خواته
وقعد مع ليان شوي وصورها صورتين وراح لمكان ما جا وكأنه ما جا اصلاً
الكل حزن على حال ليان
بين أم و اب دائماً في مشاكل
ليان اصلاً صارت متعودة على المشاكل واذا مر يوم بدون مشاكل يكون بالنسبة لها يوم عيد وطول اليوم تصير فرحااانة...

« نــــــجــد »

بعد أسبوع من الأحداث

سلهام بملل: ياخي تعبت بموت من الملل!!
غزل وهي تعتدل بجلستها على الكنبة:  إيش بتسوي ؟
سلهام: مدري والله بس طفش!!!
هُتون: تعالي نلعب شي؟
سلهام بضحك: لا عشان تهزميني زي كل مره ههههههه بلاش أحسن..
سلطانة وهي تقفل الكتاب الي بيدها: تعرفون تسوون ميك آب؟
سلهام بحماس: هيه نعرف نسوي؟
غزل بضحك: وش فيتس كل شوي لهجة؟!
سلهام بضحك: مدري والله من كثر الملل طق لي عرق الحضر ههههههههههههه..
هُتون بابتسامة: أي نعرف نسوي ميك آب ليه؟
سلطانة بخجل: مدري ما أعرف اسوي انا، عادي تعلموني؟
سلهام بحماس: أكيد عادي
غزل: وش فيتس مستحية عادي كلنا كنا ما نعرف بس تعلمنا عادي ما فيها شي محد كامل!!
هُتون بابتسامة: إيه محد طالع من بطن أمه متعلم!
سلهام ضحكت وصارت تسحب سلطانة معها: أجل تعالي نسوي لك..
سلطانة: لا خلاص..
سلهام بحماس: اقول يلّا بلا هبل، نتسلّى شوي..
سلطانة مشت معها بهدوء..
سلهام قعدتها على كرسي التسريحة وهي ما عارضت وقعدت تناظر وش يسوون
غزل وهي تطلع عدة الميك آب: صراحة احسن وحدة فينا تسوي المكياج هُتون
سلهام: أي خلها تسوي لك هي،
هيّ الي علمتني ههههههه..
هُتون: اذا تبين يعني؟
سلطانة: سوي الي تبين سلمتك نفسي..
هُتون بدأت تسوي ميك آب وهي تعلمها ايش تسوي وكيف تدمج بشكل جداً هادي وانيق وشرحها كان يجنن و مفهوم
سلطانة كانت بطبيعة الحال سريعة الفهم و الحفظ بس حبّت طريقة هُتون في الشرح و وصلت المعلومة بأكمل وجه
بعد ربع ساعة تقريباً...»
هُتون بابتسامة: ماشاء الله تبارك الله عليك تهبلي..
سلهام كانت فوق السرير متمددة قفزت بسرعة أول ما شافت سلطانة: يمة وش ذا الزين كله ماشاء الله لا حول ولا قوة إلا بالله، عيونك يجننوا ما شاء الله كلك حلوة أصلاً..
غزل كانت تحت دخلت الغرفة انبهرت بشكل سلطانة: سبحان الخالق...
سلطانة ما شافت نفسها من أول
تحسبهم يجاملونها وفي نفسها:
انا وين والجمال وين الحمدلله بس..
هُتون بابتسامة إعجاب: شوفي نفسك طيب..
سلطانة ابتسمت بمجاملة ولفت للمراية تشوف نفسها و.....

يتبع:)